ភ្នំពេញ៖ ឯកឧត្តមឧបនាយក រដ្ឋមន្រ្តី សុខ អាន
រដ្ឋមន្រ្តីទទួល បន្ទុក ទីស្តីការគណៈរដ្ឋមន្រ្តី នៅរសៀល ថ្ងៃទី២៧ ខែកក្កដា
ឆ្នាំ២០១២ នេះ នឹងជួបជាមួយ គណៈប្រតិភូថៃ វេលាម៉ោង៤ នៅទីស្តីការ គណៈរដ្ឋមន្រ្តី
ដែលដឹកនាំដោយ ឯកឧត្តម ស៊ូរ៉ាដេត ជីរ៉ាទីឌី ចារិល ប្រធានគណៈកម្មាធិការ
អចិន្រ្តៃយ៍ ទទួលបន្ទុក ថាមពល នៃព្រឹទ្ធសភាថៃ ។
ការជួបពិភាក្សា ជាមួយគណៈប្រតិភូថៃ នារសៀលថ្ងៃទី២៧ ខែកក្កដា
ឆ្នាំ២០១២ នេះ បានធ្វើឡើងក្រោយ ពេលដែលរូបលោក បានវិលត្រឡប់ មកព្យាបាលជំងឺ
វិញកាល ម្សិលមិញ ប្រកបដោយ ជោគជ័យ។
ឯកឧត្តម ស្វាយ ស៊ីថា ប្រធានអង្គភាព ព័ត៌មាន និង ប្រតិកម្មរហ័ស
នៃទីស្តីការ គណៈរដ្ឋមន្រ្តី បានសរសេរនៅ ក្នុងគេហទំព័រហ្វេសប៊ុក របស់លោកថា កាលពីរសៀល
ថ្ងៃទី២៦ ខែកក្កដា ឆ្នាំ២០១២ លោកបាន ទៅទទួលដំណើរ របស់ឯកឧត្តមឧបនាយក
រដ្ឋមន្រ្តី សុខ អាន នៅព្រលាន យន្តហោះ អន្តរជាតិភ្នំពេញ ។
ឯកឧត្តម ស្វាយ ស៊ីថា បានបន្តថា នៅពេលដែលលោក ឧបនាយករដ្ឋមន្រ្តី
បានវិលត្រឡប់ ដោយសុវត្ថិភាព មកពីព្យាបាលជំងឹ នៅបរទេសវិញនោះ ឯកឧត្តម ឧបនាយក
រដ្ឋមន្រ្តី សុខ អាន មានទឹកមុខស្រស់ថ្លា និងញញឹមរាក់ទាក់ ដែលបង្ហាញថា ស្ថានភាពជំងឺ
របស់លោក ពុំមានអ្វីទៀត នោះឡើយ ។
បើតាមមន្រ្តីនៃ ទីស្តីការគណៈរដ្ឋ មន្រ្តីរូបនេះ ឯកឧត្តម ឧបនាយករដ្ឋមន្រ្តី
សុខ អាន នឹងទទួល ជួបគណៈប្រតិភូថៃ ចំនួន២៤ រូប នៅវេលា ម៉ោង៤ រសៀលថ្ងៃទី២៧
ខែកក្កដា ឆ្នាំ២០១២ នេះ។
ការវិលត្រឡប់ មកដល់ប្រទេស កម្ពុជាវិញ របស់មន្រ្តីជាន់ខ្ពស់
នៃរាជរដ្ឋាភិបាល រូបនេះ បានបង្ហាញថា ស្ថានភាពជំងឺ របស់លោក ពុំមានអ្វីជាធ្ងន់ធ្ងរនោះទេ
ផ្ទុយពីការ លើកឡើង ផ្តេសផ្តាស របស់ជនអគតិ មួយចំនួន ដែលនិយាយ គ្មាន មូលដ្ឋាន
និងការពិត ចំពោះស្ថានភាព ជំងឺ របស់លោកក្នុងអំឡុង ការសម្រាល ព្យាបាល នៅបរទេស
៕