ក្រុមយុវជនអាស៊ាន ចូលរួមប្រលងប្រជែងសមត្ថភាព ថ្ងៃសុក្រ ទី៣សីហា ឆ្នាំ២០១២ នៅសាលសន្និសីទចតុមុខ ក្នុងរាជធានីភ្នំពេញ
ការប្រកួតប្រជែង តំបន់អាស៊ាន លើកទី៥ " 5th ASEAN Quiz Regional Competition" ដែលជាការប្រឡងសមត្ថភាពយុវជនអាស៊ាន មកពី ១០ ប្រទេស ពាក់ព័ន្ធនឹងបញ្ហាទាំងឡាយរបស់អាស៊ាន បានធ្វើឡើង នៅសាលសន្និសីទចតុមុខ រាជធានីភ្នំពេញ នាព្រឹកថ្ងៃទី៣ ខែសីហា ឆ្នាំ២០១២។ ពិធីនោះ មានការចូលរួមពីសណាក់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន។ កម្ពុជាមានយុវជន ៣ រូប ចូលរួមប្រឡងប្រជែងជាមួយនឹងយុវជនមកពីប្រទេសសមាជិកអាស៊ានផ្សេងទៀត។
ចំណែកប្រទេសសមាជិកអាស៊ាន ៩ ផ្សេងទៀត ក៏បានបញ្ជូនយុវជន ៣ រូប ក្នុងមួយប្រទេស ដើម្បីចូលរួមការប្រឡងប្រជែងនាពេលនេះផងដែរ។
សូមបញ្ជាក់ថា ប្រទេសកម្ពុជា បានចូលជាសមជិកភាពរបស់អាស៊ាន នៅថ្ងៃទី៣០ ខែមេសា ឆ្នាំ១៩៩៩។ កម្ពុជា គឺជាសមាជិកទី១០ ដែលជាកូនពៅរបស់អាស៊ាន។ នៅឆ្នាំ២០១២នេះ កម្ពុជា ជាប្រធានអាស៊ាន៕