សម្តេចអគ្គមហាតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា បានស្វាគមន៍ចំពោះ
ក្រុមហ៊ុនជប៉ុនឈ្មោះ TAIWA SEIKI ដែលមានបំណងចូលរួមចំណែក
ក្នុងនយោបាយជម្រុញការនាំអង្ករចេញរបស់កម្ពុជា។ សម្តេចនាយករដ្ឋមន្ត្រី
បានលើកទឹកចិត្តចំពោះការ
តម្លើងរោងចក្រផលិតម៉ាស៊ីនកិនស្រូវនៅកម្ពុជា
ពិសេសនៅរាជធានីភ្នំពេញដោយក្រុមហ៊ុន TAIWA SEIKI ។ សម្តេចតេជោ
មានប្រ សាសន៍ថា កម្ពុជាមានឃុំចំនួន ១៦៣៣ មានភូមិជាង ១៦០០០
ភូមិក្នុងនោះមានភូមិប្រមាណជា ១ ម៉ឺន ដែលត្រូវការម៉ាស៊ីនកិនស្រូវ
ហើយតាមរយៈការផលិតម៉ាស៊ីនកិនស្រូវខ្នាតតូចរបស់ក្រុមហ៊ុន TAIWA SEIKI
នៅកម្ពុជានឹងអាចទទួលបានទីផ្សារលក់ជូនប្រជាជនកម្ពុជាយកទៅ
ប្រើប្រាស់តាមសេចក្តីត្រូវ ការក្នុងភូមិនីមួយៗបាន។
ឯកឧត្តម អ៊ាង សុផល្លែត ជំនួយការសម្តេចនាយករដ្ឋមន្ត្រីឲ្យ
ដឹងថា
នៅក្នុងជំនួបសំដែងការគួរសមជាមួយសម្តេចតេជោប្រមុខរាជរដ្ឋាភិបាល
នៅវិមានសន្តិភាពក្នុងរាជ ធានីភ្នំពេញកាលពីថ្ងៃទី ១៦ កុម្ភៈ
ឆ្នាំ ២០១២ លោក TAKAI YESEIKI ប្រធានក្រុមហ៊ុនTAIWA SEIKI របស់
ប្រទេសជប៉ុនបានជំរាបជូនសម្តេចអគ្គមហាសេនាបតីតេជោ ហ៊ុន សែន
អំពីគោលបំណងរបស់លោក មកកាន់ព្រះរាជាណាចក្រកម្ពុជានេះ
គឺដើម្បីចូលរួមចំណែកជំរុញផលិតផលស្រូវអង្ករកម្ពុជាឲ្យមាន
ភាពល្បីល្បាញនៅក្នុងពិភពលោក និង
ដើម្បីរួមចំណែកធ្វើឲ្យកសិករកម្ពុជាទទួលបានផលតាមការ នឿយហត់
ដែលគួរតែទទួលបានតាមរយៈម៉ាស៊ីនកិនស្រូវខ្នាតតូច និង មធ្យម
ដែលសហគមន៍នីមួយៗ
អាចទិញយកទៅប្រើប្រាស់បានមានលក្ខណៈជាម៉ាស៊ីនកិនស្រូវខ្នាត
អន្តរជាតិផលិតឡើង នៅក្នុងប្រទេសកម្ពុជា។
លោក TAKAI YESEIKI មានប្រសាសន៍ឲ្យដឹងថា
ក្រុមហ៊ុនរបស់លោកបានតម្លើងម៉ាស៊ីនកិន ស្រូវចំនួន ១
គ្រឿងរួចមកហើយនៅក្នុងប្រទេសកម្ពុជា
ដើម្បីធ្វើការសាកល្បងកិនលើពូជស្រូវរបស់កម្ពុជា នឹងជប៉ុន
តើមានលក្ខណៈខុសគ្នាបែបណា។លោកប្រធានក្រុមហ៊ុនបានបន្តថា
បន្ទាប់ពីការសាកល្បង បង្ហាញថា
ម៉ាស៊ីនកិនស្រូវរបស់ក្រុមហ៊ុននោះអាចកិនអង្កររបស់កម្ពុជាបានល្អ
មិនបាក់ និង ទទួលបានតាមស្តង់ដារ អន្តរជាតិ
ហើយរូបលោកបានសម្រេចចិត្តបង្កើតរោងចក្រផលិតម៉ាស៊ីនកិនស្រូវ
ក្នុងប្រទេសកម្ពុជា តាម រយៈការដាក់ផ្លាកយីហោថា
ផលិតដោយប្រទេសកម្ពុជាតែម្តង។