ថ្លែង
ទៅកាន់សន្និសីទស្តីពីចក្ខុវិស័យកម្ពុជា ឆ្នាំ ២០១២ ក្រោមប្រធានបទ
«អាទិភាពរបស់កម្ពុជាដើម្បីលើកកម្ពស់កំណើនសម្រាប់គ្រប់គ្នា
សមាហរណកម្មក្នុងតំបន់ និង ការដឹកនាំអាស៊ាន»
ដែលប្រព្រឹត្តទៅនៅសណ្ឋាគារឡឺរ៉ូយ៉ាល់ រាជធានីភ្នំពេញនាថ្ងៃទី១៦
ខែកុម្ភៈ ឆ្នាំ ២០១២ សម្តេចអគ្គមហាសេនាបតីតេជោ ហ៊ុន សែន
បានមានប្រសាសន៍ថា ខ្ញុំមានបំណងធានាឲ្យប្រាកដថា
នឹងសម្រេចឲ្យបានជាអតិបរមានូវសមិទ្ធផល
នៃសហគមន៍សេដ្ឋកិច្ចអាស៊ាននៅឆ្នាំ២០១៥ និងសហគមន៍សន្តិសុខ នយោបាយ
និងវប្បធម៌សង្គម ដែលប្រទាក់ក្រឡាគ្នា
ដើម្បីប្រែក្លាយ«សហគមន៍មួយមានវាសនាតែមួយ»
ដែលជាក្តីស្រមៃរបស់អាស៊ានឲ្យក្លាយជាការពិត និង ការធានាថា
ប្រជាជាតិអាស៊ាន ជាពិសេស ក្មេងៗជំនាន់ក្រោយយល់ដឹង និង កោតសរសើរ
អំពីតម្លៃ នៃអភិក្រមគ្មានពីរចំពោះលទ្ធិតំបន់និយម និង
សមាហរណកម្មតំបន់ ព្រមទាំងភាពក្លៀវក្លា គ្មានប្រៀប
ដែលនឹងផ្តល់ឲ្យយើងនូវសំឡេងតំបន់មួយ
ដែលមានឥទ្ធិពលនៅក្នុងសហគមន៍ពិភពលោក ដែលកំពុងមានបញ្ហាប្រឈម។
សម្តេចតេជោនាយករដ្ឋមន្រ្តី
នៃព្រះរាជាណាចក្រកម្ពុជា ដែលត្រូវទទួលជាប្រធានអាស៊ានបានថ្លែងថា
ចំពោះបញ្ហាជាអាទិភាពសម្រាប់អាស៊ាន
ខ្ញុំមានបំណងធានាឲ្យបានប្រាកដថា
តាមរយៈការធ្វើការរួមគ្នានៅឆ្នាំ ២០១២ យើងនឹងបន្តកសាងសមត្ថភាពយើង
ដើម្បីធានាកំណើន និងសម្រេចបានវិបុលភាពកាន់តែខ្ពស់
សមាហរណកម្មសេដ្ឋកិច្ច ការតភ្ជាប់និងការប្រកួតប្រជែងកាន់តែខ្លាំងក្លា
តាមរយៈការសម្រេចឲ្យបានសហគមន៍សេដ្ឋកិច្ចអាស៊ាន និង
តាមរយៈការជំរុញប្រភពកំណើនក្នុងស្រុក និង
ការធ្វើឲ្យស៊ីជម្រៅកិច្ចសហប្រតិបត្តិការតំបន់
ជាពិសេសដំណើរការអាស៊ានបូក ៣ ខណៈដែលការបើកចំហ នៅតែមានចំពោះឱកាសកិច្ចសហប្រតិបត្តិការសេដ្ឋកិច្ចតំបន់ និង ពិភពលោកនោះ។
សម្តេចនាយករដ្ឋមន្ត្រីថ្លែង
ថា ខ្ញុំមានបំណងសម្រេចផ្តល់តួនាទីកាន់តែធំ សម្រាប់វិស័យឯក
ជននៅក្នុងកិច្ចដំណើរការ និង ការរៀបចំគោលនយោបាយអាស៊ាន និង
ការទាញយកផលចំណេញ ឲ្យកាន់តែច្រើនពីកិច្ចព្រមព្រៀងពាណិជ្ជកម្មសេរី
និង កិច្ចសហប្រតិបត្តិការអាស៊ាន។ ខ្ញុំមានបំណងពង្រីកអា
ស៊ានទៅជាស្ថាប័នមានធនធានសម្បូរណ៍បែប
តាមរយៈកិច្ចសហប្រតិបត្តិការអន្តរអាស៊ាន និង
តាមរយៈភាពជាដៃគូជាមួយដៃគូចរចាតំបន់ និង អន្តរជាតិ។
