សម្តេចអគ្គមហាសេនាបតីតេជោ ហ៊ុន សែន
ថ្លែងថា រាជរដ្ឋាភិបាលនៅតែចាត់ទុក ថា ការកាត់បន្ថយភាពក្រីក្រ និង
ការគាំពារសង្គមគឺជាបញ្ហាអាទិភាពរបស់ខ្លួន ដោយក្នុងនោះរាជ
រដ្ឋាភិបាលកំពុងបំពេញភារកិច្ចដោយសកម្មក្នុងការកាត់បន្ថយនូវ
ភាពក្រីក្ររបស់ប្រជាជនតាមរយៈ ការ
ធានាឲ្យបាននូវកំណើនសេដ្ឋកិច្ចប្រកបដោយចីរភាពក្នុងកម្រិតខ្ពស់ពី
៦% ទៅ ៧% ក្នុងរយៈពេល
វែងការបែងចែកផ្លែផ្កានៃកំណើនសេដ្ឋកិច្ចប្រកបដោយសមធម៌ និង
ការប្រើប្រាស់ និង ការគ្រប់គ្រង ធនធានធម្មជាតិប្រកបដោយចីរភាព។
ថ្លែងនៅ
ក្នុងពិធីបើកវេទិកាជាតិ
ស្តីពីការផ្សព្វផ្សាយយុទ្ធសាស្ត្រជាតិគាំពារសង្គមសម្រាប់ជន
ក្រីក្រ និង ជនងាយរងគ្រោះនៅកម្ពុជានៅវិមានសន្តិភាពនាថ្ងៃទី ៥
ខែធ្នូ ឆ្នាំ២០១១ សម្តេចនាយករដ្ឋមន្ត្រីថ្លែងថា
ខ្ញុំយល់ថា យុទ្ធសាស្ត្រជាតិគាំពារសង្គមសម្រាប់ជនក្រីក្រ និង
ជនងាយរងគ្រោះនៅកម្ពុជា ដែលយើងបានប្រារព្ធពិធីនៅថ្ងៃនេះ
គឺជាសកម្មភាពជាក់ស្តែងនៃការ
អនុវត្តផែនការយុទ្ធសាស្ត្រអភិវឌ្ឍជាតិបច្ចុប្បន្នកម្ម ២០០៩-២០១៣
ដែលជារបៀបវារៈគោលនយោបាយសង្គម-សេដ្ឋកិច្ចរបស់រាជរដ្ឋាភិបាល
ដែលសកម្មភាពនេះពិតជាបានឆ្លុះបញ្ចាំងពីការប្តេជ្ញាចិត្ត
យ៉ាងមុតមាំរបស់រាជរដ្ឋាភិបាលលើបទពិសោធន៍ និង
សកម្មភាពសម្របសម្រួលនៅកម្ពុជា ដើម្បីរួម ចំណែកដល់ការស្តារ និង
អភិវឌ្ឍសេដ្ឋកិច្ច ព្រមទាំងការកាត់បន្ថយភាពក្រីក្ររបស់ប្រជាជន និង ការ
សម្រេឲ្យបាននូវគោលដៅអភិវឌ្ឍសហស្សវត្សរ៍។
សម្តេចតេជោ
មានប្រសាសន៍ថា ជាការពិតការអនុវត្តយុទ្ធសាស្ត្រនេះនឹងទាមទាឲ្យ
ពង្រីកបន្ថែមនូវអន្តរាគមន៍ ដែលមានស្រាប់ ការពង្រឹងសមត្ថភាពស្ថាប័ន
និង
ការបង្កើតឡើងនូវកម្មវិធីថ្មីៗដើម្បីគ្របដណ្តប់លើការងារចន្លោះប្រហោង
ហើយជំហានបន្ទាប់សម្រាប់ការអនុវត្តយុទ្ធសាស្ត្រ
នេះគឺការកំណត់ឲ្យឃើញ និង
