យោងទៅតាមគេហទំព័រនៃកាកបាទក្រហមកម្ពុជា របាយការណ៍ហិរញ្ញវត្ថុសម្រាប់អាណត្តិទី៥ ត្រូវបានយល់ ព្រម និងអនុម័តនៅក្នុងមហាសន្និបាតកាកបាទក្រហមកម្ពុជាលើកទី៦នៅថ្ងៃទី៧ ខែសីហា ឆ្នាំ២០១៤។ របាយការណ៍ នេះ «បង្ហាញយ៉ាងច្បាស់អំពីតម្លាភាព និងគណនេយ្យភាពនៃការគ្រប់គ្រង និងការប្រើប្រាស់មូលនិធិដែលសមាគម ជាតិបាន ទទួលពីប្រភពទាំងអស់សម្រាប់សកម្មភាពចម្រុះ ដែលជាយន្តការដើម្បីធានាឱ្យមានសេចក្តីទុកចិត្តដ៏កក់ក្តៅ បំផុតក្នុងចំណោមអ្នកឧបត្ថម្ភជំនួយ និងសប្បុរសជនទាំងក្នុង និងក្រៅប្រទេស»។ និយាយឱ្យខ្លីទៅ ការថ្លែងដូចនេះ គឺជាការបង្ហាញថា របាយការណ៍ហិរញ្ញវត្ថុពិតជាមានមែន។ ការពិតដែលថាវិទ្យុអាស៊ីសេរីមិនអាចទទួលបានព័ត៌មាន ភ្លាមៗតាមរយៈទូរស័ព្ទនោះ មិនគប្បីត្រូវបានយល់ថាតម្លាភាព និងគណនេយ្យភាពត្រូវបានគេធ្វើឲ្យប៉ះពាល់នោះទេ។ វិទ្យុអាស៊ីសេរី គួរតែគោរពតាមច្បាប់វិជ្ជាជីវៈក្នុងការធ្វើសេចក្តីរាយការណ៍ ប្រកាន់យកឥរិយាបទគួរសមនៅក្នុងការស្នើ សុំព័ត៌មាន និងការអត់ធ្មត់ខ្លាំងនៅក្នុងការទាក់ទងជាមួយនឹងអ្នកដទៃដើម្បីបានព័ត៌មាន។ វាគឺជាកំហុសមួយដែល ធ្វើការសន្មត់ជាមុនថាឈ្មោះជាវិទ្យុអាស៊ីសេរី គឺជាអាជ្ញាប័ណ្ណមួយដែលអាចទទួលបានចម្លើយភ្លាមៗ នៅពេលដែល ទូរស័ព្ទសួរ។
វិទ្យុអាស៊ីសេរីបានពឹងផ្អែកតែម្យ៉ាងគត់ទៅលើការសន្មត់ផ្ទាល់ខ្លួន
ដោយមិនមានការប្រឹងប្រែងដើម្បីស្វែងរក ការពិត និងយកភ័ស្តុតាងមកបង្ហាញ រួចហើយក៍បន្តធ្វើឱ្យការសន្មត់ទាំងនោះ
កាលណាស្តាប់ទៅលឺដូចជាការចោទ ប្រកាន់ធ្ងន់ធ្ងរនៅពេលដែលខ្លួននិយាយថា៖ «វាហាក់ដូចជាថា
វាមិនពិបាកសោះដើម្បីមើលឃើញថា កាកបាទ
ក្រហមកម្ពុជាមិនត្រឹមតែបានប្រែក្លាយបន្តិចម្តងៗ
ទៅជាស្ថាប័នមួយដែលជាប់ពាក់ព័ន្ធនយោបាយត្រូវបានប្រើប្រាស់
ខុសគោលដៅដោយក្រុមភរិយានៃមន្ត្រីជាន់ខ្ពស់
នៃរដ្ឋាភិបាលកម្ពុជាតែប៉ុណ្ណោះទេ
ក៍ប៉ុន្តែថែមទាំងបានប្រែក្លាយទៅ ជាកន្លែងសម្រាប់លាងលុយកខ្វក់
និងការពារធុរជនកំពូលៗ
ហើយសំខាន់បំផុតនោះ កាកបាទក្រហមកម្ពុជា គឺជា
អង្គការនាំមុខគេដែលព្យាយាមរកសម្លេងឆ្នោតសម្រាប់គណបក្សកាន់អំណាច
(គណបក្សប្រជាជនកម្ពុជា)»។ ការប្រើ ប្រាស់ និងការបង្វិលការសន្មត់ផ្ទាល់ខ្លួន
ដើម្បីបង្កើតជាការចោទប្រកាន់ធ្ងន់ធ្ងរដោយមិនបានបង្ហាញករណីពិត និង
ជាក់ស្តែងនោះ
មិនបានជួយបង្កើតភាពទុកចិត្តសម្រាប់វិទ្យុអាស៊ីសេរីនោះទេ
ប៉ុន្តែផ្ទុយទៅវិញ
ការធ្វើដូច្នេះប្រហែលជា
បានធ្វើឱ្យស្ថាប័នផ្សព្វផ្សាយមួយនេះបាត់បង់កិត្តិយសនៅក្នុង
