ដោយ ៖ មរតក
ខេត្ដព្រះសីហនុ ៖ សម្ដេចអគ្គមហា សេនាបតីតេជោហ៊ុន សែន នាយករដ្ឋ មន្ដ្រីនៃព្រះរាជាណាចក្រកម្ពុជា បាន អំពាវនាវទៅដល់ប្រជាពលរដ្ឋខ្មែរគ្រប់ រូប ដែលកំពុងតែធ្វើដំណើរទៅរកការងារ ធ្វើក្នុងប្រទេសថៃ ឱ្យវិលត្រឡប់មកវិញ ពីព្រោះប្រទេសកម្ពុជាកំពុងខ្វះធនធាន មនុស្សយ៉ាងច្រើន ទាំងវិស័យកសិកម្ម ឧស្សាហកម្ម វិស័យសំណង់ជាដើម និង ម្យ៉ាងទៀតការឆ្លងដែនទៅធ្វើការនៅ ប្រទេសថៃដោយខុសច្បាប់ មិនមែនជា វិធីល្អនោះទេ ខណៈរាជរដ្ឋាភិបាលកំពុង តែព្យាយាមធ្វើលិខិតសម្គាល់ដល់ពលករដែលទៅធ្វើការខុសច្បាប់លើកមុនៗ មិនទាន់អស់ផង ។
ការអំពាវនាវបែបនេះរបស់សម្ដេច បានធ្វើឡើងនៅថ្ងៃទី១ ខែឧសភា ឆ្នាំ ២០១២ នៅក្នុងឱកាសអញ្ជើញជាអធិបតី ដ៏ខ្ពង់ខ្ពស់ក្នុងពិធីសំណេះសំណាលជាមួយ បុគ្គលិកកម្មករនិយោជិតនៅកំពង់ផែ ស្វយ័តក្រុងព្រះសីហនុ និងបើកសម្ពោធ ឱ្យប្រើប្រាស់តំបន់សេដ្ឋកិច្ចពិសេស កំពង់ផែក្រុងព្រះសីហនុ ។
សម្ដេចតេជោមានប្រសាសន៍ថា សុំ ឱ្យប្រជាពលរដ្ឋខ្មែរទាំងអស់ត្រឡប់មក វិញ ពីព្រោះនៅក្នុងប្រទេសកម្ពុជាបច្ចុប្បន្ន កំពុងតែខ្វះកម្លាំងពលកម្ម ពីព្រោះបើ យោងតាមរបាយការណ៍ពេលនេះ កម្ពុជា ត្រូវការកម្លាំងពលកម្មមិនតិចជាង៣ម៉ឺន នាក់នោះទេ គឺខ្វះគ្រប់ទីកន្លែង ទាំងក្នុង វិស័យកសិកម្ម វិស័យសំណង់ វិស័យ ឧស្សាហកម្ម ។ កម្មករចំណាកស្រុក ដែលចូលទៅធ្វើការខុសច្បាប់ក្នុងប្រទេស ថៃ ភាគច្រើនគឺទៅធ្វើការក្នុងវិស័យ សំណង់ កសិកម្ម ហើយតម្លៃឈ្នួលក៏មិន ខុសគ្នាប៉ុន្មាននោះដែរ ហើយត្រូវចំណាយ ច្រើន, ចូលទៅធ្វើការខុសច្បាប់, បែក បាក់គ្រួសារ ប្រពន្ធកូន ហើយនឹងអាច មានបញ្ហាកើតឡើងជាច្រើន ដោយសារ តែធ្វើការនៅប្រទេសគេមិនចេះភាសា របស់គេច្បាស់លាស់ ដូច្នេះបើយើងធ្វើ ការនៅប្រទេសយើងប្រសើរជាង ។
សម្ដេចតេជោបន្ដថា ចំពោះវិិនិយោ- គិនដែលខ្វះកម្លាំងពលកម្ម គឺត្រូវខិតខំ ដោះស្រាយជូនកម្មករ ដូចជាកន្លែងស្នាក់ នៅ កន្លែងលក់ម្ហូបអាហារជាដើម, ត្រូវ ផ្ដល់ព័ត៌មានទាក់ទងនឹងការសហការជា មួយក្រុមហ៊ុនដែលខ្វះកម្មករ រោងចក្រ សហគ្រាស ត្រូវទាក់ទងទៅនឹងផ្នែកការងារ ដើម្បីផ្សព្វផ្សាយជ្រើសរើសកម្មករ ។ បើ សិនជាមិនផ្ដល់ព័ត៌មានឱ្យប្រជាពលរដ្ឋ ដឹងដែលខ្វះការងារ គឺគាត់នឹងទៅស្វែង រកការងារធ្វើនៅប្រទេសក្រៅដោយខុស ច្បាប់តទៅទៀត, បើចង់បានកម្មករ គឺ ត្រូវឱ្យតម្លៃប្រាក់ឱ្យមានកម្រិតខ្ពស់បន្ដិច ព្រោះនៅកន្លែងខ្លះមានផ្លូវឆ្ងាយ ហើយ ប្រាក់ខែដូចគេឯងដែរនោះ គឺមិនអាច ទៅរួចទេ ពីព្រោះមានការប្រកួតប្រជែង ។
