នៅក្នុងពិធីបុណ្យបញ្ចុះខ័ណ្ឌសីមា
ព្រះវិហារវត្តកំពង់ឫស្សី ក្នុងស្រុកត្បូងឃ្មុំ ខេត្តកំពង់ចាម នា
ថ្ងៃទី១ ខែមេសា ឆ្នាំ២០១៣ ដែលមានសមាជិក
សមាជិកាគណបក្សប្រជាជនចំនួនប្រមាណជាង ៦ពាន់នាក់ចូលរួម
ក្នុងនាមជាពុទ្ធបរិស័ទ សម្តេចតេជោនាយករដ្ឋមន្ត្រីមានប្រសាសន៍ថា
ពេលដែលយុទ្ធនាការបង្ខូចកេរ្តិ៍ឈ្មោះ យុទ្ធនាការបំផ្លាញកិត្តិយស
យុទ្ធនាការជេរបញ្ចោរបស់គណបក្សដទៃ
ពីមួយថ្ងៃទៅមួយថ្ងៃកាន់តែឡើងកំដៅ យើងត្រូវតែចុះកំដៅ
កុំយកកំហឹងទៅទល់កំហល់ ទុកឲ្យគេជេរមួយឆ្អែត
ហើយបើមានការចាំបាច់យើងសុំបកស្រាយ
និងការបញ្ជាក់ដោយមិនត្រូវជេរត្រឡប់ទៅវិញ
ហើយនាំទៅដល់ការជម្លោះនោះទេ។
ជាមួយគ្នានឹងការបង្ហាញមុខកូនប្រុស
ទាំងបី ដែលបានសិក្សាទទួលបានចំណេះដឹងខ្ពស់
ដើម្បីបម្រើបម្រើប្រជាពលរដ្ឋតាមមុខជំនាញរៀងៗខ្លួន
ជូនប្រជាពលរដ្ឋស្រុកត្បូងឃ្មុំបានស្គាល់
សម្តេចតេជោក៏បានជម្រុញឲ្យយុវជន
ដែលជាសមាជិកសមាជិកាថ្មីរបស់គណបក្សប្រជាជនកម្ពុជា
ត្រូវបន្តការខិតខំរៀនសូត្រកសាងនូវសមត្ថភាព
ព្រមទាំងជម្រុញអ្នកដ៏ទៃឲ្យបន្តការរៀនសូត្រក្នុងពេលដែលឱកាស
កំពុងមាន។ សម្ដេចតេជោមានប្រសាសន៍ថា យុវជនជាសមាជិក សមាជិកា CPP
ត្រូវធ្វើអំពើល្អគ្រប់យ៉ាងចំពោះប្រជាជន
ព្រោះគ្មានអំពើអាក្រក់ណាមួយ
ដែលអាចឆ្លើយតបបាននូវការស្រឡាញ់ពីសំណាក់ប្រជាពលរដ្ឋនោះទេ
ហើយសមាជិក សមាជិកាគណបក្សប្រជាជនត្រូវតែចេះបម្រើប្រជាជន។
“ក្មួយៗពិតជាអាចធ្វើបានដោយគ្មានការលំបាកទេ
អំពើល្អទាំងអស់របស់ក្មួយៗ
នឹងឆ្លើយតបវិញដោយការស្រឡាញ់ពីសំណាក់ប្រជាជន។
ក្រៅពីនោះសូមយកចិត្តទុកដាក់ចៀសឲ្យឆ្ងាយពីគ្រឿងញៀន
ហើយខិតខំដើម្បីធ្វើគំរូ ដូចជាបើកបរម៉ូតូត្រូវពាក់មួកសុវត្ថិភាព
ដើម្បីចៀសវាងនូវគ្រោះថ្នាក់ ដែលសុទ្ធតែកិច្ចការដែលយើងអាចធ្វើបាន
ហើយគោរពប្រជាពលរដ្ឋ ដែលជាទម្លាប់ទៀតផង”។
សម្តេចតេជោនាយករដ្ឋមន្ត្រីបានមាន
ប្រសាសន៍បញ្ជាក់ថា ពេលបោះឆ្នោត
