ដោយ ៖ សុផល
ថ្ងៃទី 11-10-2011 ម៉ោង 11:09:10
ភ្នំពេញ៖ មន្ត្រី
ក្រសួងធនធានទឹកបានឲ្យដឹងថា
បន្ទាប់ពីមានករណីទឹកជនលិចលើកំណាត់ផ្លូវជាតិលេខ៤
ដែលមានប្រវែងប្រមាណ៨០ម៉ែត្រ ចំងាយពីសាលាស្រុកអង្គស្នួល
ខេត្តកណ្តាល ២គីឡូម៉ែត្រនោះ កាលពីព្រឹកថ្ងៃទី១១ តុលា ២០១១នេះ
លោករដ្ឋមន្ត្រី លឹម គានហោ
បានបញ្ជាឲ្យក្រុមការងាររបស់ក្រសួងធនធានទឹក និងឧតុនិយម
ចុះជាបន្ទាន់ ដើម្បីយកគ្រឿងចក្រទៅកាយប្រព័ន្ធលូរំដោះទឹក ។
មកទល់នឹងពេលនេះទឹកបានស្រកជាបណ្តើរៗ
ងាយស្រួលឲ្យប្រជាពលរដ្ឋដែលធ្វើដំណើរឆ្លងកាត់កំណាត់ផ្លូវជាតិលេខ៤
ស្រុកអង្គស្នួល ខេត្តកណ្តាល មានភាពងាយស្រួលដូចដើមវិញ ។
មន្ត្រីក្រសួងធនធានទឹកបានបន្តថា
ទឹកដែលបានជនលិចនៅលើកំណាត់ផ្លូវជាតិលេខ៤មួយចំហៀងផ្លូវប្រមាណ
៨០ម៉ែត្រនោះ
ដោយសារតែក្រុមហ៊ុនកាត់ដេរដែលស្ថិតនៅតាមបណ្តោយផ្លូវជាតិលេខ៤នេះ
ចាក់ក្រណាត់ទៅលើប្រពន្ធលូ
ប៉ុន្តែក្រុមការងារបានកាយប្រព័ន្ធលូទាំងនេះស្រកជាបណ្តើរហើយ ៕