ចំណោមអ្នកស្តាប់កម្ពុជាច្រើនជាងទៅវិញ។ មនុស្ស
ដែលចូលចិត្តផ្សព្វផ្សាយពាក្យចចាមអារ៉ាម
ប្រហែលជាបានអបអរសាទរវិទ្យុអាស៊ីសេរី ប៉ុន្តែអ្នកដែលយល់ហេតុផល ត្រឹមត្រូវ
នឹងមានប្រតិកម្មអវិជ្ជមានទៅនឹងទម្រង់នៃការចោទប្រកាន់តាមការសន្មត់ដូចនេះ។
វិទ្យុអាស៊ីសេរីបានកេងចំណេញពីរបាយការណ៍សន្ទស្សន៍អភិបាលកិច្ចប្រឆាំងការលាងលុយកខ្វក់ឆ្នាំ២០១៤ របស់វិទ្យាស្ថាន
Basel ដែលមានមូលដ្ឋាននៅប្រទេសស្វីស (សន្ទស្សន៍ AML Basel) ដែលដាក់ពិន្ទុ ៨,៣៩ សម្រាប់ កម្ពុជា នៅក្រោយតែអាហ្វហ្គានីស្តាន (៨,៥៣)
និងអ៊ីរ៉ង (៨,៥៦) ប៉ុណ្ណោះ ដែលមានន័យថាកម្ពុជា គឺជាប្រទេស
ខ្ពស់បំផុតទី៣ក្នុងចំណោម១៦២ប្រទេសដែលងាយរងគ្រោះដោយសារការលាងលុយកខ្វក់
ជាមូលដ្ឋានសម្រាប់វិទ្យុ
អាស៊ីសេរីដើម្បីបង្កើតជាការចោទប្រកាន់ប្រឆាំងនឹងកាកបាទក្រហមកម្ពុជា។ ចំណុចសំខាន់បី
ត្រូវយកមកពិនិត្យអំពី របាយការណ៍នេះ។
ទី១
និយាយតាមលក្ខណៈគុណភាព ប្រទេសទាំង១៦២ សុទ្ធតែងាយទទួលរងគ្រោះពីការលាងលុយ ក៍ប៉ុន្តែ
នៅក្នុងកម្រិតខុសគ្នាតែប៉ុណ្ណោះ។ ដូចនេះគួរត្រូវបានដាក់ប្រទេសទាំង១៦២នៅក្នុងកញ្ឆេតែមួយ។ក៍ប៉ុន្តែប្រទេស ស៊ីវិល័យ
មានសេដ្ឋកិច្ចអភិឌ្ឍន៍ និងមានសក្ដានុពល គួរតែមានការខ្មាស់អៀនទៅវិញទេ ដែលខ្លួនមិនបានលុបបំបាត់
ការលាងលុយកខ្វក់ទៅកើត។ របាយការណ៍នេះផ្តល់ពិន្ទុ ៦,២៩សម្រាប់រុស្ស៊ី ៥,៥៤សម្រាប់ស្វីស
៥,៤៩សម្រាប់ អាល្លឺម៉ង់ ៤,៧៨សម្រាប់បារាំង
និង៤,៧២សម្រាប់អង់គ្លេស ៦,៧៦សម្រាប់វៀតណាម ៦,៣៩សម្រាប់ ហ្វីលីពីន
៦,៣៣សម្រាប់អារ៉ាប់រួម ៦,០៦សម្រាប់ចិន និង៥,៩២សម្រាប់ជប៉ុន ៥,៨៥សម្រាប់ប្រេស៊ីល
៥,២០សម្រាប់អាមេរិក ៥,០១សម្រាប់អូស្ត្រាលី ដែលនេះគ្រាន់តែរៀបរាប់ខ្លះៗនូវប្រទេសសេដ្ឋកិច្ចរីកចំរើនក្នុងអឺរ៉ុប
អាស៊ី អាមេរិក និង អូស្ត្រាលី។
ទី២
របាយការណ៍Basel នេះ សង្កត់ធ្ងន់ថា សន្ទស្សន៍នេះគ្រាន់តែចាត់ថ្នាក់នៃភាពងាយរងគ្រោះ
ចំពោះការលាងលុយកខ្វក់របស់ប្រទេសនីមួយៗ ហើយមិនមែនស្ដីអំពីថាតើការលាងលុយកើតឡើងជាក់ស្តែងប៉ុណ្ណា
នោះទេ។ សន្ទស្សន៍ AML Basel
មិនបានវាយសម្លៃអំពីចំនួននៃសាច់លុយ
ឬប្រតិបត្តិការហិរញ្ញវត្ថុខុសច្បាប់នោះទេ។
ចំនួនសាច់លុយក្នុងការលាងលុយកខ្វក់ខុសច្បាប់
ទំនងប្រហែលជាមានចំនួនធំធេងខ្លាំងណាស់នៅក្នុងប្រទេសមាន
សេដ្ឋកិច្ចអភិវឌ្ឍន៍
ដែលអាចកាត់ស្មើទៅនឹងការពុករលួយក្នុងទំហំសាច់ប្រាក់
ដុល្លារដ៍ធំធេងនៅក្នុងប្រទេសទាំងនោះ។ ហេតុអ្វីបានជាវិទ្យាស្ថាននៅស្វីសនេះមិនបានបង្ហាញអំពីបរិមាណនៃចំនួនការលាងលុយដុល្លារតាមប្រទេសនីមួយៗ?
