អគារសាលប្រជុំ រួមទាំងបណ្ណាល័យ
ក្នុងសាកលវិទ្យាល័យស្វាយរៀង ដែលកសាងឡើង ក្រោមជំនួយឧបត្ថម្ភដ៏សប្បរសធម៌របស់សម្តេចអគ្គមហាសេនាបតីតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត ប៊ុន រ៉ានី បានប្រារព្វពិធីសម្ភោធដាក់ឲ្យដំណើរការ
នៅព្រឹកថ្ងៃទី២៩ ខែធ្នូ ឆ្នាំ ២០១១។ ក្នុងពិធីដែលប្រព្រឹត្តទៅក្រោមអធិបតីភាពដ៏ខ្ពង់ខ្ពស់
សម្តេចអគ្គមហា សេនា បតីតេជោ ហ៊ុន សែន
ក៏មានការចែកសញ្ញាបត្រ ថ្នាក់បរិញ្ញាបត្រ និងថ្នាក់បរិញ្ញាបត្ររង
ជូនដល់និស្សិតចំនួន ៧៨៦នាក់ ដែលបាន បញ្ចប់ការសិក្សាដោយជោគជ័យ
នៅសាកលវិទ្យាស្វាយរៀង ក្នុងឆ្នាំសិក្សា ២០១០- ២០១១ផងដែរ។
មានប្រសាសន៍សំណេះសំណាល ទៅកាន់និស្សិតជ័យលាភី
នៃសាកលវិទ្យាល័យស្វាយរៀង សម្តេចអគ្គមហាសេនាបតីតេជោ
ហ៊ុន សែន បានវាយតំលៃខ្ពស់ ចំពោះសកម្មភាព សិក្សារៀនសូត្រ របស់និស្សិតនៅ
និង បង្រៀនរបស់ថ្នាក់ដឹកនាំសាស្រ្តាចារ្យ និង ក្នុងសាកលវិទ្យាល័យស្វាយរៀង
ដែលបានដំណើរការចាប់តាំងពីឆ្នាំ២០០៥ រហូតមកដល់បច្ចុប្បន្ន។
សម្តេចតេជោនាយករដ្ឋមន្រ្តី ក៏បានធ្វើការផ្តាំផ្ញើជូនដល់និស្សិតដែលបានបញ្ចប់ការសិក្សានៅទីនេះ
មួយផ្នែកស្វែងរកការងារធ្វើ និងមួយផ្នែក ទៀតត្រូវបន្តសិក្សាស្រាវជ្រាវ ដើម្បីឲ្យកំរិតជំនាញរបស់យើង
កាន់តែខ្ពង់ខ្ពស់ថែមទៀត សំដៅធ្វើយ៉ាងណាឲ្យជំនាញឯកទេស របស់យើងកាន់ តែទទួលបានជោគជ័យ
ថែម ទៀត។ ទាក់ទិនទៅនិងកសាងបណ្ណាល័យ ក្នុងសាកលវិទ្យាល័យស្វាយរៀង សម្តេចតេជោនាយករដ្ឋមន្រ្តី មានប្រសាសន៍ថា
បណ្ណាល័យនេះមិនគ្រាន់តែជាការជួយដល់ការ អាន និងសិក្សាស្រាវជ្រាវរបស់ សិស្ស
និស្សិត ក្នុងសាកលវិទ្យាល័យនេះប៉ុណ្ណោះទេ ប៉ុន្តែ វានិងរួមចំណែកជួយដល់អាន
និងការសិក្សាស្រាវជ្រាវពីសំណាក់ មន្រ្តីរាជការគ្រប់មជ្ឈដ្ឋាននានាផងដែរ។
សម្ដេចតេជោក៏បានមានប្រសាសន៍ ថ្លែងអំណរគុណ
