សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជាមួយនិង ឯកឧត្តម ហី ហ្គូឈាង សមាជិក
គណៈអចិន្ត្រៃយ៍ នៃគណៈកម្មាធិការកណ្ដាលការិយាល័យនយោបាយ
នៃបក្សកុម្មុយនីស្ដចិន
និងជាលេខាធិការនៃគណៈកម្មាធិការកណ្ដាលសម្រាប់ពិនិត្យវិន័យ
នៃបក្សកុម្មុយនីស្ដចិន នាព្រឹកថ្ងៃទី១៣ ខែមិថុនា ឆ្នាំ២០១២
បានធ្វើជាអធិបតីក្នុងពិធីចុះហត្ថលេខាលើឯកសារ ចំនួន
៧នៃកិច្ចសហប្រតិបត្តិការសេដ្ឋកិច្ច និងពាណិជ្ជកម្ម រវាងរាជរដ្ឋាភិបាល
នៃព្រះរាជាណាចក្រកម្ពុជា និងរដ្ឋាភិបាល នៃសាធារណរដ្ឋប្រជាមានិតចិន។
ពិធីចុះហត្ថលេខាលើកិច្ចសហប្រតិបត្តិការសេដ្ឋកិច្ច
និងពាណិជ្ជកម្មរវាងរាជរដ្ឋាភិបាល នៃព្រះរាជាណាចក្រកម្ពុជា
និងរដ្ឋាភិបាល នៃសាធារណរដ្ឋប្រជាមានិតចិន
ដែលបានធ្វើនៅវិមានសន្តិភាពរាជធនីភ្នំពេញ រួមមាន៖
១. ឯកឧត្តម គាត ឈន់ ឧបនាយករដ្ឋមន្ត្រី
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៃព្រះរាជាណាចក្រកម្ពុជា
និងលោក Liu Liange អនុប្រធានធនាគារអាហរណ នីហរណចិន
បានចុះហត្ថលេខាលើឯកសារចំនួន ៤៖
ក.កិច្ចព្រមព្រៀងឥណទានអនុគ្រោះសម្រាប់អ្នកទិញ ស្ដីពីគម្រោងពង្រីកផ្លូវជាតិលេខ៦ (ជំហានទី២)
ខ.កិច្ចព្រមព្រៀងឥណទានអនុគ្រោះសម្រាប់អ្នកទិញ ស្ដីពីគម្រោងធ្វើឲ្យប្រសើរឡើងវិញផ្លូវជាតិលេខ៤៤
ខ.កិច្ចព្រមព្រៀងឥណទានអនុគ្រោះសម្រាប់អ្នកទិញ ស្ដីពីគម្រោងធ្វើឲ្យប្រសើរឡើងវិញផ្លូវជាតិលេខ៤៤
គ.កិច្ចព្រមព្រៀងឥណទានអនុគ្រោះសម្រាប់អ្នកទិញ ស្ដីពីគម្រោងអភិវឌ្ឍន៍ទំនប់ពហុបំណងបាត់ដំបង
ឃ.អនុស្សារណៈយោគយល់គ្នា ស្ដីពីឥណទានអនុគ្រោះសម្រាប់អ្នកទិញ និងឥណទានសម្បទានរបស់រដ្ឋាភិបាល សម្រាប់គម្រោងផែនការកិច្ចសហប្រតិបត្តិការរយៈពេល ៣-៥ឆ្នាំ។
២.ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល
នៃព្រះរាជាណាចក្រកម្ពុជា និងលោក Ji Ping អគ្គលេខាធិការរងមូលនិធិចិន
ដើម្បីសន្តិភាព និងអភិវឌ្ឍន៍ចិន បានចុះហត្ថលេខាលើកិច្ចព្រមព្រៀង
