វារីអគ្គិសនីកំចាយដែលមានអានុភាព ១៩៣,២
មេហ្គាវ៉ាត់ នៅក្នុងឃុំម៉ាក់ប្រាង្គស្រុកទឹកឈូ ខេត្តកំពត បន្ទាប់ពីដំណើរការសាងសងអស់រយៈពេល ៤៥ ខែ ត្រូវបានដាក់ឲ្យដំណើរការជាផ្លូវការហើយ
នាព្រឹកថ្ងៃទី០៧
ខែធ្នូ ឆ្នាំ ២០១១ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជា និងវត្តមានឯកអគ្គរដ្ឋទូតនៃសាធារណៈរដ្ឋប្រជាមានិតចិនផងដែរ។
សម្តេចតេជោនាយករដ្ឋមន្ត្រី បានមានប្រសាសន៍ចាត់ទុកពិធីសម្ពោធដាក់ឲ្យប្រើប្រាស់ជាផ្លូវការនូវវារីអគ្គិសនីកំចាយ
នេះជាព្រឹត្តិការណ៍ប្រវត្តិសាស្ត្រមួយរបស់ព្រះរាជាណាចក្រកម្ពុជានៅ
ក្នុងការអភិវឌ្ឍន៍ទឹកដី។
សម្តេចអគ្គមហាសេនាបតីតេជោ ហ៊ុន
សែន បញ្ជាក់ថា
បញ្ហារបស់យើងនៅទីនេះ
មិនមែនជាបញ្ហាថ្មីថ្មោងនោះទេប៉ុន្តែជាបញ្ហានៃចក្ខុវិស័យនៃ
របបសង្គមរាស្ត្រនិយមនៃ ព្រះករុណាសម្តេចព្រះ
នរោត្តមសីហនុ ដែលនៅក្នុងដំណាក់កាលនោះបានសិក្សាវារីអគ្គិសនីនេះរួចម្តង
ហើយតាំងពីឆ្នាំ១៩៦៥
ប៉ុន្តែត្រូវបានបង្អាក់ដំណើរការទៅវិញដោយសារសង្គ្រាម។ ប្រសិនបើគ្មានរដ្ឋប្រហារ
និងទុកឲ្យដំណើរការអភិវឌ្ឍន៍ប្រទេសទាំងពីពេលនោះមក
ប្រហែលជាវារីអគ្គិសនីនេះ មានវ័យរហូត ៤០ ឆ្នាំជាង ឬជាង ៣០
ឆ្នាំទៅហើយ។
សម្តេចតេជោនាយករដ្ឋមន្រ្តី
ក៏បានមានប្រសាសន៍ឲ្យដឹងអំពីការខិតខំក្នុងការអភិវឌ្ឍន៍ វារីអគ្គិសនីកំចាយនេះតាមរយៈនៃការជួបទំនាក់ទំនងជាមួយថ្នាក់ដឹក
នាំនៃសាធារណរដ្ឋប្រជាមានិតចិន ដោយទទួលបានការគាំទ្រ និងបានបើកការដ្ឋានជានិមិត្តរូបនៅទីស្តីការគណៈរដ្ឋមន្ត្រី
ដែលជាការបើកការដ្ឋាន២ក្នុងពេលតែមួយគឺការដ្ឋានកសាងទីស្តី
ការគណៈរដ្ឋមន្ត្រីដែលជាជំនួយរបស់ចិននិងទី២ការដ្ឋាកសាង វារីអគ្គិសនីកំចាយនេះ។ ទាក់ទងនឹងការរិះគន់អំពីផលប៉ះពាល់នៃការអភិវឌ្ឍន៍
សម្តេចតេជោបានមានប្រសាសន៍ថា
គ្មានការអភិវឌ្ឍន៍ណាមួយ ដែលមិនប៉ះពាល់ដល់បរិស្ថាននោះទេ ។ សម្តេចតេជោថ្លែងថា ប្រទេសខ្លះផលិតយកប្រេងការ
ដោយខួងយកប្រេងនៅក្នុងដីរហូតដល់មាន រញ្ជួយផែនដី។ ការពិតយើងគ្រាន់តែជាប្រទេសរងគ្រោះពីឧស្សាហកម្មធំៗ
ហើយអ្នកដែលធ្វើឲ្យពិភពលោកប្រែប្រួលអាកាសធាតុគឺប្រទេសអ្នកមានព្រោះផ្សែងដែលភាយចេញពីរោងចក្រ
បានបង្កើតជាឧស្ម័នផ្ទះកញ្ចក់
ដែលជាមូលហេតុនោះឲ្យមានការប្រែប្រួលអាកាសធាតុនេះ។
