នៅថ្ងៃទី ២៨ ខែមេសា ឆ្នាំ ២០១២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
បានអញ្ជើញជាអធិបតីក្នុងមិទ្ទីញ អបអរសាទរខួបលើកទី ១២៦
ទិវាពលកម្មអន្តរជាតិ ១ ឧសភា ឆ្នាំ ២០១២
ដែលប្រព្រឹត្តទៅនៅមជ្ឈមណ្ឌលសន្និបាត និងពិព័រណ៍កោះពេជ្រ
ដែលមានតំណាងសហព័ន្ធសហជីព សហជីពតាមរោងចក្រ សហគ្រាសនានាតាមរាជធានី
ខេត្ត កម្មករ កម្មការិនីតាមរោងចក្រ សមាគមបុគ្គលិកសិក្សាព្រមទាំង
ភ្ញៀវកិត្តិយសសរុបជាង ៤០០០នាក់ចូលរួម។
សេចក្តីប្រកាសព័ត៌មានរបស់ទីស្នាក់ការកណ្តាលគណបក្សប្រជាជនកម្ពុជា
បានឲ្យដឹងថា ការប្រារព្ធទិវាពលកម្មអន្តរជាតិ ១ ឧសភាគឺជាការ
រំលឹកដល់ព្រឹត្តិការណ៍ប្រវត្តិសាស្ត្រនៃចលនាកម្មករអន្តរជាតិ
ដែលបានតស៊ូបង្កើតនូវបទដ្ឋានការងារ
សមស្របទុកជាកេរដំណែលសម្រាប់សង្គមជាតិយើងរហូតដល់សព្វថ្ងៃ។
សេចក្តីប្រកាសព័ត៌មានបញ្ជាក់ថា ទិវាពលកម្មអន្តរជាតិ ១ ឧសភា
ត្រូវបានយកចិត្តទុកដាក់ចាប់តាំងពីថ្ងៃរំដោះ ៧ មករា ឆ្នាំ ១៩៧៩
មកម្លេះ។មក ដល់បច្ចុប្បន្ននេះ រាជរដ្ឋាភិបាលកម្ពុជាបានកំណត់យកថ្ងៃទី ១
ឧសភាជាថ្ងៃបុណ្យការងារ និងជាថ្ងៃ
ឈប់សម្រាកជាផ្លូវការសម្រាប់មន្ត្រីរាជការ កម្មករនិយោជិត។
ការប្រារព្ធខួបលើកទី ១២៦ ទិវាពលកម្មអន្តរជាតិ ១ ឧសភា
ឆ្នាំនេះស្របពេលដែលសភាពការណ៍ប្រទេសកម្ពុជាកំពុងបន្តរីកចម្រើនលើ
គ្រប់វិស័យក្នុងការ អនុវត្តយុទ្ធសាស្ត្រចតុកោណដំណាក់កាលទី ២
របស់រាជរដ្ឋាភិបាលទទួលបានផ្លែផ្កាជាបន្តបន្ទាប់ និង
ស្របពេលដែលប្រទេសកម្ពុជាទើបនឹងទទួលបានជោគជ័យក្នុងការរៀបចំ
កិច្ចប្រជុំកំពូលអាស៊ាននា ដើមខែមេសា ឆ្នាំ ២០១២ កន្លងមក
ដែលនេះជាមោទនភាពជាតិរបស់កម្ពុជាក្នុងឋានៈជាប្រធានអាស៊ាន
ហើយក៏ជាឆ្នាំ ដែលកត់សម្គាល់ឃើញថា កម្មករ
និយោជិតបានគាំទ្រគោលការណ៍របស់រាជរដ្ឋាភិបាល ចូលរួមជាមួយនយោជក
បង្កើតកម្មវិធីកំសាន្តសប្បាយរីករាយតាមរូបភាពជាច្រើនដូចជា ជប់លៀង រាំ
កំសាន្ត ធ្វើដំណើរកំសាន្ត ឬឈប់សម្រាកលំហែជាដើម។
ផ្សារភ្ជាប់នឹងព្រឹត្តិការណ៍នៃការរំលឹកខួបលើកទី ១២៦
ទិវាពលកម្មអន្តរជាតិ ១ ឧសភា នៅឆ្នាំ ២០១២ នេះ
សេចក្តីប្រកាសព័ត៌មានលើកឡើងថា