គឺក្មួយគូសឲ្យចំសញ្ញាគណបក្សទេវតាបាចផ្កា
ព្រោះសមាជិកគណបក្សម្នាក់ សន្លឹកឆ្នោតមួយសន្លឹក។ លើកនេះ
គឺជាការបោះឆ្នោតថ្នាក់ជាតិ
វាខុសគ្នានឹងការបោះឆ្នោតថ្នាក់ឃុំ-សង្កាត់ ព្រោះថា
បោះឆ្នោតថ្នាក់ជាតិ គឺកំណត់ជោគវាសនារបស់នាយករដ្ឋមន្ត្រី
ពិតមែនតែបោះតំណាងរាស្ត្រ
ក៏ប៉ុន្តែតំណាងរាស្ត្រនេះបោះឆ្នោតជ្រើសរើសនាយករដ្ឋមន្ត្រី
ឬបោះឆ្នោតអនុម័តបង្កើតរាជរដ្ឋាភិបាល។
អញ្ចឹងទេសូមកុំខឹងគោវាយរទេះ កុំខឹងមេភូមិ កុំខឹង
ប៉ូលិសតាមផ្លូវ មកបោះឆ្នោតទម្លាក់ហ៊ុនសែន។
ខ្ញុំព្រះករុណាខ្ញុំនៅតែប្រើពាក្យបួនឃ្លាដដែល បើស្រឡាញ់ហ៊ុនសែន បើអាណិតហ៊ុនសែន បើពេញចិត្តហ៊ុនសែន បើជឿទុកចិត្តហ៊ុនសែន សូមបោះឆ្នោតឲ្យគណបក្សប្រជាជន។
សម្តេចតេជោបានលើកឡើងផងដែរអំពី
ការសម្រេចចិត្តខុសខាងនយោបាយរបស់លោក លន់ ណុល ,ចេង ហេង និង សិរី មតៈ
ដែលបាននាំមកនៅសង្គ្រាមដល់ប្រទេសកម្ពុជា
ដោយសារតែការធ្វើរដ្ឋប្រហារថ្ងៃទី១៨ ខែមីនា ឆ្នាំ១៩៧០។
ឯការសម្រេចចិត្តខុសរបស់ប៉ុល ពត បានធ្វើប្រជាជនជាង ៣ លាននាក់
បានស្លាប់ និងប្រទេសជាតិជួបនូវគ្រោះមហន្តរាយដ៏ធ្ងន់ធ្ងរ ។
ក៏ប៉ុន្តែគណបក្សប្រជាជនកម្ពុជា បានដឹកនាំប្រទេស
វាយផ្តួលរលំរបបប្រល័យពូជសាសន៍ប៉ុល ពត និងកសាងប្រទេសពីបាតដៃទទេ
បញ្ចប់នូវសង្គ្រាមនាំមកនូវ សុខសន្តិភាពពេញលេញ
ដូចនេះប្រជាជនអាចមើលឃើញពីការដឹកនាំរបស់គណបក្សប្រជាជនកម្ពុជា
និងការដឹកនាំរបស់សម្តេចក្នុងនាមជានាយករដ្ឋមន្ត្រី។
សម្តេចតេជោបានមានប្រសាសន៍បញ្ជាក់អំពីតួនាទីនៃការដឹកនាំរបស់
សម្តេចថា ខ្ញុំសូមជម្រាបប្រជាពលរដ្ឋថា គឺតួនាទីបុគ្គលនេះហើយ
ដែលវាកំណត់ជោគវាសនាប្រទេសជាតិ ព្រោះជាអ្នកកាច់ចង្កូតប្រទេស។
ក្នុងពិធីបុណ្យបញ្ចុះខ័ណ្ឌសីមា
ព្រះវិហារវត្តកំពង់ឫស្សីក្នុងខេត្តកំពង់ចាមនោះដែរ
សម្តេចអគ្គមហាសេនាបតីតេជោ ហ៊ុន សែន
ដែលអមដំណើរដោយលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន
