សម្តេចអគ្គមហាសេនាបតីតេជោ
ហ៊ុន សែន មានប្រសាសន៍ថា យើងត្រូវការការគាំទ្រ និង
ការរួមចំណែកយ៉ាងច្រើន ពីដៃគូអភិវឌ្ឍន៍ទាំងអស់សម្រាប់ដំណើរការកំណែទម្រង់ជំនាន់ទីពីរ
នៃ សហប្រតិបត្តិការកម្ពុជា ឡាវ មីយ៉ាន់ម៉ា និងវៀតណាម
ដើម្បីប្រែក្លាយតំបន់នេះឱ្យទៅជាតំបន់មាន ភាពរុងរឿង ស្ថិរភាព វិបុលភាព
ដែលនឹងផ្តល់ដល់ដៃគូអភិវឌ្ឍន៍ទាំងនោះវិញ នូវឱកាសវិនិយោគក្នុង
តំបន់ឤស៊ាន និងធ្វើការជាមួយគ្នាដើម្បីបង្កើត
បរិស្ថានធុរកិច្ចប្រកបដោយជីវភាពសម្រាប់ញណិជ្ជកម្ម
និងវិនិយោគរយៈពេលវែងនោះ។
ថ្លែងបើកសន្និសីទតំបន់ស្តីពីប្រទេសកម្ពុជា
ឡាវ មីយ៉ាន៉ម៉ា និង វៀតណាម(CLMV) និងសហគមន៍សេដ្ឋកិច្ចអាស៊ានឆ្នាំ ២០១៥
ក្រោមប្រធានបទ«ការកាត់បន្ថយគម្លាតអភិវឌ្ឍ» នៅក្នុងរាជធានីភ្នំពេញ នារសៀលថ្ងៃទី
២៨ ខែវិច្ឆិកា ឆ្នាំ ២០១១ សម្តេចតេជោនាយករដ្ឋមន្ត្រីមានប្រសាសន៍ថា
ខ្ញុំជឿថា នឹងពុំមានភាគីណាមួយខាតបង់ឡើយ ប៉ុន្តែផ្ទុយទៅវិញនឹងចំណេញពីសេរីភាវូបនីយកម្មសេដ្ឋកិច្ច
និង កិច្ចសហប្រតិបត្តិការផ្នែកនយោបាយ សន្តិសុខ វប្បធម៌ និង សុខភាពសង្គម
ការចែករំលែកព័ត៌មាន ការប្រយុទ្ធប្រឆាំងនឹងភេរវកម្ម
ក៏ដូចជាការទប់ទល់នឹងការគម្រាមកំហែង មិនមានលក្ខណៈប្រពៃណី
ដើម្បីរក្សាស្ថិរភាពសន្តិសុខ តំបន់។ សម្តេចតេជោថ្លែងថា
ប្រទេសកម្ពុជា ឡាវ មីយ៉ាន់ម៉ា និង វៀតណាម (CLMV) ដែលស្ថិត
នៅចំកណ្តាលតំបន់ឤស៊ីឤគ្នេយ៍ ដើរតួនាទីដ៏សំខាន់សម្រាប់
ភូមិសាស្ត្រនយោបាយនិងសេដ្ឋកិច្ច និង វិបុលភាពរួមរបស់តំបន់ឤស៊ីឤគ្នេយ៍ ។
ប្រទេស CLMV សំបូរទៅ ដោយធនធានធម្មជាតិ និង មានប្រជាជនប្រហែល ១៦០ លាន នាក់
ដែលជាសក្តានុពលដ៏ធំសម្រាប់កាលានុវត្តទីផ្សារ និង សេដ្ឋកិច្ច ។
សម្តេចតេជោមានប្រសាសន៍ឲ្យដឹងថា
ជាកិត្តិយសមួយ ដែលកម្ពុជាបានធ្វើជាម្ចាស់ផ្ទះ នៃកិច្ចប្រជុំ កំពូល
នៃកិច្ចសហប្រតិបត្តិការប្រទេស មហាអនុតំបន់ទន្លេមេគង្គលើកទី ១ កាលពីខែ
វិច្ឆិកា ឆ្នាំ ២០០២ ដោយជួនគ្នានឹងកិច្ចប្រជុំកំពូលឤស៊ានលើកទី ៨
នៅពេលជាមួយគ្នានោះដែរ។ កិច្ចប្រជុំ
កំពូលពេលនោះស្នើបង្កើតរបៀងសេដ្ឋកិច្ចនៃមហាអនុតំបន់ទន្លេមេគង្គ
ដោយផ្អែកលើមូលដ្ឋានទាំង ផ្នែករឹង និងទន់ ។ ផ្នែករឹងមានហេដ្ឋារចនាសម្ព័ន្ធឆ្លងព្រំដែនដូចជាផ្លូវ
ទូរគមនាគមន៍ និងថាមពល ដែលផ្នែកទន់មានគោលនយោបាយអនុតំបន់នានា
ច្បាប់គតិយុត្ត និងយុទ្ធសាស្ត្រ សម្រាប់ជួយការ ធ្វើដំណើរ ការដឹកជញ្ជូន
ញណិជ្ជកម្ម វិនិយោគ ព័ត៌មាន និងអភិវឌ្ឍន៍ធនធានមនុស្ស។ គោលបំណងយុទ្ធសាស្ត្ររបស់កិច្ចសហប្រតិបត្តិការមហាអនុតំបន់ទន្លេមេគង្គ
គឺទាក់ទាញ វិនិយោគ
និងប្រែក្លាយសេដ្ឋកិច្ចអនុតំបន់នេះឱ្យទៅជាទីផ្សារធំទូលាយ
មានការរីកចម្រើនយ៉ាងឆាប់ រហ័ស មានអ្នកប្រើប្រាស់ សរុបជិត ៣០០