ឲ្យបានច្បាស់នូវសកម្មភាពដែលនឹងត្រូវអនុវត្តក្នុងដំណាក់កាលខ្លី
ដើម្បី រក្សាស្ថិរភាព និង
និរន្តរភាពនៃការរីកចម្រើនលើការងារគាំពារសង្គម
ដែលរាជរដ្ឋាភិបាលសម្រេចបាននាពេលកន្លងមក។ នៅក្នុងដំណាក់កាលខ្លី និង
មធ្យមយុទ្ធសាស្ត្រជាតិគាំពារសង្គមនឹងផ្តល់អាទិភាព
លើការរៀបចំបង្កើតសំណាញ់សុវត្ថិភាពសង្គម ដែលមានប្រសិទ្ធភាព និង
និរន្តរភាពដែលផ្តោតលើជនក្រីក្រ និងជនងាយរងគ្រោះ
ជាមួយនឹងសេវាសុខុមាលភាពសម្រាប់ក្រុមជនងាយរងគ្រោះ។
សម្តេចតេជោនាយករដ្ឋមន្រ្តីមានប្រសាសន៍ពន្យល់
ថា ក្នុងដំណាក់កាលវែងយុទ្ធសាស្ត្រជាតិគាំពារសង្គមសម្រាប់
ជនក្រីក្រនឹងជនងាយរងគ្រោះនឹងកំណត់ក្របខណ្ឌគាំពារសង្គម
ដែលមាននិរន្តរភាព និង ស៊ីជម្រៅ សម្រាប់ប្រជាជនកម្ពុជាគ្រប់រូប
ជាមួយនឹងកញ្ចប់ជំនួយឧបត្ថម្ភ និង សេវាមូលដ្ឋាន ដែលមានលក្ខណៈ សមរម្យ
គឺ អាស្រ័យទៅតាមការវិវត្តន៍ឈានឡើងនៃការអភិវឌ្ឍសេដ្ឋកិច្ចជាតិ។ សម្តេចអគ្គមហាសេនាបតីតេជោ ហ៊ុន សែន
មានប្រសាសន៍ចាត់ទុក
វេទិកាជាតិស្តីពីការផ្សព្វផ្សាយយុទ្ធសាស្ត្រជាតិគាំពារសង្គម
សម្រាប់ជនក្រីក្រ និង ជនងាយរងគ្រោះ
ពិតជាមានសារៈសំខាន់សម្រាប់ថ្នាក់ដឹកនាំនៃរាជរដ្ឋាភិបាល
មន្ត្រីជាន់ខ្ពស់ទាំងអស់
ដែលទទួលបន្ទុកគ្រប់គ្រងកិច្ចការអភិវឌ្ឍសង្គម និង
មូលដ្ឋានដើម្បីពិនិត្យ និង ឆ្លុះ បញ្ចាំងឡើងវិញអំពីគោលនយោបាយ និង
ការអនុវត្តជាក់ស្តែងនានា ដែលជាបញ្ហាអាទិភាព និង មាន
បច្ចុប្បន្នសម្រាប់ប្រទេស និង ប្រជាជនកម្ពុជាក្នុងរយៈពេលកន្លងមក
ដែលកម្ពុជាបានទទួលរងនូវ ផលប៉ះពាល់ពីវិបត្តិសេដ្ឋកិច្ចសកល និង
ហានិភ័យនៃការប្រែប្រួលអាកាសធាតុ។
អង្គការ
UNICEF,WFP និង អង្គការ ILO បានជួយឧបត្ថម្ភទាំងថវិកា និង បច្ចេកទេស
វេទិកាជាតិនេះ
ក្រោមកិច្ចសហការជាមួយក្រុមប្រឹក្សាស្តារអភិវឌ្ឍវិស័យកសិកម្ម និង
ជនបទ ដែលមានការចូលរួម ពីស្ថាប័នពាក់ព័ន្ធ និង