សម្តេចតេជោនាយករដ្ឋមន្ត្រី
ថ្លែងថា ខ្ញុំសូមផ្តាំផ្ញើទៅពួកបរិស្ថានជ្រុលនិយម
សូមកុំហួសហេតុពេក សូមមើលព្រៃទាំងមូលកុំមើលឈើមួយដើមៗ
ត្រូវគួបផ្សំរវាងការមើលព្រៃទាំងមូល នឹងមើលឈើមួយដើមៗផងដែរ។ សម្តេចតេជោថ្លែងថា
វារីអគ្គីសនីកំចាយនេះបម្រើមនុស្ស បានរាប់លាននាក់ ថ្វីត្បិតតែវាមានផលប៉ះពាល់ដល់មុខរបរខ្លះៗ
ប៉ុន្តែយើងអាចផ្ទេរប្រជាពល រដ្ឋទាំងនោះឲ្យទៅប្រកបមុខរបរផ្សេងៗទៀតបាន។
ឯកឧត្តម ស៊ុយ សែម រដ្ឋមន្ត្រីក្រសួងឧស្សាហកម្មរ៉ែ និងថាមពល បានថ្លែងឲ្យដឹងថា
គម្រោងវារីអគ្គិសនីកំចាយនេះ មានប្រភពនៅតំបន់ ជួរភ្នំដំរីក្នុងភាគនិរតីនៃប្រទេសកម្ពុជា។
ជារៀងរាល់ឆ្នាំ ស្ទឹងកំចាយដែលមានប្រវែង៧០ គីឡូម៉ែត្រ
និងមានផ្ទៃរងទឹកភ្លៀង៨២២គីឡូម៉ែត្រក្រឡា ត្រងយកទឹកភ្លៀងបានប្រមាណ២.០០០
លានម៉ែត្រគូប។ គម្រោងវារីអគ្គិសនីកំចាយ គឺជាគម្រោងដែលស្ថិតក្នុងកម្មវត្ថុនៃការសិក្សាអស់រយៈពេលជាច្រើន
ឆ្នាំ ។កាលពីទសវត្សឆ្នាំ៦០រដ្ឋាភិបាលជំនាន់នោះមានផែនការអភិវឌ្ឍម្តង
រួចមកហើយ
ក្នុងក្របខណ្ឌជំនួយរបស់អតីតសហភាពសូវៀត។ប៉ុន្តែសង្រ្គាមនៅឆ្នាំ
១៩៧០-១៩៧៥ បានបង្អាក់ការ សាងសង់គម្រោងនេះទៅវិញ។ ឯកឧត្តម ស៊ុយ សែម បានបន្តថា នៅខែមីនា
ដល់ឧសភា ឆ្នាំ២០០៤ ក្រសួងឧស្សាហកម្មរ៉ែ និងថាមពល
បានរៀបចំដាក់គម្រោងនេះឲ្យក្រុមហ៊ុន
ឯកជនចូលដេញថ្លៃប្រកួតប្រជែងជាលក្ខណៈអន្តរជាតិតាមការសម្រេច
របស់រាជរដ្ឋាភិបាល ។ក្នុងការដេញថ្លៃនោះក្រុមហ៊ុនវារីអគ្គិសនីដ៏ធំមួយមកពីប្រទេសចិន
ឈ្មោះថាសាជីវកម្ម ស៊ីណូហាយដ្រូ បានទទួលចំណាត់ថ្នាក់ទី១។ កិច្ចព្រមព្រៀងគម្រោង
វារីអគ្គិសនីនេះ
មានទំហំវិនិយោគសរុប២៨០,៥៤លានដុល្លាអាមេរិក,មានរយៈពេលសម្បទាន៤៤
ឆ្នាំ ក្នុងនោះ៤ឆ្នាំសំរាប់ធ្វើការសាងសង់
និង៤០ឆ្នាំសំរាប់ធ្វើអាជីវកម្ម។ បរិមាណអគ្គិសនីជាមូលដ្ឋាន
សំរាប់ធ្វើការទូទាត់គឺ៤៩៨លានគីឡូវ៉ាត់ម៉ោងក្នុង១ឆ្នាំ។ អត្រាថ្លៃលក់គិតជាមធ្យមក្នុងរយៈពេល៤០ឆ្នាំគឺ៨,០០៨សេនអាមេរិក
ក្នុង១គីឡូវ៉ាត់ម៉ោង។ គម្រោងនេះបានចាប់ផ្តើមសាងសង់នៅថ្ងៃទី២០ ខែមីនា
ឆ្នាំ២០០៨ និងបានបញ្ចប់ការសាងសង់ជាស្ថាពរនៅថ្ងៃនេះ
ពោលគឺចំណាយអស់រយៈពេល៤៥ខែ
លើរយៈពេលគ្រោងទុក៤៨ខែ។ថាមពលដែលផលិតបានពីគម្រោងកំចាយនឹងធ្វើ ការចែកចាយនៅខេត្តកំពត
