ពិធីអបអរខួបអនុស្សាវរីយ៏លើកទី១០២
ទិវានារីអន្តរជាតិ៨មីនា
បានប្រារព្ធធ្វើឡើងនាព្រឹកថ្ងៃទី០៦ខែមីនាឆ្នាំ២០១៣នៅទី
រួមខេត្តតាកែវ ក្រោមអធិបតីភាពរបស់លោកជំទាវអាន្នីសុខអាន អនុប្រធានទី១កាកបាទក្រហមកម្ពុជា តំណាងដ៏ខ្ពង់ខ្ពស់បណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ក្រោមប្រធានបទ សិទ្ធិស្មើគ្នា ឱកាសដូចគ្នា ដើម្បីពន្លឿនកិច្ចអភិវឌ្ឍន៏ ។
មានមតិស្វាគមន៏នាឱកាសនោះឯកឧត្តម ស្រី បេន
អភិបាលខេត្ត តាកែវ បានគាំទ្រដល់មន្ទីរកិច្ចការនារីខេត្ត
គណៈកម្មការសាខាសមាគមនារីកម្ពុជា
ដើម្បីសន្ដិភាពនិងអភិវឌ្ឍខេត្តនិងក្រុមការងារស្រី្តរួមសហការជាមួយ
មន្ទីរ អង្គភាពពាក់ព័ន្ធ និងអង្កការដៃគូរអភវឌ្ឍន៏នានា
ដែលបានខិតខំចលនាផ្សព្វផ្សាយអោយមាតា បិតា
បញ្ចូនកូនប្រុសកូនស្រីទៅសាលារៀន ចលនាបង្កើនការយល់ដឹងអំពីសុខភាព
អនាម័យ ពង្រឹងសេវាសុខភាពបន្ដពូជ សុខភាពម្ដាយ និងទារក
អប់រំអោយយកកូនទៅចាក់ថ្នាំវ៉ាក់សាំងការពារជំងឺទាំង០៩មុខ
ជម្រុញការបំបៅកូនដោយទឹកដោះម្ដាយដំបូងរយៈពេល៦ខែ
និងផ្សព្វផ្សាយច្បាប់ដើម្បីទប់ស្កាត់អំពើហិង្សាក្នុង គ្រួសារ
ការជួញដូរស្រ្តី និងកុមារជាដើម។ ជាមួយគ្នានេះ ឯកឧត្តម
ក៏បានលើកឡើងអំពីប្រធានបទ ស្តីពីសិទ្ធស្មើគ្នា ឱកាសដូចគ្នា
ដើម្បីពន្លឿនកិច្ចអភិវឌ្ឍន៏
គឺស្របទៅនឹងបរិបទរបស់សង្គមកម្ពុជាយើងនាពេលបច្ចុប្បន្ន
និងបានផ្សារភ្ជាប់ទៅនឹងបរិស្ថានសង្គមនៅលើពិភពលោកដែលគេចាត់
ទុកថា សមភាពយេនឌ័រ ដើរតួនាទីសម្រាប់មនុស្សគ្រប់រូប និងសង្គមជាតិ។
បន្ទាប់មក លោកជំទាវ និន សាផុន តំណាងរាស្រ្ត
មណ្ឌលខេត្តតាកែវ បានអានព្រះរាជសារ
សម្ដេចព្រះមហាក្សត្រីនរោត្តមមុនីនាថសីហនុ ព្រះវរាជមាតាជាតិខ្មែរ
ក្នុងសេរីភាព សេចក្តីថ្លៃថ្នូរ និងសុភមង្គល
សម្រាប់ខួបអនុស្សាវរីយ៏លើកទី១០២ទិវានារីអន្តរជាតិ៨មីនា
ដែលពោរពេញទៅដោយអត្ថន័យដ៏ជ្រាលជ្រៅសម្រាប់ ទិវានារី៨មីនា
ក្រោមប្រធានបទ សិទ្ធិស្មើគ្នា
ឱកាសដូចគ្នាដើម្បីពន្លឿនកិច្ចអភិវឌ្ឃន៏។
លោកជំទាវ អាន្នីសុខ អាន បានមានប្រសាសន៍ដោយកោតសរសើរ
