គណៈកម្មាធិការទទួលស្គាល់គុណភាពអប់រំនៃកម្ពុជា និងបណ្តាញធានាគុណភាពអប់រំអា
ស៊ីប៉ាស៊ីហ្វិកនិងដោយមានកិច្ចសហការពីសមាគមគ្រឹះស្ថានឧត្តម
សិក្សាកម្ពុជា បានរៀបចំធ្វើសន្និសីទនិងកិច្ចប្រជុំប្រចាំឆ្នាំ ២០១២
នៃបណ្តាញធានាគុណភាពអប់រំអាស៊ីប៉ាស៊ីហ្វិករយៈពេល៣ថ្ងៃចាប់ពី ថ្ងៃទី ២៩
ខែកុម្ភៈ រហូតដល់ថ្ងៃទី ០២ ខែមីនា ឆ្នាំ ២០១២ នៅទីស្នាក់ការអាជ្ញាធរអប្សរាទីក្រុងអង្គរខេត្តសៀមរាបក្រោមអធិបតីភាពឯកឧត្តម បណ្ឌិតសភាចារ្យ សុខ អាន
ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី
និងជាប្រធានគណៈកម្មាធិការទទួលស្គាល់គុណភាពអប់រំនៃកម្ពុជា។
សន្និសីទនេះមានការអញ្ជើញចូលរួមពីឯកឧត្តម អ៊ឹម សុធី
រដ្ឋមន្រ្តីក្រសួងអប់រំ យុវជន និងកីឡានិងបណ្តាវាគ្មិន
អ្នកជំនាញវិស័យអប់រំនិងធានាគុណភាពអប់រំ អ្នកសិក្សាស្រាវជ្រាវជាតិ
និងអន្តរជាតិប្រមាណ៣០០នាក់
ក្នុងនោះមានតំណាងស្ថាប័នទីភ្នាក់ងារធានាគុណភាពអប់រំចំនួន ១៣០នាក់
មកពី៣២ប្រទេស នៅលើពិភពលោកផងដែរ។
សន្និសីទ និងកិច្ចប្រជុំប្រចាំឆ្នាំ ២០១២នេះបានប្រារព្ធធ្វើក្រោមប្រធានបទ ការធានាគុណ
ភាពអប់រំពីខាងក្រៅ នៅក្នុងតំបន់អាស៊ីប៉ាស៊ីហ្វិក
តើមានការផ្លាស់ប្តូរអ្វីខ្លះក្នុងរយៈពេល១ទសវត្សន៍កន្លងមកនេះ ដោយមានមានគោលបំណងសំខាន់ៗ ទី១ពិភាក្សា
អំពីការរំពឹងទុក
និងសមិទ្ធផលដែលសម្រេចបានលើការងារធានាគុណភាពអប់រំថ្នាក់ឧត្តម
សិក្សា
ទី២សិក្សាស្វែងយល់អំពីបញ្ហាប្រឈមមួយចំនួនពាក់ព័ន្ធនឹងការធានាគុណភាពអប់រំថ្នាក់ឧត្តមសិក្សា ទី៣ចែករំលែកបទពិសោធន៍ល្អៗស្តីពីការធានាគុណភាព អប់រំរបស់គ្រឹះស្ថានអប់រំ
និងភ្នាក់ងារធានាគុណភាពអប់រំ
ទី៤ជំរុញកិច្ចសហប្រតិបត្តិការល្អប្រសើរ
ក្នុងចំណោមភ្នាក់ងារធានាគុណភាពអប់រំនៅក្នុងតំបន់
និងទី៥ចែករំលែកចក្ខុវិស័យស្តីពីគុណភាពអប់រំថ្នាក់ឧត្តមសិក្សា។
ថ្លែងបើកអង្គសន្និសីទ និងកិច្ចប្រជុំប្រចាំឆ្នាំ ២០១២
នេះឯកឧត្តមបណ្ឌិតសភាចារ្យសុខ អាន មានប្រសាសន៍ថា
ការពង្រឹងគុណភាពអប់រំ
គឺជាបង្គោលអាទិភាពមួយក្នុងផែនការអភិវឌ្ឍយុទ្ធសាស្រ្តជាតិ ២០១០-២០១៣
របស់រាជរដ្ឋាភិបាលកម្ពុជា។
រាជរដ្ឋាភិបាលចាត់ទុកការអប់រំប្រកបដោយគុណភាពជាចំនុច
គន្លឹះដែលមិនអាចខ្វះបានសម្រាប់អភិវឌ្ឍមូលធនមនុស្ស