បានមានប្រសាសន៍ឲ្យដឹងថា មានតែគណបក្សប្រជាជនកម្ពុជាទេ (CPP)
ដែលហ៊ានថ្កោលទោសចំពោះការទំលាក់គ្រាប់បែក
ការឈ្លានពានរបស់សហរដ្ឋអាមេរិក
និងពីវៀតណាមខាងត្បូងចំពោះទឹកដីកម្ពុជា។
ពាក់ព័ន្ធបញ្ហានេះ
សម្តេចតេជោនាយករដ្ឋមន្ត្រីបានមានប្រសាសន៍បញ្ជាក់ថា
សម្ដេចបានរង់ចាំមើលការថ្កោលទោសពីគណបក្សផ្សេង
ចំពោះការធ្វើរដ្ឋប្រហារទំលាក់សម្តេចព្រះនរោត្តម សីហនុថ្ងៃទី១៨
ខែមីនា កាលពី៤៣ឆ្នាំមុន ដែលខួបនេះទើបតែកន្លងទៅ
ប៉ុន្តែមិនបានឃើញនោះ។
សម្តេចតេជោនាយករដ្ឋមន្ត្រីមានប្រសាសន៍
ថា តើសង្គ្រាមចាប់ផ្តើមមកពីអ្វី?
ហើយខ្ញុំចេះតែចាំមើលតើមានអ្នកនយោបាយដទៃថា
តើហ៊ានថ្កោលទោសអ្នកដែលធ្វើរដ្ឋប្រហារថ្ងៃទី១៨ ខែមីនា ឆ្នាំ១៩៧០
ទំលាក់សម្តេចព្រះនរោត្តម សីហនុ ឬទេ។ សម្តេចតេជោមានប្រសាសន៍ថា
ក្រៅពី CPP និងហ៊្វុនស៊ិនប៉ិច អត់មានគណបក្សដទៃណាទេ។ គណបក្ស ២នេះ
(CPP និងហ៊្វុនស៊ិនប៉ិច) ហ៊ានធ្វើសេចក្តីថ្លែងការណ៍
ហ៊ានថ្កោលទោសការធ្វើរដ្ឋប្រហាររបស់ពួក លន់ នល់
ទំលាក់សម្តេចព្រះនរោត្តម សីហនុ បង្កើតឡើងនូវសង្គ្រាម ហើយមានតែ CPP
ទេ ដែលហ៊ានថ្កោលទោសការទំលាក់គ្រាប់បែក ការឈ្លានពានសហរដ្ឋអាមេរិក
និងពីវៀតណាមខាងត្បូងចំពោះទឹកដីកម្ពុជា។
សម្តេចតេជោនាយករដ្ឋមន្ត្រីបានមាន
ប្រសាសន៍ឲ្យដឹងថា ឥឡូវជិតដល់ខួបនៃការដួលរលំនៃរបប លន់ នល់
ជំនួសដោយ របប ប៉ុល ពត
ក៏ប៉ុន្តែគេមិនបានឃើញមូលហេតុពិតប្រាកដនៃការនាំមកនូវរបប ប៉ុល ពត
ទេ។ រឿងនេះវាបានចាប់ផ្តើមពីកំហុសខាងនយោបាយរបស់ពួក លន់ នល់,
សិរិមតៈ, ចេង ហេង, អ៊ិន តាំ ជាដើម នៅក្នុងការធ្វើរដ្ឋប្រហារ
ប៉ុន្តែមានអ្នកខ្លះមិនទាំងហ៊ាននិយាយបញ្ហាប្រវត្តិសាស្ត្រ
ដែលទាក់ទងនឹងទិដ្ឋភាពខ្លោចផ្សាររបស់ប្រជាជនកម្ពុជានោះទេ។
រឿងរ៉ាងវាអត់ដាច់គ្នាជាកង់ៗបានទេ
ប្រវត្តិសាស្ត្រវាមានរឿងរបស់វាមិនមែនរឿងចាប់ផ្តើមពី១៧ ខែមេសា