និងវាយតម្លៃខ្ពស់
ចំពោះកិច្ចខិតខំប្រឹងប្រែងរបស់ក្រុមការងារស្ត្រីទាំងអស់ក្នុង
ខេត្តតាកែវ ដែលបានធ្វើសកម្មភាពនានា
ជាច្រើនដើម្បីលើកកម្ពស់ស្ត្រី ជាងនេះទៅទៀត
លោកជំទាវក៏កោតសរសើរផងដែរ ចំពោះលោកជំទាវ លោកស្រី
ជាភរិយារបស់ថ្នាក់ដឹកនាំគណបក្ស
ដែលជានិច្ចកាលតែងយកអស់កម្លាំងកាយ ចិត្ត ប្រាជ្ញា និងស្មារតី
ជួយស្វាមីរបស់ខ្លួនក្នុងការបំពេញភារកិច្ចដ៏ឧត្តុង្គឧត្តម
ជូនជាតិមាតុភូមិ ដោយមិនខ្លាច នឿយហត់ ។
ថ្លែងក្នុងឱកាសនោះលោកជំទាវអាន្នី សុខ អាន
ក៏បានលើកឡើងផងដែរថា
ទិវានេះមិនត្រឹមតែជាការរំលឹកនូវប្រវត្តិតស៊ូរបស់ស្ត្រីលើសកលលោក
សាមគ្គីភាពរវាងស្ត្រីពីប្រទេសមួយទៅប្រទេសមួយ
ពីតំបន់មួយទៅតំបន់មួយ ពីទ្វីបមួយទៅទ្វីបមួយ
ដើម្បីទាមទារសិទ្ធិស្មើគ្នា
និងឱកាសដូចគ្នាជាមួយនឹងបុរសប៉ុណ្ណោះទេ
ប៉ុន្តែថែមទាំងជាការអបអរសាទរចំពោះសមិទ្ធផលនានាដែលស្ត្រីសម្រេច
បានទាំងក្នុងឋានៈ តួនាទី សិទ្ធិ និងសេរីភាពរបស់ស្រ្តី
ក៏ដូចជាការចូលរួមយ៉ាងសកម្មក្នុងការងារអភិវឌ្ឍន៍សេដ្ឋកិច្ច-សង្គម។
លោកជំទាវ បានបន្តថា ឆ្នាំនេះក៏ដូចឆ្នាំមុនៗដែរ
ក្នុងឱកាសប្រារព្ធពិធីអបអរសាទទិវា នារីអន្តរជាតិ៨មីនា
រាជរដ្ឋាភិបាលតែងតែលើកយកប្រធានបទមួយសមស្របទៅតាមស្ថានភាព
ជាក់ស្តែងរបស់កម្ពុជា
ដោយផ្សារភ្ជាប់ទៅនឹងប្រធានបទពិភពលោកក្នុងគោលបំណងតែមួយ គឺ
រំលឹកអំពីវីរភាពរបស់ស្រ្តីក្នុងការតស៊ូធ្វើឱ្យ
សមេ្រចបាននូវសមភាព សមធម៌ សន្តិភាព និងការ អភិវឌ្ឍសង្គម
តាមរយៈការផ្លាស់ប្តូរឥរិយាបថរបស់មនុស្សនៅក្នុងគ្រួសារ
សហគមន៍ សង្គម និង ប្រទេសជាតិ សំដៅធានាឱ្យបាននូវការគោរពសិទ្ធិ
សេរីភាព ការទទួលស្គាល់នូវតម្លៃរបស់ស្ត្រី
និងការចូលរួមដោយស្មើភាពក្នុងសង្គម។
ដូច្នេះ
ដើម្បីរួមចំណែកជាមួយចលនាស្រ្តីក្នុងសកលលោកក្នុងការជំរុញឱ្យ
មានការកែប្រែផ្នត់គំនិត
និងឥរិយាបថអវិជ្ជមានដែលធ្លាប់មានចំពោះស្ត្រី
រាជរដ្ឋាភិបាលបានជ្រើសរើសយក ប្រធានបទ”សិទ្ធិស្មើភាពគ្នា ឱកាសដូចគ្នា ដើម្បីពន្លឿនកិច្ចអភិវឌ្ឍន៍”
