ដោយៈ មាស សុទ្ធ
លោក កឹម សុខា
ប្រធានគណបក្សសិទ្ធិមនុស្សដែលបានលើកតម្កើងខ្លួនឯងថាជាអ្នកប្រជា
ធិបតេយ្យ ប៉ុន្តែ បែរជាប្រតិកម្មទៅនឹងអត្ថបទ «ដូរឬមិនដូរ?»
ដែលបានចេញផ្សាយកាលពីថ្ងៃទី ១៥ ខែធ្នូ ឆ្នាំ ២០១១
នៅកាសែតកោះសន្តិភាពទៅវិញ។
នៅថ្ងៃទី១៥
ខែធ្នូ ឆ្នាំ២០១១
គណបក្សសិទ្ធិមនុស្សបានដាក់លិខិតមួយច្បាប់សុំឲ្យកាសែតកោះសន្តិភាព
ជួយចុះតាមសំណើរបស់គណបក្សសិទិ្ធមនុស្ស
ក្នុងនោះកាសែតកោះសន្តិភាពក៏បានឯកភាពចុះអោយតាមសំណូមពររបស់គណបក្ស
សិទ្ធិមនុស្ស ហើយបានដាក់នៅទំព័រមុខផងដែរ។
យោងតាមការបកស្រាយរបស់គណបក្សសិទ្ធិមនុស្សកន្លងមក
ខ្ញុំបាទឈ្មោះ មាសសុទ្ធ
ជាប្រជាពលរដ្ឋម្នាក់ដែលធ្លាប់រស់
នៅក្នុងប្រទេសកម្ពុជាតាំងពីឆ្នាំ១៩៧០រហូតមកដល់សព្វថ្ងៃ
ក្នុងនាមជាប្រជាពលរដ្ឋម្នាក់សូមចូលរួមឆ្លើយបំភ្លឺជំនួសឲ្យកាសែត
កោះសន្តិភាព
ដោយយល់ឃើញថាការលើកឡើងរបស់គណបក្សសិទ្ធិមនុស្ស។ខ្ញុំបាទស្រប
តាមទស្សនៈខាងលើ
គឺតាមឆន្ទៈប្រជាពលរដ្ឋក្នុងការសម្រេចជ្រើសរើសអ្នកដឹកនាំ
តាមរយៈការបោះឆ្នោតដោយសេរី ត្រឹមត្រូវ និងអហិង្សា
មិនមែនផ្លាស់ប្តូរតាមរយៈបដិវត្តន៍ និងហិង្សានោះទេ
ត្រង់ចំណុចនេះ បើខ្ញុំចាំមិនភ្លេចទេ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា តែងតែមានប្រសាសន៍ថា ប្រសិនបើសម្តេចចាញ់ឆ្នោត នោះ សម្តេចតេជោនឹងប្រកាសលាឈប់ហើយប្រគល់តំណែងឲ្យអ្នកដែលឈ្នះនៅឯវិមានសន្តិភាព ។
តាមការកត់សំគាល់របស់ខ្ញុំបាទ
រាល់ការបោះឆ្នោតពេលគណបក្សប្រជាជនឈ្នះឆ្នោតម្តងៗ
ទោះជាមានអ្នកសង្កេតការណ៍ជាតិ និងអន្តរជាតិ ទទួលស្គាល់លទ្ធផលថា សេរី
ត្រឹមត្រូវ និងយុត្តិធម៌ យ៉ាងណាក៏ដោយ ក៏
គណបក្សប្រឆាំងមិនដែលព្រមទទួលស្គាល់ថាខ្លួនចាញ់នោះទេ។
នៅពេលនោះទាំងលោក កឹម សុខា និងលោក សម រង្ស៊ី
បានធ្វើសន្និសីទកាសែតនៅទីស្នាក់ការគណបក្សសិទិ្ធមនុស្សបន្ទាប់ពីបោះ
ឆ្នោតចាញ់ កាលពីខែកញ្ញា ឆ្នាំ២០០៨
ហើយប្រកាសប្តេជ្ញានឹងកាន់ដៃគ្នាស្ពាយឯកសារទៅប្តឹងឯអឺរ៉ុប
និងសហរដ្ឋអាមេរិកថា មានភាពមិនប្រក្រតី និងមានភាពអយុត្តិធម៌។
ជាលទ្ធផលនៃការប្តឹង របស់ លោក កឹម សុខា និងលោក សម រង្ស៊ី
ទទួលការបរាជ័យយ៉ាង អាម៉ាស់បំផុត នៅឯអឺរ៉ុប
