សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា
នៅក្នុងឱកាសពិធីបើកការដ្ឋានគម្រោងសាងសង់ឡើងវិញកំណាត់ផ្លូវជាតិលេខ៦
នាថ្ងៃទី៥ ខែមីនា ឆ្នាំ២០១៣ បានមានប្រសាសន៍ឲ្យដឹងថា
ប្រសិនបើគណបក្សប្រជាជនកម្ពុជា (CPP)
មិនទទួលបានការគាំទ្រនៅក្នុងការបោះឆ្នោតសកល
ក្នុងខែកក្កដាខាងមុខនេះទេនោះ គម្រោង កសាងសមិទ្ធផលជូនជាតិ
និងប្រជាពលរដ្ឋតូចធំរាប់ម៉ឺននៅទូទាំងប្រទេស
ដោយគណបក្សប្រជាជនកម្ពុជា នឹងត្រូវបោះបង់។
សម្តេចតេជោនាយករដ្ឋមន្ត្រីបានបញ្ជាក់ថា
នេះមិនមែនជាការឃោសនានោះទេ
ប៉ុន្តែវាគ្រាន់តែជាការបកស្រាយចំពោះការឃោសនារបស់គណបក្សនយោបាយ
មួយចំនួន ដែលបាន និងកំពុងតែដើរភូតភរនៅគ្រប់ទីកន្លែង
ហើយមិនជាប់គុកផងនោះ។ សម្តេចតេជោថ្លែងថា ខ្ញុំនិយាយដោយត្រង់ CPP
បានទ្រទ្រង់លើគម្រោងរាប់ម៉ឺន
ទាំងតូចទាំងធំនៅទូទាំងប្រទេសក្នុងការកសាងសមិទ្ធផលជូនជាតិ
និងប្រជាពលរដ្ឋ ហើយសមាជិក សមាជិការបស់ CPP
មាននៅគ្រប់ស្រទាប់ទាំងអស់ ទាំងកសិករ កម្មករ អ្នករកស៊ី អ្នកវិនិយោគ
ដែលអ្នកទាំងអស់នេះសុទ្ធសឹងតែជាសប្បុរសជន ដែលបានជួយផ្គត់ផ្គង់
ប៉ុន្តែនៅថ្ងៃបោះឆ្នោតបើប្រជាជនមិនបោះឆ្នោតជូន
ដូច្នេះបានសេចក្តីថា
បន្ទាប់ពីហ្នឹងទៅគ្មានអ្នកណាមួយសុខចិត្តអនុវត្តន៍គម្រោងទាំងនោះ
ទៀតទេ។
សម្តេចតេជោនាយករដ្ឋមន្ត្រីបានធ្វើការពន្យល់ដល់ប្រជាពលរដ្ឋ
ដែលបានចូលរួមនៅក្នុងពិធីនោះថា
ប្រសិនបើប្រជាជនបោះឆ្នោតគាំទ្រគណបក្សប្រឆាំងឲ្យឡើងកាន់អំណាច
ពួកគេនឹងនិយាយថា យើងមិនចាំបាច់ធ្វើអ្វីទាំងអស់
ព្រោះយើងមើលគណបក្សប្រជាជនកម្ពុជាធ្វើសឹងតែស្លាប់ទាំងខ្លួនទៅ
ហើយនៅតែចាញ់
ដូច្នេះពួកយើងមិនចាំបាច់ធ្វើអ្វីទេគិតតែពីប្រមូលទៅព្រោះយើងមាន
ពេល ៥ឆ្នាំដែរ។
សម្តេចតេជោមានប្រសាសន៍ពន្យល់ថា
នៅពេលគណបក្សដែលធ្លាប់កាន់អំណាចឈប់ធ្វើនូវរាល់គម្រោងរបស់ខ្លួន
ហើយគណបក្សដែលឈ្នះឆ្នោតនិយាយថា ខ្លួនមិនចាំបាច់ធ្វើអ្វីនោះ
នៅទីចុងបំផុតប្រជាជននឹងធ្លាក់ចូលក្នុងស្ថានភាព «ត្រីរ៉ស់ក៏រួច
ទន្សាយក៏រួច»។
ប៉ុន្តែខ្ញុំមិនចង់ឲ្យប្រជាពលរដ្ឋស្ថិតក្នុងស្ថានភាពហ្នឹងទេ
ហើយខ្ញុំក៏មិនជឿថាប្រជាពលរដ្ឋនឹងបោះបង់ចោលនូវអ្វីដែលមានក្នុង