ស្ដីពីគម្រោងសាងសង់អគារក្នុងមណ្ឌលសុខភាពអន្លង់ក្ងាន
ក្នុងខណ្ឌសែនសុខ រាជធានីភ្នំពេញ។
៣.ឯកឧត្តមនាយឧត្តមសេនីយ៍ ឌុល គឿន អគ្គនាយក
នៃអគ្គនាយកដ្ឋាន ភស្ដុតាង និងហិរញ្ញវត្ថុ នៃក្រសួងមហាផ្ទៃ
នៃព្រះរាជាណាចក្រកម្ពុជា និងលោក He Liyang អគ្គនាយករងក្រុមហ៊ុនចិន
Huawei បានចុះហត្ថលេខាលើកិច្ចសន្យាពាណិជ្ជកម្ម
ស្ដីពីគម្រោងប្រព័ន្ធទូរស័ព្ទបន្ទាន់ និងគ្រប់គ្រងចរាចរ។
៤.ឯកឧត្តមឧត្តមសេនីយ៍ឯក ចៅ ភិរុណ
អគ្គនាយកនៃអគ្គនាយកដ្ឋានសម្ភារៈ និងបច្ចេកទេស នៃក្រសួងការពារជាតិ
និងលោក Chen Jian អនុរដ្ឋមន្ត្រីក្រសួងពាណិជ្ជកម្មចិន
បានចុះហត្ថលេខាលើវិញ្ញាបនប័ត្រ ស្ដីពីការប្រគល់ និងទទួលយន្ដហោះ
ប្រភេទ MA60 ចំនួន ២គ្រឿង រវាងរាជរដ្ឋាភិបាលកម្ពុជា
និងរដ្ឋាភិបាលសាធារណរដ្ឋប្រជាមានិតចិន។
ពិធីចុះហត្ថលេខានេះត្រូវបានធ្វើឡើងក្រោយពីមានជំនួបពិភាក្សារវាង សម្ដេចអគ្គមហាសេនាបតីតេជោ ហ៊ុន សែន ជាមួយនិង ឯកឧត្តម ហី ហ្គូឈាង សមាជិកគណៈអចិន្ត្រៃយ៍ នៃគណៈកម្មាធិការកណ្ដាលការិយាល័យនយោបាយ នៃបក្សកុម្មុយនីស្ដចិន ។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីបានឲ្យដឹងថា ក្នុងជំនួបពិភាក្សាគ្នា រយៈពេលជាងមួយម៉ោងនោះ សម្តេចតេជោនាយករដ្ឋមន្ត្រី
បានស្នើដល់ភាគីចិនបន្តជួយដល់កម្ពុជា តាមរយៈការផ្តល់ឥណទាន
ការពិនិត្យលើបញ្ហានាំទំនិញ
ពីកម្ពុជាទៅកាន់ប្រទេសចិនឲ្យបានកាន់តែច្រើនឡើង
ដើម្បីឈានទៅដល់ទំហំពាណិជ្ជកម្ម ៥០០០
លានដុល្លាសហរដ្ឋអាមេរិកដូចបានកំណត់ទុកនៅឆ្នាំ២០១៧។ សម្តេចតេជោ
បានស្នើដល់ភាគីចិនឲ្យជំរុញវិនិយោទុន
អ្នកអ្នកទេសចរណ៍ចិនមកកាន់កម្ពុជាឲ្យកាន់តែច្រើនឡើង
ជាពិសេសជំរុញឲ្យមានការហោះហើរត្រង់ពីខេត្តនានារបស់ប្រទេសចិន
មកកាន់រាជធានីភ្នំពេញ ខេត្តសៀមរាបរបស់កម្ពុជា
រួមទាំងជំរុញវិស័យយុវជននៃប្រទេសទាំងពីរឲ្យមានទំនាក់ទំនងកាន់តែ
ល្អប្រសើរឡើង ព្រោះថាយុវជន
