ពី
មជ្ឈមណ្ឌលសន្និបាត និងពិព័រណ៍កោះពេជ្រ នាព្រឹកថ្ងៃទី៧ ខែមេសាឆ្នាំ
២០១៤ សម្ដេចអគ្គមហាសេនាបតីតេជោ ហ៊ុន សែន
នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ណែនាំ
ឲ្យកងកម្លាំងប្រដាប់អាវុធគ្រប់ប្រភេទ អាជ្ញាធរគ្រប់ថ្នាក់
គ្រប់មូលដ្ឋានទាំងអស់នៅទូទាំងប្រទេសត្រូវយកចិត្តទុកដាក់រក្សារ
កាពារសន្តិសុខ
សណ្ដាប់ធ្នាប់សង្គមជូនប្រជាពលរដ្ឋឲ្យបានល្អក្នុងឱកាសបុណ្យចូល
ឆ្នាំថ្មីប្រពៃណីខ្មែរ ដែលនឹងមកដល់នាពេលខាងមុខ។
ក្នុង
ពីធីប្រគល់សញ្ញាបត្រដល់និស្សិតជ័យលាភីវិទ្យាស្ថានវ៉ាន់ដាចំនួន
៣៤៤៩នាក់ សម្ដេចតេជោមានប្រសាសន៍ថា
ក្នុងឱកាសបុណ្យចូលឆ្នាំខាងមុខប្រជាពលរដ្ឋ
នឹងដើរកម្សាន្តច្រើនពីព្រោះសេដ្ឋកិច្ចវាមិនអាក្រក់
ទេនៅដើមឆ្នាំ២០១៤ ហើយប្រាក់រៀលឥឡូវវាឡើងថ្លៃទៅទៀត
ពិសេសចូលឆ្នាំប្រាក់រៀលអាចឡើងថ្លៃព្រោះគេត្រូវការប្រាក់រៀលចាយ
ចូលឆ្នាំ ដូច្នេះធនាគារជាតិត្រូវមើលបញ្ហានេះផង។
បើប្រាក់រៀលឡើងថ្លៃច្រើនពេកក៏មិនល្អដែរ
ព្រោះយើងគិតអត្រាប្រាក់រៀល ៤ ០៥០រៀល
គិតនៅក្នុងថវិកាជាតិដល់ឥឡូវប្រាក់រៀលរបស់យើងស្ថិតនៅក្រោម ៤
០០០រៀល។
ទាក់ទងការធ្វើចរាចររបស់ប្រជាពលរដ្ឋសម្តេចតេជោបានមានប្រសាសន៍ថា
ត្រូវខិតខំធ្វើយ៉ាងម៉េចបញ្ចៀសនូវគ្រោះថ្នាក់
ដោយធ្វើយ៉ាងណាទៅហើយត្រឡប់មកផ្ទះវិញដោយសុវត្ថិភាព
កុំទៅហើយត្រឡប់មកវិញមកតែធាតុ
ឬត្រឡប់មកវិញមិនបានមកដល់ផ្ទះទៅនៅក្នុងមន្ទីពេទ្យ។
អ្នកបើកបរទាំងឡាយត្រូវគោរពច្បាប់ចរាចរណ៍
បើយើងទាំងអស់គ្នាគោរពបានទាំងអស់គ្នា
គឺកាត់បន្ថយបាននូវគ្រោះថ្នាក់ចរាចរណ៍នេះ។
ពាក់ព័ន្ធការលេងសប្បាយរបស់យុវជនក្នុងឱកាសថ្ងៃចូលឆ្នាំ
ដូចជាការប៉ាតម្សៅ ជះទឹក។ល។ សម្តេចតជោមានប្រសាសន៍ថា
វាមិនមែនជារឿងប្រពៃណីខ្មែរទេ ហើយបង្កើតរឿងច្រើនណាស់
ជួនកាលគ្រោះថ្នាក់ដោយសារបញ្ហានេះ
ដូច្នេះក៏ត្រូវមានការប្រុងប្រយ័ត្នទៅលើបញ្ហាអស់ទាំងនេះដែរ។