ក្នុងគោលដៅលើកកម្ពស់ និងពង្រឹងសមត្ថភាពរបស់ស្ត្រី
និងក្មេងស្រី សំដៅរួមចំណែកដល់ការធានានូវសុខដុមរមនា
និងសណ្ដាប់ធ្នាប់សង្គម
ការអភិវឌ្ឍប្រទេសព្រមទាំងការពារអត្តសញ្ញាណប្រពៃណី
ទំនៀមទម្លាប់ និងវប្បធម៌ជាតិដ៏ល្អផូរផង់របស់យើង
ស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចអគ្គមហាសេនាបតី
តេជោ ហ៊ុន សែន នាយករដ្ឋមន្ត្រី
នៃព្រះរាជាណាចក្រកម្ពុជា
គឺ“បន្តផ្តល់ការអប់រំអំពីវប្បធម៌
និងអរិយធម៌ដ៏ល្អថ្លៃថ្លារបស់ជាតិ
ដើម្បីស្វែងយល់អំពីតម្លៃតួនាទីស្រ្តី
និងគ្រួសារខ្មែរដែលជាយន្តការទប់ស្កាត់ការហូរចូលនៃ
វប្បធម៌អវិជ្ជមានពីបរទេសព
លុបបំបាត់សកម្មភាពមិនល្អក្នុងស្រទាប់យុវជន
និងកុមារដែលធ្វើឱ្យប៉ះពាល់ដល់វប្បធម៌ប្រពៃណី
និងទំនៀមទម្លាប់ជាតិ”
និងអនុសាសន៍ដ៏ខ្ពង់ខ្ពស់ទាំង៨ចំណុចរបស់លោកជំទាវកិត្តិព្រឹទ្ធ
បណ្ឌិតប៊ុនរ៉ានីហ៊ុនសែន ដែលបានថ្លែងក្នុងសន្និបាត
បូកសរុបការងារឆ្នាំ២០១២ និងទិសដៅឆ្នាំ ២០១៣
នៃគណៈកម្មាធិការជាតិលើកកម្ពស់សីលធម៌សង្គម តម្លៃស្ត្រី
និងគ្រួសារខ្មែរ នាថ្ងៃទី២០ ខែកុម្ភៈ ឆ្នាំ២០១៣។
លោកជំទាវ ក៍បាន មាន ប្រសាសន៍ បន្ថែមទៀតថា
ដើម្បីឆ្លើយតបទៅនឹងគោលដៅខាងលើនេះ
ដើម្បីរួមចំណែកពន្លឿនការឈានទៅសម្រេចបាននូវគោលដៅអភិវឌ្ឍន៍
សហសវត្សរ៍កម្ពុជា ដូចជាការពង្រឹងសិទ្ធិស្ត្រីក្នុងការ
ទទួលបានការថែទាំសុខភាព ការអភិវឌ្ឍសមត្ថភាព
ការបណ្ដុះបណ្ដាលវិជ្ជាជីវៈ ឱកាសការងារ
ការការពារខាងផ្លូវច្បាប់ និងការបង្កើនតួនាទីរបស់ស្ត្រីក្នុងការ
ធ្វើសេចក្ដីសម្រេចចិត្ត ព្រមទាំងការលើកកម្ពស់សីលធម៌សង្គម
និងតម្លៃស្ត្រី រាជរដ្ឋាភិបាលក្រោមការដឹកនាំប្រកបដោយគតិបណ្ឌិត
របស់សម្តេចអគ្គមហាសេនាបតីតេជោ ហ៊ុន សែនបានបង្កើត
និងពង្រឹងយន្តការជាតិគាំទ្រការលើក កម្ពស់សមភាពយេនឌ័រ
និងស្ថានភាពស្តី្រនៅកម្ពុជា
ក្នុងនោះរួមមានការបង្កើតក្រសួងកិច្ចការនារី
ក្រុមប្រឹក្សាជាតិកម្ពុជាដើម្បីស្ត្រីដែលមានសម្តេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល គង់ជាព្រះប្រធាន
