ភ្នំពេញ៖ ឯកឧត្ដម ស៊ុយ សែម រដ្ឋមន្រ្តីក្រសួងឧស្សាហ៍កម្មរ៉ែ
និងថាមពលបានអញ្ជើញអធិបតីក្នុងកិច្ចប្រជុំ
ប្រចាំឆ្នាំរបស់អគ្គនាយកដ្ឋានឧស្សាហកម្ម២០១១ដល់២០១២ជំរុញការ
ផ្លាស់ប្ដូរជាមូលដ្ឋាននៃឧស្សាហកម្ម
និងផែនការសកម្មភាពឆ្នាំ២០១២ក្នុងការលើកកំពស់ផលិតភាពនិងភាព
ប្រកួតប្រជែងនៃវិស័យឧស្សាហកម្ម កាលពីរសៀលថ្ងៃទី១៦ ខែធ្នូ
នៅទីស្ដីការក្រសួង។
ឯកឧត្ដម អគ្គនាយកដ្ឋានឧស្សាហកម្ម បានឱ្យដឹងថា
កិច្ចប្រជុំរយៈពេល៣ថ្ងៃបានពិភាក្សាជាមួយ
ដៃគូរពាក់ព័ន្ធនិងអ្នកជំនាញ
ការអន្តរជាតិហើយទទួលបានផលប្រយោជន៍សំខាន់ៗចំនួនពីរទី១
ទទួលបានធាតុចូលជាច្រើនសំរាប់តំរង់ទិសនៃការរៀបចំផែនការសេដ្ឋ
កិច្ច ជាយុទ្ធសាស្រ្តឆ្នាំ២០១២
ដែលជំរុញការលើកកំពស់សុខុដុមនីយកម្ម
គុណភាពនិងភាពបំពេញឱ្យគ្នាទៅវិញទៅមក
និងបណ្ដាយុទ្ធសាស្រ្តអន្តរាគមន៍
សកម្មភាពផ្សេងៗរបស់ដៃគូរអភិវឌ្ឍន៍និងភាគីពាក់ព័ន្ធទី២ការកសាង
នូវប្រព័ន្ធកម្មវិធីថ្មីជាមួយភាគីស្ថាប័នពាក់ព័ន្ធនិងលើកកំពស់
ភាពជាម្ចាស់និងធ្វើជាអ្នកដឹកនាំរបស់អគ្គនាយកដ្ឋានឧស្សាហកម្ម
ក្នុងការសម្របសម្រួលនិងការធានាសមាហរណកម្មនៃក្របខណ្ឌជាយុទ្ធ
សាស្រ្តនៃការអនុវត្តផែនការសកម្មភាពរបស់ភាគីស្ថាបន័ពាក់ពន្ធ័ក្នុង
វិស័យឧស្សាហកម្មនិងសហគ្រាសធុនតូចនិងមធ្យមនៅកម្ពុជា។
កិច្ចប្រជុំបានពិភាក្សាសិក្សាឡើងវិញនូវមេរៀនបទពិសោធន៍បញ្ហា
ប្រឈមពាក់ព័ន្ធនិងការអនុវត្តន៍តួនាទីភារកិច្ចរបស់នាយកដ្ឋាននិង
អង្គភាពនីមួយៗ។ឆ្លងតាមការពិភាក្សានិងវាយតំលៃយ៉ាងល្អិតល្អន់
កិច្ចប្រជុំបានលើកឡើងនូវរបៀបវីរៈថ្មីជាយុទ្ធសាស្រ្តសំរាប់ឆ្នាំ
២០១២
គឺការជម្រុញការកសាងនូវសម្ព័ន្ធភាពការប្រមូលផ្ដុំសហគ្រាសធុនតូច
និងមធ្យមក្នុងគោលដៅលើកកំពស់ទំហំសេដ្ឋកិច្ចនិងការប្រកួតប្រជែង
នៃសហគ្រាសកម្មន្តសាលនៅកម្ពុជានិងជម្រុញសមត្ថភាពទទួលយកនូវកាលា
នុវត្តភាពនានានៃសមាហរណកម្មតំបន់និងអាស៊ាន។
វាមានសារៈសំខាន់និងសមស្របទៅនឹងប្រទេសកម្ពុជាដែលធ្វើជាម្ចាស់
ផ្ទះក្នុងការរៀបចំនៃកិច្ចប្រជុំអាស៊ាននៅឆ្នាំ២០១២ខាងមុខនេះ។
ឯកឧត្ដម ស៊ុយ សែម មានប្រសាសន៍ថា
បច្ចុប្បន្ននេះចរន្តដំណើរការនិងទំរង់រូបភាពនៃការវិវត្តន៍
សេដ្ឋកិច្ចកម្ពុជាមានលក្ខណៈប្រែប្រួលប្រចាំរួមជាមួយការកើនឡើង
បន្តបន្ទាប់នៃដៃគូរនិងតួអង្គជាច្រើននិងភាពចំរុះនៃបរិស្ថាន
ហិរញ្ញវត្ថុហើយផលកំណើននៃផលទន់ជាតិសរុប (GDP)
មានការកើនឡើងប៉ុន្តែផលចំណែកវិស័យកម្មន្តសាលជាប្រភពចលករដ៏
សំខាន់ក្នុងការបង្កើតការងារនិងអភិវឌ្ឍជាតិនៅមានកំរិតនិងមាន
កំណើនយឺតនៅឡើយ។
ឯកឧត្ដម
បាននែនាំដល់មន្រ្តីមន្ទីរតាមខេត្តក្រុងទាំងអស់ត្រូវចូលរួម
សហការអនុវត្តន៍ច្បាប់ស្ដីពីការគ្រប់គ្រងសហគ្រាសនិងសិប្បកម្មឱ្យ
មានប្រសិទ្ធភាពនិងទទួលខុសត្រូវខ្ពស់ចំពោះតួនាទីរបស់ខ្លួនឱ្យបាន
ល្អបំផុតចាប់ពីឆ្នាំ២០១២នេះតទៅ។
ឯកឧត្ដមរដ្ឋមន្រ្តីបានគូសបញ្ជាក់ថា
ការអនុវត្តច្បាប់អាចជួយឱ្យយើងជួយរែកពន់ទទួលបានជោគជ័យទី១
ការពង្រឹងការអុវត្តន៍ច្បាប់នឹងធានាផលប្រយោជន៍និងសមត្ថភាពសាធារណៈ
បរិស្ថាននិងសង្គមនៅក្នុងសកម្មភាពនានារបស់រោងចក្រនិងសិប្បកម្ម
ទី២ការជួយគាំពារនិងជម្រុញបង្កើតនូវបរិស្ថានធុរៈកិច្ចសមស្របមួយ
សំរាប់ជំរុញការរីកចំរើននិងការអភិវឌ្ឍន៍ប្រទេសជាតិ៕