ជាមួយគ្នានោះ សម្ដេចតេជោក៏បាន អំពាវនាវផងដែរឱ្យមានការសម្រប សម្រួលគ្នារវាងថៅកែរោងចក្រជាមួយ កម្មករ និងសហជីព ឱ្យអនុវត្ដច្បាប់ ការងារទាំងអស់គ្នា ពីព្រោះគ្មានជម្រើស ណាល្អជាងជម្រើសនេះទេ បើគ្មានថៅកែ គឺអត់កម្មករ បើមានតែកម្មករអត់ថៅកែ ក៏គ្មានរោងចក្រដែរ ដូច្នេះទាំង២នេះត្រូវ សុខដុមនីយកម្មជាមួយគ្នា ។ ដូច្នេះយើង ត្រូវថ្លឹងថ្លែងផលប្រយោជន៍ចំណេញរបស់ ថៅកែ និងបៀវត្សកម្មករ បើចំណេញ ច្រើនក៏ត្រូវលើកទឹកចិត្ដផ្ដល់ឱ្យកម្មករ បើកម្មករមានសុខភាពល្អ វិជ្ជាជីវៈកាន់ តែខ្ពស់ នោះគុណភាពផលិតនៅក្នុងរោង ចក្រក៏ល្អដែរ ។
រាជរដ្ឋាភិបាលបានប្រឹងប្រែងការពារ នូវស្ថិរភាពនយោបាយ សន្ដិសុខ សណ្ដាប់ ធ្នាប់ សង្គម ស្ថិរភាពម៉ាក្រូសេដ្ឋកិច្ច ដើម្បីទាក់ទាញវិនិយោគ ក្នុងនោះរាជរដ្ឋា ភិបាលក៏កំពុងខិតខំប្រឹងប្រែងដើម្បីជំរុញ បើកទូលាយទីផ្សារនៅខាងក្រៅតាម គោលការណ៍រក្សាទីផ្សារចាស់ និងស្វែង រកទីផ្សារថ្មីតាមរយៈនៃការខិតខំបើក ទីផ្សារទូលាយបន្ថែម ដូចជាសហគមន៍ អឺរ៉ុប ដែលទំហំនៃការនាំចេញសម្រាប់ ឆ្នាំ២០១១ជិត១ពាន់លានដុល្លារ ទាំងនេះ គឺជាការខិតខំប្រឹងប្រែងទាំងអស់គ្នា ដើម្បីចែករំលែកស្ថានភាពឈ្នះៗនៅក្នុង ក្របខ័ណ្ឌកម្មករក្ដី អ្នកគ្រប់គ្រង ឬអ្នក វិនិយោគក្ដី ។
សម្ដេចលើកឡើងបន្ដថា ចំពោះ តំបន់សេដ្ឋកិច្ចពិសេសដែលបានកើត ឡើងចេញពីទំនាក់ទំនងនៃកិច្ចសហប្រតិ- បត្ដិការមានការគាំទ្រពីរាជរដ្ឋាភិបាល ជប៉ុន ។ បន្ទាប់ពីការសម្រេចចិត្ដយ៉ាង ម៉ឺងម៉ាត់របស់រាជរដ្ឋាភិបាលកម្ពុជា និង មានការគាំទ្រពីរដ្ឋាភិបាលជប៉ុន ដែល លេចចេញជាលើកដំបូង នៅតំបន់ សេដ្ឋកិច្ចពិសេសនឹងអាចទាក់ទាញវិនិ- យោគជប៉ុន មកវិនិយោគនៅក្នុងព្រះរាជា ណាចក្រកម្ពុជាថែមទៀត ។ សម្ដេចតេជោ ក៏បានអំពាវនាវឱ្យអ្នកវិនិយោគជប៉ុន ឱ្យមកវិនិយោគនៅក្នុងព្រះរាជាណាចក្រ កម្ពុជា ពិសេសនៅក្នុងតំបន់ពិសេសនេះ ដែលនឹងចូលរួមជំរុញសេដ្ឋកិច្ចប្រទេស កម្ពុជា ក្នុងវិស័យពាណិជ្ជកម្ម និងវិស័យ សេដ្ឋកិច្ចបន្ថែមទៀត ។
លោកម៉ាសាគូមី កូរ៉ូគី ឯកអគ្គរាជ រដ្ឋជប៉ុនប្រចាំនៅព្រះរាជាណាចក្រកម្ពុជា បានលើកឡើងថា កំពង់ផែក្រុងព្រះ សីហនុ គឺជាចំណងនៃនិម្មិតរូបដ៏ឧត្ដុង្គ ឧត្ដមមួយនៃកិច្ចសហប្រតិបត្ដិការរបស់ ជប៉ុននៅប្រទេសកម្ពុជា ។
