សន្ទរកថារបស់ឯកឧត្តមបណ្ឌិតសភាចារ្យ សុខ អាន
សមាជិកគណកម្មាធិការកណ្តាលគណបក្សប្រជាជនកម្ពុជានិងជាប្រធានគណៈពង្រឹងខេត្តតាកែវ
ថ្លែងក្នុងឱកាសបើកសន្និបាតគណកម្មាធិការគណបក្សប្រជាជនកម្ពុជាខេត្តតាកែវ
ថ្ងៃទី០៥ ខែមករា ឆ្នាំ២០១៣
ថ្ងៃនេះក្នុងនាមគណកម្មធិការកណ្តាលគណបក្សប្រជាជនកម្ពុជា
និងខ្លួនខ្ញុំផ្ទាល់ ខ្ញុំមានសេចក្តីសោមនស្សរីករាយ និងមានកិត្តិយសដ៏ឧត្តុង្គឧត្តមដោយបានចូលរួមជាអធិបតីនៃការបើកមហាសន្និបាតគណកម្មារធិការគណបក្សប្រជាជនកម្ពុជាខេត្តតាកែវដ៏មហោឡារឹកនេះ។
អង្គសន្និបាតជាទីមេត្រី!
សន្និបាតរបស់យើងនាពេលនេះគឺជួនគ្នាជាមួយនឹងឱកាសដែលប្រជាជនទូទាំងសាកល
លោក ដែលកំពុងសប្បាយរីករាយអបអរសាទរពិធីបុណ្យចូលឆ្នាំថ្មីសាកល២០១៣ ដោយឡែក ក៏ ជា ឱកាសដែលប្រជាជនកម្ពុជាទូទាំងប្រទេសបានកំពុងត្រៀមខ្លួនចូលរួមរីករាយជាមួយគណបក្ស
ប្រជា ជនក្នុងឱកាសនៃការប្រារព្ធខួបលើកទី៣៤នៃថ្ងៃជោគជ័យ៧មករា១៩៧៩-២០១៣ ដែលជ័យជំនះនេះ
គួបផ្សំជាមួយការដាក់ចេញដោយនូវគោលនយោបាយដ៏ត្រឹមត្រូវជាបន្តបន្ទាប់របស់គណបក្សប្រជាជនកម្ពុជាដែលមានសម្តេចទាំងបីជាប្រមុខដឹកនាំជាពិសេសក្រោយុទ្ធសាស្រ្តឈ្នះឈ្នះរបស់រាជរដ្ឋាភិបាល
កម្ពុជាក្រោមមគ្គុទេសន៍ប្រកបដោយគតិបណ្ឌិតសម្តេចអគ្គមហាសេនាបតីសម្តេចតេជោហ៊ុន សែន បានប្រែក្លាយជ័យជំនះនេះជាមូលដ្ឋានគ្រឺះយ៉ាងរឹងមាំនៃការកសាងសន្តិភាព
ការបង្រួមបង្រួមជាតិ ការកសាងនូវលទ្ធិប្រជាធិបតេយ្យសេរីពហុបក្ស និងការអភិវឌ្ឍន៍នៅទូទាំងប្រទេស។
ជាមួយនឹងមោទនភាពខាងលើសន្និបាតនេះក៏ជាពេលវេលាដ៏សមស្របមួយដែលប្រទេសកម្ពុជាយើងកំពុងតែត្រៀមរៀបចំការបោះឆ្នោតសាកលនាថ្ងៃ
ទី២៧ ខែកក្កដាឆ្នាំ២១៣ខាងមុខនេះ ដែល នោះគឺជាកម្មវត្ថុចម្បងនៃការបើកសន្និបាតនេះ ដើម្បីយើងអាចឆ្លុះបញ្ចាំងពិនិត្យមើលឃើញពី
ចំណុច ខ្លាំង ចំណុចខ្សោយ បញ្ហាប្រឈម ក៏ដូចជាឱកាសនានាដើម្បីយើងអាចចេញនូវទិសដៅ ភារកិច្ចក៏ដូចផែនការការងារដ៏សមស្របដើម្បីឲ្យគណបក្សរបស់យើងរក្សាបាននូវប្រៀបខ្លាំង
ប្រៀបឈ្នះឈានទៅទទួលបានជោគគជ័យ និងមានលទ្ធភាពបន្តដឹកនាំរាជរដ្ឋាភិបាលកម្ពុជាជាបនតទៀតក្នុងបណ្តាអាណត្តិខាងមុខនេះ។
អង្គសន្និបាតជាទីមេត្រី!