និងខេត្តកែបមួយចំនួន និងសល់បញ្ជូនទៅរាជធានីភ្នំពេញ និងខេត្ត
ព្រះសីហនុ តាមគម្រោងសហប្រតិបត្តិការជាមួយដៃគូអភិវឌ្ឍន៍នានា។
លោក ស៊ុន ហុងស៊ុយ (SUN HONG SHUI) អគ្គនាយកសាជីវកម្មស៊ីណូហ៊ីដ្រូ
មានប្រសាសន៍ថា
គំរោងវារីអគ្គិសនីកំចាយ តាំងពីចាប់ផ្តើមដំណើរការសាងសង់រហូតដល់ដំណើរការជាផ្លូវការបានទទួលនូវការគាំទ្រ
និង ការយកចិត្តទុកដាក់ពីរដ្ឋាភិបាលនៃប្រទេសទាំងពីរ និង ពីសំណាក់សហគ្រាសនានា
ដែលមានអាជីវកម្មដូចគ្នា ជាមួយគ្នានេះគំរោងនេះបានផ្តល់ឱកាស ការងារដល់ប្រជាពលរដ្ឋរាប់ម៉ឺននាក់
ព្រមទាំងបានធ្វើឲ្យមានការអភិវឌ្ឍន៍ក្នុងខេត្តកំពត និង
រមនីយដ្ឋានទេសចរណ៍នៃតំបន់ទឹកឈូផងដែរ។ ជាងនេះទៅទៀត ក្រុមហ៊ុនបានសាងសង់ និង
ជួសជុលផ្លូវថ្នល់តាមស្រុក ភូមិ ប្រមាណ ៣០ គីឡូម៉ែត្រ ស្ពានចំនួន៣ ព្រមទាំងដោះ
ស្រាយផលប៉ះពាល់ជូនពលរដ្ឋក្នុងតំបន់នេះ ចំណាយអស់ថវិកា ៣ លានដុល្លាអាមេរិក
និង បានឧបត្ថម្ភថវិកាចំនួន ៣០ ម៉ឺនដុល្លាអាមេរិក
ដើម្បីបំរើដល់សកម្មភាពមនុស្សធម៌របស់ កាកបាទក្រហមកម្ពុជាដែរ។
សូមបញ្ជាក់ថា វារីអគ្គិសនីដែលរាជរដ្ឋាភិបាលក្រោមការដឹកនាំប្រកបដោយគតិបណ្ឌិតរបស់
សម្តេចអគ្គមហាសេនាបតីតេជោ ហ៊ុន សែន ខិតខំអភិវឌ្ឍន៍កន្លងមករួមមានវារីអគ្គិសនី
គីរីរម្យ១ មានអានុភាព១២មេហ្គាវ៉ាត់ បានដាក់ឲ្យដំណើរការនៅឆ្នាំ២០០២ និង វារីអគ្គិសនីកំចាយ
អានុភាព ១៩៣,២មេហ្គាវ៉ាត់, ដែលសម្ពោធនាថ្ងៃនេះ។ វារីអគ្គិសនីគីរីរម្យ៣
អានុភាព១៨ មេហ្គាវ៉ាត់ គ្រោងនឹងសម្ពោធខែមេសាឆ្នាំ២០១២,
វារីអគ្គិសនីស្ទឹងអាតៃ ១២០មេហ្គាវ៉ាត់
គ្រោងដាក់ឲ្យដំណើរការចុងឆ្នាំ២០១៣,វារីអគ្គិសនីស្ទឹងតាតៃ អានុភាព
២៤៦មេហ្គាវ៉ាត់ គ្រោងដាក់ឲ្យដំណើរការនៅឆ្នាំ២០១៤,វារីអគ្គិសនីស្ទឹងឫស្សីជ្រុំក្រោម
អានុភាព៣៣៨មេហ្គាវ៉ាត់ គ្រោងដាក់ឲ្យដំណើរការឆ្នាំ២០១៥។រោងចក្រអគ្គិសនីប្រើធ្យូងថ្មទី១ដំណាក់
កាលទី១ អានុភាព១០០មេហ្គាវ៉ាត់
គ្រោងដំណើរការចុងឆ្នាំ២០១៣,និងដំណាក់កាលទី២ អានុភាព ១៣៥មេហ្គាវ៉ាត់
គ្រោងដាក់ឲ្យដំណើរការឆ្នាំ២០១៦។ រោងចក្រអគ្គិសនីប្រើធ្យូងថ្មទី២
ដំណាក់កាលទី១ អានុភាព២៧០មេហ្គាវ៉ាត់
គ្រោងដាក់ឲ្យដំណើរការនៅឆ្នាំ២០១៤,និងមានគំរោងផលិតកម្ម
អគ្គិសនីជាច្រើនទៀតកំពុងសិក្សានិងពិភាក្សា
ដើម្បីឈានទៅអភិវឌ្ឍន៍ជាបន្តបន្ទាប់។