នៅ
ចំពោះមុខលោក តាគុយ៉ា អូកាដា (TAKUYA OKADA) តំណាងឲ្យក្រុមហ៊ុន
អេអូន (AEON) ជាក្រុមហ៊ុនបង្កើតមូលនិធិអូកាដា
ដែលមានវត្តមានក្នុងពិធីសម្ពោធ
ដែលប្រារព្ធឡើងនៅក្នុងអនុវិទ្យាល័យ ក្រពុំឈូក ស្ថិតនៅក្នុង ឃុំ
ក្រពុំឈូក ស្រុកកោះអណ្តែត ខេត្តតាកែវនោះដែរ ឯកឧត្តមបណ្ឌិត សុខ អាន បាន
មានប្រសាសន៍ឲ្យដឹងថា អាគារសិក្សាថ្មី១ខ្នងនេះ
គឺជាអាគារសិក្សារទី ១៥០
ដែលត្រូវបានសាងសង់ឡើងដោយថវិកាផ្ទាល់ខ្លួនរបស់ឯកឧត្តម អូកាដា
ដែលជាប្រធានមូលនិធិ អូកាដា
តាមរយៈឯកឧត្តមផ្ទាល់ជូនប្រជាពលរដ្ឋនៃព្រះរាជាណាចក្រកម្ពុជា ។
ក្រៅពីការសាងសង់សាលារៀន សារមន្ទីរអង្គរ
និងការចូលរួមដាំដើមឈើនៅតំបន់ប្រាសាទអង្គរវត្តស្ថិតក្នុង
ខេត្តសៀមរាប នៅពេលខាងមុខនេះក្រុមហ៊ុន អេអូន (AEON)
ដែលជាក្រុមហ៊ុនកសាងផ្សារជាច្រើនពាន់នៅក្នុងពិភពលោក
ក៏នឹងដាក់ទុនវិនិយោគសាងសង់ផ្សារទំនើបដ៏ធំមួយនៅក្នុងរាជធានី
ភ្នំពេញផងដែរ។ វត្តមានក្រុមហ៊ុន អេអូន (AEON)
ដែលជាធុរកិច្ចជនជប៉ុន និងសមិទ្ធផលនានា
ដែលកសាងឡើងដោយមូលនិធិអូកាដា នៅក្នុងព្រះរាជាណាចក្រកម្ពុជា
ត្រូវបាន ឯកឧត្តមបណ្ឌិត សុខ អាន ចាត់ទុកថា គឺដោយសារតែព្រះរាជាណាចក្រកម្ពុជា មានសុខសន្តិភាព ស្ថិរភាពនយោបាយ ដែលកើតឡើងដោយនយោបាយឈ្នះ!ឈ្នះរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
ឯកឧត្តមបណ្ឌិត សុខ អាន ដែល
ជាប្រធានក្រុមការងារគណបក្សប្រជាជនកម្ពុជាចុះជួយកសាងអភិវឌ្ឍន៍
ខេត្តតាកែវ បានមានប្រសាសន៍ឲ្យដឹងថា ព្រះរាជាណាចក្រកម្ពុជា
ផ្ទុយពីប្រទេសនានាដែលមានវិបត្តិសេដ្ឋកិច្ច និងនយោបាយ
ហើយប្រទេសខ្លះនៅមានសង្គ្រាមរាល់ថ្ងៃនៅឡើយ។
តាមរយៈនៃការមានសុខសន្តិភាព ស្ថិរភាពនយោបាយ
និងការចូលរួមពីក្រុមការងាររបស់គណបក្សប្រជាជនកម្ពុជា
ក៏ដូចជាការដឹកនាំដ៏ត្រឹមត្រូវរបស់ សម្តេចអគ្គមហាសេនាបតីតេជោ ហ៊ុន សែន ក្នុង
ការកសាងហេដ្ឋារចនាសម្ព័ន្ធនានា ពិសេសក្នុងស្រុកកោះអណ្តែត
ដែលត្រូវបានចាត់ទុកថា ជាស្រុកមួយក្នុងចំណោមស្រុកទាំង១០
នៃខេត្តតាកែវ ដែលមានភាពក្រខ្សត់ជាងគេនោះ
បានជួយធ្វើឲ្យជីវភាពប្រជាពលរដ្ឋមានការប្រែប្រួលរីកចម្រើន។
លោក វ៉ែន កប ប្រធាន
ក្រុមប្រឹក្សាស្រុកកោះអណ្តែតបានឲ្យដឹងថា នៅក្នុងស្រុកកោះអណ្តែត
មានវិទ្យាល័យ ២ កន្លែង អនុវិទ្យាល័យ ៤ កន្លែង សាលាបឋមសិក្សា ១៩ កន្លែង
សាលាមត្តេយ្យ ១០ កន្លែង ដែលមានសិស្សសរុបជាង ១១ ពាន់
ក្នុងនោះសិស្សស្រីជាង ៥ ពាន់នាក់។
តាមរយៈគំនិតផ្តួចផ្តើមរបស់ឯកឧត្តមបណ្ឌិត សុខ អាន អាគារ
សិក្សា១៣ ខ្នង ស្មើរនឹង ៦៦ បន្ទប់ ត្រូវបានកសាងឡើង
និងអាគារថ្មី១ខ្នង ស្ថិតក្នុង អនុវិទ្យាល័យក្រពុំឈូក
ដែលបច្ចុប្បន្នហៅថា អនុវិទ្យាល័យ ក្រពុំឈូក
ដែលត្រូវបានបំផ្លិចបំផ្លាញក្នុងរបប ប៉ុលពត
ហើយត្រូវបានកសាងឡើងវិញកាលពីឆ្នាំ ១៩៨៤ លើផ្ទៃដីប្រមាណ ៣០
ពាន់មែត្រក្រឡា ។ ក្រៅពីនេះមានសិស្សក្នុងស្រុកកោះអណ្តែត ១០៧
នាក់ បានទទួលអាហារូបករណ៍របស់ឯកឧត្តមបណ្ឌិត សុខ អាន ។
ជាមួយគ្នានេះមានប្រឡាយទឹកជាច្រើនពាន់ម៉ែត្រ ក្លោងទ្វាវត្ត
ដំបូលព្រះវិហារ ទីស្នាក់ការគណបក្សស្រុក ១ និងឃុំ ៦
ត្រូវបានកសាងឡើងដោយក្រុមការងារគណបក្សប្រជាជនចុះជួយស្រុក
កោះអណ្តែត។ ឯអាគារសម្ភព ១ ខ្នង នៅក្នុងមន្ទីរពេទ្យបង្អែករមិញ
ក្នុងស្រុកកោះអណ្តែត ដែលជាអំណោយរបស់ឯកឧត្តមបណ្ឌិត សុខ អាន ក៏នឹងត្រូវកសាងក្នុងពេលឆាប់ៗនេះផងដែរ។
ចាប់អារម្មណ៍នៅក្នុងពិធីសម្ពោធអាគារសិក្សាថ្មីនៃអនុវិទ្យាល័យ
ក្រពុំឈូក នេះដែរ លោក តាគុយ៉ា អូកាដា (TAKUYA OKADA) តំណាងឲ្យមូលនិធិ
អូកាដា ក៏ដូចជាក្រុមហ៊ុន អេអូន (AEON)
បានបង្ហាញពីសមានចិត្តរីករាយក្នុងការចូលរួមជួយប្រជាពលរដ្ឋកម្ពុជា
ក៏ដូចជាបំណងនៃការរកស៊ីនៅក្នុងព្រះរាជាណាចក្រកម្ពុជាផងដែរ៕
