អ្នក
ណាក៏ដឹងដែរថា
សារជាតិរបស់គណបក្សប្រឆាំងនៅកម្ពុជានាពេលសព្វថ្ងៃនេះ
គឺមិនអាចលាក់កំបាំងបានឡើយអំពីទម្លាប់ និងឥរិយាបថរបស់ពួកគេ
ដែលប្រកាន់ខ្ជាប់នូវជំហរច្បាស់លាស់ក្នុងការបដិសេធមិនទទួល
ស្គាល់ជាដាច់ខាតនូវជោគជ័យ និងសមិទ្ធផលនានារបស់រាជរដ្ឋាភិបាល។
ពួកគេតែងតែរិះរកគ្រប់វិធីសាស្ត្រ
គឺធ្វើយ៉ាងណាដើម្បីចង់ផ្តួលរំលំរាជរដ្ឋាភិបាលតាមគ្រប់កលល្បិច
និងមធ្យោបាយផ្សេងៗដែលអាចធ្វើទៅបាន។
ក្នុងចំណោមយុទ្ធវិធីជាច្រើន
ដែលជាទិសដៅសំរាប់ការប៉ុនប៉ងទម្លាក់រាជរដ្ឋាភិបាល
គ្រប់គ្រងដោយគណបក្សប្រជាជនកម្ពុជា
គឺក្រុមបក្សប្រឆាំងចង់ផ្លាស់ប្តូរដោយកម្លាំងមហាជន
ដែលធ្វើឡើងមិនមែនតាមរយៈការបោះឆ្នោត
ក្នុងអ្វីដែលពួកគេចង់យកតាមគំរូរបស់បណ្តាប្រទេសមួយចំនួន។
វាពិត
ជាគ្រោះថ្នាក់ខ្លាំងណាស់សំរាប់សង្គមជាតិ
និងវារិតតែមិនគួរគប្បីនឹងត្រូវបានអនុញ្ញាតឱ្យកើតមានសោះឡើយនូវ
សកម្មភាពណាមួយដែលផ្ទុយពីអំពីទិដ្ឋភាពច្បាប់
និងខុសទាំងស្រុងពីបំណងរបស់ប្រជាពលរដ្ឋ
ក្នុងដំណាក់កាលដែលប្រជាពលរដ្ឋកំពុងរស់នៅជាមួយសន្តិភាព
ប្រសិនបើភាពសុខសាន្តនេះត្រូវបានបំផ្លាញដោយក្រុមបក្សប្រឆាំង។
ក្រុម
បក្សប្រឆាំង មិនគួរនឹងជ្រួលច្របល់ហួសហេតុ
ដោយបំផុសឡើងនូវការដុតបញ្ឆេះកំហឹងប្រជាពលរដ្ឋតាមរយៈ
ការខិតខំនាំគ្នាបង្កើតនូវរឿងរ៉ាវ ដែលជាភាពអសកម្ម
នៅតាមមូលដ្ឋានតូចតាច នាំគ្នា បំប៉ោង បំភ្លើស
ប្រឌិតព័ត៌មានភូតកុហកជាច្រើន បង្កឡើងឱ្យទៅជារឿងធំ
និងមានភាពចលាចល។ ដូចការលើកឡើងរបស់លោក សម រង្ស៊ី នាពេលកន្លងមក
គឺ មេបក្សប្រឆាំងម្នាក់នេះ និយាយថា សកម្មភាពរបស់គាត់ដែលបាន
និងកំពុងធ្វើនៅឯក្រៅប្រទេស គឺគ្រាន់តែជាការបង្អើលៗ បំភិតបំភ័យ
នាំឱ្យមានវឹកវរតែប៉ុណ្ណោះ ។
មេដឹក
នាំគណបក្សប្រឆាំង បានយកពាក្យប្រជាធិបតេយ្យយកមកដាក់លើបរបូមាត់
និងបាននាំគ្នាស្រែកថា សព្វថ្ងៃនេះសង្គមខ្មែរអយុត្តិធម៌
រំលោភសិទ្ធិមនុស្សធ្ងន់ធ្ងរ និងចោទប្រកាន់យ៉ាងនេះយ៉ាងនោះ
រហូតដល់ថ្នាក់ធ្វើការប្រដូចការដឹកនាំសព្វថ្ងៃនេះ
ទៅនឹងបណ្តាប្រទេសដែលកំពុងជួបនូវភាពវឹកវរ ចលាចល
ដូចជានៅប្រទេសទុយនេស៊ីជាដើម។ ប៉ុន្តែ ហេតុផលពិតនោះ
គឺបញ្ហាកើតចេញតែពីភាពរំជើបរំជួល បែកបាក់សាមគ្គី
និងការមិនទុកចិត្តគ្នានៅក្នុងផ្ទៃក្នុងបក្សប្រឆាំងទាំងអស់នោះ
តែប៉ុណ្ណោះ។