កន្លងទៅកម្ពូជាយើងទោះបីជាប្រឈមនឹងបញ្ហាលំ បាកមួយចំនួន
និងផលប៉ះពាល់មួយចំនួន ដោយគ្រោះមហន្តរាយនានាក្តី
ក៏រាជរដ្ឋាភិបាលកម្ពុជាបាន ខិតខំដាក់ចេញនូវគោលនយោបាយ
និងវិធានការជាច្រើន ដើម្បីបន្តពង្រឹងស្ថិរភាពម៉ាក្រូសេដ្ឋកិច្ច
រក្សាកំណើនសេដ្ឋកិច្ចកើនឡើងជាង ៧% និងវិស័យកសិកម្ម ឧស្សាហកម្ម ទេសចរ
សាធារណការ ការដ្ឋានវិនិយោគសាធារណៈ បានបន្តរីកចម្រើនឥតឈប់ឈរ។
តាមលទ្ធផលចុងក្រោយនៃជំរឿនសហគ្រាសឆ្នាំ ២០១១ បានឲ្យដឹងថា
នៅកម្ពុជាមានសហ គ្រាសធុនតូច និងមធ្យមសរុបចំនួន ៥០៥ ១៣៤
ដែលផ្តល់ការងារសរុប ១ ៦៧៦ ២៦៣ នាក់ក្នុងនោះ ស្ត្រីចំនួន ១ ០២៦ ០៨៤
នាក់។ដោយឡែកវិស័យឧស្សាហកម្មកាត់ដេរសម្លៀកបំពាក់ និងផលិតស្បែក
ជើងគិតមកដល់ឆ្នាំ ២០១១ មានរោងចក្រចំនួន ៥៨៩ កើនប្រមាណ ៨០
រោងចក្រធៀបនឹងឆ្នាំ ២០១០ និងមានកម្មករ និយោជិតចំនួន ៤០៦ ២៣៦
នាក់ដោយទទួលប្រាក់ឈ្នួលជាមធ្យមប្រមាណជាង ២៩
លានដុល្លារសហរដ្ឋអាមេរិកក្នុងមួយខែៗ
ព្រមទាំងបានបង្កើតមុខរបរប្រយោលបន្ថែមដូចជា ផ្ទះជួល លក់ម្ហូបអាហារ
ដឹកជញ្ជូន ដល់ប្រជាជនប្រមាណ ២ លាននាក់។តម្លៃសរុបនៃការនាំចេញផលិតផល
ផ្នែកកាត់សម្លៀកបំពាក់
និងផលិតស្បែកជើងបានកើនឡើងខ្ពស់ជារៀងរាល់ឆ្នាំ ដោយឆ្នាំ ២០១១ នេះ
មានចំនួនជាង ៤.៣ ពាន់លានដុល្លារសហរដ្ឋអាមេរិក។ទន្ទឹមនេះ
ការអភិវឌ្ឍសេដ្ឋកិច្ច សិទ្ធសេរីភាព របស់ប្រជាពលរដ្ឋត្រូវបានពង្រឹង
និងពង្រីកស្របតាមរដ្ឋធម្មនុញ្ញ និងគោលការណ៍លទ្ធិប្រជាធិបតេយ្យ។
សិទ្ធិបង្កើតអង្គការវិជ្ជាជីវៈបានអនុវត្តយ៉ាងទូលំទូលាយ
ដែលជារួមសមិទ្ធផលទាំងអស់នេះ បានរួមចំណែកក្នុងសមិទ្ធផលរបស់ជាតិ
ប្រការនេះបង្ហាញពីគោលនយោបាយត្រឹមត្រូវរបស់គណបក្ស ប្រជាជនកម្ពុជា
ក៏ដូចជារាជរដ្ឋាភិបាលផងដែរ។
សេចក្តីប្រកាសព័ត៌មានបានបញ្ជាក់ថា បងប្អូនកម្មករ
កម្មការិនីក៏ដូចជា ប្រជាជនកម្ពុជា
មានជំនឿជាក់ដោយក្តីមោទនភាពខ្ពស់ចំពោះគុណូបការៈរបស់សម្តេចតេជោ ហ៊ុន សែន
ដែលបាន ដឹកនាំប្រទេសជាតិនាំមកនូវសុខសន្តិភាព
និងការអភិវឌ្ឍរីកចម្រើនលើគ្រប់វិស័យយ៉ាងឆាប់រហ័ស
ធ្វើឲ្យជីវភាពរបស់ប្រជាជន និងកម្មករ
និយោជិតកាន់តែល្អប្រសើរឡើងជាលំដាប់៕