ដោយ ៖ មរតក
ភ្នំពេញៈ
ប្រមុខរាជរដ្ឋាភិបាលកម្ពុជាសម្ដេចអគ្គមហាសេនាបតីតេជោ ហ៊ុន សែន
នៅថ្ងៃទី១៤ ខែមិថុនា ឆ្នាំ២០១២
បានប្រកាសថានឹងផ្ដល់កម្មសិទ្ធដីធ្លីជូនប្រជាពលរដ្ឋឱ្យបាន
រួចរាល់នៅក្នុងរយៈពេល៦ខែ
ខណៈដីដែលត្រូវផ្ដល់ប្រជាពលរដ្ឋទាំងនោះមាន៣ប្រភេទ
គឺប្រភេទដីព្រៃសម្បទាន, ប្រភេទសម្បទាន
និងដីរដ្ឋដែលប្រជាពលរដ្ឋធ្លាប់កាន់ដោយខុសច្បាប់ ។
សម្ដេចថ្លែងបែបនេះនៅក្នុង
ឱកាសអញ្ជើញជាអធិបតីដ៏ខ្ពង់ខ្ពស់ប្រកាសដាក់ឱ្យប្រើប្រាស់ជា
ផ្លូវការនូវរបាយការណ៍ពាក់កណ្ដាលអាណត្ដិឆ្នាំ២០១១ ស្ដីពីការ
អនុវត្ដផែនការយុទ្ធសាស្ដ្រអភិវឌ្ឍន៍ជាតិ បច្ចុប្បន្នកម្ម២០០៩-២០១៣
នៅសណ្ឋាគារសូហ្វីតែលរាជធានីភ្នំពេញ ។
សម្ដេចមានប្រសាសន៍
ថា ដីធ្លី៣ប្រភេទដែលត្រូវផ្ដល់ជាកម្មសិទ្ធឱ្យប្រជាពលរដ្ឋ
គឺត្រូវធ្វើឱ្យរួចរាល់ក្នុងរយៈពេលយឺតបំផុត៦ខែ ។
ប្រភេទដីទី១. គឺដីព្រៃសម្បទាន
ខណៈព្រៃសម្បទាននេះមានតែតំបន់ខ្លះប្រជាពលរដ្ឋមានកម្មសិទ្ធរួច
ស្រេច ប៉ុន្ដែក៏មានតំបន់ខ្លះប្រជាពលរដ្ឋអត់ទាន់មានដែរ ។
ព្រៃសម្បទានគឺយើងបែងចែកជា២
ទី១.គឺព្រៃសម្បទានដែលប្រជាពលរដ្ឋចូលទៅកាន់កាប់រួចជាស្រេច
ប៉ុន្ដែវាស្ថិតនៅក្នុងព្រៃសម្បទាននៅឡើយ
ដែលដីទាំងនោះនៅតែជាដីរបស់រដ្ឋ
ប៉ុន្ដែយើងត្រូវប្រគល់កម្មសិទ្ធជូនប្រជាពលរដ្ឋ
ព្រោះពួកគាត់បានមករស់នៅលើសពី៥ឆ្នាំទៅហើយ ។
សម្ដេចបញ្ជាក់ថា
អ្នករស់នៅខ្លះបានទៅធ្វើលើដីរបស់ក្រុមហ៊ុនដែលរដ្ឋធ្វើ
សម្បទានឱ្យ ខណៈរបាយការណ៍របស់អភិ បាលខេត្ដ
គឺប្រហែលជា២ឬ៣ម៉ឺនហិកតា
ចំនួននេះគឺបានប្រគល់ជូនមួយផ្នែករួចម្ដងមកហើយ ។
ចំណុចនេះសម្ដេចបានស្នើឱ្យ
អន្ដរជាតិ កត់ត្រាដើម្បីផ្ទៀងផ្ទាត់នៅថ្ងៃក្រោយ
ប៉ុន្ដែមិនត្រួតពិនិត្យរាជរដ្ឋាភិបាលនោះ ទេ ។
ចំពោះអ្នកនៅជាយព្រៃសម្បទាន ជាកន្លែងបង្កបង្កើនផលទៅហើយ គឺត្រូវ
កាត់ជូនពួកគាត់ភ្លាមតាមសំណើរបស់ ខេត្ដដែលចុះទៅពិនិត្យ
ព្រោះអនុវត្ដ យន្ដការតាមរយៈអនុក្រិតលេខ១១៨
អំពីការគ្រប់គ្រងដីរដ្ឋឱ្យស្នើមកនាយក
រដ្ឋមន្ដ្រីកាត់ជូនពួកគាត់តែម្ដង ។
នៅក្នុងករណីនេះ សម្ដេចបានលើក
ឡើងថា នៅក្នុងតំបន់ព្រៃសម្បទានកន្លែង ខ្លះមានកម្មសិទ្ធ
និងកន្លែងខ្លះក៏មិនទាន់ មានកម្មសិទ្ធ
ដូច្នេះតំបន់ដែលគ្មានកម្ម សិទ្ធ
គឺត្រូវធ្វើកិច្ចការ២ដល់ពួកគាត់ ១.