សម្ដេចតេជោ
ក៏បានផ្តល់ជាអនុសាសន៍ផងដែរ ដល់ម្ចាស់សណ្ឋាគារ ផ្ទះសំណាក់
សេវាដឹកជញ្ជូនម្ហូបអាហារ។ល។ កុំឲ្យមានការដំឡើងថ្លៃខ្ពស់ពេក
ព្រោះថាបើយើង ឡើងថ្លៃជ្រុលគឺឆ្នាំក្រោយគេនឹងទៅរកកន្លែងផ្សេង
ព្រោះស្រុកខ្មែរឥឡូវនេះកន្លែងទេសចរណ៍មិនមែនមានតែមួយកន្លែងនោះទេ
គឺមានជម្រើសច្រើនណាស់សម្រាប់ប្រជាជនកម្ពុជាបច្ចុប្បន្ននេះ។
ដោយ
ឡែកទាក់ទងនឹងបញ្ហានយោបាយសព្វថ្ងៃ សម្តេចអគ្គមហាសេនាបតីតេជោ ហ៊ុន
សែន បានមានប្រសាសន៍បង្ហើបឲ្យដឹងដោយសុទិដ្ឋិនិយមថា ការចរចា
ស្ងាត់ស្ងៀម រវាងគណបក្សទាំងពីរ
(គណបក្សប្រជាជនកម្ពុជានិងគណបក្សសង្គ្រោះជាតិ) បានព្រមព្រៀងគ្នា
អស់ហើយ គឺនៅសល់តែចំណុចតូចមួយទេ ដែលត្រូវនៅសម្រួលគ្នា។
សម្ដេច
តេជោលើកឡើងថា រឿងនយោបាយ
វាតែអ៊ីចឹងជួនកាលទាស់គ្នាខ្លាំងធ្វើដូចជាមាំណាស់
ប៉ុន្តែដល់ត្រូវគ្នាតែមួយភ្លែត!។ សម្ដេចតេជោ មានប្រសាសន៍បញ្ជាក់ថា
ការចរចារវាងគណបក្សទាំងពីរសម្រួលគ្នានៅតែបន្តិចៗទេជួនកាលអាចចេញ
រួចមុនចូលឆ្នាំនេះផងក៏អាចទៅរួចដែរ ប៉ុន្តែបើទៅមិនរួច
ក៏នៅតែបន្តទៅមុខដូច្នេះ សំខាន់បំផុតគឺ
រក្សានិរន្តរភាពរបស់ស្ថាប័នរដ្ឋ, ប្រក្រតីភាព ខាងនយោបាយ
និងជីវភាពរបស់ពលរដ្ឋ។
ទាក់
ទងនឹងការទាមទាររបស់គណបក្សសង្គ្រោះជាតិដែលចង់ឲ្យកែទម្រង់
ស្ថាប័នរៀបចំការបោះឆ្នោត ទៅជាស្ថាប័នធម្មនុញ្ញ
ដោយចង់ឲ្យមានការបោះឆ្នោតជ្រើសរើសស្ថាប័ននេះតាមសម្លេង ២ភាគ៣
សម្ដេចតេជោនាយករដ្ឋមន្ត្រី
ក៏បានមានប្រសាសន៍ឲ្យដឹងផងដែរអំពីដំណោះស្រាយនៃភាពជាប់គាំងនយោបាយ
ដោយសារប្រព័ន្ធ ២ភាគ៣ កាលពីអាណត្តិទី៣ថា កាលមុននោះ លោក សម
រង្ស៊ីបានធ្វើលិខិតស្នើសុំធ្វើវិសោធនកម្ម រដ្ឋធម្មនុញ្ញ ពី ២ ភាគ ៣
មក ៥០+១ ប៉ុន្តែឥឡូវនេះ
គាត់ស្នើឱ្យដាក់គណៈកម្មាធិការរៀបចំការបោះឆ្នោតឱ្យទៅជាក្របខ័ណ្ឌ
រដ្ឋធម្មនុញ្ញ ហើយបោះឆ្នោត២ភាគ ៣ វិញ។ ចំណុចនេះសម្ដេចពន្យល់ថា
