ភ្នំពេញ៖ នារសៀលថ្ងៃទី១៦ ខែធ្នូ ឆ្នាំ២០១១
នៅសណ្ឋាគារកាំបូឌីយ៉ាណា រាជធានីភ្នំពេញ
មានបើកកិច្ចប្រជុំកំពូលស្ដីពីសភាពាណិជ្ជកម្មទូទាំងប្រទេសលើកទី
១
ដែលកិច្ចប្រជុំនេះរៀបចំក្នុងឱកាសពិព័រណ៍ផលិតផលនាំចេញ-នាំចូល
និងខេត្ត១ ផលិតផល១ កម្ពុជាលើកទី៦ ឆ្នាំ២០១១ បូក ACMECS
ដោយមានការចូលរួមបើកកិច្ចប្រជុំក្រោមអធិបតីភាពរបស់លោកម៉ៅ
ថូរ៉ា រដ្ឋលេធិការក្រសួងពាណិជ្ជកម្ម តំណាងលោកទេសរដ្ឋមន្រ្តីចម
ប្រសិទ្ធ រដ្ឋមន្រ្តីក្រសួងពាណិជ្ជកម្ម ប្រធាន អនុប្រធាន
និងសមាជិកសភាពាណិជ្ជកម្មរាជធានី-ខេត្តទូទាំងប្រទេសជាច្រើននាក់ផ
ងដែរ។
ថ្លែងនាឱកាសបើកកិច្ចប្រជុំនេះលោកម៉ៅ ថូរ៉ា រដ្ឋលេខាធិការ
ក្រសួងពាណិជ្ជកម្មបានជម្រាបជូនអំពីប្រវត្តិខ្លះៗ
នៃការបង្កើតសភាពាណិជ្ជកម្មនៅកម្ពុជាចាប់តាំងពីឆ្នាំ១៩៩៥
រហូតមកដល់ឆ្នាំ២០១១នេះ
បន្ទាប់ពីច្បាប់ស្ដីពីសភាពាណិជ្ជកម្មបានអនុម័តនៅថ្ងៃទី១៦
ខែមិថុនា ឆ្នាំ១៩៩៥ ដែលមាន៤ ជំពូក ចែកចេញជា២២ មាត្រា
ដែលច្បាប់នេះនិយាយអំពីសកម្មភាព តួនាទី
និងភារកិច្ចរបស់សភាពាណិជ្ជកម្ម ដែលជាគ្រឹះស្ថានសាធារណៈ
ធ្វើសកម្មភាពដើម្បីប្រយោជន៍ខាងវិស័យពាណិជ្ជកម្ម ឧស្សាហកម្ម
កសិកម្ម សិប្បកម្ម និងសេវាកម្មក្នុងមណ្ឌលរបស់ខ្លួន។
លោកម៉ៅ ថូរ៉ា បានបន្តថា
ក្រសួងពាណិជ្ជកម្មបានខិតខំរៀបចំឲ្យមានកិច្ចប្រជុំកំពូលសភា
ពាណិជ្ជកម្មទូទាំងប្រទេសលើកទី១
គឺក្នុងគោលបំណងពង្រឹងសកម្មភាពសភាពាណិជ្ជកម្មទាំងអស់
ជាពិសេសធ្វើឲ្យមានវឌ្ឍនភាពការងារនៃសភាពាណិជ្ជកម្មទូទាំងប្រទេស
ដែលរាជរដ្ឋាភិបាលតែងតែចាត់ទុកសភាពាណិជ្ជកម្មជាសរសស្តម្ភរបស់
វិស័យឯកជន
និងជាភាពដៃគូក្នុងការធ្វើការងារជាមួយរាជរដ្ឋាភិបាល។
លោកបានសង្ឃឹមថា កិច្ចប្រជុំនាពេលនេះនឹងទទួលបាននូវគំនិតដ៏ល្អៗ
ពីសមាជិកសភាពាណិជ្ជកម្មទាំងអស់ ដើម្បីកែលម្អនូវការងារ
ក៏ដូចជាដាក់ចេញនូវទិសដៅថ្មីៗ
