គ្រូបង្រៀន
កម្រិតឧត្តម(បរិញ្ញា+១)ជំនាន់ទី ១៦
និងគ្រូបង្រៀនកម្រិតមូលដ្ឋានឯកទេសភាសាបារាំង-ខ្មែរ ជំនាន់ទី១៣
សរុបចំនួន ១០៣២ នាក់
ទទួលបានសញ្ញាបត្របញ្ចប់ការសិក្សាក្លាយជាគ្រូបង្រៀននាព្រឹក
ថ្ងៃទី ៦ ខែមីនា ឆ្នាំ ២០១២ ក្រោមអធិបតីភាពឯកឧត្តមបណ្ឌិតសភាចារ្យ សុខ អាន និងលោកជំទាវ។
ថ្លែងក្នុងពិធី ដែលប្រារព្ធធ្វើនៅវិទ្យាស្ថានជាតិអប់រំ ក្នុងនាមតំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន និងលោកជំទាវ កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឯកឧត្តមបណ្ឌិតសភាចារ្យ សុខ អាន បាន
ចាត់ទុកការប្រគល់សញ្ញាបត្រជូនគរុសិស្សចំនួន ១០៣២ នាក់
ជាលទ្ធផលគួរជាទីមោទនៈ ដែលវិទ្យាស្ថានអប់រំ
ក៏ដូចជាក្រសួងអប់រំយុវជន និងកីឡា សម្រេចបាននាពេលកន្លងមក
ដោយឆ្លើយតបយ៉ាងសមស្របនិងទាន់ពេលវេលាទៅនឹងគោលនយោបាយរបស់
រាជរដ្ឋាភិបាល និងសេចក្តីត្រូវការរបស់ប្រទេសជាតិ
ក្នុងការអភិវឌ្ឍន៍ធនធានមនុស្សប្រកបដោយគុណវុឌ្ឍិខ្ពស់
ដើម្បីក្លាយជាកម្លាំងប្រកបដោយសក្តានុពល
ក្នុងការជួយជម្រុញដល់កំណើនសេដ្ឋកិច្ច និងកាត់បន្ថយភាពក្រីក្រ។
ឯកឧត្តមបណ្ឌិតសភាចារ្យ សុខ អាន មាន
ប្រសាសន៍ថា ក្នុងបរិបទនៃការវិវត្តឥតឈប់ឈរក្នុងពិភពលោក
ជាពិសេសការរីកលូតលាស់នៃបច្ចេកវិទ្យាព័ត៌មានវិទ្យា
និងគមនាគមន៍ (ICT) ទាមទារឲ្យយើងអភិវឌ្ឍន៍ទាំងបច្ចេកទេស
គរុកោសល្យ និងឯកសារសិក្សាស្រាវជ្រាវ
ព្រមទាំងត្រូវចិត្តទុកដាក់លើការលើកកម្ពស់គុណភាពអប់រំ
ក្នុងវិស័យអប់រំ និងបណ្តុះបណ្តាលវិជ្ជាជីវៈ។
ឯកឧត្តមបណ្ឌិតសភាចារ្យ សុខ អាន បញ្ជាក់ថា
បើការអប់រំមិនធានាបាននូវគុណវុឌ្ឍិទេនោះការអប់រំ
និងការបណ្តុះបណ្តាលនឹងគ្មានន័យ ហើយរាល់ការចំណាយទាំងថវិកា
និងស្មារតី នឹងខ្ជះខ្ជាយឥតប្រយោជន៍ ពីព្រោះថា
ការអប់រំដែលគ្មានគុណភាព
មិនត្រឹមតែបំផ្លាញអនាគតរបស់សិស្សនិស្សិតប៉ុណ្ណោះទេ
ប៉ុន្តែថែមទាំងបង្កក្តីអន្តរាយដល់ធនធានរបស់ប្រទេសជាតិទាំង
មូល
ដែលនេះនឹងធ្វើឲ្យប្រទេសជាតិបាត់បង់នូវសមត្ថភាពក្នុងការប្រកួត
ប្រជែងលើកគ្រប់វិស័យ
និងរារាំងដល់កិច្ចខិតខំលើកកម្ពស់កម្រិតជីវភាពប្រជាជន
និងការអភិវឌ្ឍន៍សេដ្ឋកិច្ចយើងថែមទៀត។
ជាមួយនិងការរំលឹកឲ្យដឹងអំពីគោលនយោបាយរបស់រាជរដ្ឋាភិបាលកម្ពុជា ក្រោមការដឹកនាំដ៏ត្រឹមត្រូវរបស់សម្តេចអគ្គមហាសេនាបតីតេជោ ហ៊ុន សែន ដែល
ចាត់ទុកការអភិវឌ្ឍន៍ធនធានមនុស្សប្រកបដោយគុណភាព
និងការប្រើប្រាស់ធនបញ្ញារបស់ប្រទេសជាតិ ប្រកបដោយប្រសិទ្ធភាព
ជាចក្ខុវិស័យរយៈពេលវែងសម្រាប់អភិវឌ្ឍន៍ប្រទេស