ខ្ញុំមានបំណងចង់ឃើញអាស៊ានធ្វើការងារ
តាមការសន្យាក្នុងធម្មនុញ្ញអាស៊ាន ដើម្បីកាត់បន្ថយ
ភាពក្រីក្រ និង បង្រួមគម្លាតអភិវឌ្ឍន៍រវាង ប្រទេសសមាជិក អាស៊ាន
ដែលមានការអភិវឌ្ឍតិចតួច(កម្ពុជា ឡាវ ភូមា)
តាមរយៈកិច្ចសហប្រតិបត្តិការ និង ការជួយគ្នាទៅវិញទៅមក
ព្រមទាំងជំរុញការបញ្ជា ទិញ និង អន្តរពាណិជ្ជកម្មនៅ ក្នុងតំបន់។
សម្តេចតេជោ ហ៊ុន សែន
មានប្រសាសន៍ថា ខ្ញុំមានបំណងប្រើប្រាស់វេទិកាអាស៊ាន
កិច្ចប្រជុំកំពូលអាស៊ានបូក ៣ និង កិច្ចប្រជុំកំពូលអាស៊ីបូព៌ា
ដើម្បីជំរុញកិច្ចសហប្រតិបត្តិការ សន្តិភាព និង
សន្តិសុខក្នុងតំបន់សម្រាប់បញ្ចៀសជម្លោះ និងដោះស្រាយភាពតានតឹង គោរព
និងការពារផលប្រ យោជន៍ទាំងប្រទេសតូច និង
ធំក្នុងតំបន់ក្នុងពេលដែលយើងធ្វើការរួមគ្នាលើការមិនរីកសាយ
អាវុធនុយក្លេអ៊ែរ ការប្រឆាំងភេរវកម្ម ឧក្រិដ្ឋកម្ម និង
ការទប់ស្កាត់ការរត់ពន្ធមនុស្ស។ខ្ញុំមានបំណង
ធ្វើការងារជាមួយដៃគូអាស៊ាន និង ដៃគូផ្សេងទៀតក្នុងតំបន់
ដើម្បីគាំទ្រប្រទេសភូមាឲ្យសម្រេច បានបំណងប្រាថ្នារបស់ខ្លួន និង
បន្តតួនាទីដែលមានសិទ្ធិពេញលេញក្នុងអាស៊ាន និង តំបន់កាន់តែ
ទូលំទូលាយ។
សម្តេចតេជោនាយករដ្ឋមន្ត្រី
បានមានប្រសាសន៍បញ្ជាក់ថា កម្ពុជាគឺស្ថិតលើទីតាំងល្អប្រសើរ
ក្នុងការដើរតួនាទីជាអ្នកដឹកនាំអាស៊ាន ដែលប្រកបដោយការទទួលខុសត្រូវ
និង មានលក្ខណៈ ស្ថាបនានៅពេលនេះ និង តាមរយៈជាប្រជាជាតិក្នុងតំបន់
និង អន្តរជាតិដែលមានការទទួលខុសត្រូវ
ដើម្បីតបស្នងវិញនូវអ្វីដែលយើងបានទទួលការឧបត្ថម្ភពីប្រទេសជិតខាង
ក្នុងតំបន់ និង សហគមន៍ អន្តរជាតិក្នុងរយៈពេលជាង ២ ទសវត្សរ៍កន្លងមក។
យើងមានទំនាក់ទំនង និង កិច្ចសហប្រតិបត្តិការ
ប្រកបដោយភាពវិជ្ជមានគឺកិច្ចសហប្រតិបត្តិការសេដ្ឋកិច្ច
កិច្ចសហប្រតិបត្តិការជាយុទ្ធសាស្ត្រ និង ទំនាក់ទំនងរវាងប្រជាជន និង
ប្រជាជនជាមួយប្រទេសជិតខាងក្នុងអាស៊ាន អាស៊ីបូព៌ាដូចជា ប្រទេស ចិន
កូរ៉េខាងជើង កូរ៉េខាងត្បូង និង ជប៉ុន
ព្រមទាំងជាមួយប្រទេសសំខាន់ៗក្នុងតំបន់ ដូចជាសហរដ្ឋ អាមេរិក និង
អូស្ត្រាលី។ខ្ញុំសង្ឃឹមថា តាមរយៈការប្តេជ្ញាចិត្ត និង
កិច្ចខិតខំប្រឹងប្រែងរបស់យើងក្នុង ឆ្នាំនេះ
យើងអាចប្រើប្រាស់ទំនាក់ទំនងដ៏ល្អនេះ ដើម្បីពង្រឹងអាស៊ាន និង
សម្រេចគោលដៅរបស់ យើង។
សម្តេចតេជោ មានប្រសាសន៍ថា