ឆ្នាំ១៩៧៥ ទេ។ វាអត់សមទាល់សោះហើយ
ដែលបង្កើតព្រឹត្តិការណ៍សង្គ្រាមខ្ទេចខ្ទាំមួយប្រទេស
ហើយក៏បើកផ្លូវឲ្យពួកខ្មែរក្រហមឡើងកាន់អំណាចនៅក្នុងប្រទេសនោះ។
សូមបញ្ជាក់ថា ខេត្តកំពង់ចាម
គឺជាទឹកដីមួយដែលសម្តេចតេជោនាយករដ្ឋមន្ត្រី
និងលោកជំទាវមានអនុស្សាវរីយ៍ដ៏ល្វីងជូរចត់
ក្នុងចលនាដឹកនាំកម្លាំងសាមគ្គីរបស់ប្រជាពលរដ្ឋកម្ពុជា
ដើម្បីរំដោះប្រទេសជាតិឲ្យរួចចាកផុតពីរបបប្រល័យពូជសាសន៍ ប៉ុល ពត។
ពោលគឺសម្តេចតេជោនាយករដ្ឋមន្ត្រីបានធ្វើពលីកម្មសាច់ស្រស់ឈាម
ស្រស់
រហូតបាត់បង់នូវកែវភ្នែកម្ខាងនៅលើសមរភូមិក្នុងភូមិសាស្ត្រឃុំជី
រោទិ៍ និងបានរំដោះប្រទេសជាតិចេញពីរបប ប៉ុល ពត នៅថ្ងៃទី៧ ខែមករា
ឆ្នាំ១៩៧៩
និងបានដឹកនាំកសាងអភិវឌ្ឍន៍ប្រទេសជាតិមានអភិវឌ្ឍរីកចំរើនលើគ្រប់
វិស័យរហូតមកដល់បច្ចុប្បន្ន និងទៅអនាគត។ ជាលើកទី៣
នៅក្នុងឆ្នាំ២០១៣នេះ ដែលសម្តេចតេជោ
និងលោកជំទាវអញ្ជើញទៅកាន់ខេត្តកំពង់ចាម
ក្នុងការដាក់សម្ពោធឲ្យប្រើប្រាស់នូវសមិទ្ធផលផ្សេងៗនៅក្នុងទឹក
ដី ដែលសម្តេច និងលោកជំទាវ
បានធ្វើពលីកម្មតស៊ូយ៉ាងស្វិតស្វាញនៅក្នុងតំបន់នោះ
ដើម្បីបុព្វហេតុប្រទេសជាតិតាមការអំពាវនាវរបស់សម្តេចព្រះ នរោត្តម
សីហនុ ក៏ដូចជាក្នុងបុព្វហេតុរំដោះជាតិ
និងប្រជាជនចេញពីរបបប្រល័យពូជសាសន៍។
សូមរំលឹកផងដែរថា វត្តកំពង់ឫស្សី
ជាអតីតបន្ទាយយោធាដែលនៅគ្រានោះ
មានយុទ្ធជនជាច្រើនបានពលីជីវិតនៅទីនោះ
ក្នុងបុព្វហេតុតស៊ូរំដោះជាតិចេញពីការត្រួតត្រារបស់ពួកចក្រពត្តិ
អាមេរិក ដែលគាំទ្ររបប លន់ នល់ នោះ។
សម្តេចតេជោនាយករដ្ឋមន្ត្រីមានប្រសាសន៍ថា
ខ្ញុំអរគុណណាស់កាលពីពេលនោះបានផ្តល់ទីអារាម
ដែលថ្ងៃនេះខ្ញុំមានឱកាសដើម្បីមកគោរពវិញ្ញាណក្ខ័ន្ធទាំងអស់របស់
អតីតយុទ្ធជនរបស់ខ្ញុំនៅក្នុងទីអារាមនេះ
ដែលពួកគេច្រើនណាស់បានពលីជីវិតក្នុងចលនាតស៊ូរំដោះជាតិនោះ។
សម្តេចតេជោបានបញ្ជាក់ថា
