ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន
មានប្រសាសន៍កាលពីថ្ងៃទី ១៧ ធ្នូថា
រាជរដ្ឋាភិបាលកម្ពុជាគាំទ្រយ៉ាងពេញទំហឹងចំពោះដំណើរការរបស់ក្រុម
ហ៊ុនមីនេបៀរ ជាក្រុមមកពី ប្រទេសជប៉ុន
ដែលផលិតម៉ូទ័រខ្នាតតូចដ៏មានសារៈសំខាន់នោះ។
នៅក្នុង ពិធីសម្ពោធរោងចក្រដែលស្ថិតនៅក្នុងតំបន់សេដ្ឋកិច្ចពិសេស
នៅសង្កាត់កន្ទោក ខណ្ឌ ពោធិមានជ័យ រាជធានីភ្នំពេញនោះ
សម្តេចនាយករដ្ឋមន្ត្រីមានប្រសាសន៍ថា អ្វីដែលខ្ញុំពេញចិត្តគឺនៅ
ត្រង់ថា
ខ្ញុំបានសម្រេចនូវការសម្យារបស់ខ្ញុំជាមួយក្រុមហ៊ុនមីនេ
បៀរ«រោងចក្រមីនេបៀរប្រៀបបានខ្ញុំ បានធ្វើឆ្មបបង្កើតវា
ខ្ញុំមិនអាចឲ្យរោងចក្រនេះដួលរលំបានទេ
ព្រោះវាពាក់ព័ន្ធនឹងកត្តាជាច្រើនបើសិន ជារោងចក្រនេះទទួលជោគជ័យ
យើងក៏ទទួលជោគជ័យដូចគ្នា»។សម្តេចតេជោថ្លែងថាខ្ញុំរីករាយដោយ
សារកម្ពុជា បច្ចុប្បន្ននេះបានឈានដល់ដំណាក់កាលថ្មីមួយ
នៃការទាញយកវិនិយោគផ្នែកបច្ចេកវិទ្យា ជាន់ខ្ពស់មកកាន់ប្រទេសរបស់ខ្លួន
នៅក្នុងនេះជាដំណាក់កាលប្រកួតប្រជែងយ៉ាងខ្លាំងនេះ។
សម្តេចតេជោនាយករដ្ឋមន្ត្រីបានអះអាងថា
ក្នុងថានៈជាអ្នកទទួលខុសត្រូវ ទាំងជានាយករដ្ឋ មន្ត្រី
ទាំងជាប្រធានក្រុមប្រឹក្សាអភិវឌ្ឍកម្ពុជា និង
ជាប្រធានតំបន់សេដ្ឋកិច្ចពិសេស ខ្ញុំត្រូវតែមានការ
ទទួលខុសត្រូវដើម្បីឲ្យរោងចក្រនេះមានដំណើរការទៅបាន
ហើយទទួលបានជោគជ័យ។នៅក្នុង
សង្កថាសម្តេចតេជោបានព្រមានដោយចំហចំពោះស្ថាប័នទាំងឡាយណា
ដែលធ្វើឲ្យដំណើរការរបស់ រោងចក្រមីនេបៀររាំងស្ទះ
ដោយចាត់វិធានការតាមផ្លូវច្បាប់ និង
ជំរុញឲ្យមានការស៊ីបអង្កេតដោយអង្គ ភាពប្រឆាំងអំពើរពុករលួយទៀតផង។
ពាក់ព័ន្ធជាមួយការផ្សព្វផ្សាយដែលថា ក្រុមហ៊ុនមីនេបៀរ
ដែលមកបណ្តាក់ទុននៅកម្ពុជានេះ អាស្រ័យដោយទឹកជំនន់នៅប្រទេសថៃ
ហើយថា ក្រុមហ៊ុននេះបានរើទីតាំងពីថៃមកកាន់កម្ពុជានោះ
សម្តេចតេជនោនាយករដ្ឋមន្ត្រីបានគូសបញ្ជាក់ថា