ឥរិយាបទ
ខ្លះៗរបស់មេបក្សប្រឆាំងនៅកម្ពុជាដែលរំខានដល់ការពង្រឹងនិតិរដ្ឋ
គឺបានស្តែងចេញតាមរយៈការប្រើប្រាស់សិទ្ធិសេរីភាពរបស់ខ្លួនជ្រុល
រអិលធ្លាក់ចូលជ្រៅក្នុងភាពអាណាធិបតេយ្យ
និងបានបំពានទៅលើផ្លូវច្បាប់ទាំងកំរោល
គឺជាគ្រោះថ្នាក់ដ៏ខ្លាំងដែលបានបំផ្លាញនូវទឹកចិត្តរបស់ប្រជាពល
រដ្ឋ។ សកម្មភាពទាំងនោះ មានដូចជា លោក សម រង្ស៊ី
រំលោភលើការងាររបស់រាជរដ្ឋាភិបាលដោយអំពើដកបំផ្លាញតម្រុយបង្គោលព្រំ
ដែន គឺជាបរាជ័យមួយក្នុងការទាក់ទាញការគាំទ្រពីប្រជាពលរដ្ឋ។
បន្ទាប់មកទៀត គឺការក្លែងឯកសារផែនទី ដោយភាពតក់ក្រហល់
ដើម្បីស្វែងរកលេសការពារខ្លួន
និងបន្តធ្វើការទម្លាក់កំហុសមកលើរាជរដ្ឋាភិបាល និងចោទថា
រដ្ឋាភិបាលបច្ចុប្បន្ននេះ
ពុំបានគិតគូរដោះស្រាយបញ្ហាព្រំដែនជាមួយប្រទេសជិតខាង។
ដើម្បីទប់ស្កាត់អំពើកេងចំណេញ ដែលរំលងផ្លូវច្បាប់នេះ គឺលោកសម
រង្ស៊ី ត្រូវបានសភាជាតិសំរេចដកអភ័យឯកសិទ្ធិ
ហើយតុលាការក៏បានកាត់ឱ្យជាប់ទោស និងពិន័យជាប្រាក់។
បើ
ទោះបីជាលោកសម រង្ស៊ី
ខិតខំដើរបំផុសចលនាប្រឆាំងនៅក្រៅប្រទេសដើម្បីចង់សំរេចគោលដៅនោះយ៉ាង
ណាក៏ដោយ ប៉ុន្តែ លោក សម រង្ស៊ី
ខ្លួនឯងបានសារភាពអស់ហើយនូវការមួលបង្កាច់ទាំងឡាយទាំងពួងតាម
រយៈលិខិតផ្ញើជូនសម្តេចតេជោ ហ៊ុន សែន កាលពីឆ្នាំ ២០០៦ ថា លោក
មានការសោកស្តាយខ្លាំងណាស់ចំពោះការចោទប្រកាន់។ល។
និង។ល។របស់លោកមកលើសម្តេច ថា វាជារឿងមិនពិតនោះទេ ។ ដូច្នេះ
ការចោទប្រកាន់ណាក៏ដោយចំពោះការដឹកនាំរបស់សម្តេច
គឺស្មើនឹងការផ្តាច់ដង្ហើមនយោបាយរបស់លោកសម រង្ស៊ី
ខ្លួនឯងទៅវិញទេ។
ដោយ
សារកំហឹងបុគ្គល គំនុំ និងចិត្តមោះមុតរិះរកតែវិធីសងសឹក
ហើយខ្វះនូវវិចារណញាណក្នុងការប្តូរឥរិយាបថ បានរុញច្រានឱ្យលោក សម
រង្ស៊ី ធ្លាក់ចូលក្នុងភាពទ័លច្រកផ្នែកនយោបាយ
និងធ្លាប់ដើរដោយសេរីក្នុងប្រទេស ត្រូវបានផ្លូវបិទទាំងស្រុង។
នេះ គឺជាទណ្ឌកម្មនៃការប៉ុនប៉ងធ្វើបដិវត្តប្រឆាំង ដោយពុំផ្អែកលើគោលការណ៍ច្បាប់ និងអហឹង្សា ។
ចំ
ពោះរបៀបដឹកនាំមេបក្សសិទ្ធិមនុស្សវិញ គឺលោកកឹម សុខា
ប្រៀបបាននឹងអ្នកធ្វើនំអត់ម្សៅ គឺមានតែវោហារបោកប្រាស់
ធ្វើស្រែលើខ្នងរាស្ត្រ
លាយឡំជាមួយនឹងការសន្យាខ្យល់សំរាប់អាជីវកម្មនយោបាយ ។ និយាយជារួម
លោក កឹម សុខា ពុំមានលក្ខណៈសម្បត្តិជាមេដឹកនាំបន្តិចសោះឡើយ ។
