នៅខេត្តតាកែវ នាព្រឹកថ្ងៃទី៧ ខែមករា ឆ្នាំ ២០១៣នេះ ថ្នាក់ដឹកនាំមន្រ្ដីរាជការ កងកម្លាំងប្រដាប់អាវុធ ប្រជាពលរដ្ឋ លោកគ្រូអ្នកគ្រូ សិស្សានុសិស្ស យ៉ាងច្រើនកុះករបានអញ្ជើញមកចូលរួមក្នុងពិធីមីទ្ទីញអបអរសាទរខួបអនុស្សាវរីយលើកទី៣៤ ថ្ងៃជ័យជំនះ៧មករា១៩៧៩-៧មករា ២០១៣ ក្រោមអធិបតីភាពឯកឧត្តមបណ្ឌិតសភាចារ្យ សុខ
អាន សមាជិកគណៈអចិន្រ្ដៃយ៍ គណៈកម្មាធិការកណ្ដាលគណបក្សប្រជាជនកម្ពុជា
និងលោកជំទាវ ។
ឯកឧត្តម ស្រី បេន គណៈអភិបាលខេត្តតាកែវ បានអានសន្ទរកថា
របស់សម្ដេចអគ្គមហា ពញាចក្រី ហេង
សំរិន ប្រធានកិត្តិយសគណបក្សប្រជាជនកម្ពុជាផ្ញើរជនរួមជាតិ ដោយរំលឹកឡើងវិញអំពីប្រវត្តិប្រទេសជាតិ
ដែលត្រូវធ្លាក់ចូលក្នុងរបបវាលពិឃាដដ៏ឃោរឃៅ
នៃរបបកម្ពុជាប្រជាធិបតេយ្យ ដែលបានកាប់សម្លាប់ ធ្វើទារុណកម្ម មកលើប្រជាពលរដ្ឋ
ព្រមទាំងបានបំផ្លិចបំផ្លាញហេដ្ឋារចនាសម្ព័ន្ធសង្គម រហូតធ្លាក់ដល់កំរិតសូន្យ។ ប៉ុន្តែ
ដោយសារគុណបំណាច់ដ៏ធំធេងរបស់គណបក្សប្រជាជនកម្ពុជា ដែលមានសម្ដេចអគ្គមហាទាំង៣ជាប្រមុខ បានដឹកនាំចលនាតស៊ូ រំដោះជាតិមាតុភូមិ និងប្រជាជនឲ្យរួចផុតពីរបបប្រល័យពូជសាសន៍ ប៉ុល ពត នាថ្ងៃ៧មករាឆ្នាំ១៩៧៩ ព្រមទាំងបានធ្វើការកសាង
និងអភិវឌ្ឍន៍ប្រទេសជាតិ ឲ្យមានការរីកចំរើនឡើងវិញជាបន្ដបន្ទាប់រហូតដល់បច្ចុប្បន្ន ។
មានប្រសាសន៍សំណេះសំណាលក្នុងឱកាសនោះ ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី បានថ្លែងបញ្ជាក់ថា៖
ថ្ងៃ៧ មករា ឆ្នាំ១៩៧៩ គឺជាថ្ងៃប្រវត្តិសាស្រ្ដដែលបានរំដោះប្រជាជាតិឲ្យរួចផុតពីរបបប្រល័យពូជសាសន៍ ហើយជនរួមជាតិគ្រប់រូបដែលបានឆ្លងកាត់ហើយមិនអាចបំភ្លេចបាននូវរឿងរ៉ាវដ៏សែនជូចត់នៃរបបដ៏សែនឃោរឃៅ
កាប់សម្លាប់ប្រជាតិខ្លួនឯងគ្មានរើសមុខ ប្រើមនុស្សឲ្យធ្វើការដូចសត្វ
និងធ្វើទារុណកម្មយ៉ាងព្រៃផ្សៃបំផុត។ ដូចនេះគប្បីបងប្អូនប្រជាពលរដ្ឋគ្រប់រូបដែលមានវ័យចំណាស់ ហើយបានឆ្លងកាត់ក្នុងរបបកម្ពុជាប្រជាធិបតេយ្យមិនត្រូវខ្លាចនឹងនិយាយរឿងហេតុទាំងឡាយដែលបានកើតឡើងប្រាប់កូនចៅរបស់យើងជំនាន់ក្រោយៗ ឲ្យបានដឹងអំពីការពិតនៃរបបប្រល័យពូជសាសន៍
នោះឡើយ។
ឯកឧត្តមបណ្ឌិតសភាចារ្យ បានមានប្រសាសន៍បន្ដទៀតថា៖ បន្ទាប់ពីប្រទេសជាតិត្រូវបានរំដោះ វិស័យទាំងអស់ត្រូវបានស្តារ ស្ថាបនា កសាង និងអភិវឌ្ឍន៍តាមជំហានៗរហូតទទួលបានសន្ដិភាពបរិបូរណ៍នៅចុងឆ្នាំ១៩៩៨ក្រោមនយោបាយឈ្នះ‑ ឈ្នះរបស់ សម្ដេចតេជោ ហ៊ុន
សែន ព្រមជាមួយនឹងសមិទ្ធផលជាច្រើនបានទទួលនូវភាពរីកចំរើន លូតលាស់លើគ្រប់វិស័យ ទាំងវិស័យពុទ្ធចក្រ និងអាណាចក្រ ជាពិសេសនៅ ក្នុងដំណាក់កាលប៉ុន្មានឆ្នាំចុងក្រោយនេះ បានធ្វើឲ្យប្រទេសជាតិមានកំណើនសេដ្ឋកិច្ចមានការកើនឡើងគួរឲ្យកត់សំគាល់
។
ឆ្លៀតក្នុងឪកាសនោះដែរឯកឧត្តម បណ្ឌិតសភាចារ្យ សុខ
អាន ក៍បានជួយឧបត្ថម្ភ ម៉ូតូចំនួន ៥គ្រឿង កង់ និងថវិកាមួយចំនួនដល់ជ័យលាភីដល់កីឡាករប៉េតង់អ្នកសូត្រកំណាព្យ និងអ្នកនិពន្ធកំណាព្យ ព្រមទាំងបានប្រគល់ប័ណ្ណកម្មសិទ្ធដីធ្លី
ជូនដល់បងប្អូនប្រជាពលរដ្ឋ មកពីស្រុកគិរីវង់ ជានិម្មិត រូបនាឱកាសនោះផងដែរ ៕
