នៅវិមានសន្តិភាពកាលពីថ្ងៃទី ២០ ខែកុម្ភៈ ឆ្នាំ ២០១២ សម្តេចអគ្គមហាសេនាបតីតេជោ ហ៊ុន សែន
បានកោតសរសើរដល់ការខិតខំ
បំពេញភារកិច្ចរបស់ប្រឹក្សាជាតិកម្ពុជាដើម្បីស្ត្រី(ក.ជ.ក.ស)
និងបាន លើកទឹកចិត្ត ដោយផ្តល់អនុសាសន៍ឲ្យមានការខិតខំអនុវត្តន៍ជាបន្តទៀតសម្រាប់ឆ្នាំ នេះក៏ដូចជាបណ្តាឆ្នាំទៅមុខ។
ថ្លែង
នៅក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០១១
និងលើកទិសដៅសកម្មភាពការងារឆ្នាំ ២០១២
របស់ក្រុមប្រឹក្សាជាតិកម្ពុជាដើម្បីស្ត្រី(ក.ជ.ក.ស)
សម្តេចតេជោនាយករដ្ឋមន្ត្រីបាន
ជំរុញឲ្យ ក្រុមប្រឹក្សាជាតិកម្ពុជាដើម្បីស្ត្រី(ក.ជ.ក.ស)
មានការប្រឹងប្រែងក្នុងការផ្សព្វ
ផ្សាយអនុសញ្ញាស្តីពីការលុបបំបាត់រាល់ទម្រង់នៃការរើសអើង
ប្រឆាំងនឹងនារីភេទ(CEDAW)និង
ឯកសារពាក់ព័ន្ធឲ្យបានទូលំទូលាយរហូតដល់កម្រិតថ្នាក់ក្រុង ស្រុក
ខណ្ឌ ឃុំ សង្កាត់ និងបន្តចុះតាមដាន ការអនុវត្តច្បាប់
និងបទបញ្ញត្តិពាក់ព័ន្ធនានាផងដែរ។ សម្តេចតេជោ
ក៏បានស្នើឲ្យក្រសួងកិច្ចការនារីក៏ ដូចជាក.ជ.ក.ស
ធ្វើការតាមដានស្រាវជ្រាវរកមូលហេតុ
ដែលនិស្សិតជានារីនៅតាមគ្រឹះស្ថានឧត្តម សិក្សាទាំងរបស់រដ្ឋ
និងឯកជនមានចំនួនធ្លាក់ចុះការសិក្សានៅថ្នាក់អនុបណ្ឌិត
និងថ្នាក់បណ្ឌិត និងបានបើកច្រក ឲ្យមានការជជែក
ដើម្បីផ្តល់តួនាទីដល់ស្ត្រីអាចធ្វើការងាររហូតដល់អាយុ ៦០
ឆ្នាំផងដែរ។
នៅ
ក្នុងកិច្ចប្រជុំបូកសរុបលទ្ធផលការងារប្រចាំឆ្នាំ
របស់ក្រុមប្រឹក្សាជាតិកម្ពុជាដើម្បីស្ត្រី(ក.ជ.ក.ស)
បញ្ហាប្រឈមនានា ដែលនៅតែជាកង្វល់ដូចឆ្នាំកន្លងទៅ
គឺការធ្វើចំណាកស្រុករបស់ប្រជាពលរដ្ឋមួយចំនួនទៅរកការងារធ្វើ
នៅក្រៅប្រទេសដោយប្រថុយប្រថាន នៅតែមាននៅឡើយ។
បញ្ហានេះត្រូវបានកត់សម្គាល់ថា
បណ្តាលមកពីការងារផ្សព្វផ្សាយអំពីច្បាប់ពាក់
ព័ន្ធមិនទាន់បានទូលំទូលាយ និងស៊ីជម្រៅនៅទូទាំអប្រទេសនៅឡើយ។
កិច្ចសហការរវាងស្ថាប័ន ពាក់ព័ន្ធនៅកន្លែងមួយចំនួនមិនទាន់រលូនល្អ
ក្នុងកិច្ចអន្តរាគមន៍ជួយស្ត្រីក្រីក្ររងគ្រោះដោយអំពើហឹង្សា