ដៃនោះដែរ។ សម្តេចតេជោបានមានប្រសាសន៍បញ្ជាក់ថា
ខ្ញុំមិននិយាយលេងទេ ព្រោះនេះជាការពិត ហើយខ្ញុំក៏លែងធ្វើបុណ្យ
និងកសាងសមិទ្ធផលនានាដែរ ព្រោះព្រះសង្ឃ
និងប្រជាជនលែងត្រូវការខ្ញុំទៀតហើយៗសូម្បីតែសមាជិក សមាជិកា CPP
ដែលធ្លាប់ដឹកនាំប្រទេសជាង ៣០ឆ្នាំ
មកហើយនោះក៏បាក់ទឹកចិត្តហើយឈប់ជួយកសាង
ឈប់ជួយធ្វើអ្វីៗទាំងអស់ដែរ។
សម្តេចតេជោនាយករដ្ឋមន្ត្រីមានប្រសាសន៍ថា
មនុស្សខ្លះអត់ធ្វើខ្លួនឯងទេ ប៉ុន្តែចរិតអាក្រក់ប្រើឲ្យគេធ្វើ
ទោះបីជាមិនប្រើដោយន័យត្រង់ ប៉ុន្តែមានរបៀបប្រើផ្សេង
ដែលក្នុងទ្រឹស្ដីគតិលោក គឺ«បូញមាត់ បត់ដុំ ដៃ»។
ទាក់ទងនឹងការធ្វើយុទ្ធនាការឃោសនាបោះឆ្នោតសកលនាពេលខាងមុខនេះ
សម្តេចតេជោបានស្នើរកការបញ្ជាក់ពីគណៈកម្មាធិការជាតិរៀបចំការ
បោះឆ្នោត (គជប) ចំពោះការជាន់គ្នារវាងយុទ្ធនាការឃោសនាបោះឆ្នោត
ជាមួយបុណ្យចូលព្រះ វស្សានៅពេលខាងមុខនេះ។
សម្តេចតេជោនាយករដ្ឋមន្ត្រីថ្លែងថា សមាជិក សមាជិកា CPP
និងហ៊្វុនស៊ិនប៉ិច ជាអ្នកធ្វើបុណ្យទានច្រើនជាងគេជារៀងរាល់ឆ្នាំ
ហើយការដាក់ទៀនព្រះវស្សាជាប្រពៃណីរបស់ CPP។
ជាធម្មតាការទៅវត្តតែងតែមានការដាក់ទានជូនចាស់ទុំ
ប៉ុន្តែគេអាចចោទយើងថា ទិញសន្លឹកឆ្នោត ឬអាចត្រូវផាកពិន័យ
ហើយក៏កើតចេញជាបញ្ហាដែរ។
ប្រៀបធៀបទៅនឹងករណីដែលលោក សម រង្ស៊ី
ត្រូវបានច្បាប់ផ្តន្ទាទោសដោយសារតែការដកតម្រុយបង្គោល
ព្រំដែន(កម្ពុជា-វៀតណាម) និងប្រើប្រាស់ផែនទីក្លែងក្លាយ
សម្តេចតេជោបានថ្លែងដោយមិនបញ្ចេញឈ្មោះថា
បង្គោលព្រំដែនដែលដកនោះវាអត់ថ្លៃទេបង្គោលនោះ
កុំថាត្រឹមបង្គោលដើមឈើទាល ដើមគគីរធ្វើទូកង ក៏វាអត់ថ្លៃដែរ
ប៉ុន្តែវាថ្លៃនៅលើផ្លូវច្បាប់ វាត្រូវតែជាប់គុក ហើយកុំថា
រឿងនេះជារឿង នយោបាយ បើអ្នកឯងយកមកដេញដោលក្នុងសភាបើគេចាប់
គេកាត់ទោសនោះទើបរឿងនយោបាយ។ សម្តេចតេជោបានមានប្រសាសន៍បញ្ជាក់ថា
គេ (សម រង្ស៊ី) បានដក
ដូច្នេះសូមអ្នកដទៃត្រូវមើលរឿងហ្នឹងឲ្យច្បាស់ថា អង្គហេតុ
អង្គច្បាប់វានៅកន្លែងណា កុំចេះតែមកអន្តរាគមន៍នោះ។
នៅក្នុងពិធីបើកការដ្ឋានសាងសង់ពង្រីកកំណាត់ផ្លូវជាតិលេខ៦
ក្រោមហិរញ្ញប្បទានពីរដ្ឋាភិបាលសាធារណរដ្ឋប្រជាមានិតចិន
