ខេត្ដសៀមរាប ៖
បុរសម្នាក់បានរងរបួសធ្ងន់នៅក្នុងគ្រោះថ្នាក់ចរាចរមួយដែលបង្កឡើង
ដោយរថយន្ដម៉ាក Vigo
របស់អភិបាលរងខេត្ដសៀមរាបម្នាក់បានបើកបុកពីក្រោយខណៈដែលធ្វើដំណើរ
ស្របទិសគ្នា កាលពីវេលាម៉ោង២១ ថ្ងៃទី៨ ខែតុលា ឆ្នាំ២០១១
នៅមុខផ្លូវចូលបុរីសៀងណាំ ក្នុងភូមិចុងកៅស៊ូ សង្កាត់ស្លក្រាម
ក្រុងសៀមរាប ។
តាម
ប្រភពពីកន្លែងកើតហេតុបានឱ្យដឹងថា
នៅក្នុងពេលយប់កើតហេតុគេបានឃើញបុរសម្នាក់ជិះម៉ូតូម៉ាកវីវ៉ា
ពណ៌ខ្មៅក្នុងទិសដៅចូលក្រុងសៀមរាប។
លុះមកដល់ចំណុចកើតហេតុស្រាប់តែមានរថយន្ដម៉ាកវីហ្គោ
ពណ៌ទឹកប្រាក់
មួយគ្រឿងបើកបរស្របទិសគ្នាបានបើកមកបុកម៉ូតូពីក្រោយខ្ទាតប្រមាណ
ជាង២០ម៉ែត្រ បណ្ដាលឱ្យអ្នកបើកបរម៉ូតូរង របួសយ៉ាងដំណំ។
ប្រភពបន្ដថា
បន្ទាប់ពីបើកបុកម៉ូតូរួចហើយអ្នកបើកបររថយន្ដពុំបានឈប់ទេដោយ
បន្ថែមល្បឿនដើម្បីព្យាយាមរត់គេចពីការទទួលខុសត្រូវ ។
មន្ដ្រីនគរបាលចរាចរមួយរូបដែលសុំមិនបញ្ចេញឈ្មោះបានឱ្យដឹងថា
បន្ទាប់ពីបើករត់ឡាននេះត្រូវបានកម្លាំងនគរបាលអន្ដរាគមន៍ដេញ
ស្ទាក់ចាប់បាននៅតាមបណ្ដោយផ្លូវជាតិលេខ៦ម្ដុំភោជនីយ
ដ្ឋានហ្គ្រីនស៊ូគីស៊ុប។ ប្រភពបន្ដថា
អ្នកបើកបរមានលក្ខណៈស្រវឹងនិយាយស្ដាប់គ្នាមិនបានទេនាពេលនោះ ។
ប៉ុន្ដែបើទោះជាយ៉ាងនេះក្ដី
មន្ដ្រីនគរបាលរូបនេះមិនបានបញ្ជាក់ទេថា
អ្នកបើកបរជាអ្នកណានោះដោយគ្រាន់ តែប្រាប់ឱ្យដឹងថា
រថយន្ដនេះមានម៉ាកតូយ៉ូតា វីហ្គោ ពណ៌ទឹកប្រាក់ ពាក់ស្លាក
លេខភ្នំពេញ 2K-9929 ។ ចំណែកជនរងគ្រោះមានឈ្មោះរី ដេត ភេទប្រុស
អាយុ៣០ឆ្នាំ
រងរបួសធ្ងន់ត្រង់ក្បាលឥឡូវនេះសម្រាកព្យាបាលនៅមន្ទីរពេទ្យ ។
ពាក់ព័ន្ធនឹងករណីគ្រោះថ្នាក់ចរាចរនេះដែរ
មន្ដ្រីនគរបាលការិយាល័យអន្ដរាគមន៍ម្នាក់បាននិយាយក្នុងលក្ខខ័ណ្ឌ
សុំមិនបញ្ចេញឈ្មោះបានឱ្យដឹងថា
មូលហេតុដែលនគរបាលចរាចរមិនបង្ហាញអត្ដសញ្ញាណអ្នកបើកបរនោះ
ព្រោះឡាននោះជារបស់លោកសង់ រីហា អភិបាលរងខេត្ដសៀមរាប។
ប៉ុន្ដែគេមិនដឹងថា
នៅក្នុងហេតុការណ៍នោះលោកអភិបាលរងមាននៅក្នុងរថយន្ដនោះឬក៏អត់
នោះទេ ?
នៅរសៀលថ្ងៃទី១០ តុលានេះ លោកសង់ រីហា មិនអាចទាក់ទងសុំការបំភ្លឺបានទេទាក់ទិននឹងករណីគ្រោះថ្នាក់ចរាចរនេះ៕
