ក្នុងឱកាសនៃការស្នាក់អាស្រ័យបំពេញទស្សនកិច្ចការងារ អញ្ជើញចូលរួមពិព័រណ៌ចិន-អាស៊ានលើកទី១១ និងកិច្ចប្រជុំកំពូលពាណិជ្ជកម្ម និងវិនិយោគចិន-អាស៊ាន លើកទី១១ នៅទីក្រុងណាននីង នៃ សាធារណរដ្ឋប្រជាមានិតចិន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានអនុញ្ញាតឲ្យឯកឧត្តម Pham Binh Minh ឧបនាយករដ្ឋមន្រ្តីនិងជារដ្ឋមន្រ្តីការបរទេសវៀតណាម ចូលជួបសំដែងការគួរសម និងពិភាក្សាការងារ។
ក្នុងជំនួបពិភាក្សាដែលបានចំណាយពេលប្រមាណ៣០នាទី សម្តេចតេជោនាយករដ្ឋមន្រ្តី និងឯកឧត្តម ឧបនាយករដ្ឋមន្រ្តីវៀតណាម មានប្រសាសន៍សំដែងនូវការវាយតំលៃខ្ពស់ និងកោតសរសើរ ចំពោះ លទ្ធផលនៃកិច្ចសហប្រតិបត្តិការនៃប្រទេសទាំងពីរកម្ពុជា វៀតណាម ដែលទទួលបាននូវការរីកចំរើនយ៉ាង ឆាប់រហ័សពីមួយថ្ងៃទៅមួយថ្ងៃ។
ជាមួយគ្នានេះសម្តេចតេជោនាយករដ្ឋមន្រ្តី និងឯកឧត្តមឧបនាយករដ្ឋមន្រ្តី បានសន្យារួមគ្នាថា ក្នុងការខិតខំរួមគ្នាក្នុងការជំរុញទំនាក់ទំនងកិច្ចសហប្រតិបត្តិការនៃប្រទេសទាំងពីរ ឲ្យកាន់តែរីកចំរើនទ្វេឡើងថែមទៀត ពិសេសការជំរុញកិច្ចសហប្រតិបត្តិការលើវិស័យសេដ្ឋកិច្ច ការវិនិយោគ ទេសចរណ៍ សំដៅធ្វើយ៉ាងណាឲ្យទំហំពាណិជ្ជកម្មនៃប្រទេសទាំងពីរកើនដល់ ៥ពាន់លានដុល្លានៅឆ្នាំ ២០១៥ខាងមុខ។ កិច្ចកិច្ចសន្ទនាគ្នានោះសម្តេចតេជោនាយករដ្ឋមន្រ្តី និងឯកឧត្តមឧបនាយករដ្ឋមន្រ្តី វៀតណាម ក៏បានប្តេជ្ញារួមគ្នាក្នុងការបោះបង្គោលព្រំដែននៃប្រទេសទាំងពីរឲ្យបានចប់សព្វគ្រប់ តាមអ្វីដែល ភាគីទាំងពីរបានព្រមព្រៀងគ្នា។
ជាមួយគ្នានេះសម្តេចតេជោនាយករដ្ឋមន្រ្តី និងឯកឧត្តមឧបនាយករដ្ឋមន្រ្តី បានសន្យារួមគ្នាថា ក្នុងការខិតខំរួមគ្នាក្នុងការជំរុញទំនាក់ទំនងកិច្ចសហប្រតិបត្តិការនៃប្រទេសទាំងពីរ ឲ្យកាន់តែរីកចំរើនទ្វេឡើងថែមទៀត ពិសេសការជំរុញកិច្ចសហប្រតិបត្តិការលើវិស័យសេដ្ឋកិច្ច ការវិនិយោគ ទេសចរណ៍ សំដៅធ្វើយ៉ាងណាឲ្យទំហំពាណិជ្ជកម្មនៃប្រទេសទាំងពីរកើនដល់ ៥ពាន់លានដុល្លានៅឆ្នាំ ២០១៥ខាងមុខ។ កិច្ចកិច្ចសន្ទនាគ្នានោះសម្តេចតេជោនាយករដ្ឋមន្រ្តី និងឯកឧត្តមឧបនាយករដ្ឋមន្រ្តី វៀតណាម ក៏បានប្តេជ្ញារួមគ្នាក្នុងការបោះបង្គោលព្រំដែននៃប្រទេសទាំងពីរឲ្យបានចប់សព្វគ្រប់ តាមអ្វីដែល ភាគីទាំងពីរបានព្រមព្រៀងគ្នា។
S…thy