ដោយ ៖ តាឡឹម
ថ្ងៃទី 11-10-2011 ម៉ោង 10:05:08
ភ្នំពេញ ៖
ការកកស្ទះចរាចរនៅតាមបណ្ដោយផ្លូវលេខ៧១នាពេលព្រឹកគឺគេសង្កេតឃើញ
កើតមាននៅហាងគុយទាវចំនួន២កន្លែងដោយសារពួកគេយកចំណីផ្លូវស្ទើរតែ
ទាំងស្រុងធ្វើជាកន្លែងចតរថយន្ដ,ម៉ូតូរបស់ភ្ញៀវមិនខ្វល់ពី
បញ្ហាកកស្ទះចរាចរណ៍ឡើយ ។
ចំណែកហាងគុយទាវមួយកន្លែងផ្សេងទៀត ដែលគេនិយមហៅថា គុយទាវប្រហិតសាច់ជ្រូកកាឆាយ ស្ថិតនៅផ្លូវលេខ១៣ កែងផ្លូវលេខ១១០ សង្កាត់ផ្សារកណ្ដាលទី១ ខណ្ឌដូនពេញ គេសង្កេតឃើញការចតយានជំនិះរបស់ភ្ញៀវ គ្មានសណ្ដាប់ធ្នាប់ឡើយ ដោយមាន ពេលខ្លះចតរថយន្ដឡើងដល់ទៅពីរជួរ និងឱ្យរថយន្ដចតនៅកន្លែងផ្លូវកែងបត់ ធ្វើឱ្យកាន់តែពិបាកបត់រថយន្ដនិងស្ទះត្រង់ចំណុចផ្លូវ បែកជា៤នេះ ។ ការចតម៉ូតូក៏ បានដាក់ហៀរចេញមកលើផ្លូវស្ទើរតែ ពាក់កណ្ដាលផ្លូវទៅហើយ ។ ការដែលគេ ធ្វើដូច្នេះបាន ក៏ព្រោះតែអាជ្ញាធរសង្កាត់ ឬក៏ផ្នែកសណ្ដាប់ធ្នាប់ទទួលបានបច្ច័យ ប្រចាំខែពីម្ចាស់ហាងគុយទាវទាំងពីរ កន្លែងខាងលើនេះ ។
កន្លង ទៅគេសង្កេតឃើញខាងសណ្ដាប់ ធ្នាប់នៃស្នងការដ្ឋាននគរបាលរាជធានីភ្នំពេញដឹកនាំដោយលោក អេម សម្បត្ដិ ជានាយការិ យាល័យបានចុះមករៀបចំសណ្ដាប់ធ្នាប់នៅផ្លូវលេខ៣៦០ កែងផ្លូវ លេខ១៣ និងធ្វើការណែនាំដល់ម្ចាស់ហាងគុយទាវឱ្យរៀបចំការចតយានជំនិះឱ្យ មានសណ្ដាប់ធ្នាប់ ក៏ប៉ុន្ដែគ្មានប្រសិទ្ធភាពឡើយ ដោយបច្ចុប្បន្នគេសង្កេតឃើញករណីនេះបានកើតឡើងវិញដដែល ។
ទន្ទឹមនឹងនេះ ប្រជាពលរដ្ឋក៏ចង់ឃើញ លោក អេម សម្បត្ដិ ដឹកនាំកម្លាំងរបស់ ខ្លួនចុះមករៀបចំទីតាំងហាងគុយទាវ ប្រហិតសាច់ជ្រូក កាឆាយនេះ ក៏ព្រោះតែការចតយានជំនិះនៅផ្លូវកែងបត់រហូតដល់ទៅពីរជួរនិងចត ហៀរស្ទើរតែលើ ទ្រូងផ្លូវនោះវាបានរំខានខ្លាំងណាស់ចំពោះប្រជាពលរដ្ឋធ្វើដំណើរ ឆ្លងកាត់ ។
ម្យ៉ាងវិញទៀតម្ចាស់ហាងគុយទាវ គួរតែយកចិត្ដទុកដាក់ និងចូលរួមជាមួយអាជ្ញាធរប្រយោជន៍ដើម្បីជួយបញ្ចៀសបញ្ហាកកស្ទះ ចរាចរណ៍ នេះនិងមិនឱ្យរំខានដល់អ្នកធ្វើដំណើរឡើយក្នុងនាមជាពលរដ្ឋល្អ ៕