រោងចក្រដែលបង្កើតនៅក្នុងតំបន់សេដ្ឋកិច្ចពិសេស
ក្នុងរាជធានីភ្នំពេញនេះ មិនមែនជាកាកសំណល់ដែលសល់ពីប្រទេសថៃ
ដោយសារប្រទេសថៃមាន ទឹកជំនន់ទេ
ប៉ុន្តែក្រុមហ៊ុននេះបានមកបណ្តាក់ទុននៅកម្ពុជាតាំងពីមុនពេលមាន
ទឹកជំនន់នៅប្រទេស ថៃ
ហើយចំណែកក្រុមហ៊ុនមីនេបៀរនៅក្នុងប្រទេសថៃក៏មិនបានដូរទីតាំង
របស់ខ្លួននោះដែរ។
ក្រុមហ៊ុនមីនេបៀរបង្កើតឡើងនៅឆ្នាំ ១៩៥១ ក្នុងទីក្រុងតូក្យូ
ប្រទេសជប៉ុន ជាក្រុមហ៊ុនដែល មានដើមទុនចំនួន ៨៣៣
លានដុល្លារសហរដ្ឋអាមេរិក។ក្រុមហ៊ុននេះបានបង្កើតរោងចក្រចំនួន ៣២
ដំណើរការក្នុង ១១ ប្រទេស រួមមានប្រទេសជប៉ុន ថៃ ចិន សឹង្ហបូរី ម៉ាឡេស៊ី
សហរដ្ឋអាមេរិក អង់គ្លេស អាឡឺម៉ង់ ស្លូវ៉ាគី និង
ប្រទេសឆេក។រោងចក្រផលិតម៉ូទ័ររបស់ក្រុមហ៊ុនមីនេបៀរបានចំណាយពេល
តែ ១
ឆ្នាំប៉ុណ្ណោះក្នុងសំណើរការសាងសង់រោងចក្ររបស់ខ្លួនក្នុងតំបន់
សេដ្ឋកិច្ចពិសេស ក្នុងរាជធានី ភ្នំពេញ ដោយចំណាយទឹកប្រាក់សរុបជាង ៦០
លានដុល្លារសហរដ្ឋអាមេរិក។រោងចក្រនេះត្រូវតម្លើង
ម៉ូទ័រនៅក្នុងកម្ពុជា ប៉ុន្តែ
កនៃម៉ូទ័រត្រូវនាំចូលមកពីប្រទេសថៃ
ហើយផលិតផលសម្រេចត្រូវនាំចេញទៅ ប្រទេសថៃវិញ។
លោក ខៃនូម៉ា យូស៊ីហ៊ីស្សា
ប្រធានអគ្គនាយកប្រតិបត្តិនៃក្រុមហ៊ុនមីនេបៀរ មានប្រសាសន៍ ថា
ប្រសិនបើយើងទទួលជោគជ័យ
ក្រុមហ៊ុនផលិតកម្មបរទេសដទៃទៀតក៏នឹងមកធ្វើការវិនិយោគក្នុង
ប្តរទេសកម្ពុជាដូចក្រុមហ៊ុនរបស់យើងដែរ។បើសិនជាហេតុការណ៍នេះអាច
កើតមានបានមែននោះ
ប្រទរសកម្ពុជានឹងអាចទទួលបាននូវទុនបម្រុងបរទេសកាន់តែច្រើនឡើង
ថែមទៀត គឺតាមរយៈការនាំ ចេញរបស់វិនិយោគិនបរទេសនេះ។លោក ខៃនូម៉ា
យូស៊ីហ៊ីស្សា ថ្លែងថា រាជរដ្ឋាភិបាលកម្ពុជាក៏នឹង
អាចប្រមូលពន្ធលើប្រាក់ចំណូលកាន់តែច្រើន
ក៏ប៉ុន្តែអ្វូដែលសំខាន់ជាងនេះគឺមានសកម្មភាពរស់រវើក
ប្រភេទថ្មីជាច្រើន
ដែលនាំឲ្យមាននូវការអភិវឌ្ឍលើវិស័យផ្សេងៗទៀតចូលមកកម្ពុជានោះឯង៕
ស្នាយពល