រួមជាមួយថវិកាបដិភាគរបស់រាជរដ្ឋាភិបាលកម្ពុជានេះ
ជាមួយនឹងការថ្លែងអំណរគុណចំពោះរដ្ឋាភិបាលនៃសាធារណរដ្ឋប្រជាមានិតចិន
ដែលជានិច្ចកាលតែងតែបានផ្តល់ជំនួយសម្រាប់ការអភិវឌ្ឍន៍នៅក្នុង
ប្រទេសកម្ពុជា សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា
បានបង្ហាញនូវជំនឿជឿជាក់ថា ថ្នាក់ដឹកនាំថ្មីរបស់ប្រទេសចិន
នឹងមិនមានការផ្លាស់ប្តូរនយោបាយចំពោះកម្ពុជានោះទេ។
សម្តេចតេជោនាយករដ្ឋមន្ត្រីបានមានប្រសាសន៍ថា ខ្ញុំមានការជឿជាក់ថា
ថ្នាក់ដឹកនាំថ្មីរបស់ប្រទេសចិននឹងមិនមានការផ្លាស់ប្ដូរណាមួយ
ក្នុងនយោបាយចំពោះកម្ពុជាទេ ហើយខ្ញុំមានជំនឿយ៉ាងដូច្នេះ។
សម្តេចតេជោថ្លែងថា នៅក្នុងនយោបាយការបរទេស
ចិនគឺជាប្រទេសកំពុងអភិវឌ្ឍន៍ធំជាងគេនៅលើពិភពលោក ខ្ញុំគិតថា
មិនគ្រាន់តែកម្ពុជាទេ ដែលជាប្រទេសកំពុងអភិវឌ្ឍន៍
ប៉ុន្តែប្រទេសកំពុងអភិវឌ្ឍន៍ដទៃទៀតក៏នឹងមានការរីករាយផងដែរ
ជាមួយនឹងនយោបាយការបរទេសរបស់ចិន ដែលលើកតម្លៃប្រទេសកំពុងអភិវឌ្ឍ
ហើយដែលនេះជាចំណុចសំខាន់
ដែលកម្ពុជាក៏ដូចជាប្រទេសកំពុងអភិវឌ្ឍន៍ដទៃទៀតចង់បាន។
សម្តេចតេជោនាយករដ្ឋមន្ត្រីថ្លែងកត់សម្គាល់ថា
ក្នុងចំណោមសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហ
ប្រជាជាតិ គឺមានតែប្រទេសចិនមួយគត់ ដែលជាប្រទេសកំពុងអភិវឌ្ឍន៍
ធំជាងគេ ហើយដែលបានផ្តល់សារៈសំខាន់សម្រាប់សំឡេងដ៏ទុនខ្សោយ
នៃបណ្តាប្រទេស កំពុងអភិវឌ្ឍន៍។
ខ្ញុំកត់សម្គាល់យ៉ាងសំខាន់ទៅលើចំណុចនេះ។ សម្តេចតេជោមានប្រសាសន៍ថា
បញ្ហានេះប្រទេសនៅលើពិភពលោកចង់បានណាស់ នូវអ្វីដែលហៅថា ស្មើភាពផង
និងស្មើសិទ្ធិផង បើចិនឲ្យតម្លៃលើចំណុចនេះ ខ្ញុំគិតថា
មិត្តរបស់ចិននៅលើពិភពលោកនឹងមានចំនួនកាន់តែច្រើន
ព្រោះប្រទេសកំពុងអភិវឌ្ឍមានចំនួនច្រើន
ហើយតម្លៃរបស់វាគឺនៅទីនេះ។
សម្តេចតេជោនាយករដ្ឋមន្ត្រីក៏បានមានប្រសាសន៍ឲ្យដឹងផងដែរថា
សាធារណរដ្ឋប្រជាមានិតចិន គឺជាដៃគូរអភិវឌ្ឍដ៏ធំជាងគេ ដែលបាន
និងកំពុងតែបន្តផ្តល់ជំនួយលើវិស័យសាធារណការ និងដឹកជញ្ជូន។
គិតពីឆ្នាំ២០០៤ មកដល់បច្ចុប្បន្ន
បានផ្តល់ហិរញ្ញប្បទានជាជំនួយឥតសំណង និងកម្ចីសម្បទានសំរាប់ការស្តារ