គឺជាអ្នកបន្តវេនក្នុងការដឹកនាំប្រទេសជាតិនៅពេលអនាគត។
ឯកឧត្តម អ៊ាង សុផល្លែត បានឲ្យដឹងថា ឯកឧត្តម ហី ហ្គូឈាងបានទទួលយកនូវសំណើដ៏មានសារសំខាន់នេះ ។ ទាក់ទិនទៅនឹងការបន្តផ្តល់ ឥណទានដល់កម្ពុជានោះ ឯកឧត្តម ហី ហ្គូឈាង មានប្រសាសន៍ថា
នេះគឺជាលទ្ធភាពដែលប្រទេស ចិនអាចធ្វើបាន
និងបានស្នើដល់ភាគីកម្ពុជាឲ្យលើកគំរោងដើម្បីធ្វើការពិនិត្យ
ជាក់ស្តែង។
ក្នុងដំណើរទស្សនកិច្ចនៅកម្ពុជាជាលើកទី១ ឯកឧត្តម ហី ហ្គូឈាង មានប្រសាសន៍
បន្តថា ឯកឧត្តមបានឃើញផ្ទាល់
និងភ្នែកពីការអភិវឌ្ឍន៍របស់ប្រទេសកម្ពុជា
ដូចដែលរដ្ឋាភិបាលនិងប្រជាជនចិន តែងតែគោរពពីភាព
ឈ្លាសវៃនៃការដឹកនាំរបស់សម្តេចតេជោនាយករដ្ឋមន្ត្រីក្នុង
ការដឹកនាំសេដ្ឋកិច្ច ក៏ដូចជាស្ថេរភាព នយោបាយ
និងជីវភាពរបស់ប្រជាពលរដ្ឋត្រូវបានលើកកំពស់
ពិសេសទៅទៀតនោះកិត្តិស័ព្ទនិង
កិត្យានុភាពរបស់កម្ពុជាមានភាពល្បីល្បាញទាំងនៅក្នុងតំបន់ក៏ដូចជា
នៅលើឆាកអន្តរជាតិនោះ។ ឯកឧត្តម ហី ហ្គូឈាង ក៏បាន ថ្លែងនូវអំណរគុណជូនចំពោះសម្តេចតេជោនាយករដ្ឋមន្ត្រីក៏ដូចជារាជរដ្ឋាភិបាល និងប្រជាពលរដ្ឋកម្ពុជា ដែលជារៀងដរាបមកតែងតែគាំទ្រដល់ ប្រទេសចិន ។
ទាក់ទងនឹងបញ្ហានេះសម្តេចតេជោនាយករដ្ឋមន្ត្រី
មានប្រសាសន៍ថា
សម្តេចមានសេចក្តីរីករាយយ៉ាងខ្លាំងចំពោះការរីកចម្រើននៃទំនាក់ទំនង
នៃប្រទេសទាំងពីរ ដែលចាប់ផ្តើមឡើងពីទំនាក់ទំនងក្នុងភាពជាអ្នកជិត
ខាងល្អ មិត្តទុកចិត្តបាន និងបន្តរហូតមកដល់បច្ចុប្បន្ន
ដែលត្រូវបានលើកកំពស់ដល់ដៃគូរជាយុទ្ធ
សាស្ត្រគ្រប់ជ្រុងជ្រោយនោះ។ សម្តេចតេជោ
មានប្រសាសន៍បន្តថាការរីកចំរើនរបស់ប្រទេសកម្ពុជាមិនអាចកាត់ផ្តាច់
អំពីជំនួយឧបត្ថម្ភរបស់ប្រទេសចិនបាននោះទេ
ហើយការរីកចំរើនរបស់ចិនគឺបាននាំមក
នូវវិបុលភាពសំរាប់ប្រទេសជិតខាងក៏ដូចជារបស់ប្រទេសកម្ពុជាផងដែរ។
ជំនួយរបស់ប្រទេសចិនមិនត្រឹមតែជួយកម្ពុជាឪ្យមានការរីកចំរើនលើ
វិស័យសេដ្ឋកិច្ចនោះទេ
ប៉ុន្តែអាចជួយដល់ឯករាជ្យភាពរបស់កម្ពុជាផងដែរ។