ភ្នំពេញ ៖ ថ្លែងនៅក្នុងពិធីបិទវេទិកាយុវជននៃកម្មវិធី MTV
ខែ ធ្នូ ឆ្នាំ ២០១១នៅសណ្ឋាគារ សូហ្វីតែលភ្នំពេញ លោកស្រី ផេននី
រីឆាដស៍
ឯកអគ្គរាជទូតអូស្ត្រាលីប្រចាំនៅកម្ពុជាបានចាត់ទុកការជួញដូរ
មនុស្ស គឺជាឧក្រិដ្ឋកម្មដែលគួរឲ្យព្រួយបារម្ភខ្លាំងបំផុត
ព្រោះវាបានបំផ្លាញជីវិតមនុស្ស ជនរងគ្រោះ និង
ធ្វើឲ្យប៉ះពាល់យ៉ាងធ្ងន់ធ្ងរដល់គ្រួសារ និង សហគមន៍របស់ពួកគេ។
លោកស្រីមានប្រសាសន៍ថា បញ្ហាទាំងនេះ វាកំពុងតែកើតឡើង
នៅក្នុងប្រទេសកម្ពុជា។
ដូច្នេះយើងទាំងអស់គ្នាសុទ្ធតែមានការទទួលខុសត្រូវដើម្បីបញ្ចប់
ឧក្រិដ្ឋកម្មជួញដូរមនុស្សនេះ ហើយក្នុងនាមជារាជរដ្ឋាភិបាល
យើងត្រូវតែធ្វើការការពារជនរងគ្រោះ អប់រំដល់អ្នកដែលងាយរងគ្រោះ
និង កាត់ទោសជនល្មើសដើម្បីការពារកុំឲ្យឧក្រិដ្ឋកម្មនេះ
កើតមានឡើងតទៅទៀត។
លោក ស្រីបានបន្តថា ប៉ុន្តែរដ្ឋាភិបាលទាំងឡាយ
មិនអាចធ្វើការទាំងនេះម្នាក់ឯងបាននោះទេ
យើងអាចផ្លាស់ប្ដូរបញ្ហានេះ
បានលុះត្រាតែមានការចូលរួមពីអ្នកទាំងអស់គ្នា។
លោក សាយ៉ាកាណេ សីសូវង្ស អគ្គលេខាធិការរង អាស៊ាន សម្រាប់សហគមន៍
សន្តិសុខ នយោបាយ របស់អាស៊ានដែលចូលរួមនៅក្នុងវេទិកានោះ
បានថ្លែងឲ្យដឹងថា វេទិកានេះ គឺចាប់ផ្ដើមរវាងអាស៊ាន និង កម្មវិធី
MTV EXIT ក្នុងការប្រយុទ្ធប្រឆាំងនឹងការជួញដូរមនុស្ស។
លោក បន្តទៀតថា នៅក្នុង ឆ្នាំ ១៩៩៧
អាស៊ានបានប្ដេជ្ញាប្រយុទ្ធប្រឆាំងនឹងបទល្មើសជាអន្តរជាតិ
ក្នុងនោះរួមមាន ការប្រយុទ្ធប្រឆាំងគ្រឿងញៀន និង
ការជួញដូរមនុស្សជាដើម។ បញ្ហាជួញដូរមនុស្សនេះ
ត្រូវដាក់នបញ្ចូលហើយចុះហត្ថលេខានៅឆ្នាំ ២០០៤។ រហូតមកទល់ពេលនេះ
សកម្មភាពសហការគ្នាក្នុងតំបន់អាស៊ាន
នៅតែមានសារៈសំខាន់ពាក់ព័ន្ធនឹងកាជួញដូរមនុស្ស៕
សំអឿន