និងកាត់បន្ថយភាពក្រីក្រ។ កម្ពុជានៅត្រូវ
ការជាចាំបាច់ក្នុងការជំរុញការអភិវឌ្ឍសង្គមនិងសេដ្ឋកិច្ច
ដើម្បីដើរឲ្យទាន់ប្រទេសជិតខាងក្នុងតំបន់
និងបណ្តាប្រទេសផ្សេងទៀតក្នុងពិភពលោក។
ឯកឧត្តមបណ្ឌិត សុខ អាន បានមានប្រសាសន៍ថា
ដើម្បីឆ្លើយតបទៅនឹងតម្រូវការកើនឡើងចំពោះថ្នាក់ឧត្តមសិក្សា
និងកំណើនដ៏ខ្លាំងនៃចំនួន សិស្សចូលរៀនវិទ្យាល័យ
ដែលហួសពីសមត្ថភាពរបស់គ្រឹះស្ថានឧត្តមសិក្សារបស់រដ្ឋដែលអាចស្រូប
យកបាន
រាជរដ្ឋាភិបាលកម្ពុជាបានដាក់ចេញនូវគោលនយោបាយបើកទូលាយមួយ
ដោយធ្វើឯកជន
ភាវូបនីយកម្មក្នុងវិស័យឧត្តមសិក្សាក្នុងអំឡុងពាក់កណ្តាល
ទសវត្សរ៍ឆ្នាំ១៩៩០។ និន្នាការឯកជន ភាវូបនីយកម្មនេះ
បានវិវត្តគួរឲ្យកត់សម្គាល់ចាប់តាំងពីឆ្នាំ២០០២។
ជាមួយនិងការលើកឡើងអំពីការបង្កើតសហគមន៍សេដ្ឋកិច្ចអាស៊ានឆ្នាំ២០១៥
ក្នុងគោលបំណងធ្វើឲ្យប្រជាជនទាំងអស់គ្នាប្រែក្លាយជាគ្រួសារ
ដ៏ធំមួយ។ ប្រទេសក្នុងប្លុកអាស៊ានទាំងអស់នឹងក្លាយជាសហគមន៍តែមួយ
និងតម្រូវការពលកម្មក្នុងពេលដែលសេដ្ឋកិច្ចកម្ពុជា
កាន់តែមានការរីកចម្រើន ឯកឧត្តមសុខ អានបានមានប្រសាសន៍ថា
រាជរដ្ឋាភិបាលបានបង្កើតគណៈកម្មាធិការជាតិបណ្តុះបណ្តាល (NTB)
ដើម្បីរៀបចំគោលនយោបាយ និងផែនការបណ្តុះបណ្តាលជាតិសម្រាប់ការអប់រំ
និងបណ្តុះបណ្តាលបច្ចេកទេសនិងវិជ្ជាជីវៈ (TVET)
ឆ្លើយតបទៅនឹងតម្រូវការធនធានមនុស្សក្នុងវិស័យពាណិជ្ជកម្ម
ឧស្សាហកម្ម កសិកម្ម និងសេវាកម្ម
ព្រមទាំងភ្ជាប់ទំនាក់ទំនងរវាងកន្លែងធ្វើការ និងគ្រឹះស្ថានសិក្សា។
លើសពីនេះ ទីភ្នាក់ងារជាតិ មុខរបរនិងការងារ (NEA)
ត្រូវបានបង្កើតជាភ្នាក់ងារប្រតិបត្តិការពិសេស
ក្រោមគណៈកម្មាធិការជាតិបណ្តុះបណ្តាលដើម្បីផ្តល់សេវាព័ត៌មាននៃ
ទីផ្សារការងារ និងដើម្បីធ្វើឲ្យស៊ីសង្វាក់គ្នារវាងកម្លាំងពលកម្ម
និងតម្រូវការរបស់ទីផ្សារ។
ឯកឧត្តមបណ្ឌិតសុខ អាន បានប្រកាសបើកសន្និសីទ
និងកិច្ចប្រជុំប្រចាំឆ្នាំ២០១២
នៃបណ្តាញធានាគុណភាពអប់រំអាស៊ី-ប៉ាស៊ីហ្វិក និងបានចាត់ទុកថា
សន្និសីទនេះត្រូវបានរៀបចំឡើងចំពេលវេលា
ដោយឆ្លុះបញ្ចាំងអំពីអតីតកាល
ក៏ដូចជាបញ្ហានាពេលបច្ចុប្បន្នក្នុងវិស័យឧត្តមសិក្សា
និងការធានាគុណភាពអប់រំដើម្បីឆ្លើយតបទៅនឹងក្តីរំពឹងក្នុងពេល
អនាគត។