ចំពោះសប្បុរសជន និងក្រុមហ៊ុននានា ដែលបានផ្ដល់អាហារូបករណ៍ ដល់និស្សិត
ឲ្យបានសិក្សានៅសាកលវិទ្យាល័យស្វាយរៀង ក្នុងនោះសម្ដេចតេជោ
ក៏បានសំដែងនូវការដឹងគុណចំពោះវិញ្ញាណក្ខ័ន្ធរបស់ឯកឧត្តម ហុក ឡងឌី
អតីតអគ្គស្នងការនគរបាលជាតិ និងបានថ្លែងអំណរគុណចំពោះឯកឧត្តម ហ៊ុន ណេង អភិបាលខេត្តកំពង់ចាម
ដែលជាស្ថាបនិកដ៏ឆ្នើម និងជាអ្នកផ្ដួចផ្ដើមបង្កើតសាកលវិទ្យាល័យស្វាយរៀងនេះ។
ឯកឧត្តម អ៊ឹម សិទ្ធី រដ្ឋមន្រ្តីក្រសួងអប់រំ យុវជន និងកីឡា មានប្រសាសន៍ឲ្យថា ក្រោមការចង្អុលបង្ហាញប្រកប
ដោយចក្ខុវិស័យវែងឆ្ងាយ និងការឧបត្ថម្ភគាំទ្រប្រកបដោយ ទឹកចិត្តសប្បរសធម៌ដ៏ថ្លៃថ្លាបំផុត
របស់សម្តេចតេជោនាយករដ្ឋមន្រ្តី
និងលោកជំទាវកិត្តិព្រឹទ្ធបណ្ឌិត ចំពោះវិស័យអប់រំ ក្រសួងបាននិងកំពុងខិតខំពង្រីក
អនុវិទ្យាល័យ ឲ្យបានគ្រប់ឃុំ សង្កាត់ និងខិតខំកសាងអគារសិក្សា នៅតាមបណ្តាខេត្ត
និងតំបន់ដាច់ស្រយាលនៅទូទាំងប្រទេស ដើម្បីសំរួលដល់កូនចៅប្រជាពលរដ្ឋគ្រប់ៗគ្នា។
ឯកឧត្តម រដ្ឋមន្រ្តីបានឲ្យដឹងថា បច្ចុប្បន្នព្រះរាជាណាចក្រកម្ពុជាយើងមានសិស្ស
និងនិស្សិតនៅគ្រប់ភូមិសិក្សាសរុបប្រមាណជាង ៣លាន ៥សែននាក់ ក្នុងចំណោមប្រជាពលរដ្ឋកម្ពុជាជាង
១៣លាននាក់។ ជាមួយគ្នានេះ នៅឧត្តមសិក្សា ចាប់ពីថ្នាក់បរិញ្ញាបត្ររង ដល់ថ្នាក់បណ្តិតមានចំនួន
២សែន ២ម៉ឺន ២ពាន់ ១៤៦នាក់ ក្នុងនោះនិស្សិតនារីមានចំនួន ៨ម៉ឺន៣ពាន់៧១៩នាក់
ស្មើនិងជាង៣៧%។
ឯកឧត្តម អ៊ឹម សិទ្ធី មានប្រសាសន៍ ថា សាកលវិទ្យាល័យស្វាយរៀង ត្រូវបានបង្កើតឡើងនៅឆ្នាំ២០០៥
ដោយឯកឧត្តម នាយ ឧត្តមសេនីយ៍ ហុក ឡងឌី និងឯកឧត្តម ហ៊ុន ណេង ក្រោមការជួយឧបត្ថម្ភពីសប្បរសជននានា
ជាពិសេសអ្នក ដែលមានដើមកំណើត នៅលើទឹកដីខេត្តស្វាយរៀង ដែលមាន អគារសរុប ១៣ស្មើ
និង ១១៩បន្ទប់ រួមទាំងអគារសាលប្រជុំដ៏ធំ និងបណ្ណាល័យដ៏ប្រណិត ដែលជាអំណោយ
