នៅពេលដែលព្រះអង្គ ព្រះមហាវីរៈក្សត្រនៅមានព្រះជន្ម ព្រះអង្គបានធ្វើព្រះរាជសារច្រើនដងជាព្រះរាជបណ្តាំទាក់ទងនឹងការរៀបចំពិធីក្រោយពេលដែលព្រះអង្គសោយទិវង្គត។ ព្រះរាជបណ្តាំដែលព្រះអង្គបានដាក់ផ្សាយជាសាធារណៈក្នុងគេហទំព័ររបស់ព្រះអង្គនោះ គឺការបូជា។
ព្រះរាជសាចុងក្រោយមានខ្លឹមសារដូចតទៅ៖ ព្រះរាជសារមាន៣ចំណុចដែលព្រះអង្គមានព្រះរាជសំណេរខ្លី។
ទីមួយគឺព្រះអង្គបញ្ជាក់លុបចោល ព្រះរាជបណ្តាំមុនៗដែលព្រះអង្គធ្លាប់មានព្រះរាជបន្ទូលថា មិនអោយគេបូជាព្រះសពរបស់ព្រះអង្គ។
ទី២ បើយោងតាមព្រះរាជសំណេររបស់ព្រះអង្គ នៅពេលដែលព្រះអង្គសោយទិវង្គត ព្រះអង្គផ្តាំអោយមានការរៀបចំពិធីបូជាព្រះសពរបស់ព្រះអង្គនៅលើវាលមេរុ ទៅតាមប្រពៃណីសាសនាខ្មែរ។
ទី៣ មួយថ្ងៃបន្ទាប់ពីពិធីបូជាព្រះសព សម្តេចឪនរោត្តម សីហនុបានមានព្រះរាជបន្ទូលអោយដឹងថា អដ្ឋិធាតុរបស់ព្រះអង្គនឹងត្រូវលាងសម្អាតហើយដាក់នៅក្នុងកោដ្ឋមួយ ជាកោដ្ឋធ្វើអំពីមាសក៏បាន ឬកោដ្ឋធម្មតាក៏បាន។ កោដ្ឋនោះត្រូវយកទៅតម្កល់នៅក្នុងចេតិយគន្ធបុប្ជានៅក្នុងព្រះវិហារព្រះកែវមរកតក្នុងព្រះបរមរាជវាំង។
សម្តេចឪនរោត្តម សីហនុក៏បានមានព្រះរាជឱង្កាបញ្ជាក់ផងដែរថា នៅពេលដែលសម្តេចម៉ែសោយទិវង្គតព្រះអង្គសូមអោយគេរៀបចំធ្វើដូចគ្នាដូចករណីរបស់ព្រះអង្គដែរ៕