នៅសណ្ឋាគារសុខាខេត្តសៀមរាបនារសៀលថ្ងៃទី០៣ធ្នូ ឯកឧត្ដមបណ្ឌិត សភាចារ្យ សុខ អាន ឧបនាយករដ្ឋមន្រ្តី រដ្ឋមន្រី្តទទួលបន្ទុកទីស្ដីការគណៈរដ្ឋន្រ្តីនិងជាប្រធានអាជ្ញាធរអប្សរាបានអញ្ជើញធ្វើជាសាក្សីក្នុងពិធីចុះហត្ថលេខារវាងឯកឧត្ដមប៊ុនណារិទ្ធអគ្គនាយកអអាជ្ញាធរអប្សរា និងឯកឧត្ដម ឃឹម ប៊ុនសុងអភិបាលខេត្តសៀមរាបជាមួយ និងតំណាងស្ថាបន័គ្រប់គ្រងទឹកនៃប្រទេសបារាំងចំនួន៣ដើម្បីធ្វើការផ្ដល់និងទទួលជំនួយសំរាប់គម្រោងការសាងសង់ប្រពន្ធ័គ្រប់គ្រងទឹកនៅតំបន់ឧទ្យានអង្គរនិងក្រុងសៀមរាប(ចាប៉ពីភ្នំគូលែនរហូតដល់បឹងទន្លេសាប)ដោយមានថវិកាចំនួន២៧១ពាន់អឺរ៉ូសម្រាប់រយះពេល៣ឆ្នាំ។
ឯកឧត្ដម ប៊ុន ណារិទ្ធ អគ្គនាយកអាជ្ញារអប្សរាបានឱ្យដឹងថាកន្លងមកទីក្រុងសៀមរាបពិសេសតំបន់អង្គរបានជួបប្រទះបញ្ហាគ្រោះទឹកជំនន់ជាញឹកញយតែដោយមានការខិតខំប្រឺងប្រែងរបស់អាជ្ញាធរអប្សរាគឹអាចកាត់បន្ថយបាននូវផលប៉ះពាល់បានយ៉ាងច្រើន។ ឥឡូវនេះអាជ្ញារអប្សរាទទួលបានការគាំទ្រមានស្ថាបន័ជំនាញគ្រប់គ្រងទឹកចំនួន៣មកពីប្រទេសបារាំងសំរាប់គម្រោង ការសាងសង់ប្រពន្ធ័គ្រប់គ្រងទឹក នៅតំបន់ឧទ្យានអង្គរនិងក្រុងសៀមរាប។ ទី១សហជីពអន្តរសង្កាត់គ្រប់គ្រងទឹកនៃជ្រលងវីយ៉ែលទីក្រុងប៉ារីស។ ទី២សមាគមមិត្តអង្គរទី៣សហជីពអន្តរខណ្ឌនៅប៉ារីសដែលបានផ្ដល់ថវិការចំនួន៩១ពាន់ អ៊ឺរ៉ូក្នុង១ឆ្នាំសំរាប់គម្រោងនេះ។ ឯកឧត្ដម ប៊ុន ណារិទ្ធ បានមានប្រសាសន៍ថាជំហានទី១សំរាប់អនុវត្តគម្រោងនេះមានរយៈ
ពេល៣ឆ្នាំសំរាប់បំពាក់ឧបករណ៍តាមដានទឹកនៅតំបន់អង្គរ ដែលអាចមានលទ្ធភាពផ្ដល់ទិន្ននយ័មកដល់ការិយាលយ័ទាន់ពេលវេលាដោយមិនចាំបាច់ត្រូវធ្វើច្រើនកន្លែងនោះទេ។ សម្រាប់ការងារនេះភាគីបារាំងទាំង៣ស្ថាបន័ជាអ្នកផ្ដល់ជំនាញបច្ចេកទេសសិក្សាដែលអាចជួយអនុវត្តគម្រោងជាមួយអាជ្ញាធរអប្សរា។ តាមរយៈកិច្ចព្រមព្រៀងដែលបានចុះហត្ថលេខានេះគឹបាន ប្រគល់សិទ្ធិឱ្យអាជ្ញាធរអប្សរាជាអ្នកអនុវត្តគម្រោងជាមួយភាគីបារាំងចំណែកអាជ្ញាធរខេត្តសៀមរាបជាអ្នកគាំទ្រសកម្មភាពគម្រោងធ្វើយ៉ាងណាឱ្យការងារអនុវត្តបានល្អតាមផែនការ។
លោក ព្យែ ក្លេម៉ង់ ប្រធានសមាគមមិត្តអង្គរ តំណាងស្ថាបន័បារាំងទាំង៣ដែលជាអ្នកឧបត្ថម្ភគម្រោងគ្រប់គ្រងទឹកនៅតំបន់ឧទ្យានអង្គរនិងក្រុងសៀមរាបផងដែរបានសំដែងនូវការរីករាយក្នុងការផ្តល់មូលនិធិគាំទ្រកម្រោងនេះ។ លោក ព្យែ ក្លេម៉ង់ បានបញ្ជាក់ថា បន្ទាប់ពីបញ្ចប់ដំណាក់កាលអនុវត្តគម្រោងទី១ទទួលបានជោគជយ័នឹងមានគម្រោងដំណាក់កាលទី២ទៀតគឺការបំពាក់ឧបករណ៍បញ្ជាទ្វារទឹកដោយស្វយ័ប្រវត្តិដែលមាន២ស្ថាបន័ធំៗរបស់ប្រទេសបារាំងព្រមជាមួយនិងជំននួយដ៍ធំដែលមានទឹកប្រាក់ប្រមាណ៣លានអ៊ឺរ៉ូដើម្បីធ្វើយ៉ាងណាគ្រប់គ្រងទឹក និងកាត់បន្ថយផលប៉ះពាល់ពីទឹកជំនន់នៅតំបន់អង្គរ៕