និងអភិវឌ្ឍផ្លូវស្ពាន និងកំពង់ផែ មានទឹកប្រាក់សរុបប្រមាណជាង
៤ពាន់លានដុល្លារអាមេរិក ដើម្បីបំរើឲ្យគមនាគមន៍ដឹកជញ្ជូន
និងការតភ្ជាប់ដើម្បីធ្វើសមាហរណកម្មផ្ទៃក្នុងព្រះរាជាណាចក្រកម្ពុជា
និងតភ្ជាប់ជាមួយប្រទេសជិតខាង
និងដើម្បីជំរុញកិច្ចអភិវឌ្ឍន៍តំបន់តាមព្រំដែនរបស់កម្ពុជា។
សម្តេចតេជោបានមានប្រសាសន៍បញ្ជាក់ថា ទាំងនេះ គឺជាការរួមចំណែកយ៉ាងសកម្មជាមួយរាជរដ្ឋាភិបាលកម្ពុជាក្នុងការជួយ សំរាលទុក្ខលំបាក និងកាត់បន្ថយភាពក្រីក្ររបស់ប្រជាពលរដ្ឋយ៉ាងពិតប្រាកដ ដែលស្តែងឲ្យឃើញអំពីសមានចិត្តជាមិត្តជិតស្និទ្ធិ និងជាបងប្អូនដែលស្មោះស្មគ្រ ដូចដែលប្រទេស និងប្រជាជនទាំងពីរ បានផ្សាភ្ជាប់ចំណងទាក់ទងជាប្រវត្តិសាស្ត្រដ៏យូរលង់។ ដូចនេះហើយទើបប្រជាពលរដ្ឋ ក៏ដូចជារាជរដ្ឋាភិបាលនៃព្រះរាជាណាចក្រកម្ពុជា ជានិច្ចកាលសូមវាយតម្លៃខ្ពស់ និងកត់ត្រាចងចាំជានិច្ចនៅក្នុងប្រវត្តិសាស្ត្រ និងក្នុងសមានចិត្តដ៏ជ្រាលជ្រៅនូវឧបការគុណដ៏ធំធេងរបស់រដ្ឋាភិបាល និងប្រជាពលរដ្ឋនៃសាធារណរដ្ឋប្រជាមានិតចិន។
សម្តេចតេជោបានមានប្រសាសន៍បញ្ជាក់ថា ទាំងនេះ គឺជាការរួមចំណែកយ៉ាងសកម្មជាមួយរាជរដ្ឋាភិបាលកម្ពុជាក្នុងការជួយ សំរាលទុក្ខលំបាក និងកាត់បន្ថយភាពក្រីក្ររបស់ប្រជាពលរដ្ឋយ៉ាងពិតប្រាកដ ដែលស្តែងឲ្យឃើញអំពីសមានចិត្តជាមិត្តជិតស្និទ្ធិ និងជាបងប្អូនដែលស្មោះស្មគ្រ ដូចដែលប្រទេស និងប្រជាជនទាំងពីរ បានផ្សាភ្ជាប់ចំណងទាក់ទងជាប្រវត្តិសាស្ត្រដ៏យូរលង់។ ដូចនេះហើយទើបប្រជាពលរដ្ឋ ក៏ដូចជារាជរដ្ឋាភិបាលនៃព្រះរាជាណាចក្រកម្ពុជា ជានិច្ចកាលសូមវាយតម្លៃខ្ពស់ និងកត់ត្រាចងចាំជានិច្ចនៅក្នុងប្រវត្តិសាស្ត្រ និងក្នុងសមានចិត្តដ៏ជ្រាលជ្រៅនូវឧបការគុណដ៏ធំធេងរបស់រដ្ឋាភិបាល និងប្រជាពលរដ្ឋនៃសាធារណរដ្ឋប្រជាមានិតចិន។
ឯកឧត្តម ផាន គ័ងស៊ា
ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជាដែលបានអញ្ជើញ
ចូលរួមក្នុងពិធីបើកការដ្ឋាននោះដែរ មានប្រសាសន៍ថា
ជាប្រទេសកំពុងអភិវឌ្ឍន៍ធំជាងគេលើពិភពលោករដ្ឋាភិបាលអាណត្តិថ្មីរបស់
ប្រទេសចិន នឹងបន្តពង្រឹងកិច្ចសហប្រតិបត្តិការ