ឯកឧត្តមបណ្ឌិតសភាចារ្យ សុខ អាន បានណែនាំឲ្យក្មួយៗ
គរុសិស្សដែលទទួលសញ្ញាបត្រ
ទាំងអស់ខិតខំបំពេញភារកិច្ចឲ្យបានល្អប្រសើរ
ហើយត្រូវខិតខំប្រឹងប្រែងកសាងបុគ្គលិកលក្ខណៈផ្ទាល់ខ្លួន
និងយកចំណេះដឹងដែលទទួលបានពីការសិក្សានៅវិទ្យាស្ថានជាតិអប់រំ
ទៅប្រើប្រាស់ឲ្យបានសមស្រប និងចំទិសដៅ។ ឯកឧត្តមបណ្ឌិតសភាចារ្យ សុខ អាន បានបញ្ជាក់ថា ដើម្បីក្លាយជាគ្រូបង្រៀនដ៏ឆ្នើមត្រូវបំពេញឲ្យបាននូវលក្ខណៈសម្បត្តិបីយ៉ាង គឺ សមត្ថភាពអប់រំសិស្ស សមត្ថភាពស្រាវជ្រាវ និងសីលធម៌វិជ្ជាជីវៈ។
មានប្រសាសន៍នៅក្នុងឱកាសនោះដែរឯកឧត្តម អ៊ឹម សិទ្ធី រដ្ឋ
មន្រ្តីក្រសួងអប់រំយុវជន និងកីឡាឲ្យដឹងថា
អនុលោមតាមយុទ្ធសាស្រ្តចុតកោណដំណាក់កាលទី២
របស់រាជរដ្ឋាភិបាលអាណត្តិទី៤ នៃរដ្ឋសភា
ផែនការការយុទ្ធសាស្រ្តអភិវឌ្ឍន៍ជាតិឆ្នាំ ២០០៩-២០១៣
ក្រសួងអប់រំយុវជន
និងកីឡាបានដាក់ចេញនូវផែនការយុទ្ធសាស្រ្តវិស័យអប់រំឆ្នាំ
២០០៩-២០១៣ ដោយផ្តោតលើគោលនយោបាយគន្លឹះសំខាន់ៗរួមមាន -១
ការធានាលទ្ធភាពទទួលបានសេវាអប់រំប្រកបដោយសមធម៌ -២
ការលើកកម្ពស់គុណភាព និងប្រសិទ្ធភាពនៃសេវាអប់រំ -៣
ការអភិវឌ្ឍស្ថាប័ន និងការអភិវឌ្ឍមន្រ្តីអប់រំ
សម្រាប់ធ្វើវិមជ្ជការ ។
ឯកឧត្តមរដ្ឋមន្រ្តី ក្រសួងអប់រំយុវជន និងកីឡា បានឲ្យដឹងថា
បច្ចុប្បន្នព្រះរាជាណាចក្រកម្ពុជា មានសាលារៀនចំណេះទូទៅចំនួន
១១.០៤៦ និងថ្នាក់រៀន ៨១.៦០១ នៅទូទាំងប្រទេស
ដែលក្នុងនោះមានអាគារសិក្សា ៣៤៧៦ ខ្នង ត្រូវជា ១៨០១៩ បន្ទប់
គិតត្រឹមថ្ងៃទី ៣១ ខែ មករា ឆ្នាំ ២០១២ ជាអំណោយដ៏ថ្លៃថ្លារបស់សម្តេចតេជោ និងលោកជំទាវកិត្តិព្រឹទ្ធបណ្ឌិត និង
មានគ្រឹះស្ថានឧត្តមសិក្សា សរុបចំនួន ៩៧
ក្នុងនោះគ្រឹះស្ថានឧត្តមសិក្សារដ្ឋមានចំនួន ៣៨ ។ មានសិស្ស
និងនិស្សិត នៅគ្រប់ភូមិសិស្សា សរុបប្រមាណជាង ៣,៥
លាននាក់ក្នុងចំនួនប្រជាពលរដ្ឋជាង ១៣ លាននាក់។
ដោយឡែកនិស្សិតនៅឧត្តមសិក្សាចាប់ពីថ្នាក់បរិញ្ញាបត្ររង
ដល់ថ្នាក់បណ្ឌិតមានចំនួន ២២២.១៤៦នាក់
ក្នុងនោះនិស្សិតជានារីមានចំនួន ៨៣.៧១៩ នាក់
និងកំពុងសហការជាមួយដៃគូរអភិវឌ្ឍន៍បណ្តុះបណ្តាលធនធានមនុស្ស
កម្រិតខ្ពស់ជូនដល់និស្សិតទាំងអស់ចំនួន ៩២.៣៤០ នាក់
ក្នុងទូទាំងប្រទេស។ ដោយឡែកនៅរាជធានីភ្នំពេញមាន
អន្តេវាសិកដ្ឋានចំនួន ៥ ខ្នង ដោយមាននិស្សិតកំពុងស្នាក់នៅប្រមាណ
៧៧៥ នាក់ ក្នុងនោះនិស្សិតនារី ៥៤៤ នាក់។
ក្នុងចំណោមនិស្សិតស្នាក់នៅក្នុងអន្តេវាសិកដ្ឋានមាននិស្សិតបរទេស
៤០ នាក់ ក្នុងនោះនារី ២៩ នាក់៕