សម្រាប់សកម្មភាពសភាពាណិជ្ជកម្មទូទាំងប្រទេស។
លោកឧកញ៉ាស៊ន សុខណា
អនុប្រធានសភាពាណិជ្ជកម្មកម្ពុជាបានលើកឡើងថា
សភាពាណិជ្ជកម្មបានដើរលើកំណាត់ផ្លូវដ៏វែងឆ្ងាយ
និងសម្រេចបានសមិទ្ធិផលដ៏គួរឲ្យកត់សម្គាល់
ហើយនាពេលខាងមុខយើងប្ដេជ្ញាប្រឹងប្រែងដើម្បីការអភិវឌ្ឍន៍
និងភាពថ្កុំថ្កើនរបស់វិស័យឯកជនទាំងមូល
និងធ្វើឲ្យវិស័យឯកជនកាន់តែរីកចំរើនប្រកបដោយនិរន្តភាពទាំងមាន
តម្លាភាព សមត្ថភាព តស៊ូមតិក្នុងនាមវិស័យឯកជន
ទំនុកចិត្តក្នុងចំណោមអ្នកចូលរួម និងឥទ្ធិពលលើម្ចាស់ជំនួយ។
លោកឧកញ៉ាបន្តថា
យើងមានភារកិច្ចដ៏សំខាន់មួយដែលត្រូវធ្វើនៅឆ្នាំក្រោយ
គឺចំពេលដែលកម្ពុជាធ្វើជាប្រធានអាស៊ាន។
ក្នុងនាមតំណាងឲ្យវិស័យឯកជនយើងត្រូវធ្វើជាប្រធានក្រុមប្រឹក្សាយោ
បល់ធុរកិច្ចអាស៊ាន
នៅពេលនោះនឹងមានកិច្ចប្រជុំកំពូលសំខាន់ៗដែលទាមទារនូវការត្រៀម
លក្ខណៈយ៉ាងច្រើនទាំងធនធាន និងមនុស្ស
ហើយយើងត្រូវបញ្ជូនសារច្បាស់លាស់មួយគាំទ្រដល់រដ្ឋាភិបាលបង្ហាញ
ឲ្យប្រទេសក្នុងតំបន់និងពិភពលោកឃើញថាកម្ពុជាជាប្រទេសមួយដែលអាច
ដើរតួនាទីយ៉ាងសំខាន់ឆ្ពោះទៅរកកំណើនសេដ្ឋកិច្ច
និងការអភិវឌ្ឍន៍ប្រទេស ប្រកបដោយសាមគ្គីភាព និងអនាគតភ្លឺស្វាង។
ជាចុងបញ្ចប់នៃកិច្ចប្រជុំលោកម៉ៅ ថូរ៉ាបានបូកសរុបកិច្ចប្រជុំ
និងបានថ្លៃងអំណរគុណចំពោះគណៈកម្មការរៀបចំពិព័រណ៍ជាពិសេសនាយកដ្ឋាន
ជំរុញពាណិជ្ជកម្មដែលបានសហការគ្នាជាមួយសភាពាណិជ្ជកម្មកម្ពុជា
និងសភាពាណិជ្ជកម្មរាជធានី-ខេត្តទាំងអស់ក្នុងការខិតខំជំរុញឲ្យ
ព្រឹត្តិការណ៍នៃកិច្ចប្រជុំកំពូលស្ដីពីសភាពាណិជ្ជកម្មបានកើតមាន
ឡើងនាពេលនេះ ដែលនិងពាំនាំលទ្ធផលជាផ្លែផ្កា
និងជាត្រីវិស័យសម្រាប់ទិសដៅនៃការអនុវត្តនាបណ្ដាឆ្នាំបន្ត
បន្ទាប់
និងបំពេញការងារប្រកបដោយភាពរលូនក្នុងផលប្រយោជន៍បម្រើការអភិវឌ្ឍន៍
សេដ្ឋកិច្ចសង្គមកម្ពុជា៕
ឡាយោ