យោងតាមគេហទំព័ររបស់
REPORTERS WITHOUT BORDERS-for freedom of information
(http://en.rsf.org) ហើយដែលត្រូវបានគេហ៍ទំព័រ Matichon
របស់ថៃបានលើកយកមកចុះផ្សាយបន្តកាលពីថ្ងៃទី២៣ ខែកុម្ភៈ ឆ្នាំ២០១២
បានលើកឡើងថា ព្រះរាជាណាចក្រកម្ពុជា
ជាប្រទេសដែលមានស្ថានភាពល្អប្រសើរបំផុតផ្នែកសេរីភាពសារព័ត៌មាន
នៅក្នុងចំណោមប្រទេសសមាជិកសមាគមអាស៊ាន សម្រាប់ឆ្នាំ២០១១-២០១២ នេះ។
ការចាត់
ថ្នាក់ស្ថានភាពសារព័ត៌មានល្អប្រសើរជាងគេបំផុត
នៅក្នុងចំណោមប្រទេសជាសមាជិកសមាគមអាស៊ាននេះ
គឺមិនមែនជាការភ្ញាក់ផ្អើលនោះទេ
ក៏ប៉ុន្តែគឺជាការប្តេជ្ញាចិត្តខិតខំប្រឹងប្រែងរួមគ្នារបស់ប្រជាជាតិ
ខ្មែរទាំងមូល រួមជាមួយរាជរដ្ឋាភិបាល ដើម្បីស្តារ អភិវឌ្ឍសមត្ថភាព និង
លើកកម្ពស់សិទ្ធិសេរីភាពសារព័ត៌មាន និង សិទ្ធិបញ្ចេញមតិនៅកម្ពុជា
តាមរយៈច្បាប់សារព័ត៌មាន និង ក្រមសីលធម៌វិជ្ជាជីវៈអ្នកសារព័ត៌មាន។
ថ្វីត្បិតតែអត្ថិភាព
នៃសន្តិភាពពេញបរិបូណ៍នៅក្នុងសង្គមកម្ពុជា ទើបតែមានរយៈពេលជិត ១៤ ឆ្នាំ
ប៉ុណ្ណោះ ក្រោយពីសង្គ្រាមស៊ីវិល ដ៏រ៉ាំរ៉ៃ
បំផ្លិចបំផ្លាញខ្ទេចខ្ទីស្ទើរតែគ្មានសល់អ្វីទាំងអស់
ជាពិសេសហេដ្ឋារចនាសម្ព័ន្ធសង្គម និង
ថ្វីត្បិតតែមានមតិមួយចំនួនទាំងជាតិ និង អន្តរជាតិ បាន និង
កំពុងចាត់ទុកសេរីភាពសារព័ត៌មាន និង សិទ្ធិនៃការបញ្ចេញមតិនៅកម្ពុជា
ក្នុងផ្លូវអវិជ្ជមានយ៉ាងណាក៏ដោយ ក៏ប៉ុន្តែនៅពេលនេះ
បានសរបញ្ជាក់ឲ្យឃើញថា កម្ពុជា
ចាប់ផ្តើមទទួលបានផ្លែផ្កាដ៏ត្រចះត្រចង់ពីគោលនយោបាយកសាង និង
រក្សាសន្តិភាព ស្ថេរភាព សន្តិសុខ សណ្តាប់ធ្នាប់សាធារណៈ
ការអភិវឌ្ឍសេដ្ឋកិច្ចសង្គមប្រកបដោយចីរភាព និង
ការកាត់បន្ថយភាពក្រីក្ររបស់ប្រជាពលរដ្ឋ
ជាពិសេសនៅតាមជនបទរបស់រាជរដ្ឋាភិបាលក្រោមការដឹកនាំដ៏ឈ្លាសវៃរបស់
សម្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី។
សេរីភាពសារព័ត៌
មាន និង សិទ្ធិនៃការបញ្ចេញមតិនៅកម្ពុជា ត្រូវបានបើកចំហរដោយស្មើភាព
ដោយគ្មានការរើសអើង ការប្រកាន់បក្ខពួក និង និន្នាការនយោបាយ
ដែលរហូតមកដល់ពេលនេះ មានបណ្តាញសារព័ត៌មានគ្រប់រូបភាព រាប់រយ
ដែលបាននិងកំពុងធ្វើសកម្មភាពរបស់ខ្លួនដោយសេរីនៅកម្ពុជា