និងសហរដ្ឋអាមេរិកដែលគេពុំបានយកចិត្តទុកដាក់នោះទេ
អ្នកជំនាញការបោះឆ្នោតសហគមន៍អឺរ៉ុប
សួរថាអយុត្តិធម៌លើចំណុចណាមានភស្តុតាងដែរឬទេ? លោក កឹម សុខា និង លោក សម រង្ស៊ី
និយាយមិនចេញពីព្រោះគ្មានភស្តុតាងបញ្ជាក់ថា
មានការលួចបន្លំសន្លឹកឆ្នោតនោះឡើយ
ពេលត្រឡប់មកវិញដោយស្ងាត់ស្ងៀមហើយឈប់តវ៉ា បានធ្វើឲ្យសភាពការណ៍ធម្មតា។
-ចំណុចទីពីដូរពីអយុត្តិធម៌សង្គម មកជាយុត្តិធម៌សង្គម ចំណុចនេះ គួរតែលោក កឹម សុខា ធ្វើឲ្យ
មានយុត្តិធម៌ពីគណបក្សរបស់ខ្លួនឯងសិន ទើបនិយាយពីយុត្តិធម៌សង្គមនោះ
បើតាមប្រភពព័ត៌មានពីសមាជិកគណបក្សសិទិ្ធមនុស្សបានឲ្យដឹងថា លោក កឹម សុខា បានបង្កើតភាពអយុត្តិធម៌នៅក្នុងគណបក្សសិទិ្ធមនុស្ស ដោយ លោក កឹម សុខា
បានត្រួតពិនិត្យទាំងងងឹតងងុលនិងផ្តល់សិទ្ធិអំណាច
និងទុកចិត្តតែបុគ្គលិក ដែលធ្លាប់ធ្វើការក្នុងមជ្ឈមណ្ឌលសិទិ្ធមនុស្ស
បើពួកគេប្រព្រឹត្តអំពើពុករលួយ បើធ្វើអ្វីខុសលោក កឹម សុខា មិនសូវស្តីបន្ទោសនោះទេ ប៉ុន្តែបើសមាជិក ឬបុគ្គលិកដែលមិនមែនជាកូនចៅចាស់ នោះធ្វើអ្វីៗក៏មិនត្រូវចិត្តលោក កឹម សុខា នោះឡើយ។សួរថាបើលោក កឹម សុខា
គ្រាន់តែធ្វើមេបក្ស បង្កើតនូវភាពអយុត្តិធម៌ប៉ុនហ្នឹងហើយ
ទម្រាំធ្វើប្រមុខរដ្ឋាភិបាលដឹកនាំប្រទេសនោះ
វាមិនដឹងជាបង្កើតភាពអយុត្តិធម៌យ៉ាងណាខ្លះដល់សង្គមជាតិ
ហេតុដូច្នេះសូមឲ្យប្រជាពលរដ្ឋពិចារណាផងចុះ?
-ចំណុចទីបីថា ដូរពីអសីលធម៌សង្គម មកជាសីលធម៌សង្គមត្រង់នេះខ្ញុំបានឮព័ត៌មានថា លោក កឹម សុខា មានប្រពន្ធពីរឬបី
ឯណោះ សួរថា តើវាជាការអសីលធម៌ដែរឬទេ?
ត្រង់ចំណុចនេះខ្ញុំយល់ឃើញថាវាពិតជាអសីលធម៌
និងវាខុសយ៉ាងធ្ងន់ធ្ងរទៅនឹងច្បាប់ឯកពន្ធភាព។ លោក កឹម សុខា ខ្លួនលោកមិនមានសីលធម៌ផងនោះបែរជាមករិះគន់សង្គមទៅវិញ។
រាជរដ្ឋាភិបាលបានយកចិត្តទុកដាក់អំពីសីលធម៌
ដូច្នេះហើយបានជារាជរដ្ឋាភិបាលបានធ្វើសេចក្តីព្រាងច្បាប់
និងឈានរហូតបង្កើតបានជាច្បាប់ឯកពន្ធភាព
ដើម្បីឲ្យបុរសត្រូវតែមានចិត្តស្មោះត្រង់
ដែលមានប្រពន្ធមួយប្តីមួយ។-រីឯចំណុចទីបួននេះ ដូរពីហិង្សា មកជាអហឹង្សា
វាជាការគួរឲ្យចង់សើចពីព្រោះសួរថា លោក កឹម សុខា
ជ្រុលខ្លួនមានប្រពន្ធចុងពីរឬបីនោះតើវាជាអំពើហិង្សាដែរឬទេ?