លោកជំទាវ
ឯកឧត្តម លោក លោកស្រី!
ក្នុងរយៈពេល៣៤ឆ្នាំចុងក្រោយនេះ
គណបក្សប្រជាជនកម្ពុជាបានសម្រេចបាននូវជោគជ័យដ៏ត្រចះត្រចង់ជាបន្តបន្ទាប់នៅក្នុងប្រវត្តិរបស់ខ្លួន
ដោយបានផ្តើមចេញពីការប្រមូលផ្តុំកម្លាំងស្នេហាជាតិ តស៊ូរំដោះជាតិពីអាណានិគមនិយមបារាំង
ការដាក់នឹមត្រួតត្រាររបស់ចក្រពត្តិនិយមអាមរិក រំដោះ ប្រទេសចេញពីរបបប្រល័យពូជសាសន៍
បន្តទប់ស្កាត់ការប៉ុនប៉ងវិលមកវិញនៃរបបប្រល័យ ពូជ សាសន៍ និងចុងក្រោយគឺបាននាំមកវិញនូវលទ្ធិប្រជាធិបតេយ្យសេរីពហុបក្សជូនប្រជាជាតិកម្ពុជា
ទាំង មូល និងបាននាំយកមេដឹកនាំខ្មែរក្រហមទៅតុលាការអន្តរជាតិដើម្បីយកទៅកាត់ទោស។
នៅក្រោមនយោបាយឈ្នះឈ្នះរបស់សម្តេចអគ្គមហាសេនាបតីតេជោហ៊ុនសែនដែលជាមគ្គុទេសន៍ ដឹកនាំមួយរូបរបស់គណបក្ស
ប្រទេសកម្ពុជាក្នុងមួយទស្សវត្តន៍ចុងក្រោយនេះបានកំពុងទទួលបាននូវ ផ្លែផ្កានៃការអភិវឌ្ឍន៍ដោយសារកត្តាគន្លឺះនៃការរក្សាបាននូវសុខសន្តិភាពទូទាំងផ្ទៃប្រទេស
គ្មានការបែងចែកទឹកដី រក្សាបាននូវស្ថេរភាពនយោបាយ និងម៉ាក្រូសេដ្ឋកិច្ច ធានាបាននូវកំណើនសេដ្ឋកិច្ច
និងការកាត់បន្ថយភាពក្រីក្រជូនប្រជាជនស្របតាមផែនការយុទ្ធសាស្រ្តចតុកោណដោយត្រូវសម្រេចឲ្យបានក្នុងអត្រា១%ជារៀងរាល់ឆ្នាំ។
ដោយឡែកនៅកំឡុងមួយអាណត្តិទី៣កន្លងទៅនេះ
គណបក្សយើងក៏បានសម្រេចបាននូវ ជោគជ័យគួជាទីមោទនៈនៃបោះឆ្នោតក្រុមប្រឹក្សាក្រុង ស្រុក
ខេត្តរាជធានីអាណត្តិទី១ក៏ដូចជាការបោះ ឆ្នោតក្រុមប្រឹក្សាឃុំសង្កាត់អាណត្តិទី៣ ការដោះស្រាយនូវនូវបញ្ហាព្រំដែនជាមួយប្រទេសជិតខាង
ជោគជ័យនៃការអនុវត្តកម្មវិធីនយោបាយរបស់គណបក្សក៏ដូចជាកម្មវិធីនយោបាយរបស់រាជរដ្ឋា
ភិបាលដែលនាំមកនូវកំណើនសេដ្ឋកិច្ច ក៏ដូចជាជោគជ័យនៃការកើនឡើងនូវតួនាទីដែលមិនអាចខ្វះបានលើឆាកអន្តរជាតិរបស់កម្ពុជាពិសេស
កម្ពុជាបានប្រើប្រាស់នូវតួនាទីរបស់ខ្លួនក្នុងថានៈជាប្រធានប្តូរវេនអាស៊ានប្រកបដោយសក្តានុពលនិងមានប្រសិទ្ធិភាពដោយបានរៀបចំឲ្យមាននូវកិច្ចប្រជុំអន្តរជាតិធំៗ
និងអាចបញ្ចៀសបាននូវអារិភាពក្នុងតំបន់លើបញ្ហាសមុទ្រចិនខាងត្បូង បញ្ហាកសាងលិទ្ធិប្រជាធិបតេយ្យនៅប្រទេសភូមា។ល។
អង្គសន្និបាតជាទីមេត្រី!