គឺកម្មសិទ្ធសម្រាប់គ្រួសារនីមួយដែល បានកាន់ជាក់ស្ដែង
គឺកាន់កាប់ប៉ុន្មាន ផ្ដល់ជូនប៉ុណ្ណឹង ប៉ុន្ដែមិនលើសពី៥ហិក តា
។ ចំពោះអ្នកកាន់កាប់១០ហិកតា គឺ ត្រូវផ្ដល់ជូនគាត់៥ហិកតា
ខណៈសល់៥ ហិកតាផ្ដល់ជាសម្បទានសេដ្ឋកិច្ចខ្នាត
តូចជូនពួកគាត់ដាំដុះដំណាំកុំឱ្យដីនោះ ចោលទំនេរ ។
សម្ដេចបញ្ជាក់ថា ប្រជាពលរដ្ឋដែល
មិនទាន់ទទួលដីកម្មសិទ្ធនៅក្នុងព្រៃសម្ប
ទានជ្រៅៗត្រូវផ្ដល់ជូនពួកគាត់ ។
ចំណែកម្យ៉ាងទៀតត្រូវកាត់ទុកអប្បរមា ១០ភាគរយ
ដើម្បីធ្វើជាព្រៃសហគមន៍ ហើយបើកាត់បានច្រើន គឺកាន់តែប្រសើរ
ដើម្បីឱ្យភូមិមួយមានសហគមន៍ព្រៃ ឈើមួយ ខណៈប្រជាពលរដ្ឋក៏អាស្រ័យ
អនុផលព្រៃឈើទាំងនោះបានថែមទៀត។
សម្ដេចបញ្ជាក់ថា
បញ្ហាទាំងអស់នេះ ក៏ពាក់ព័ន្ធទៅនឹងព្រៃឧទ្យាន ព្រៃត្រូវការ
ពារដែលកន្លងទៅយើងនាំគ្នាគូសផែនទី
នៅភ្នំពេញពុំដឹងថាមានផលប៉ះពាល់ ដល់ប្រជាពលរដ្ឋទេ
ដូច្នេះបញ្ហាទាំងនេះ ត្រូវឱ្យអាជ្ញាធរខេត្ដគ្រប់គ្រងផ្ទាល់ជាមួយ
ប្រជាពលរដ្ឋរស់នៅទីនោះ ពិនិត្យមើល
បើសិនជាមានការចាំបាច់យើងនឹងកាត់ បន្ថែមជូនប្រជាពលរដ្ឋ
ហើយបើសិនជាប៉ះលើដីប្រជាពលរដ្ឋត្រូវដកថយត្រឡប់មកវិញ ។
ប្រភេទទី២
គឺប្រភេទដីសម្បទានដី សម្បទាននេះ កន្លងមករាជរដ្ឋាភិបាល
បានចេញបទបញ្ជាផ្អាក់ ការផ្អាក់នេះគឺ ធ្វើក្នុងរយៈពេលវែង ។
សម្ដេចបានលើក ឡើងថា កន្លងមកដីសម្បទានដែលរាជ
រដ្ឋាភិបាលបានផ្ដល់ជូនឱ្យក្រុមហ៊ុន គឺ
មានក្រុមហ៊ុនខ្លះបានអនុវត្ដត្រឹមត្រូវ ចំណែកក្រុមហ៊ុនខ្លះទៀត
អនុវត្ដមិនត្រឹម ត្រូវ ។ ក្រុមហ៊ុនត្រូវធ្វើអនុប្រយោគពីដី
ឯកជនរបស់រដ្ឋ និងចុះកិច្ចសន្យាធ្វើវិនិ
យោគសម្បទានដីសេដ្ឋកិច្ចជាមួយនឹង ក្រសួងពាណិជ្ជកម្ម ។
ចំពោះដីព្រៃការ ពារល្អ និងដីព្រៃដែលបានកាត់ចេញ
សម្រាប់រក្សាទុក ក្រុមហ៊ុនត្រូវរក្សាការ
ពារកុំឱ្យបាត់បង់ដោយទទួលខុសត្រូវ ចំពោះមុខច្បាប់
ក្នុងករណីបាត់បង់ឬខូច ខាតរាជរដ្ឋាភិបាល និងលុបចោលគោល
