ដោយ ៖ មរតក
ភ្នំពេញ ៖ សម្ដេចតេជោនាយករដ្ឋ មន្ដ្រីនៃព្រះរាជាណាចក្រកម្ពុជាបានមាន ប្រសាសន៍ថា ប្រទេសកម្ពុជានឹងរៀបចំ ការបោះឆ្នោតទៅតាមពេលវេលាដែល បានកំណត់ ដោយមិនផ្អែកទៅលើការ មានថវិកា ឬអត់ថវិកានោះទេ ប៉ុន្ដែ ប្រសិនបើមានគេផ្ដល់ជាថវិកាជួយកាន់ តែល្អ បើគ្មានគេជួយទេ គឺត្រូវតែបោះ ឆ្នោតឱ្យបាន មិនពឹងផ្អែកទៅលើការ ផ្ដល់ជំនួយទើបបោះឆ្នោតនោះទេ ។
ការថ្លែងបញ្ជាក់បែបនេះរបស់សម្ដេច តេជោ គឺបានធ្វើឡើងនៅថ្ងៃទី១ ខែឧសភា ឆ្នាំ២០១២ ពេលសម្ដេចអញ្ជើញជា អធិបតីដ៏ខ្ពង់ខ្ពស់ជួបសំណេះសំណាលជា មួយកម្មករនៅតំបន់សេដ្ឋកិច្ចពិសេស ក្រុងព្រះសីហនុ និងបើកសម្ពោធឱ្យប្រើ ប្រាស់ជាផ្លូវការនៅតំបន់សេដ្ឋកិច្ច ពិសេសកំពង់ផែក្រុងព្រះសីហនុ ។
សម្ដេចលើកឡើងថា កាលពីឆ្នាំ ១៩៩៨ កម្ពុជាខ្វះខាតថវិកា ប៉ុន្ដែកាល ណោះប្រទេសជប៉ុន និងសហភាពអឺរ៉ុប គឺជាឆ្មបក្នុងការបង្កើតរាជរដ្ឋាភិបាល អាណត្ដិទី២ ពីព្រោះមានតែ២នេះទេ ដែលផ្ដល់ថវិកាឱ្យកម្ពុជារៀបចំការបោះ ឆ្នោត ។ សម្រាប់ប្រទេសកម្ពុជាកាល ណោះ គឺគ្មានថវិកាទាល់តែសោះ រហូត ដល់ជំពាក់ប្រាក់បៀវត្សមន្ដ្រីរាជការថែម ទៀតផង ប៉ុន្ដែពេលនេះយើងមានថវិកា ខ្លះសម្រាប់រៀបចំការបោះឆ្នោត ។
បើសិនមិនមានប្រទេសណាផ្ដល់ជំនួយ មិនមែនមានសេចក្ដីថា ប្រទេសកម្ពុជា ត្រូវផ្អាកការបោះឆ្នោតនោះទេ រាជរដ្ឋា ភិបាលបានចុះហត្ថលេខាផ្ទេរលុយរួច រាល់ហើយ ។ សម្ដេចក៏បានរំលឹកផងដែរ ពីការចេញថវិកាទាំងស្រុងរបស់អ៊ុនតាក់ រៀបចំការបោះឆ្នោតនៅឆ្នាំ១៩៩៣ ប៉ុន្ដែ មកដល់ឆ្នាំ១៩៩៨ ភាគច្រើនគឺជាលុយ របស់ប្រទេសជប៉ុន និងសហគមន៍អឺរ៉ុប ដោយភាគីរាជរដ្ឋាភិបាលចេញបន្ដិច បន្ដួចប៉ុណ្ណោះ ប៉ុន្ដែជាបន្ដបន្ទាប់ប្រទេស កម្ពុជាបានចំណាយថវិកាផ្ទាល់ខ្លួនច្រើន ឡើងៗ ដែលរហូតមកដល់អំឡុងឆ្នាំ ២០០៨ គឺកម្ពុជាបានចំណាយ៦០ភាគ រយសម្រាប់រៀបចំការបោះឆ្នោត ខណៈ ៤០ភាគរយទៀតជាជំនួយរបស់បរទេស ។
សម្ដេចបញ្ជាក់ថា នៅពេលនេះ បរទេសជួយឬមិនជួយ គឺកម្ពុជានៅតែ អាចរៀបចំការបោះឆ្នោតបាន ។ សម្រាប់ ឆ្នាំនេះកម្ពុជាត្រូវចំណាយ១៩លានដុល្លារ អាមេរិក ខណៈឆ្នាំក្រោយនឹងត្រូវបោះ ឆ្នោត ប៉ុន្ដែសម្រាប់ឆ្នាំក្រោយថវិកា ដែលត្រូវចាយនេះនឹងថែមទៀតទៅលើ ការចំណាយសម្រាប់ការបោះឆ្នោត ការ ចំណាយប៉ុណ្ណឹង គឺយើងអាចធ្វើទៅបាន ដោយគ្មានបញ្ហានោះទេ ប៉ុន្ដែបើមានមិត្ដ ភក្ដិបរទេសណាឱ្យ យើងសូមអរគុណ ។
សម្ដេចក៏បានអំពាវនាវផងដែរសូម ឱ្យអាជ្ញាធរពាក់ព័ន្ធបង្កលក្ខណៈងាយស្រួល ឱ្យគណបក្សនយោបាយទាំងអស់ក្នុងការ ឃោសនាប្រកបដោយបរិយាកាស នយោបាយអព្យាក្រឹត សេរី យុត្ដិធម៌ ដើម្បីធានានូវការបោះឆ្នោតដែលត្រឹម ត្រូវ យុត្ដិធម៌ អាចទទួលយកបាន និង បានអំពាវនាវទៅគ្រប់បណ្ដាគណបក្ស ទាំងអស់ទទួលយកនូវលទ្ធផលនៃការបោះ ឆ្នោត ព្រោះបក្សនីមួយៗ គ្មានអ្នកណា ប្រកាសថាខ្លួនអន់ទេ បើហ៊ានប្រកួត ត្រូវហ៊ានទទួល កុំពេលណាចាញ់រករឿង មិនចេះចប់ ព្រោះភ្នាក់ងារគណបក្ស នយោបាយដែលចូលរួមប្រកួតប្រជែង នៅកន្លែងនោះផ្ទាល់ ។ សម្រាប់ប្រទេស កម្ពុជាមានរឿងចម្លែកៗជាច្រើន ដូចជា គេថាឱ្យគោរពសិទ្ធិភាគតិច បើដូច្នោះ ពេលបោះឆ្នោតលើកក្រោយ កុំយកអ្នក ភាគច្រើន គឺយកអ្នកភាគតិចដើម្បីឱ្យ គេគោរព ស្រុកខ្មែរចម្លែកៗណាស់ ។
សម្ដេចតេជោក៏បានរិះគន់ចំៗផងដែរចំពោះការទាមទារឱ្យគោរពមតិភាគ តិច ដោយសម្ដេចបានលើកឡើងថា ដំណើរការប្រជាធិបតេយ្យនៅឯណា? បើ ចេះតែទាមទារឱ្យគោរពសិទ្ធិភាគតិច បែបនេះ ៕