ដើម្បីឲ្យសុខសន្តិភាព
ការអភិវឌ្ឍន៍ និងមោទនភាពជាតិនៅតែបន្តស្ថិតស្ថេរនៅលើទឹកអង្គរនៃយើង គណបក្សប្រជាជនកម្ពុជាត្រូវតែមានតួនាទីជាចាំបាច់ក្នុងឋានៈជាអ្នកមានសិទ្ធិសម្រេចនូវជោគវាសនា
និងអនាគតរបស់ប្រទេសនិងប្រជាជនកម្ពុជា ពោលគឺត្រូវតែមានគណបក្សប្រជាជនកម្ពុជាជាអ្នកដឹកនាំប្រទេស
ព្រោះថាមានគណបក្សប្រជាជនកម្ពុជាដឹកនាំប្រទេស គឺមានការបង្រួមបង្រួមជាតិផ្សះផ្សាជាតិ
មានគណបក្សប្រជាជនកម្ពុជាគឺមានសុខសន្តិភាព មានគណបក្សប្រជាជនកម្ពុជាគឺមានការអភិវឌ្ឍន៍
មានគណបក្សប្រជាជនកម្ពុជាគឺរក្សាបានបាននូវស្ថេរភាពរាជបល្ល័ង្គ និងមានកិត្តិយស សេចក្តីថ្លៃថ្នូលើឆាកអន្តរជាតិ។
អង្គសន្និបាតជាទីមេត្រី!
យើងនឹងមិនអាចទទួលបាននូវជោគជ័យក៏មិនអាចសម្រេចបានតាមគោលដៅខាងលើដែរ
បើយើងគ្មានការរៀបចំឲ្យបានត្រឹមត្រូវនូវគោលនយោបាយ ផែនការយុទ្ធសាស្រ្ត និង ការធ្វើសកម្មភាពនៅតាមមូលដ្ឋាន។
ជាមួយគ្នានេះក៏មិនអាចកាត់ផ្តាច់បានពីការចូលរួមពីសំណាក់ប្រជាជនមហាជនសមាជិកសមាជិការគណបក្សគ្រប់ជាន់ថ្នាក់
ដោយឡែកនៅក្នុងមូលដ្ឋានខេត្តតាកែវកន្លងមក ស្មារតីនៃការចូលរួម និងការបរិច្ចាកធនធានទាំងថវិកានិងពេលវេលារបស់លោកជំទាវ
ឯកឧត្តម សមាជិកា សមាជិកក្រុមការងារពិតជាបានរួមចំណែកយ៉ាងធំធេងនៅក្នុងបេសសកកម្មដ៏ថ្លៃថ្លានេះ។
ទន្ទឹមនឹងការ
យកឱកាសនេះដើម្បីថ្លែងនូវអំណគុណចំពោះការចូលរួមវិភាគទានលោកជំទាវ ឯកឧត្តម លោកលោកស្រីកន្លងមក
ខ្ញុំក៏សូមរំលឹកជូនសមាជិកា សមាជិកអង្គសន្និបាតប្រើប្រាស់អង្គសន្និបាតនេះឲ្យមានជាគុណប្រយោជន័សម្រាប់គណបក្សទាំងមូលដោយត្រូវពិភាក្សារកឲ្យឃើញនូវចំណុចខ្លាំង
ចំណុចខ្សោយឱកាស ការគម្រាមកំហែង ទាំងរបស់គណបក្សយើងទាំងរបស់គណបក្សប្រឆាំង ដើម្បីយើងអាចដាក់ចេញនូវយុទ្ធសាស្រ្ត
និងផែនការសកម្មភាពមួយដែលសមស្របធានាបាននូវជោគជ័យនៅពេលបោះឆ្នោតខាងមុខនេះ។
អង្គសន្និបាតជាទីមេត្រី!
