ភ្នំពេញ ៖ មូលនិធិរូបិយប័ណ្ណអន្តរជាតិ(IMF) បានលើកឡើងនៅក្នុងកិច្ចប្រជុំបូកសរុបការងារ ប្រចាំឆ្នាំ រវាងក្រសួងសេដ្ឋកិច្ចនិងហិរញ្ញវត្ថុ ស្ថាប័នពាក់ព័ន្ធ និងមូលនិធិរូបិយប័ណ្ណអន្តរជាតិ(IMF) កាលពីថ្ងៃទី៥ តុលា ឆ្នាំ២០១២ ក្រោមអធិបតី លោកឧបនា យករដ្ឋមន្ត្រី គាត ឈន់ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុថា កម្ពុជាគ្រប់គ្រងស្ថានភាពម៉ាក្រូសេដ្ឋកិច្ច បានល្អប្រសើរនៅឆ្នាំ២០១២នេះ ទោះបីជាមានឥទ្ធិពលជាអវិជ្ជមានខ្លះពី ក្រៅប្រទេសក៏ ដោយ ។ IMF បានប៉ាន់ប្រមាណថា កំណើនសេដ្ឋកិច្ចកម្ពុជានឹងទទួលបាន ៦,៥% នៅឆ្នាំ ២០១២នេះ ទន្ទឹមនឹងអត្រាអតិផរណាស្ថិតក្នុងកម្រិតទាប ។
IMF បានវាយតម្លៃថា កំណើនសេដ្ឋកិច្ចកម្ពុជា គឺបានមកពីការនាំចេញ សំលៀកបំពាក់នៅតែមានកំណើនល្អ ការកើនឡើងវិស័យទេសចរណ៍ដោយសារការបើក ជើងហោះហើរថ្មីថែមទៀត ការកើនឡើងវិស័យសំណង់និងអចលនទ្រព្យ និងភាពរីកចម្រើន លើវិស័យកសិកម្ម ។ ស្ថានភាពសេដ្ឋកិច្ចកម្ពុជា នឹងបន្តរីកចម្រើនក្នុងល្បឿនប្រមាណ៧% នៅឆ្នាំ២០១៣ និងប្រមាណ ៧,៥% ក្នុងរយៈពេលមធ្យមខាងមុខ ។ IMF ក៏បានលើកឡើង ផងដែរ អំពីការអនុវត្តបានល្អខាងវិស័យហិរញ្ញវត្ថុសាធារណៈ ដោយនៅឆ្នាំ២០១២នេះ ចំណូលបានកើនឡើងខ្ពស់ ដែលប្រការនេះជាប្រភពមួយដ៏សំខាន់ក្នុងការទ្រទ្រង់ការ ចំណាយសាធារណៈនានា ។ IMF បានគាំទ្រគោលនយោបាយរបស់រាជរដ្ឋាភិបាល ក្នុងការបង្កើនចំណូលក្នុងស្រុកឲ្យបាន ០,៥% នៃផលិតផលក្នុងស្រុក ក្នុង១ឆ្នាំនៃរយៈពេល មធ្យមខាងមុខ ។ ចំពោះវិស័យហិរញ្ញវត្ថុ IMF បានបញ្ជាក់ថា មានការរីកចម្រើនល្អ ដូចជាមានការកើនឡើងឥណទានជាដើម ប៉ុន្តែត្រូវមានការប្រុងប្រយ័ត្នខ្ពស់ក្នុងការពារហា និភ័យដែលអាចកើតឡើងជាយថាហេតុ ។ ជាមួយគ្នានោះដែរ IMF បានផ្តល់ជាយោបល់ សុំឲ្យមានការបង្កើន ការអភិវឌ្ឍហេដ្ឋារចនាសម្ព័ន្ធ ជំនាញបច្ចេកទេស ការអភិវឌ្ឍន៍ ជនបទការលើកតម្កើងបរិ យាកាសវិនិយោគទុន និងការប្រឆាំងអំពើពុករលួយ ។
មានប្រសាសន៍នៅក្នុងកិច្ចប្រជុំនោះ លោកឧបនាយករដ្ឋមន្ត្រី គាត ឈន់ បានលើក ឡើងថា កម្ពុជាបច្ចុប្បន្នស្ថិតក្នុងសកម្មគ្រប់គ្រងដោយខិតខំធ្វើឲ្យមានស្ថិរភាពលើគ្រប់ វិស័យ ជាពិសេសស្ថិរភាពម៉ាក្រូសេដ្ឋកិច្ច ដែលជាគន្លឹះដ៏សំខាន់ក្នុងការអភិវឌ្ឍ និងការ រក្សាស្ថិរភាពរស់នៅរបស់ប្រជាជនកម្ពុជា ។ កំណើនសេដ្ឋកិច្ចមកដល់ពេលនេះ ប៉ាន់ស្មាន ឃើញថាក្នុងរង្វង់ ៧% ក្រោយពីធ្លាក់ចុះបន្តិចត្រឹម ៦,៩% កាលពីខែកក្កដា ឆ្នាំ២០១២ កន្លងទៅដោយសារស្ថានភាពនាំចេញនៅពេលនោះមិនបានល្អ ប៉ុន្តែមកដល់ពេលនេះមាន ការកើនឡើងខ្ពស់វិញហើយ ។
អតិផរណាក៏ស្ថិតក្នុងកម្រិតទាប គឺប្រមាណ៣% ដោយសាររាជ រដ្ឋាភិបាលគ្រប់គ្រងតម្លៃបានល្អ ពិសេសតម្លៃម្ហូបអាហារ ដូចជាត្រីជាដើម ដែលប្រការនេះ មិនអាចកាត់ផ្តាច់ពីគោលនយោបាយជលផលជាតិ ដែលបានដាក់ចេញដោយសម្តេចនា យករដ្ឋមន្ត្រី នាពេលថ្មីៗកន្លងទៅបានឡើយ ។ លោកឧបនាយករដ្ឋមន្ត្រីបានបញ្ជាក់ថា វិស័យហិរញ្ញវត្ថុសាធារណៈអនុវត្តបានល្អ ដោយចំណូលថវិកាជាតិមានការកើនឡើងខ្ពស់ និងបន្តកើនឡើងថែមទៀតប្រមាណ ០,៥% នៃផលិតផលក្នុងស្រុកសរុប ដោយកម្ពុជានឹង ខិតខំបង្កើនវប្បធម៌ពន្ធដារ និងការពង្រឹងស្ថាប័នប្រមូលពន្ធ ។ កម្ពុជាក៏មានការប្រុងប្រយ័ត្ន ជានិច្ចលើវិស័យហិរញ្ញវត្ថុ ដោយខិតខំធ្វើយ៉ាងណាឲ្យវិស័យនេះរីកចំរើន គាំទ្របានវិស័យ សេដ្ឋកិច្ចនានា ទប់ស្កាត់ហានិភ័យ ដែលអាចកើតមានឡើងជាយថាហេតុ ។
នៅក្នុងកិច្ចប្រជុំនេះដែរ ភាគីកម្ពុជាបានស្នើសុំឲ្យមានការប្រជុំពិគ្រោះយោបល់ជា មួយ IMF បានពីរដងក្នុង១ឆ្នាំ ដើម្បីឲ្យបានដឹងប្រាកដថា ស្ថានភាពសេដ្ឋកិច្ច និងហិរញ្ញវត្ថុ ស្ថិតក្នុងគន្លងនៃការអភិវឌ្ឍន៍ឈានឡើង ៕