លាននាក់ដែលទទួលផលពីវិបុលភាព និងសន្តិភាព
ដែលខ្ញុំសូមកោតសរសើរធនាគារអភិវឌ្ឍន៍ ឤស៊ី ដែលដើរតួនាទីយ៉ាងសកម្ម និង
ផ្តល់ជំនួយគាំទ្រ គម្រោងធំៗមួយចំនួនសំដៅចម្រាញ់យកសក្តានុពល
សេដ្ឋកិច្ចនៃតំបន់មេគង្គ ។
ទាក់ទងនឹងប្រធានបទ «តើការបង្កើតសហគមន៍សេដ្ឋកិច្ចឤស៊ានឤចរួមចំណែកដល់ការកាត់បន្ថយ
គម្លាតអភិវឌ្ឍន៍ រវាងប្រទេសកម្ពុជា វៀតណាម ឡាវ និងមីយ៉ាន់ម៉ា និង
សមាជិកឤស៊ាន ចាស់ដោយរបៀបណា»នោះ សម្តេចតេជោនាយករដ្ឋមន្ត្រីនៃព្រះរាជាណាចក្រកម្ពុជាមានប្រសាសន៍ថា
ចំណុច គន្លឹះសំខាន់ពីរ
គឺការកសាងសហគមន៍សេដ្ឋកិច្ចឤស៊ាន និង ការកាត់បន្ថយគម្លាតអភិវឌ្ឍន៍
ដែលគួរតែត្រូវបំពេញ និង ពង្រឹងគ្នាទៅវិញទៅមក ។ សម្តេចតេជោថ្លែងថា ខ្ញុំជឿជាក់ថា ការអភិវឌ្ឍតំបន់មេគង្គ
មិនមែនត្រឹមតែ ជាប្រយោជន៍នៃបណ្តាសមាជិកឤស៊ាន និង
ប្រទេសនៅតាមទន្លេមេគង្គប៉ុណ្ណោះទេ ប៉ុន្តែក៏ជាប្រយោជន៍សម្រាប់ ភាគីពាក់ព័ន្ធទាំងអស់ដែលនឹង
ឤចទាញចំណេញពីការអភិវឌ្ឍតំបន់មេគង្គនេះ។ ខ្ញុំមានជំនឿយ៉ាងមុតមាំថា
គំនិតផ្តួចផ្តើមកិច្ចសហប្រតិបត្តិការទាំងនេះនឹងជួយយើងពង្រឹងការខិតខំរួម
ដើម្បីសម្រួលញណិជ្ជកម្ម និង កាត់បន្ថយរបាំងមិនមែនពន្ធគយ កែលម្អការតភ្ជាប់ផ្នែកដឹកជញ្ជូន
កែលម្អប៉ុស្តិ៍ត្រួតពិនិត្យតាមព្រំដែន និងបង្កើន
កិច្ចសហប្រតិបត្តិការថែមមួយកម្រិតទៀតតាមរយៈញណិជ្ជកម្ម
និងវិនិយោគក្នុងតំបន់ពង្រឹងភាពប្រកួតប្រជែង បង្កើតការងារបង្កើនចំណូល និង
កែលម្អជីវភាពរស់នៅរបស់ប្រជាជនក្នុងអនុតំបន់
ដែលភាគច្រើនជាសមាជិកថ្មីរបស់ ឤស៊ានហើយមានការអភិវឌ្ឍនៅទាបនៅឡើយ។
ក្នុងបរិបទនេះ យើងឤចមើលឃើញកត្តាប្រឈមទាន់ពេលវេលា និង
រួមគ្នារិះរកវិធានការដើម្បីជំនះកត្តាទាំងនេះ។ខ្ញុំមានជំនឿថា
បទពិសោធន៍ពីអតីតកាល បានបង្រៀន យើងអំពីផលវិបាកនៃកង្វះកិច្ចសហប្រតិបត្តិការរវាងប្រទេសក្នុងតំបន់
ដែលធ្វើឱ្យយើងងាយទទួលរងគ្រោះពីវិបត្តិខាងក្រៅ និង
ងាយជាប់ផុងជ្រៅក្នុងអន្លុងនៃភាពក្រីក្រដូច្នេះមេរៀននេះ គឺតម្រូវឱ្យយើងសហការគ្នាដើម្បីបង្កើតកន
សមាហរណកម្ម និងភាពធន់តាមរយៈការអភិវឌ្ឍក្នុងតំបន់របស់យើង។
«ខ្ញុំសូមបញ្ជាក់ថា
សមាហរណកម្មសេដ្ឋកិច្ច គឺមាន សារៈសំខាន់ណាស់ និងមិនឤចខ្វះបាន មិនត្រឹមតែ ដើម្បីជម្រុញកិច្ចដំណើការ
ដូចជាសមាហរណកម្មទីផ្សារ និងការជម្រុញលំហូរ ដោយសេរីនូវទំនិញ សេវាកម្ម
និងកត្តាផលិតកម្ម ទាមទារឱ្យមានការសម្រប សម្រួលគោលនយោបាយ មូលធន
ការកែទម្រង់ស្ថាប័នប៉ុណ្ណោះទេ ប៉ុន្តែត្រូវគោរពយុត្តាធិការ និង
អធិបតេយ្យភាពជាតិរបស់ប្រទេសសមាជិកនីមួយៗផងដែរ» នេះជាអនុសាសន៍របស់សម្តេចអគ្គមហាសេនាបតីតេជោ ហ៊ុន សែន
នាយករដ្ឋមន្រ្តីនៃព្រះរាជាណាចក្រកម្ពុជា៕