វិស័យគាំពារសង្គមនៅថ្នាក់ជាតិ និង ថ្នាក់ក្រោមជាតិចំនួន ជាង ៦០០
នាក់។
លោក ឌូក្លាស ប្រូឌីរីក
អ្នកសម្របសម្រួលអង្គការសហប្រជាជាតិប្រចាំកម្ពុជា មានប្រសាសន៍ ថា
អង្គការសហប្រជាជាតិសូមគាំទ្រទាំងស្រុងដល់ការអនុវត្តយុទ្ធសាស្ត្រជាតិ
គាំពារសង្គមដោយរាជ រដ្ឋាភិបាល ពិសេស
ដើម្បីធានាឲ្យមានការចូលរួមពេញលេញពីសំណាក់ក្រសួងស្ថាប័នពាក់ព័ន្ធ
ទាំង អស់ ដែលជាស្នូលកណ្តាលនៃការធានាថា
វិសាលភាពនៃការគាំពារសង្គមនឹងត្រូវមានសុខុដុមនីយ ភាព និង
ពង្រីកលើគ្រប់វិស័យសាធារណៈ។
លោក ឌូក្លាស
ថ្លែងថា ក្នុងដំណើរឆ្ពោះទៅកាន់ឆ្នាំ ២០១៥
ដែលជាឆ្នាំគោលដៅអភិវឌ្ឍសហស្សវត្ស
អង្គការសហប្រជាជាតិបានបង្កើតផែនការអភិវឌ្ឍ ៥ ឆ្នាំថ្មី មួយ
ដែលមានឈ្មោះថា ក្របខណ្ឌជំនួយអភិវឌ្ឍនៃអង្គការសហប្រជាជាតិ
ហើយសរសរស្តម្ភទាំង ៥ ដែលជាវិស័យអាទិភាពនៃផែនការនេះ
រួមមានកំណើនសេដ្ឋកិច្ច និង ការអភិវឌ្ឍដោយនិរន្តរភាព សុខាភិបាល និង អប់រំ
សមភាពយេនឌ័រ អភិបាលកិច្ច និង ការគាំពារសង្គម។ លោក ឌូក្លាស ប្រូឌីរីក
បានអះអាងថា យើងខ្ញុំសូមបន្តធ្វើការ យ៉ាងជិតស្និទ្ធ
ជាមួយរាជរដ្ឋាភិបាលកម្ពុជា និង
ដៃគូទាំងអស់ដើម្បីគាំពារដល់វឌ្ឍនភាពនៃវិស័យនេះ ពិសេស
យើងខ្ញុំទាំងអស់គ្នានឹងសូមចាប់ផ្តើមធ្វើដំណើរលើគន្លងផ្លូវដ៏
វែងឆ្ងាយ និង ដែលពោពេញ ដោយការប្រឈមនៃការអនុវត្តយុទ្ធសាស្ត្រនេះ។
សូម
បញ្ជាក់ថា យុទ្ធសាស្ត្រជាតិគាំពារសង្គមសម្រាប់ជនក្រីក្រ និង
ជនងាយរងគ្រោះនៅកម្ពុជា ត្រូវបានចំណាយពេលជិត ២
ឆ្នាំដើម្បីរៀបចំតាក់តែង និង
បានទទួលការអនុម័តពីសម័យប្រជុំពេញអង្គគណៈរដ្ឋមន្ត្រីកាលពីថ្ងៃទី ១៨
មីនាឆ្នាំ ២០១១ ។ យុទ្ធសាស្ត្រនេះដោយមានគោលដៅរួម ដើម្បីបង្ហាញ និង
ពិភាក្សាលើនីតិវិធី និង គោលការណ៍ណែនាំរួម
នៃការអនុវត្តយុទ្ធសាស្ត្រគាំពារ សង្គមនេះ នៅថ្នាក់ជាតិ និង