ម៉្យាងទៀត វារិតតែពិបាកខ្លាំងណាស់ ត្រង់ថា
ពួកគេនាំគ្នាយកវិធីកំទេចសន្តិភាព បំភ្លេចថ្ងៃរស់រានមានជីវិត
ធ្វើជាយុទ្ធនាការដុតបញ្ឆេះកំហឹងជាតិសាសន៍
និងការវាយប្រហារមកលើឥស្សរជនសំខាន់ៗរបស់គណបក្សប្រជាជន
ដែលបាននាំឱកាសល្អសំរាប់ពួកគេអាចធ្វើនយោបាយបានដូចសព្វថ្ងៃ។
អ្នក
ដឹកនាំប្រឆាំងទាំងអស់គួរគប្បីរៀនសូត្រអំពីរបៀបប្រឆាំងរបស់ខ្លួន
ដែលប្រកបដោយភាពស្មោះត្រង់ និងស្វាមីភក្តិ (loyal opposition)
ចំពោះប្រទេសជាតិ និងប្រជាពលរដ្ឋ ដោយពិតប្រាកដ
វាមិនមែនជាការប្រឆាំងដើម្បីបំផ្លាញ ឬកំទេច
ធ្វើឱ្យបែកបាក់នោះទេ ។
ដូច្នេះ
អំពីស្ថានការណ៍នយោបាយនៅកម្ពុជា គឺបានបង្ហាញយ៉ាងច្បាស់
និងញែកដាច់ចេញពីគ្នារវាងសខ្មៅ ការពិត និងក្លែងក្លាយ។
ក្នុងបរិបទនេះ
បើពិពណ៌នាអំពីចរិតលក្ខណៈនៃការដឹកនាំក៏ដូចគ្នាដែរ
គឺមានការធ្វើនយោបាយសុចរិត និងឆបោក
គឺមិនអាចលាក់បាំងពីក្រសែភ្នែករបស់ប្រជាពលរដ្ឋបានឡើយ។
ត្រង់
ន័យនេះ ចង់បញ្ជាក់ថា សមិទ្ធផលដ៏ច្រើនរបស់គណបក្សប្រជាជន
ក៏ដូចជាអំពើល្អរបស់ថ្នាក់ដឹកនាំសំខាន់ៗរបស់គណបក្សប្រជាជនកម្ពុជា
គឺបានបង្ហាញពីប្រសិទ្ធភាពនៃការលះបង់ ចូលរួមវិភាគទាន
ទាំងកំលាំងកាយ ចិត្ត បញ្ញា ស្មារតី ឆន្ទៈប្តូរផ្តាច់ និង ជាពិសេស
គឺការយកអាយុជីវិតជាដើមទុន ដើម្បីតស៊ូ
ដណ្តើមបានភាពសុខសាន្តជូនប្រជាពលរដ្ឋកម្ពុជា
និងសង្គ្រោះទឹកដីបានមកវិញផុតពីសង្គ្រាមបង្ហូរឈាម
និងការកាប់សម្លាប់របស់ពួកមេក្លោងឧក្រិដ្ឋកម្មសង្គ្រាមនៃបនប្រល័យ
ពូជសាសន៍ប៉ុល ពត ។
សមិទ្ធផល
ទាំងនោះ
ពិតជាមិនអាចបដិសេធបានឡើយនូវការខិតខំប្រឹងប្រែងរបស់មន្ត្រី
ជាន់ខ្ពស់គណបក្សប្រជាជនកម្ពុជា ក្នុងការបន្ត ស្តារ កសាង
និងអភិវឌ្ឍប្រទេសជាតិ គឺត្រូវការការចូលរួមធ្វើដោយផ្ទាល់
និងដោយកិច្ចសហការល្អពីគ្រប់និន្នាការនយោបាយ វាមិនមែនចាំតែការ
បើកការវាយប្រហារ រិះគន់ ជេរប្រមាថ
ទើបហៅថាខ្លួនជាអ្នកស្នេហាជាតិ ស្រឡាញ់ខ្មែរនោះទេ។
គណបក្សប្រឆាំងសព្វថ្ងៃ គឺមិនបានយល់អំពី ស្វាមីភក្តិ((loyal
opposition) ចំពោះជាតិដោយស្មោះស និងមានតែឧបាយកលបោកបញ្ឆោត
សម្លាប់ទឹកចិត្តប្រជាពលរដ្ឋ និងប្រើប្រាស់ប្រជាពលរដ្ឋ
ដើម្បីតែការសំរេចបំណងរបស់ខ្លួនដែលផ្ទុយពីគោលការណ៍ច្បាប់
ទើបទទួលនូវលទ្ធផលបរាជ័យជាបន្តបន្ទាប់បែបនេះ៕
សាន ពន្លក