បើតាមខ្ញុំធ្លាប់សិក្សាច្បាប់ហិង្សាក្នុងគ្រួសារបាននិយាយថាអំពើរហិង្សា
ដែរទោះបីជាមិនមានការវាយលើរាង្គកាយក៏គេអាចថាជាអំពើហិង្សាផ្លូវចិត្តវា
ធ្ងន់ធ្ងរជាងលើរូបរាងកាយទៅទៀត ដោយមូលហេតុថា អំពើនោះ
គឺបានធ្វើបាបចិត្តប្រពន្ធដើមជាទម្ងន់។
ម្យ៉ាងវិញទៀតលោក កឹម សុខា
តែងតែនិយាយថា គណបក្សសិទ្ធិមនុស្ស ប្រកាន់យកគោលនយោបាយអហិង្សា
មិនយកខ្មែរណាធ្វើជាសត្រូវនោះទេ ប៉ុន្តែបើតាមខ្ញុំដឹង
គឺសកម្មភាពគណបក្សសិទិ្ធមនុស្សញុះញង់បំផុសឲ្យប្រជាពលរដ្ឋ
រើសអើងជាតិសាសន៍
នេះគឺជាការបំផុសកំហឹងឲ្យប្រជាពលរដ្ឋស្អប់ប្រទេសជិតខាង សួរថា
តើនេះជាអំពើហិង្សាដែរឬទេ?វាប្រាកដជាហិង្សា
វាជាអំពើវិឆ្ឆេទកម្មសង្រ្គាមចិត្តសាស្រ្ត បំផ្លាញសន្តិភាពពេញទី។
-ចំណុចទីប្រាំ ដូរពីភាពក្រីក្រតោកយ៉ាក មកជាភាពរស់នៅសមរម្យជាមនុស្ស
ដោយលើកស្ទួយជីវភាពប្រជាពលរដ្ឋក្រីក្រតាមរយៈការអភិវឌ្ឍន៍ប្រកបដោយសមធម៌
ចំណុចនេះកាលពីមុន លោក កឹម សុខា ថា រស់នៅផ្ទះល្វែង
ឥឡូវ លោក កឹម សុខា រស់នៅវីឡាយ៉ាងធំស្កឹមស្កៃ
និងធ្លាប់តែមានរថយន្តមួយគ្រឿង(RAV4)ឥឡូវមានរថយន្តទំនើបៗពីរ
បីគ្រឿង។ សួរថា តើ លោក កឹម សុខាទទួលស្គាល់ថាខ្លួនមានការរីកចំរើនដែរឬទេ?
កាលពីថ្ងៃទី១៣ ខែតុលា ឆ្នាំ២០១១ នៅវិមានសន្តិភាព សម្តេចអគ្គសេនាបតីតេជោ ហ៊ុន សែន
នាយករដ្ឋមន្រ្តីនៃព្រះរាជាណាចក្រកម្ពុជា
បានវាយតម្លៃផលប៉ះពាល់ដោយសារទឹកជំនន់
និងចាត់វិធានការដោះស្រាយប្រកបដោយប្រសិទ្ធភាពបំផុត
ជាមួយនឹងការស្តារឡើងវិញនូវហេដ្ឋារចនាសម្ព័ន្ធ ដែលទទួលរងការខូចខាត។
សកម្មភាពជួយសង្រ្គោះប្រជាពលរដ្ឋបានទាន់ពេលវេលាដែលជួបការលំ
បាកក្នុងជីវភាព គឺជាការទទួលខុសត្រូវខ្ពស់របស់រាជរដ្ឋាភិបាល។
ទោះបីជាគ្រោះទឹកជំនន់ឆ្នាំ២០១១នេះ បំផ្លាញនូវហេដ្ឋារចនាសម្ព័ន្ធជាច្រើន
ក៏ប៉ុន្តែ
រាជរដ្ឋាភិបាលនៅតែរក្សាបានសន្តិសុខស្បៀងក៏ដូចជាលទ្ធភាពនៃការនាំចេញ
អង្ករដដែលសម្រាប់ឆ្នាំ២០១២ខាងមុខ។ ត្រង់នេះ
សបញ្ជាក់ឲ្យឃើញពីការយកចិត្តទុកដាក់ក្នុងការកាត់បន្ថយភាពក្រីក្រដោយរាជ
រដ្ឋាភិបាលកម្ពុជា។
ដោយ
ឡែក ការដែលលោក កឹម សុខា ថា ចង់ដូរពីការមិនគោរពច្បាប់មកជាគោរពច្បាប់
ស្មើមុខគ្នាចំពោះមុខច្បាប់ និងនៅក្រោមច្បាប់ទាំងអស់គ្នា
ត្រង់ចំណុចទីប្រាំមួយនេះ
រាជរដ្ឋាភិបាលបានយកចិត្តទុកដាក់បានកែទម្រង់ច្បាប់
និងប្រព័ន្ធយុត្តិធម៌យ៉ាងស៊ីជំរៅ និងអនុម័តច្បាប់ថ្មីៗបានជាច្រើន
ដើម្បីលើកកំពស់សិទ្ធិ និងសេចក្តីថ្លៃថ្នូររបស់មនុស្ស
ដែលស្មើភាពគ្នាចំពោះច្បាប់ស្របតាមច្បាប់រដ្ឋធម្មនុញ្ញ
និងនៅពេលចុងក្រោយនេះ បានបង្កើតឡើងនូវច្បាប់ដ៏កម្រមួយ
គឺច្បាប់ប្រឆាំងអំពើពុករលួយ
ហើយបាននិងកំពុងអនុវត្តប្រកបដោយប្រសិទ្ធភាពបំផុត ៕