ហេតុអ្វីបានជាវិទ្យុអាស៊ីសេរីជឿលើរបាយការណ៍ Basel
នេះដោយមើលតែ ពីខាងក្រៅ? ចំពោះសំណួរទី១ វិទ្យាស្ថាន នេះគួរផ្តល់ការពន្យល់តាមដែលខ្លួនចង់។
ចំពោះសំណួរទី២ វាគ្មានចម្ងល់ទេថា របាយការណ៍ Basel ដែលពេញតែ ពាក់កណ្តាលនោះ បានបម្រើគោលបំណងរបស់វិទ្យុអាស៊ីសេរីនៅក្នុងការវាយប្រហារដ៏សាហាវទៅលើកាកបាទ
ក្រហមកម្ពុជា។
ទី៣
របាយការណ៍ Basel នេះ
បានគណនាការលាងលុយកខ្វក់ដោយប្រើប្រាស់ប៉ារ៉ាមែត្រដូចគ្នាសម្រាប់ ប្រទេសទាំង១៦២ក្នុងពិភពលោក
មាននិងក្រ ធំនិងតូច មានប្រព័ន្ធសេដ្ឋកិច្ច ហិរញ្ញវត្ថុ និងនយោបាយខុសៗគ្នា
ដោយមានការពិតជាក់ស្តែងដោយឡែកពីគ្នារាប់មិនអស់ ដែលពាក់ព័ន្ធដល់ឥរិយាបទនៃប្រជាជន
និងរដ្ឋាភិបាល។ របាយការណ៍នេះ
គឺគ្មានន័យទេសម្រាប់អ្នកធ្វើសេចក្តីសម្រេចចិត្តនៃប្រទេសសេដ្ឋកិច្ចអភិវឌ្ឍន៍និងប្រទេសផ្សេងទៀត
ក៍ប៉ុន្តែមានប្រយោជន៍ សម្រាប់ NGOs អន្តរជាតិ និងក្នុងស្រុក
និងជាពិសេសសម្រាប់វិទ្យុអាស៊ីសេរី ដើម្បីវាយប្រហាររដ្ឋាភិបាល និងស្ថាប័ននានា
ក្នុងនាមជាមធ្យោបាយដើម្បីសំដែងឧត្តមភាព និងភាពត្រឹមត្រូវមិនចេះខុសរបស់ ពួកគេ។
គឺគ្មានប្រយោជន៍អ្វីទាល់តែសោះដែលខំប្រឹងនិយាយហេតុផលជាមួយវិទ្យុអាស៊ីសេរី
ដោយហេតុផលសាមញ្ញ ថាវិទ្យុនេះបំរើផលប្រយោជន៍ដែលខុសគ្នាស្រឡះពីផលប្រយោជន៍របស់រដ្ឋាភិបាល
និងប្រជាជនកម្ពុជា។ ការដែលវិទ្យុ អាស៊ីសេរី កាន់តែពឹងផ្អែកខ្លាំងឡើងទៅលើការចោទប្រកាន់តាមការសន្មតរបស់ខ្លួនបែបនេះ
ភាពជឿទុកចិត្តបានពី អ្នកស្ដាប់របស់វិទ្យុនេះក៍កាន់តែធ្លាក់ចុះទៅតាមនោះដែរ។
ថ្ងៃទី ៨ ខែកញ្ញា
ឆ្នាំ២០១៤
សាស្ត្រាចារ្យ
ប៉ែន ងឿន ទីប្រឹក្សាសាកលវិទ្យាល័យពុទ្ធិសាស្ត្រ ភ្នំពេញ កម្ពុជា