ថ្នាក់ក្រោមជាតិ ហើយក៏ដើម្បីបង្ហាញ និង
ពិភាក្សាលើកម្មវិធីពគាំពារសង្គមនានា
ដែលមានស្រាប់មួយចំនួននាពេលបច្ចុប្បន្ន និង អភិក្រមចម្រុះ
ក្នុងការអនុវត្ត។
ឯកឧត្តម យឹម ឆៃលី
ឧបនាយករដ្ឋមន្ត្រី និង
ជាប្រធានក្រុមប្រឹក្សាស្តារអភិវឌ្ឍវិស័យកសិកម្ម និង ជនបទ
មានប្រសាសន៍ឲ្យដឹងថា រាជរដ្ឋាភិបាលកម្ពុជាក្រោមការដឹងនាំរបស់សម្តេចអគ្គមហាសេនាបតីតេជោ ហ៊ុន សែន
បានសហការជាមួយនឹងអង្គការជាតិ-អន្តរជាតិ និង ស្តាប័នពាក់ព័ន្ធនានា
ដើម្បីលើកស្ទួយកាលានុវត្តភាពការងារ ការបន្ថយភាពងាយរងគ្រោះរបស់
ប្រជាជនក្រីក្រ អភិវឌ្ឍហេដ្ឋារចនាសម្ព័ន្ធរូបវ័ន
កែលម្អប្រព័ន្ធសុខាភិបាល និង រៀបចំប្រព័ន្ធអប់រំឲ្យរឹត
តែមានប្រសិទ្ធភាព និង គុណភាព
ដែលជាការឆ្លើយតបទៅនឹងតម្រូវការរបស់ប្រជាជន។ ឯកឧត្តម យឹម ឆៃលី
មានប្រសាសន៍ថា ខ្ញុំមានជំនឿយ៉ាងមុតមាំថា
វេទិកាជាតិនេះនឹងផ្តល់ឱកាសដ៏សំខាន់មួយ
សម្រាប់កិច្ចពិភាក្សាពិគ្រោះយោបល់រវាងអ្នករៀបចំគោលនយោបាយនៃ
ក្រសួងស្ថាប័នពាក់ព័ន្ធ និង អង្គការជាតិ-អន្តរជាតិ ដើម្បីជម្រុញ និង
អនុវត្តប្រព័ន្ធសុវត្ថិភាពសង្គមមួយ ដែលមានប្រសិទ្ធភាព និង មានគុណភាព
រួមចំណែកក្នុងការធានាសម្រេចឲ្យបាននូវការកាត់បន្ថយអត្រានៃ
ភាពក្រីក្រឲ្យលើស ១%ក្នុងមួយឆ្នាំ
ស្រមតាមយុទ្ធសាស្ត្រចតុកោណដំណាកើកាលទី ២
របស់រាជរដ្ឋាភិបាលនីតិកាលទី៤ នៃរដ្ឋសភា។
ក្នុង
នីតិកាលទី ៣ កន្លងមករាជរដ្ឋាភិបាលកម្ពុជា
បានទទួលនូវសមិទ្ធផលគួរជាទីមោទនៈ
ក្នុងការអនុវត្តគោលនយោបាយប្រព័ន្ធសុវត្ថិភាពសង្គម
ដោយបានជួយសង្គ្រោះជនអនាថា ស្ត្រី កុមារ និង ជនរងគ្រោះដោយសារការជួញដូរ
គ្រួសារដែលទទួលរងគ្រោះដោយគ្រោះមហន្តរាយជាច្រើន និង
បានធ្វើការរៀបចំឲ្យមានការបណ្តុះបណ្តាលវិជ្ជាជីវៈជូនដល់ជនរងគ្រោះ
ជនអនាថា ជនពិការឲ្យមានមុខរបរ និង មានការងារធ្វើផងដែរ៕
