ឯកឧត្តម
ឧត្តមសេនីយ៍ ត្រាន់ ដុង សមាជិកការិយាល័យនយោបាយមជ្ឈិមបក្ស
និងជាប្រធានយោធភូមិភាគទី៧ នៃកងទ័ពប្រជាជនវៀតណាម
ក្នុងឱកាសចូលជួបសម្ដែងការគួរសម ចំពោះសម្តេចអគ្គមហាសេនាបតីតេជោ
ហ៊ុន សែន នៅភូមិ គ្រឹះទីក្រុងតាខ្មៅ ខេត្តកណ្តាល កាលពីនារសៀលថ្ងៃទី
០៧មេសា ឆ្នាំ២០១៤
បានពាំនាំនូវការផ្តាំផ្ញើសាកសួរសុខទុក្ខពីសំណាក់ថ្នាក់ដឹកនាំ
នៃកងទ័ពប្រជាជនវៀតណាម ជូនសម្តេចតេជោ ហ៊ុន សែន
ក្នុងឱកាសនៃការទទួលអំណរសាទរទេវតាឆ្នាំថ្មី
ឆ្នាំមមីឆស័កពុទ្ធសករាជ ២៥៥៨ ប្រពៃណីខ្មែរ
នឹងឈានចូលមកដល់នៅពេលខាងមុខ ដោយបានជូនពរឲ្យសម្តេចតេជោ
ជួបប្រទះនឹងពុទ្ធពរជ័យបវរមហាប្រសើរ ក្នុងការដឹកនាំរាជរដ្ឋាភិបាល
និងជោគវាសនាអនាគតប្រទេសកម្ពុជា ឲ្យកាន់តែសម្បូររុងរឿង
និងរីកចម្រើនតរៀងទៅ។
ឯកឧត្តម
ស្រ៊ី ថាមរុង្គ រដ្ឋមន្ត្រីប្រតិភូអមនាយករដ្ឋមន្ត្រីបានឲ្យដឹងថា
ក្នុងជំនួបពិភាក្សានោះ សម្តេចតេជោនាយករដ្ឋមន្ត្រី
និងឯកឧត្តមប្រធានគណៈប្រតិភូយោធភូមិភាគទី៧ នៃកងទ័ពប្រជាជនវៀតណាម
បានសម្ដែងនូវការវាយតម្លៃខ្ពស់ និងកោតសរសើរចំពោះលទ្ធផល
ដែលថ្នាក់ដឹកនាំនៃប្រទេសទាំងពីរកម្ពុជា-វៀតណាមសម្រេចបាន
ពិសេសក្រោយពីប្រមុខរដ្ឋាភិបាលនៃប្រទេសទាំងពីរ
បានជួបពិភាក្សាគ្នាក្នុងដំណើរទស្សនកិច្ចរបស់សម្តេចតេជោ
ទៅកាន់ប្រទេសវៀតណាម
និងដំណើរទស្សនកិច្ចរបស់ឯកឧត្តមនាយករដ្ឋមន្ត្រីវៀតណាមមកកាន់
ប្រទេសកម្ពុជា កាលពីចុងឆ្នាំ២០១៣ និងដើមឆ្នាំ២០១៤ កន្លងទៅនោះ។
ក្នុង
ជំនួបពិភាក្សាគ្នានោះដែរ ឯកឧត្តមឧត្តមសេនីយ៍ ត្រាន់ ដុង
ក៏បានបញ្ជាក់ពីការប្ដេជ្ញាចិត្តរបស់នាយទាហាន
និងពលទាហាននៃកងទ័ពប្រជាជនវៀតណាម
ក្នុងការបន្តធ្វើកិច្ចសហប្រតិបត្តិការយ៉ាងជិតស្និទ្ធជាមួយ
និងកងយោធពលខេមរភូមិន្ទ ពិសេសអនុវត្តន៍នូវកិច្ចព្រមព្រៀងទាំងឡាយ
ដែលថ្នាក់ដឹកនាំរដ្ឋាភិបាលនៃប្រទេសទាំងពីរ
បានប្រកាសដាក់ចេញក្នុងការជំរុញកិច្ចសប្រតិបត្តិការលើវិស័យន
យោបាយ សេដ្ឋកិច្ច ពាណិជ្ជកម្ម
និងការវិនិយោគនៃប្រទេសទាំងពីរឲ្យឈានដល់ចំណុចកំពូលថ្មី
មួយទៀតនោះ៕