កំពង់ចាម ៖ សម្ដេចតេជោហ៊ុន សែន បានធ្វើការព្រមានចាត់វិធានការតាមផ្លូវច្បាប់ចំពោះលោកឧត្ដមសេនីយ៍ឯក ឌឿន សុវណ្ណ មន្រ្តីនគរបាលជាតិជាន់ខ្ពស់ដែលពាក់ព័ន្ធនឹងបញ្ហាដីធ្លី។
ថ្លែងក្នុងពិធីប្រគល់ប័ណ្ណកម្មសិទ្ធិដីធ្លីនៅស្រុកស្ទឹងត្រង់ ខេត្តកំពង់ចាម កាលពីព្រឹកថ្ងៃទី១៣ ខែតុលា ឆ្នាំ២០១២នេះ សម្ដេចតេជោបានព្រមានឲ្យចាត់ការតាមផ្លូវច្បាប់ចំពោះលោកឧត្ដមសេនីយ៍ឯក ឌឿន សុវណ្ណ ដែលពាក់ព័ន្ធនឹងការគំរាមអាជ្ញាធរឲ្យបញ្ជាយុវជនស្ម័គ្រចិត្តចុះវាស់វែងដីធ្លីឲ្យរូបគេនៅស្រុកវាលវែង កាលពីពេលកន្លងមក។
សម្ដេចតេជោថ្លែងបន្តថា សម្ដេចបានស្នើទៅព្រះមហាក្សត្រដកតំណែងលោកឧត្ដមសេនីយ៍ឯករូបនោះ និងបានប្រាប់លោកទេសរដ្ឋមន្រ្តីអ៊ឹម ឈុនលឹម និងក្រុមអ្នកច្បាប់ពិនិត្យមាត្រាច្បាប់ដើម្បីចាត់ការចំពោះឧត្ដមសេនីយ៍ឯកឌឿន សុវណ្ណ ដែលលូកលាន់ក្នុងបញ្ហាដីធ្លី៕
ស្នាយពល