ដោយរួមទាំងសារព័ត៌មានដែលមាននិន្នាការប្រឆាំងផងដែរ។ ពីព្រោះសារព័ត៌មាន
មានតួនាទីយ៉ាងសំខាន់ក្នុងការពាំនាំ និង លាតត្រដាងព័ត៌មានពិត និង
ទាន់ហេតុការណ៍ ពីគ្រប់រូបភាព និង គ្រប់ជ្រុងជ្រោយនៃសង្គមជូនសាធារណៈជន
ឲ្យបានដឹងឮ និងជាពិសេសសារព័ត៌នៅកម្ពុជា ជាព័ត៌មានត្រង់ ភ្លាមៗ
ដោយគ្មានសង់សៀ (ការត្រួតពិនិត្យជាមុនដោយក្រសួងព័ត៌មាន
មុននឹងធ្វើការបោះពុម្ពផ្សព្វផ្សាយឡើយ)។
ករណីនេះហើយដែល
ធ្វើតម្លៃនៃសេរីភាពសារព័ត៌មាន និង សិទ្ធិបញ្ចេញមតិនៅកម្ពុជា
មានស្ថានភាពល្អប្រសើរជាងគេបំផុត
បើប្រៀបធៀបនឹងប្រទេសដទៃទៀតនៅក្នុងសមាគមអាស៊ាន
ស្របពេលដែលប្រទេសមួយចំនួន
បាននិងកំពុងរិតត្បិតសិទ្ធិសេរីភាពសារព័ត៌មាន និង សិទ្ធិបញ្ចេញមតិ
សូម្បីបណ្តាញគេហទំព័រ (Internet) ក៏មិនអាចចូលទៅយកព័ត៌មាន ឬ
ស្រាវជ្រាវដោយសេរីបានឡើយ។
ដោយផ្អែក
លើសមិទ្ធផលជាក់ស្តែងនេះ បានបង្ហាញថា កម្ពុជា បាន និង
កំពុងដើរនៅលើផ្លូវត្រូវរបស់ខ្លួន ជាពិសេសវិស័យសេរីភាពសារព័ត៌មាន និង
សិទ្ធិបញ្ចេញមតិនេះ។
ក៏ប៉ុន្តែសម្រាប់រាជរដ្ឋាភិបាលនៃព្រះរាជាណាចក្រកម្ពុជា
នៅមានការងារជាច្រើនទៀតដែលត្រូវបន្តអនុវត្ត
ក្នុងមាគ៌ាដ៏វែងឆ្ងាយរបស់ខ្លួន
ដូចជាការអភិវឌ្ឍសមត្ថភាពអ្នកដែលធ្វើការពាក់ព័ន្ធនឹងវិស័យសារព័ត៌មាន
បច្ចេកវិទ្យាព័ត៌មាន ការអនុវត្តច្បាប់ និង
ការពង្រឹងក្រមសីលធម៌អ្នកសារព័ត៌មាន ជាដើម
ដើម្បីលើកស្ទួយសេរីភាពសារព័ត៌មាន និង សិទ្ធិបញ្ចេញមតិនៅកម្ពុជា
ឲ្យកាន់តែល្អប្រសើរថែមទៀត។
ដូច្នេះ
ប្រជាពលរដ្ឋខ្មែរមួយចំនួន ត្រូវទទួលស្គាល់ការពិត ហេតុ និង ផល
ដែលបានកើតមាននៅក្នុងសង្គមខ្មែរ ហើយត្រូវមានមោទនភាពចំពោះខ្លួនឯង
សង្គមជាតិខ្លួនឯង និង មានជំនឿទុកចិត្តលើរាជរដ្ឋាភិបាល និង
គណបក្សប្រជាជនកម្ពុជា ក្រោមការដឹកនាំដ៏ខ្ពង់ខ្ពស់ និង
ឈ្លាសវៃរបស់សម្តេចអគ្គទាំង គឺ សម្តេចអគ្គមហាធម្មពោធិសាល ជា ស៊ីម
សម្តេចអគ្គមហាចក្រី ហេង សំរិន និង សម្តេចអគ្គមហាសេនាបតីតេជោ ហ៊ុន សែន
ដែលបានខិតខំសង្រ្គោះជាតិ កសាងសន្តិភាព លើកស្ទួយកិត្យានុភាពជាតិ និង
ការអភិវឌ្ឍសេដ្ឋកិច្ចសង្គមប្រកបដោយចីរភាព។
ដោយ រាជ្យ សុវណ្ណនគរ