ដ៏វិសេសវិសាលបំផុត របស់សម្តេចតេជោ និងលោកជំទាវកិត្តិព្រឹទ្ធបណ្ឌិត
ដែលបច្ចុប្បន្នកំពុងបណ្តុះបណ្តាលនិស្សិត ចាប់ពីកំរិតបរិញ្ញាបត្ររង
ដល់បរិញ្ញា បត្រជាន់ខ្ពស់ចំនួន ២ ពាន់ ៥៨០នាក់ ក្នុងនោះនិស្សិតនារីមានចំនួន
៩៩៣នាក់។
ជាមួយ គ្នានេះដែរ សម្តេចតេជោនាយករដ្ឋមន្រ្តី
ក៏បានប្រកាសឲ្យដឹងថា សម្តេចនឹងធ្វើដំណើរ ទៅកាន់សាធារណរដ្ឋសង្គមនិយមវៀតណាម
នៅថ្ងៃ ទី២ មករា ដើម្បីគោរពវិញ្ញាណក័្ខន្ធយុទ្ធមិត្តកម្ពុជា ចំនួន ៤៩ រូប
ដែលពលីជីវិតក្នុងបុព្វហេតុជាតិមាតុភូមិពេលបង្កើតកងរណសិរ្សសង្គ្រោះជាតិកម្ពុជា
និង ចូលរួម ក្នុងពិធីសម្ពោធសមិទ្ធផលនានា ដែលកសាងឡើង នៅលើទឹកដី
ទីតាំងប្រវត្តិសាស្ត្រ នៃចលនាតស៊ូបង្កើតអង្គភាព ១២៥ ដែលជាចំនុចចាប់ផ្តើមដំបូងគេ បង្អស់
នៃចលនាតស៊ូចេញ ពីប្រទេសវៀតណាម ដើម្បីរំដោះប្រទេសជាតិ ឲ្យរួចចាកផុត
ពីគ្រោះមហន្តរាយ ប្រល័យពូជសាសន៍ប៉ុលពត និង ឈានទៅដល់ថ្ងៃ ជ័យជំនះ
ជាប្រវត្តិសាស្រ្ត៧ មករា១៩៧៩។
សម្តេចនាយករដ្ឋមន្ត្រីមានប្រសាសន៍ថា
«ខ្ញុំនឹងថ្លែងសុន្ទរកថាមួយនៅក្នុង ថ្ងៃទី ២
មករាដើម្បីឲ្យសាធារណជនបានដឹងអំពីប្រវត្តិនៃការកកើតកងកម្លាំងប្រដាប់អាវុធសាមគ្គី
សង្គ្រោះជាតិកម្ពុជា នៅលើទឹកដីនៃប្រទេសវៀតណាម។សម្តេចតេជោថ្លែងថា
យើងបានឲ្យសារៈ សំខាន់ខ្លាំងណាស់នៅតំបន់ផ្នូរយុទ្ធមិត្រកម្ពុជារបស់យើង
ដែលមានសរសេរអក្សរថា«ទិវាបុណ្យចាត់
តាំងកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា អង្គភាព ១២៥
ហើយអ្វីទៅជាអង្គភាព ១២៥ នោះគឺ ថ្ងៃ ១២ ខែ ៥»
ដែលនេះជាការចាប់ផ្តើមចេញមុខបើកវគ្គ ប៉ុន្តែរឿងរ៉ាវវាមានវែងឆ្ងាយលើសពី
នោះ។
សូមបញ្ជាក់ថា វិមានអនុស្សាវរីយ៍កងទ័ពពលីនៅទីតាំងប្រវត្តិសាស្ត្រនេះ
ស្ថិត នៅក្នុងឃុំឡុងយ៉ាវ ស្រុកឡុងខាញ់ ខេត្តឡុងណាយ នៃសាធារណរដ្ឋសង្គមនិយម
វៀតណាម។
