សម្តេចអគ្គមហាសេនាបតីតេជោ ហ៊ុន សែន នា
ថ្ងៃទី ២៦ ខែមេសា ឆ្នាំ ២០១២ បានស្វាគមន៍ចំពោះ
ការបើកស្ថានទូតប្រទេសកូវ៉ែតប្រចាំនៅក្នុងព្រះរាជាណាចក្រកម្ពុជា
ដោយចាត់ទុកថា នេះជាកិច្ចការអច្ឆរិយៈមួយព្រោះថា
នេះជាស្ថានទូតលើកដំបូង របស់ប្រទេសកូវ៉ែតដែលបានបើកនៅកម្ពុជា។
ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្រ្តីឲ្យដឹងថា
ជាមួយនឹងការអបអរចំពោះឯកឧត្តម Dherar Naser Al Tuwaijri
ដែលត្រូវបាន តែងតាំងជាឯកអគ្គរដ្ឋរាជទូតកូវ៉ែតប្រចាំ នៅកម្ពុជា សម្តេចតេជោ
មានប្រសាសន៍ផ្តល់ជាអនុសាសន៍ថា អ្វីដែលជាកិច្ចការសំខាន់នោះ
គឺត្រូវពិនិត្យមើលអ្វីដែល បានចុះហត្ថលេខារួមជាមួយគ្នា
រួចហើយនាពេលកន្លងមករវាងកម្ពុជា-កូវ៉ែត ដោយធ្វើយ៉ាងណាជំរុញការងារ
ដែលបានចុះហត្ថលេខារួចនោះឲ្យមានដំណើរការទៅមុខ។
ក្នុងឱកាសចូលសម្តែងការគួរសមជាមួយ សម្តេចតេជោនាយករដ្ឋមន្រ្តី ឯកឧត្តម Dherar Naser Al Tuwaijri បានសម្តែងនូវការអបអរសាទរជូនចំពោះ សម្តេចអគ្គមហាសេនាបតីតេជោ ហ៊ុន សែន ដែល
បានដឹកនាំកិច្ចប្រជុំអាស៊ានក្នុងឋានៈ ជាប្រធានអា ស៊ានបានទទួល
ជោគជ័យយ៉ាងត្រចះត្រចង់ និងបានសម្តែងនូវការគោរព
និងវាយតម្លៃខ្ពស់ចំពោះការ ដឹកនាំដ៏ឈ្លាសវៃ របស់ សម្តេចតេជោ ហ៊ុន សែន ផងដែរ។
ឯកឧត្តម Dherar Naser Al Tuwaijri មានប្រសាសន៍ថា រូបលោក
មានកិត្តិយសណាស់ ដែលត្រូវ បានតែងតាំងជាឯកអគ្គរាជទូត ទី១
នៃប្រទេសកូវ៉ែត ប្រចាំនៅព្រះរាជាណាចក្រកម្ពុជា។
ឯកឧត្តមឯកអគ្គរាជទូតថ្លែងបន្តថា ដំណើរទស្សនកិច្ចរបស់សម្តេចអគ្គមហាសេនាបតីតេជោ ហ៊ុន សែន
នៅប្រទេសកូវ៉ែតកាលពីពេលកន្លងទៅបានកសាងនូវ
មូលដ្ឋានគ្រឹះដ៏ល្អបំផុត សម្រាប់ទំនាក់ទំនង រវាងប្រទេសទាំងពីរ ដែល
ក្នុងបេសកកម្មការទូតនៅកម្ពុជានេះ
លោកនឹងខិតខំប្រឹងប្រែងឲ្យអស់ពីសមត្ថភាព ធ្វើ
យ៉ាងណាពង្រីកនិងពង្រឹងទំនាក់ទំនងដ៏ល្អប្រសើរ
នេះឲ្យកាន់តែរីកធំធាត់ថែមទៀត៕