ឯកឧត្តម អ៊ាង សុផល្លែត ជំនួយការសម្តេចតេជោនាយករដ្ឋមន្ត្រីឲ្យដឹងថា
នៅក្នុងឱកាសចូលជួបសម្តែងការគូរសមចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី
នៃព្រះរាជាណា ចក្រកម្ពុជា និង
ជាប្រធានអាជ្ញាធរកម្ពុជាគ្រប់គ្រងសកម្មភាពកំចាត់មីន និង
សង្គ្រោះជនពិការដោយ សារមីន នារសៀលថ្ងៃទី ២៧ ខែវិច្ឆិកា ឆ្នាំ ២០១១ កញ្ញា សុង កុសល ទូតសុឆន្ទៈនៃយុទ្ធនាការអន្តរជាតិស្តីពីការហាមប្រាមការប្រើប្រាស់គ្រាប់មីន
(ICBL) ប្រធានប្រតិភូជនពិការកម្ពុជា
បានថ្លែងនូវអំណរគុណជូនចំពោះសម្តេចតេជោនាយករដ្ឋមន្ត្រី ដែលបានចុះ
ហត្ថលេខាលើអនុសញ្ញាអូតាវ៉ា ដែលជាអនុសញ្ញាក្នុងការលុបបំបាត និង
កំទេចចោលគ្រាប់មីន និងគ្រាប់មិនទាន់ផ្ទុះ និងបានថ្លែងនូវអំណរគុណជូនចំពោះ
សម្តេចតេជោនាយករដ្ឋមន្ត្រី ចំពោះកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា
ក្នុងការជួយដល់ជនពិការកម្ពុជា ពិសេសការនាំកម្ពុជាមកកាន់សុខសន្តិភាព និង ការអភិវឌ្ឍលើគ្រប់វិស័យ
និង ការដែលសម្តេចតេជោនាយករដ្ឋមន្ត្រីបានរួមចំណែកបង្កើតទីផ្សារការងារជួយដល់ជនពិការនោះ។
កញ្ញា សុង កុសល ថ្លែងថា
បើទោះបីជាមកដល់ពេលនេះកម្ពុជាមានសុខសន្តិភាពយ៉ាងពេញ លេញក៏ដោយ
ប៉ុន្តែគ្រាប់មីន និង គ្រាប់មិនទាន់ផ្ទុះនៅតែមាននៅឡើយក្នុងប្រទេសកម្ពុជា
ដែលតាម រយៈនេះប្រតិភូទាំងមូលស្នើសុំសម្តេចតេជោនាយករដ្ឋមន្ត្រីបន្តជួយជំរុញក្នុងការដោះ
និងបោសំអាត មីន និង គ្រាប់មិនទាន់ផ្ទុះ ពិសេសជួយដល់ជនពិការកម្ពុជា
ដើម្បីជាការលើកទឹកចិត្តដល់ជនពិការ
មានទឹកចិត្តកាន់តេខ្លាំងឡើងក្នុងការរួមចំណែកអភិវឌ្ឍប្រទេសចាតិនោះ។
ឯកឧត្តមជំនួយការឲ្យដឹងថា
នៅក្នុងឱកាសនោះ សម្តេចតេជោបានស្វាគមន៍ចំពោះការលើកឡើងពី
សំណាក់គណៈប្រតិភូជនពិការ និង បានមានប្រសាសន៍បញ្ជាក់ឲ្យដឹងថា
កន្លងមកអង្គការសហប្រជាជាតិបានដាក់ចេញនូវ គោលដៅអភិវឌ្ឍសហស្សវត្សរ៍៨ចំណុច
ប៉ុន្តែសំរាប់កម្ពុជាបានដាក់ចេញនូវគោលដៅអភិវឌ្ឍន៍ ៩ ចំណុច ដែលចំណុចទី
៩ នោះគឺការបូកបញ្ចូលនូវបញ្ហាគ្រាប់មីន និង គ្រាប់មិនទាន់ផ្ទុះចូលទៅក្នុង
គោលដៅនោះ ។ ការដាក់បញ្ចូលចំណុចទី ៩ នោះគឺទី ១
ដើម្បីដោះស្រាយបញ្ហាគ្រាប់មិនទាន់ផ្ទុះ និង គ្រាប់មីន និងទី២ គឺដើម្បីដោះស្រាយពីជីវភាពរស់នៅរបស់ប្រជាពលរដ្ឋរងគ្រោះដោយសារមីន
និង គ្រាប់មិនទាន់ផ្ទុះនេះ។
សម្តេចតេជោមានប្រសាសន៍ថា រាជរដ្ឋាភិបាលកម្ពុជា
ពិសេសគឺរូបសម្តេចផ្ទាល់តែម្តងតែងតែផ្តល់សារហាមជៀសវាងការប្រមាថដល់ជនពិការ
ពិសេសរាជរដ្ឋាភិបាលបាន កសាងប្រពន្ធ័ច្បាប់ និង ទទួលស្គាល់រាល់សិទ្ធិទាំងឡាយរបស់ជនពិការក្នុង
នោះរួមទាំងការកសាង ផ្ទះសំបែង ផ្តល់ដីចំការ មន្ទីរពេទ្យ និង អ្វីផ្សេងៗទៀត ដើម្បីជួយលើកទឹកចិត្តដល់ជនពិការជួយដល់បុត្រធិតារបស់ជនពិការ
និង ជាងនេះទៅទៀតរាជរដ្ឋាភិបាល បានដាក់ច្បាប់ដល់គ្រប់ស្ថាប័នរបស់រដ្ឋ
ត្រូវតែទទួលជនពិការឲ្យចូលបំរើការងារចំនួន២% និង ផ្នែកឯកជនចំនួន ១%
ផងដែរ៕