រដូវកាលបោះឆ្នោត
ក្រុមប្រឹក្សាឃុំ/សង្កាត់ បានខិតជិតមកដល់ គណបក្សនយោបាយទាំងអស់ នៅកម្ពុជា
ក៏បាននិងកំពុងមមាញឹកស្វះស្វែងរកបេក្ខជនមានសមត្ថភាព
និងមានប្រជាប្រិយភាពគ្រប់ ច្រកល្ហកដើម្បីយកមកបង្ហាញ
និងបង្អួតដល់ប្រជាពលរដ្ឋខ្មែរ ក្នុងការត្រៀមលក្ខណៈដណ្តើមជ័យជំនះ សម្រាប់ការ
បោះឆ្នោតក្រុមប្រឹក្សាឃុំ/សង្កាត់ ឆ្នាំ២០១២ នាពេលខាងមុខ ។
ប៉ុន្តែរឿងគួរឲ្យសោកស្តាយ
គឺក្រុមគណបក្សជំទាស់ទាំងអស់នោះ ពុំមានលទ្ធភាព និងសមត្ថភាព
គ្រប់គ្រាន់អាចទាក់ទាញទឹកចិត្តប្រជាពលរដ្ឋខ្មែរឲ្យជឿជាក់លើគោល
នយោបាយ និងមេដឹកនាំរបស់ខ្លួន ទើបក្លាយជាឧបសគ្គយ៉ាងខ្លាំង
លើការស្វែងរកបេក្ខជនមកប្រកួតប្រជែងនៅលើទីលានប្រជាធិបតេយ្យ
នៃការបោះឆ្នោតក្រុមប្រឹក្សាឃុំ/សង្កាត់នេះ ។
បើយើងពិនិត្យមើលឲ្យបានដិតដល់
នឹងកាន់តែស៊ីជំរៅទៅលើក្រុមគណបក្សជំទាស់ទាំងអស់នោះ
យើងនឹងឃើញភ្លាមគឺពួកគេខ្វះខាតសព្វបែបយ៉ាងដូចជា គោលនយោបាយល្អ
មេដឹកនាំដែលអាចទុក ចិត្តបាន ពិសេសភាពទទួលខុសត្រូវនៅមានកម្រិត
នៃក្រុមការងារទ្រទ្រង់គណបក្សរបស់ពួកគេនៅតាម បណ្តាខេត្ត/រាជធានី។
ដោយឡែកចំពោះក្រុមគណបក្សជំទាស់ដែលទើបបង្កើតថ្មីថ្មោង
នៅមានភាពស្ទាក់ស្ទើរយ៉ាងខ្លាំង ក្នុងការចំណាយ
ពីព្រោះពួកគេដឹងច្បាស់ថានឹងមិនទទួលបានការគាំទ្រច្រើនពីប្រជាពលរដ្ឋទេ
ដែលអាច ធ្វើឲ្យខាតបង់ថវិកាឥតប្រយោជន៍ ជាពិសេសអាចនឹងមានប៉ះពាល់
ឬបាត់ការគាំទ្ររឹតតែខ្លាំងបន្ថែមទៀត ព្រោះភាពបរាជ័យ
នៃការបោះឆ្នោតក្រុមប្រឹក្សាឃុំ/សង្កាត់នេះ គឺជាការឆ្លុះយ៉ាងធំធេង
ទៅលើលទ្ធផល សម្រាប់ការបោះឆ្នោតជ្រើសតាំងសភាតំណាងរាស្រ្តនាឆ្នាំ២០១៣ ។
ហេតុផលខាលើនេះហើយ
ដែលក្រុមគណបក្សជំទាស់ទាំងអស់នោះ បានបង្វែរការទទួលខុសត្រូវ
ក្នុងគណបក្សខ្លួន ដោយបង្កើតជាលេសគ្រប់បែបយ៉ាងតាមតែអាចទៅរួច មកដាក់បន្ទុក ឬ
ទម្លាក់កំហុស មកលើ គណៈកម្មាធិការជាតិរៀបចំការបោះឆ្នោតថាមិនសេរី
មិនយុតិ្តធម៌ និងគណបក្សប្រជាជនកម្ពុជា
ជាគណបក្សកាន់អំណាចថាដើរគំរាមកំហែងសកម្មជនពួកគេមិនឲ្យឈរជាបេក្ខជនគណបក្សរបស់ខ្លួន
។
តាមពិតទៅ
នេះគឺគ្រាន់តែជាលេស សម្រាប់ឲ្យមតិជាតិ អន្តរជាតិមួយចំនួន ដែលខ្វះការតាមដាន
និង ពិចារណាដោយម៉ត់ចត់នោះ អាចនឹងវង្វេងព័ត៌មាន និង ស្មារតី
ហើយងាកទៅរកភាពអាណិតអាសូរ លើកកលល្បិចនយោបាយបោកបញ្ឆោតដោយមិនដឹងខ្លួន ។
សរុបសេចក្តីមក
អ្វីៗដែលគណបក្សជំទាស់ទាំងអស់ អំពាវនាវឲ្យមតិជាតិ និង អន្តរជាតិ ជួយនោះ
គឺជាល្បិចចុងក្រោយ
សម្រាប់ការបិទបាំងនូវភាពបរាជ័យដែលមិនទាន់មកដល់តែប៉ុណ្ណោះ ។
ភូមិន្ទ