កិត្តិយសកម្មវិធីនារីរតនៈ
ក្រុមការងារបចេ្ចកទេសយេនឌ័រដែលជាផ្នែកមួយរបស់គណៈកម្មការ
សម្របសម្រួលរវាងរាជរដ្ឋាភិបាល និងដៃគូអភិវឌ្ឍន៍
និងការបង្កើតក្រុមការងារយេនឌ័រនៅក្នុងក្រសួង
ស្ថាប័នពាក់ព័ន្ធចំនួន៣០ ហើយក្នុងចំណោមនោះ ក្រសួង
ស្ថាប័នចំនួន២៧ បានរៀបចំបង្កើត
និងអនុវត្តនូវផែនការយុទ្ធសាស្ត្របញ្ជ្រាបយេនឌ័រតាមវិស័យ
នីមួយៗ។
រាជរដ្ឋាភិបាលក៏បានបង្កើតគណៈកម្មាធិការជាតិលើកកម្ពស់សីល
ធម៌សង្គមតម្លៃស្ត្រី
និងគ្រួសារខ្មែរក្រោមការដឹកនាំដ៏ឈ្លាសវៃរបស់លោកជំទាវ
កិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាក
បាទក្រហមកម្ពុជា និងជាប្រធានកិត្តិយសនៃគណៈកម្មាធិការនេះ។
គណៈកម្មាធិការនេះ បាន និងកំពុងធ្វើការងារយ៉ាងសកម្មក្នុង
ការការពារសេចក្ដីថ្លៃថ្នូររបស់មនុស្សជាតិ
និងការពារគុណតម្លៃមនុស្សធម៌របស់ជនរងគ្រោះក៏ដូចជាពន្លឿនការ
កាត់បន្ថយភាព ក្រីក្ររបស់ប្រជាជន។
លោកជំទាវបញ្ជាក់បន្ថែមថា បច្ចុប្បន្ន
ចំនួនស្រ្តីដែលកាន់តួនាទីសំខាន់ៗនៅក្នុងស្ថាប័ននយោបាយ
រដ្ឋបាលថ្នាក់ក្រោមជាតិ
និងស្ថាប័នសង្គមមានការកើនឡើងជាលំដាប់ពីមួយអាណត្តិទៅមួយអាណត្តិ
ដូចជា លោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន
ជាប្រធានកាកបាទក្រហមកម្ពុជា លោកជំទាវឧបនាយករដ្ឋមន្រ្តី
លោកជំទាវអនុប្រធានរដ្ឋសភា សមាជិកព្រឹទ្ធសភា រដ្ឋសភា រដ្ឋមន្រ្តី
រដ្ឋលេខាធិការ អនុរដ្ឋលេខាធិការ
អភិបាលរងរាជធានី-ខេត្ត
សមាជិកក្រុមប្រឹក្សារាជធានីខេត្ត អភិបាល អភិបាលរង
សមាជិកក្រុមប្រឹក្សាក្រុង ស្រុកខ័ណ្ឌ ឃុំសង្កាត់
និងមេភូមិដែលសបញ្ជាក់ឱ្យឃើញអំពីការយកចិត្តទុកដាក់ខ្ពស់
របស់រាជរដ្ឋាភិបាលចំពោះស្រី្ត។
នៅក្នុងឱកាសនោះដែរលោកជំទាវក៏បាននាំយកនូវ
វត្ថុអនុស្សាវរីយ៏មួយចំនួនមកចែកជូនដល់សមាគមន៏នារីខេត្ត
បណ្ដាញនារីតាមមន្ទីរជុំវិញខេត្ត ស្រុក ក្រុង និងថ្នាក់ឃុំ.សង្កាត់
ព្រមទាំងបានឧបត្តម្ភដល់តំណាងនិសិ្សត យុវជនកាយរិទ្ធ
យុវជនកាកបាទក្រហម និងក្រុមតន្ត្រី ដែលបានចូលរួមក្នុងទិវានោះ
ផងដែរ៕