ការណ៍និងកិច្ចសន្យាចោល ។ ក្រុមហ៊ុន
ត្រូវចុះបញ្ជីដីជាដីឯកជនរបស់រដ្ឋឱ្យស្រប តាមនីតិវិធីច្បាប់
និងត្រូវធ្វើរបាយការវាយតម្លៃប៉ះពាល់បរិស្ថានសង្គមបន្ទាប់ពីការ
ចុះកិច្ចសន្យារួច ជាងនេះទៅទៀត
ក្រុមហ៊ុនត្រូវគោរពលក្ខណដោយធានាថា
ប្រជាជនរស់នៅក្នុងតំបន់វិនិយោគ ត្រូវទទួលបានផលប្រយោជន៍ពីគម្រោង
វិនិយោគរបស់ខ្លួន ។
សម្ដេចតេជោ
ក៏បានអំពាវនាវដល់ប្រជាពលរដ្ឋទាំងអស់សុំកុំទៅកាន់កាប់ដីដែល
ក្រុមហ៊ុនបានដាំដុះរួចហើយ គឺ មិនបានជាដាច់ខាត ។ គោលនយោបាយ
ដីធ្លីរបស់រាជរដ្ឋាភិបាលប្រសិនជាខ្វះដី សូមប្រាប់រាជរដ្ឋាភិបាល
និងផ្ដល់ដីសម្ប ទានសង្គកិច្ចជូន ។ ត្រង់នេះសម្ដេច បញ្ជាក់ថា
យើងបានត្រៀម១០ទៅ២០ ម៉ឺនហិកតា សម្រាប់ទុកជូនប្រជាពលរដ្ឋ
ដែលកំពុងមានកំណើនកើនឡើងពី១ថ្ងៃ ទៅ១ថ្ងៃ ។
ប្រភេទទី៣ កន្លងទៅគឺមិនមែន
នយោបាយខុសទេ គឺអនុវត្ដមិនទាន់ត្រូវ ដូច្នេះពេលនេះ
យើងត្រូវអនុវត្ដនយោ បាយចាស់ និងសកម្មភាពថ្មីមានន័យថា
ធ្វើការព្រមៗគ្នាដោះស្រាយដីជូនប្រជា ជន
កន្លែងណាមិនទាន់មានភូមិ ហើយ ពួកគាត់រស់នៅ
យើងត្រូវបង្កើតភូមិថ្មី នៅទីនោះ ។
ទេវត្ដាប្រទានដីឱ្យកុំទាស់គ្នា
ខណៈរាជរដ្ឋាភិបាលក៏ចែកជូនហើយដែរ
ប៉ុន្ដែកុំទៅទន្ទ្រានកាប់ដីព្រៃបន្ថែម គឺ ទទួលយកមិនបាននោះទេ។
នៅក្នុងឱកាសនោះដែរ
សម្ដេចតេជោ នាយករដ្ឋមន្ដ្រី ក៏បានអំពាវនាវឱ្យមេ
ខ្លោងបង្កើតក្រុមអបគមន៍ចាប់ដីរដ្ឋ អនាធិបតេយ្យចេញមកសារភាព
បើពុំ ដូច្នោះទេ ទៅះបីក្រុមទាំងនោះរត់គេច
ខ្លួនទៅជ្រកកោននៅប្រទេសណា ឬលាក់ ខ្លួននៅស្ថានទូតណាក៏ដោយ
រាជរដ្ឋាភិបាល នឹងតាមចាប់ខ្លួនអ្នកទាំងនោះយកមក
ផ្ទន្ទាទោសឱ្យខានតែបាន។ ជាមួយនឹងការ ប្រកាសបែបនេះ
សម្ដេចក៏បានសម្ដែង ការសោកស្ដាយចំពោះការបោសសំអាត
ក្រុមអនាធិបតេយ្យទាំងនោះ រហូតដល់ មានការប៉ះទង្គិចគ្នា
បណ្ដាលឱ្យស្លាប់ បាត់បង់ជីវិតកុមារីម្នាក់នៅតំបន់កំពង់ ដំរី
ស្រុកឆ្លូង ខេត្ដក្រចេះផងដែរ៕