និងសាមគ្គីជាមួយប្រទេសកំពុងអភិវឌ្ឍន៍ដ៏ច្រើនកុះករ
និងដើម្បីរក្សាទំនាក់ទំនងមិត្តភាពជាមួយ
និងប្រទេសកំពុងអភិវឌ្ឍន៍យ៉ាងធំទូលាយគាំទ្រភាពជាតំណាង
និងសិទ្ធិនិយាយក្នុងកិច្ចអន្តរជាតិរបស់ប្រទេស
កំពុងអភិវឌ្ឍន៍ធ្វើជាមិត្តភក្ដិនិងជាដៃគូអាចទីពឹងបានរបស់
ប្រទេសកំពុងអភិវឌ្ឍន៍
ព្រមទាំងបន្តរួមគ្នាជាមួយប្រជាជនស្នេហាសន្តិភាព
នៃបណ្តាប្រទេសសកលលោក
ដើម្បីខិតខំមិននឿយហត់ក្នុងការកសាងពិភពលោកមួយ ដែលមានសុខដុមភាព។
ឯកឧត្តម ត្រាំ អ៊ីវតឹក រដ្ឋមន្ត្រីក្រសួងសាធារណការ
និងដឹកជញ្ជូនមានប្រសាសន៍ឲ្យដឹងថា ការសាងសង់ពង្រីក
កំណាត់ផ្លូវជាតិលេខ៦ ឡើងវិញមានប្រវែងជាង ២៤៨គីឡូម៉ែត្រ ពីថ្នល់កែង
ស្រុកបាធាយ ខេត្តកំពង់ចាម ដល់អង្គ្រងខេត្តសៀមរាប ឆ្លងកាត់ខេត្តចំនួន៣
គឺខេត្តកំពង់ចាមមានប្រវែងជាង ៤៨គីឡូម៉ែត្រ ខេត្តកំពង់ធំប្រវែង
១៤០គីឡូម៉ែត្រ និងខេត្តសៀមរាបប្រវែង ៦០គីឡូម៉ែត្រ។
ឯកឧត្តមរដ្ឋមន្ត្រីមានប្រសាសន៍បន្តថា ជាទូទៅកំណាត់ ផ្លូវជាតិលេខ៦
ដែលត្រូវសាងសង់ពង្រីកឡើងវិញនេះ ជាប្រភេទផ្លូវថ្មីមាន ៤គន្លង
និងមានតំលៃខុសគ្នាទៅតាមតំបន់នៃការដ្ឋានសាងសង់ក្នុងនោះពី
ថ្នល់កែងទៅស្គន់មានតំលៃ ប្រមាណ ១ ៩៤០ ០០០ ដុល្លារ ក្នុង១គីឡូម៉ែត្រ
ផ្លូវវាងធ្វើថ្មី២ គន្លងតំលៃប្រមាណ ១ ២៧៧ ០០០ដុល្លារ ក្នុង១
គីឡូម៉ែត្រ ផ្លូវចាស់ស្តារនិងពង្រីកជា ២គន្លង ទទឹង១២ម៉ែត្រ
ពីស្គន់ទៅកំពង់ធំមានតំលៃជាមធ្យម ៩៨៧ ០០០ ដុល្លារក្នុង១គីឡូម៉ែត្រ
និងពីកំពង់ធំទៅសៀមរាបស្តារ និងពង្រីកទទឹងផ្លូវ ១២ម៉ែត្រ
តំលៃជាមធ្យម ៧៨៩ ០០០ដុល្លារក្នុង១គីឡូម៉ែត្រ។ ការដ្ឋាននេះ
អនុវត្តការសាងសង់ដោយក្រុមហ៊ុនសំណង់សៀងហៃគ្រុប
និងត្រួតពិនិត្យបច្ចេកទេសដោយក្រុមហ៊ុនក្វាងចូវវ៉ាន
អានរបស់ប្រទេសចិនមានរយៈពេល ៣៦ខែ ដោយចាប់ផ្តើមពីខែមីនាឆ្នាំ២០១៣
គ្រោងបញ្ចប់នៅខែកញ្ញា ឆ្នាំ២០១៦។ ជារួមគំរោងទាំងមូល
ចំណាយអស់ថវិកាប្រមាណ ២៤៨.៨ លានដុល្លារ
ជាថវិកាហិរញ្ញប្បទានរបស់រដ្ឋាភិបាលនៃសាធារណរដ្ឋប្រជាមានិតចិន
និងថវិកាបដិភាគរបស់រាជរដ្ឋាភិបាល៥% សម្រាប់ដោះស្រាយផលប៉ះពាល់
ចំណាយក្នុងការដោះមីន យុទ្ធភណ្ឌមិនទាន់ផ្ទុះ
និងពន្ធដែលជាបន្ទុករបស់រដ្ឋ៕