កាលមុននោះ ដោយសារតែជាប់គាំង បង្កើតរដ្ឋាភិបាលមិនបានទើបនាំគ្នាធ្វើ
វិសោធនកម្ម រដ្ឋធម្មនុញ្ញ រំលាយចោលពី២ ភាគ៣
យក៥០+១ហេតុដូច្នេះបើបង្កើត គណៈកម្មាធិការ
រៀបចំការបោះឆ្នោតទៅជាសំឡេង២ភាគ៣ វានឹងគាំងខាងបោះ ឆ្នោតតែម្ដង។
ទោះបីយ៉ាងណាសម្ដេចបញ្ជាក់ថា ការស្នើនេះ
ពេលនេះបានដកនិងសម្រួលពាក្យពេចន៍វិញហើយ។
ដោយ
ឡែកទាក់ទងនឹងសកម្មភាពរបស់លោក សម រង្ស៊ី
ប្រធានគណបក្សសង្គ្រោះជាតិ
ដែលបានបង្កឡើងនាក្រោយពេលការបោះឆ្នោតថ្ងៃទី២៨ ខែកក្កដា ឆ្នាំ២០១៣
កន្លងមក ដូចជា ករណីបំផុសឲ្យមានចលាចលនៅផ្លូវវេងស្រេង
និងលិខិតរបស់លោក សម រង្ស៊ី ចុះថ្ងៃទី២ ខែមេសា ឆ្នាំ២០១៤
ឆ្លើយតបនឹងព្រះរាជសារបើកបវេសនកាលរដ្ឋសភារបស់ព្រះករុណា
ព្រះមហាក្សត្រកាលពីថ្ងៃទី០១ ខែមេសា ឆ្នាំ២០១៤
ត្រូវបានសម្តេចតេជោវាយតម្លៃថាត្រូវមានទោស។
សម្តេច
អគ្គមហាសេនាបតីតេជោ ហ៊ុន សែន
ប្រសាសន៍ថាខ្ញុំយល់ស្របចំពោះការលើកឡើងរបស់អ្នកច្បាប់ខ្លះដែល
និយាយថា អត់ទាន់មានច្បាប់ណាចែងថា មានទោសប្រមាថព្រះមហាក្សត្រទេ
ប៉ុន្តែសូមកុំភ្លេចឲ្យសោះអ្នកឯងប្រឆាំងនឹងសេចក្តីសម្រេចរបស់
ក្រុមប្រឹក្សាធម្មនុញ្ញនិងរឿងបង្កើតសភាពការណ៍មហន្តរាយផ្លូវវេង
ស្រេង គឺមានទោស ។
សម្តេច
នាយករដ្ឋមន្ត្រីថ្លែងថា ប្រឆាំងនឹងក្រុមប្រឹក្សាធម្មនុញ្ញ
គឺមានទោស ហើយករណីបង្កចលាចលនៅផ្លូវវេងស្រេង
មិនទាន់ចប់នៅឡើយទេ ហើយលោកឯងជាអ្នកដឹកនាំជាអ្នកបំផុស។
ឥឡូវនេះក្រុមអ្នកច្បាប់របស់រាជរដ្ឋាភិបាលបាននឹងកំពុងតែពិនិត្យ
ដែលរាជរដ្ឋាភិបាល នឹងពិចារណាហ្មត់ចត់អំពីបញ្ហានេះ
ហើយជួនកាលអាចប្តឹងករណីនេះមុនចូលឆ្នាំចំពោះបញ្ហាលិខិតនោះ។
សម្តេច
តេជោមានប្រសាសន៍ថា
ខ្ញុំមិនមែនគំរាមទេប៉ុន្តែខ្ញុំគ្រាន់តែប្រាប់ឲ្យច្បាស់ដើម្បីឲ្យ
ឆ្នាំចាស់វាកន្លងផុតទៅជ្រះចង្រៃហើយនេះគឺគ្រាន់តែជាការដាស់តឿន
ដើម្បីរក្សាស្ថានភាពល្អសម្រាប់ឱកាសបុណ្យចូលឆ្នាំថ្មីប៉ុណ្ណោះ៕