ខ្ញុំមានសេចក្តីរីករាយសូមប្រកាសថា ក្នុងឋានៈជា
ប្រធានអាស៊ានកម្ពុជានឹងផ្ដួចផ្ដើម និង
ធ្វើជាម្ចាស់ផ្ទះសម្រាប់ការពិភាក្សាថ្នាក់ពិភពលោក
ដែលនឹងរៀបចំនៅចុងឆ្នាំ ២០១២
បន្ទាប់ពីកិច្ចប្រជុំកំពូលអាស៊ីបូព៌ា។ខ្ញុំគ្រោងអញ្ជើញថ្នាក់ដឹកនាំ
នៃអង្គការអភិវឌ្ឍន៍ និង ហិរញ្ញពហុភាគីសំខាន់ៗរួមមាន
មូលនិធិរូបិយវត្ថុអន្តរជាតិ ធនាគារពិភពលោក ធនាគារអភិវឌ្ឍន៍អាស៊ី
អង្គការសហប្រជាជាតិ និង អង្គការពាណិជ្ជកម្មពិភពលោក ដើម្បីជួបប្រជុំ
ពិភាក្សារិះរកវិធីសាស្ត្រធ្វើការរួមគ្នាជាមួយយើងឲ្យ
កាន់តែមានប្រសិទ្ធភាពក្នុងតំបន់អាស៊ាន និង អាស៊ីបូព៌ា
ដើម្បីបន្តសម្រេចគោលដៅរួម គឺសន្តិភាព ស្ថិរភាព
ការអភិវឌ្ឍប្រកបដោយចីរភាព និង វិបុលភាព។ក្នុងទសវត្សកន្លងទៅនេះ
ពិភពលោកមានការផ្លាស់ប្តូរ តំបន់យើងមានការផ្លាស់ប្តូរ
ហើយប្រទេសកម្ពុជាក៏មានការផ្លាស់ប្តូរដែរ
ដូច្នេះវាដល់ពេលហើយសម្រាប់ការពិភាក្សាថ្មីមួយ ដើម្បីឆ្លុះបញ្ចាំង
និង ឆ្លើយតបទៅនឹងសារៈសំខាន់នៃតំបន់អាស៊ីបូព៌ា
ខណៈពេលអាស៊ានក្លាយជា ស្នូលនៃសេដ្ឋកិច្ចពិភពលោកនោះ។
សម្តេចអគ្គមហាសេនាបតីតេជោ ហ៊ុន សែន បាន
បញ្ជាក់ថា នេះជាអ្វីដែលខ្ញុំប្រាថ្នាចង់បានសម្រាប់កម្ពុជាផង
សម្រាប់តំបន់ផង ក្នុងឋានៈយើងធ្វើជាប្រ ធានអាស៊ាននៅឆ្នាំ ២០១២
នេះ។ខ្ញុំទន្ទឹមរង់ចាំការធ្វើការងារជាមួយមិត្តភក្តិ និង
សហការីកម្ពុជា របស់ខ្ញុំ និង
ប្រទេសអាស៊ានព្រមទាំងដៃគូចរចាក្នុងតំបន់ និង ពិភពលោក
ដើម្បីសម្រេចបានបំណងប្រាថ្នាទាំងនេះ។
«តាមរយៈកិច្ចខិតខំប្រឹងប្រែងរបស់យើង
នៅឆ្នាំនេះ ខ្ញុំចង់ឃើញអាស៊ានកាន់តែរឹងមាំ និង មានឥទ្ធិពល
ដើម្បីធ្វើការងារឲ្យកាន់តែមានប្រសិទ្ធភាពទាំងក្នុង និង
កម្រិតតំបន់ និង ពិភពលោក
ដោយមានការប្តេជ្ញាកាន់តែខ្លាំងក្លាពីសំណាក់សមាជិកទាំងឡាយ
ការកៀរគរបន្ថែម និង តួនាទីកាន់ តែទូលំទូលាយរបស់អគ្គលេខាធិការ និង
លេខាធិការដ្ឋានអាស៊ាន ក៏ដូចជានិរន្តរភាពរវាងភាពជាប្រធាន
ក្នុងស្ថាប័នតំបន់មួយនេះ។ខ្ញុំមានជំនឿថា
អាស៊ានគួរតែដើរតួនាទីឲ្យកាន់តែសកម្មក្នុងបញ្ហាអន្តរជាតិ
ហើយខ្ញុំនឹងថ្លែងបញ្ជាក់សារនេះនៅពេលដែលខ្ញុំថ្លែងសុន្ទរកថា
ក្នុងកិច្ចប្រជុំកំពូល G២០ នៅរដ្ឋឡូសកាបូស
ប្រទេសម៊ិកស៊ិកក្នុងនាមអាស៊ាននៅខែមិថុនាខាងមុខនេះ»៕