លោកជំទាវ Helen Clark
នាយិកាកម្មវិធីអភិវឌ្ឈអង្គការសហប្រជាជាតិ(UNDP)មានប្រសាសន៍ ជម្រាបជូនសម្តេចអគ្គមហាសេនាបតីតេជោ ហ៊ុន សែន ថា មន្ត្រីនាយកដ្ឋានខាង
នយោបាយរបស់ UNDP
ដែលកំពុងតែធ្វើទស្សនកិច្ចនៅកម្ពុជានោះនឹងធ្វើការវាយតំលៃក្នុង
ការជួយដល់ដំណើរការបោះឆ្នោតរបស់ប្រទេសកម្ពុជានៅពេលខាងមុខជាមិនខាន។
ឯកឧត្តម អ៊ាង សុផល្លែត ជំនួយការរបស់សម្តេចតេជោនាយករដ្ឋមន្ត្រី
ឲ្យដឹងថា នៅពេលទទួលជួបពិភាក្សាការងារជាមួយលោកជំទាវ Helen Clark នាយិកាកម្មវិធីអភិវឌ្ឈអង្គការសហប្រជាជាតិ(UNDP)
នៅវិមាន សន្តិភាព នារសៀលថ្ងៃទី ២៧ ខែវិច្ឆិកា ឆ្នាំ ២០១១ សម្តេចអគ្គមហាសេនាបតីតេជោ
ហ៊ុន សែន បាននូវអំណរ គុណដល់ប្រពន្ធ័របស់អង្គការសហប្រជាជាតិទាំងមូល
ដែលបានខិតខំប្រឹងប្រែងជួយដល់ប្រទេសកម្ពុជា។ នៅក្នុងពេលដែលព្រះរាជាណាចក្រកម្ពុជាត្រូវរៀបចំការបោះឆ្នោតព្រឹទ្ធសភា
នៅឆ្នាំ ២០១២ បោះឆ្នោតជ្រើស រើសក្រុមប្រឹក្សាឃុំ សង្កាត់ និង ឆ្នាំ ២០១៣
មានការបោះឆ្នោតសកលនាពេលខាងមុខ សម្តេចតេជោបានមានប្រសាសន៍ស្នើឲ្យ
UNDP បន្តជួយដើរតួនាទីជួយដល់កម្ពុជា ជាពិសេស ផ្តល់ថវិកា
សំរាប់ដំណើរការបោះឆ្នោតទាំងនោះ ព្រោះថាកម្ពុជាគឺជាប្រទេសមួយ
ដែលកំពុងតែដំណើរការអនុវត្តលទ្ធិប្រជាធិបតេយ្យសេរីពហុបក្សយ៉ាងល្អ។
ទាក់ទងទៅនឹងព្រះរាជាណាចក្រកម្ពុជា
ដែលកំពុងធ្វើជាម្ចាស់ផ្ទះនៃកិច្ចប្រជុំលើកទី១១ នៃរដ្ឋភាគីអនុសញ្ញាអូតាវ៉ា
លោកជំទាវ Helen Clark មានប្រសាសន៍វាយតម្លៃថា កម្មវិធីអភិវឌ្ឍសហស
វត្សរ៍របស់កម្ពុជា ដែលបានដាក់ការលុបបំបាត់ និង បំផ្លាញ់គ្រាប់មីន និង
គ្រាប់មិនទាន់ផ្ទុះ មានគោលដៅ និង មានសារៈសំខាន់ខ្លាំងណាស់
នៅក្នុងកម្មវិធីអភិវឌ្ឍន៍របស់អង្គការសហប្រជាជាតិ
ក៏ដូចជាកម្មវិធីអភិវឌ្ឍន៍របស់ប្រទេសកម្ពុជាផងដែរ។ លោកជំទាវ Helen Clark ក៏បានសំដែងនូវការវាយតំលៃខ្ពស់
និង កោតសរសើរចំពោះភាពរីកចំរើនរបស់ប្រទេសកម្ពុជា
ពិសេសការអនុវត្តប្រកបដោយជោគជ័យ ក្នុងការអនុវត្តន៍គោលការណ៍អភិវឌ្ឍសហស្សវត្ស
អង្គការសហប្រជាជាតិនោះ។
សម្តេចតេជោនាយករដ្ឋមន្ត្រីមានប្រសាសន៍ថា
ការបំផ្លាញចោលគ្រាប់មីន និង គ្រាប់ មិនទាន់ផ្ទុះគឺជាទិសដៅរយៈពេលវែងរបស់កម្ពុជា
ដែលរាល់ការសាងសង់ទាំងឡាយណា
របស់កម្ពុជាគឺសុទ្ធសឹងតែត្រូវការបោសសំអាតគ្រាប់មីន តាមរយៈនេះកម្ពុជាកំពុងតែបន្តដោះស្រាយលើបញ្ហាគ្រាប់មីននេះ
ឲ្យកាន់តែខ្លាំងឡើងថែមទៀត ពិសេសនៅក្នុងការចូលរួមចំ
ណែកពីប្រទេសផ្តល់ជំនួយ និង អង្គការកម្មវិធីអភិវឌ្ឍន៍អង្គការសហប្រជាជាតិផងដែរ។
កម្ពុជាកំពុងតែធ្វើការយ៉ាងសកម្មជាមួយ UNDP ទៅលើ គំរោងអភិវឌ្ឍន៍ដទៃទៀត
ជាពិសេសជាមួយនឹង ឯកឧត្តម ដូក្លាស ជាតំណាង UN នៅកម្ពុជា៕