អំពើរំលោភសេពសន្ថវៈ និងអំពើជួញដូរ។ សមត្ថភាព
និងលទ្ធភាពក្នុងការបំពេញភារកិច្ចរបស់
ថ្នាក់ដឹកនាំជាស្ត្រីថ្នាក់ក្រោមជាតិនៅមានកម្រិត។
ស្ត្រីក្នុងតួនាទីធ្វើសេចក្តីសម្រេចមានចំនួនច្រើនក្នុងវ័យត្រូវ
ចូលនិវត្តន៍។ ថ្នាក់ដឹកនាំជាស្ត្រីទាំងនៅថ្នាក់ជាតិ
និងថ្នាក់ក្រោមជាតិនៅតែជួបការលំបាកការបំពេញតួនាទី ភារកិច្ច
ដោយទទួលរងនូវការរើសអើង មើលស្រាល ហើយការជួយឧបត្ថម្ភគាំទ្រ និង
លើកទឹកចិត្តនៅមានកម្រិត។
លោកជំទាវ អ៊ឹង កន្ថាផាវី
រដ្ឋមន្ត្រីក្រសួងកិច្ចការនារី
និងជាប្រធានក្រុមប្រឹក្សាជាតិកម្ពុជាដើម្បីស្ត្រី(ក.ជ.ក.ស)
ថ្លែងថា តារាងសិក្សាស្វែងយល់ពីការលំបាក
និងបញ្ហាប្រឈមរបស់ស្ត្រីជាថ្នាក់ដឹកនាំនៅថ្នាក់ក្រោមជាតិបាន
បង្ហាញថា ស្ត្រីជាអភិបាលរងក្រុង ស្រុក ខណ្ឌនៅទូទាំងប្រទេស
នៅជួបការលំបាក ដោយមធ្យោបាយ
សម្រាប់បម្រើការងារនៅតាមមូលដ្ឋាននៅមានកង្វះខាតនៅឡើយ។
លោកជំទាវរដ្ឋមន្ត្រីមានប្រសាសន៍ថា សម្រាប់ឆ្នាំ ២០១២
ក្រុមប្រឹក្សាជាតិកម្ពុជាដើម្បីស្ត្រី
(ក.ជ.ក.ស) នឹងបន្តអនុវត្តតាមព្រះរាជានុសាសន៍ដ៏ខ្ពស់ខ្ពស់បំផុតរបស់សម្តេចព្រះវររាជមាតាជាតិខ្មែរ និង អនុសាសន៍របស់សម្តេចតេជោនាយករដ្ឋមន្ត្រី ក្នុង
គោលដៅលើកកម្ពស់ ស្ថានភាព សិទ្ធិសេរីភាព ឋានៈតួនាទី
និងជីវភាពរស់នៅរបស់ស្ត្រីកម្ពុជា។
បន្តតាមដានវាយតម្លៃការអនុវត្តអនុសញ្ញា CEDAW ច្បាប់ជាតិពាក់ព័ន្ធ
និងអនុសាសន៍របស់សម្តេចតេជោនាយករដ្ឋមន្ត្រី
នៅតាមខេត្ត និងរាជធានីភ្នំពេញ
ដើម្បីសិក្សាស្វែងយល់ពីការអនុវត្តលទ្ធផល បញ្ហាប្រឈម វិធានការ
និងសំណូមពរទាំងឡាយ ដើម្បីលើកជាអនុសាសន៍ជូនរាជរដ្ឋាភិបាល
បន្តផ្សព្វផ្សាយអនុសញ្ញា CEDAW ពិធីសារតាមជំរើសរបាយការណ៍ជាតិលើកទី ៤
និងលើកទី ៥ ស្តីពីការអនុវត្តអនុសញ្ញា CEDAW នៅកម្ពុជា និង
ឯកសារពាក់ព័ន្ធឲ្យបានទូលំទូលាយតាមរយៈសិក្ខាសាលា វិទ្យុ ទូរទស្សន៍
គេហទំព័រ ព្រឹត្តិបត្រ ប័ណ្ណ ផ្នត់និងរឿងអប់រំខ្លីៗជាដើម៕