លោកបន្ដថា តំបន់សេដ្ឋកិច្ចពិសេស ត្រូវបានរំពឹងទុកថា នឹងទាក់ទាញវិនិយោគ ទុនផ្ទាល់ពីបរទេស ពិសេសដើម្បីផលិត និងនាំចេញផលិតកម្មកម្មន្ដសាល ។ ការតភ្ជាប់ទំនាក់ទំនងផ្ទាល់នៃតំបន់ ពិសេសនេះ ជាមួយនឹងកំពង់ផែក្រុងព្រះ សីហនុ គឺជាឧត្ដមភាពមួយនៃបណ្ដា ឧត្ដមភាពនានារបស់តំបន់សេដ្ឋកិច្ច ពិសេស ដោយការកាត់បន្ថយតម្លៃនិង ពេលវេលាសម្រាប់ការដឹកជញ្ជូនផលិត ផលថែមទៀតផង ។ លោកបន្ដទៀតថា ប្រទេសជប៉ុន នឹងបន្ដយកចិត្ដទុកដាក់ ទៅលើគម្រោងអភិវឌ្ឍន៍ច្រករបៀង សេដ្ឋកិច្ចភាគខាងត្បូង ដែលនឹងចាប់ ផ្ដើមពីទីក្រុងហូជីមិញ ឆ្លងកាត់ទីក្រុង ភ្នំពេញ ទៅកាន់ទីក្រុងបាងកក ក៏ដូចជា ការអនុវត្ដកំពង់ផែក្រុងព្រះសីហនុ រួម ទាំងតំបន់សេដ្ឋកិច្ចនេះផងដែរ ។ តំបន់ សេដ្ឋកិច្ចពិសេសនេះ នឹងបំពេញតួនាទី ដ៏មានសារសំខាន់ដើម្បីជំរុញពាណិជ្ជកម្ម និងការវិនិយោគ រួមទាំងការរួមចំណែក អភិវឌ្ឍន៍សេដ្ឋកិច្ច ដែលអាចបង្កើត កាលានុវត្ដភាពការងារសមរម្យ ដើម្បី ឆ្លើយតបទៅនឹងកំណើនប្រជាជនវ័យក្មេង របស់កម្ពុជា ។
លោកត្រាំង អ៊ីវតឹក រដ្ឋមន្ដ្រីក្រសួង សាធារណការនិងដឹកជញ្ជូនមានប្រសាសន៍ ថា ការសាងសង់កំពង់ផែស្វ័យតក្រុងព្រះ សីហនុ បានចាប់ផ្ដើមដំណើរការពីថ្ងៃទី ៨ ខែតុលា ឆ្នាំ២០០៩ និងបានបញ្ចប់ នៅថ្ងៃទី៣១ ខែមីនា ឆ្នាំ២០១២ ខណៈនៅ ក្នុងនោះរចនាសម្ព័ន្ធសំខាន់ៗមានដូចជា -ផ្ទៃដីសម្រាប់សាងសង់រោងចក្រ៤៥ ហិកតា តំបន់ពាណិជ្ជកម្មផ្សេងៗ៦ហិកតា តំបន់ផ្គត់ផ្គង់ផ្ទៃក្នុង៤,៤ហិកតា អគារ រដ្ឋបាល អគាររបង និងចំណតរថយន្ដ ០,៩ហិកតា ផ្លូវថ្នល់ និងទីធ្លាសាធារណៈ ៨,៥ហិកតា តំបន់ពិព័រណ៍បៃតង៥,២ ហិកតា សាងសង់ប្រព័ន្ធច្រោះទឹកកខ្វក់ និងប្រព័ន្ធលូទឹកភ្លៀង សាងសង់បណ្ដាញ ផ្គត់ផ្គង់ទឹក ភ្លើង ទូរស័ព្ទ សរុបចំណាយ ប្រមាណជា៤០លានដុល្លារសហរដ្ឋ អាមេរិក ។
លោកបន្ដថា ការអភិវឌ្ឍ រចនាសម្ព័ន្ធកំពង់ផែ ការអភិវឌ្ឍតំបន់ សេដ្ឋកិច្ចពិសេស និងគម្រោងអភិវឌ្ឍន៍ សំខាន់ៗ នឹងជាគម្រោងកំពង់ផែសម្រាប់ តំបន់នាពេលអនាគត និងគម្រោងអភិវឌ្ឍន៍ បន្ដបន្ទាប់ទៀតដែលនឹងធ្វើឱ្យកំពង់ផែ ស្វយ័តក្រុងព្រះសីហនុ ក្លាយជាកំពង់ផែ សេដ្ឋកិច្ច និងជាកំពង់ផែសម្រាប់តំបន់ នាពេលខាងមុខ ។ សមិទ្ធផលទាំងនេះ គឺជាផ្លែផ្កានៃនយោបាយដ៏ឈ្លាសវៃ របស់រាជរដ្ឋាភិបាល ដឹកនាំដោយសម្ដេច អគ្គមហាសេនាបតីតេជោហ៊ុន សែន នាយករដ្ឋមន្ដ្រី ៕