លោកជំទាវ ឯកឧត្តម
លោក លោកស្រីអ្នកនាងកញ្ញា!
បើទោះជាលទ្ធផលនៃការបោះឆ្នោតកន្លងមកបង្ហាញថា
គណបក្សយើងនៅតែមានប្រៀបខ្លាំង ប៉ុន្តែលទ្ធផលនៃការបោះឆ្នោតក្រុមប្រឹក្សាឃុំសង្កាត់អាណតិ្តទី៣កន្លងនេះ
ទាមទារឲ្យយើងមានការសិក្សាឲ្យបានហ្មត់ចត់។ពិតណាស់យើងបានសិក្សានិងបានដាក់ចេញនូវវិធានការជាច្រើនជាបន្តបន្ទាប់រួចមកហើយលើករណីនេះ
ប៉ុន្តែគួរបានដកពិសោធន៍បន្ថែមទៀត និងគួរបានរៀនសូត្រពីកត្តានានាដែលជះឥទ្ធិពលអវិជ្ជមានដល់លទ្ធផលនេះដើម្បីយើងអាចបញ្ជៀសបានក្នុងពេលបោះឆ្នោតខាងមុខ។
ចាប់បីពេលនេះរហូតដល់ថ្ងៃបោះឆ្នោត២៧កក្កដាឆ្នាំ២០១៣
និងក្រោយពេលបោះឆ្នោតយើងមានការងារជាច្រើដែលត្រូវបំពេញតាមជំហ៊ាន។ ដើម្បើធានាភាពជោគជ័យនៃការងារទាំងនោះ ខ្ញុំសូមដាក់ជូនអង្គសន្និបាតសម្រេចនូវភារកិច្ចដូចខាងក្រោម៖
១
- ឆ្លងនិងអនុមត្តិរបាយការណ៍ស្តីពីលទ្ធផលនៃការងារអនុវត្តកម្មវិធីនយោបាយរបស់គណបក្សឆ្នាំ
២០០៨-២០១៣
២-
ឆ្លងនិងអនុមត្តិទិសដៅភារកិច្ចឆ្នាំ២០១៣
៣
-ពិនិត្យលើបញ្ហាមួយចំនួនត្រៀមបោះឆ្នោតជាតិថ្ងៃទី២៧កក្កដាឆ្នាំ២០១៣
ខ្ញុំសង្ឃឹមថា
សមាជិការ សមាជិកអង្គសន្និបាតទាំងអស់នឹងយកអស់កម្លាំងកាយចិត្ត ប្រាជ្ញា ស្មារតី ខិតខំបំពេញភារកិច្ចពិសេសក្នុងរយៈពេលមួយថ្ងៃនេះឲ្យបានទទួលផ្លែផ្កាប្រកបដោយស្មារតី
ទទួលខុសត្រូវនិងមានមនសិកាខ្ពស់។
ជំនួសមុខឲ្យគណអធិបតីខ្ញុំសូមប្រកាសបើកអង្គសន្និបាតចាប់ពីពេលនេះតទៅ។
សូមអគុណ