ដោយសារតែកិច្ចព្រមព្រៀងទីក្រុងប៉ារីសឆ្នាំ១៩៧៣
តម្រូវឲ្យអាមេរិកបញ្ឈប់ការវាយប្រហារតាមផ្លូវអាកាស
ដូច្នេះអាមេរិកបានបញ្ឈប់ការទម្លាក់គ្រាប់បែកនៅក្នុងអំឡុងខែសីហា
ឆ្នាំ១៩៧៣ ដែលនោះហើយជាមូលហេតុដែលធ្វើឲ្យពួកទាហាន លន់ នល់
នៅបន្ទាយជីរោទិ៍រត់ចោលបន្ទាយទាំងអស់តែម្តង
ទើបបានផ្តល់ឱកាសដល់កងកម្លាំងតស៊ូនៅក្នុងគ្រានោះ។
រឿងរ៉ាវនេះចាប់ផ្តើមពីថ្ងៃទី១៨ ខែមីនា ឆ្នាំ១៩៧០ ដែលតាមរយៈនោះ
សម្តេចព្រះនរោត្តម សីហនុ
ព្រះអង្គបានបង្កើតឡើងនូវរណសិរ្សសង្គ្រោះជាតិកម្ពុជា
ហើយអំពាវនាវឲ្យកូនចៅទាំងឡាយរត់ចូលព្រៃម៉ាគី
ដើម្បីធ្វើការតស៊ូប្រឆាំងការឈ្លានពានរបស់បរទេស។
សំណង់ព្រះវិហារដ៏ស្កឹមស្កៃក្នុងទី
អារាមវត្តកំពង់ឬស្សី ដែលមានតម្លៃជាង
២៤ម៉ឺនដុល្លារអាមេរិកស្ថិតនៅក្នុងឃុំជីរោទិ៍ទី១ ស្រុកត្បូងឃ្មុំ
ខេត្តកំពង់ចាម
បានស្ថាបនាហើយរួចរាល់ក្រោមការជួយឧបត្ថម្ភគាំទ្រពីសំណាក់
អ្នកឧកញ៉ាមហាភក្តីសប្បុរិសភោគាធិបតី ហ៊ុន នាង
សម្តេចអគ្គមហាសេនាបតីតេជោ ហ៊ុន សែន
និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន
និងកម្លាំងមហាសាមគ្គីពីសំណាក់ព្រះសង្ឃ
និងប្រជាពលរដ្ឋមកពីគ្រប់ទិសទីទាំងក្នុង និងក្រៅប្រទេស។
ឯកឧត្តម ហ៊ុន ណេង
អភិបាលខេត្តកំពង់ចាមបានមានប្រសាសន៍ឲ្យដឹងថា
រយៈពេលពេញមួយឆ្នាំ២០១២កន្លងទៅនេះ រដ្ឋបាលខេត្តកំពង់ចាម
បានខិតខំអនុវត្តយ៉ាងសកម្មនូវកម្មវិធីនយោបាយយុទ្ធសាស្ត្រចតុកោណ
ដំណាក់កាលទី២ របស់រាជរដ្ឋាភិបាលនីតិកាលទី៤ នៃរដ្ឋសភា
ដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន ជាប្រមុខ។
ជាក់ស្តែងលើវិស័យសាសនា
មកដល់បច្ចុប្បន្ននេះទូទាំងខេត្តមានវត្តអារាមចំនួន ៥៩៤វត្ត
និងមានព្រះសង្ឃ ៦ ៧៤៦អង្គ។
ចំពោះព្រះវិហារដ៏ល្អប្រណិតដែលប្រារព្ធពិធីបុណ្យបញ្ចុះខណ្ឌសីមានៅ
ពេលនេះ
គឺពិតជាសមិទ្ធផលដ៏មានតំលៃមិនអាចកាត់ថ្លៃបានឡើយសម្រាប់ពុទ្ធ
សាសនិកជនដើម្បីគោរពបូជា៕