ពិធីបញ្ចុះបឋមសិលាសង់អគា៥ខ្នងផ្ទះ៤ខ្នងសំរាប់ប្រជាជនខ្មែរឥស្លាមក្រីក្រ អណ្តូងទឹកស្អាតចំនួន៣ ដែលជាអំណោយរបស់សហគមន៍សម្របសម្រួលសង្គមគុយវែត សហការជាមួយសមាគមសម្បុរសធម៌ដើម្បីអភិវឌ្ឍកម្ពុជា ត្រូវបានធ្វើឡើងនៅក្នុងភូមិត្រពាំងលើឃុំ ស្មោង ស្រុកទ្រាំង ខេត្តតាកែវ ក្រោមអធិបតីភាពឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តីរដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី កាលពីព្រឹកថ្ងៃទី២២ ខែកញ្ញា ឆ្នាំ២០១២។
ជាមួយនិងការថ្លែងអំណរគុណចំពោះរដ្ឋាភិបាលនិងប្រជាជនគុយវែតដែលផ្តល់ការគាំទ្រដល់ការអភិវឌ្ឍនៅប្រទេសកម្ពុជា និងការវាយតម្លែចំពោះអំណោយថានឹងជួយរួមចំណែកដល់ការកសាង ធនធានមនុស្ស និងការកាត់បន្ថយភាពក្រីក្រ នៅកម្ពុជា ឯកឧត្តម បណ្ឌិត សុខ អានបានមានប្រសាសន៍ថាក្រោម ការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រ កម្ពុជាយើងជាប្រជាពលរដ្ឋខ្មែរ មានមោទនភាពចំពោះនយោបាយឈ្នះឈ្នះរបស់ ហ៊ុន សែនដែលធ្វើឱ្យមានតុភូមិយើងទទួលបានសន្តិភាពពេញបរិបូណ៌ ដែលជាមូលដ្ឋានគ្រឹះស ម្រាប់ការអភិវឌ្ឍសេដ្ឋកិច្ចសង្គម។លើសពីនេះទៀតប្រជាជនយើងមិនដែលមានជម្លោះឬអំពើហឹង្សាដែលពាក់ព័ន្ធនឹងសាសនាដែរពីព្រោះប្រជាពលរដ្ឋយើងប្រកាន់ខ្ជាប់នូវវប្បធម៌សន្តិភាព មិត្តភាព ភាតរភាព។
ឯកឧត្តម បណ្ឌិត សុខ អានបានមានប្រសាសន៍ថា ពិធីបញ្ចុះបឋមសិលានេះ ជាសក្ខីភាពបញ្ជាក់អំពីស្មារតីសាមគ្គីភាពទឹកចិត្តស្រលាញ់រាប់អាននិងការ គោរពឱ្យតម្លែនិងជួយគ្នាទៅវិញទៅមក ដោយមិនប្រកាន់រើសអើងជំនឿសាសនាឡើយ។ព្រឹត្តិការ ណ៍នេះក៏ឆ្លុះបញ្ចាំងអំពីសេរីភាពក្នុងការគោរពប្រ តិបត្តិតាមជំរឿសាសនារៀងខ្លួននៅក្នុងព្រះរាជាណាចក្រ កម្ពុជា ផងដែរ។
ជាក់ស្តែងបងប្អូនខ្មែរឥស្លាមទាំងអស់សុទ្ធតែមានសិទ្ធិសេរីភាពពេញលេញក្នុងការគោរពប្រតិបត្តិតាមជមនឿសាសនារបស់ខ្លួនដូចជាសិទ្ធិគ្របក្បាលតាមប្រពៃណីសាសនាឥស្លាមនៅតាមទីសាធារណៈសិទ្ធិថ្វាយបង្គំគ្រប់ទីកន្លែង សិទ្ធិប្រារព្ធពិធីសូត្រគម្ពីរគូរអានជាលក្ខណៈជាតិនិងអន្តរជាតិ និង សិទ្ធិប្រាប់រព្ធពិធីបុណ្យទានផ្សេងៗតាមប្រពៃណីសាសនាឥស្លាម។
រាជរដ្ឋាភិបាលបើកទូលាយឱ្យបងប្អូនខ្មែរឥស្លាមអាចកសាងហេដ្ឋារចនាសម្ព័ន្ធរូបវន្តនានា ដើម្បីទ្រទ្រង់ជីវភាពសង្គម និងផ្តល់នូវភាពងាយស្រួលក្នុងការគោរពប្រតិបត្តិតាមជំនឿសាសនារបស់ខ្លួន ក៏ដូចជាការសិក្សារៀនសូត្រ។
ដោយឡែកឯកឧត្តម ឌៀរ៉ា ណាសៀអាប់ឌុល ទូវ៉ាច់រីឯកអគ្គរាជទូតរដ្ឋគុយវែតប្រចាំព្រះរាជាណាចក្រ កម្ពុជា ដែលបានអញ្ជើញចូលរួមក្នុងពិធីនោះ ដែរបានឱ្យដឹងថា ចាប់តាំងពីឆ្នាំ២០០៧ មក ប្រជាជនគុយវែតតាមរយះសហគមន៍សម្របសម្រួល សង្គមគុយវែតបានជួយផ្តល់ថវិការគាំទ្រនិងកសាងសមិទ្ធិ ផលនានានៅព្រះរាជាចក្រកម្ពុជាមានទឹកប្រាក់សរុប ប្រមាណ៦លានដុល្លាអាមេរិក។
ឯកឧត្តម ឯកអគ្គរាជទូត គុយវែតប្រចាំ កម្ពុជាបានកោតសរសើរចំពោះរាជរដ្ឋាភិបាលកម្ពុជាថា ដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្តនៃព្រះរាជាចក្រ កម្ពុជាក្នុងការធ្វើឱ្យប្រទេសមានសុខសន្តិភាព ពិសេសគឺការបើកឱ្យមានសេរីភាពខាងជំនឿសាសនាដោយមិនមានការរើសអើង។
លោក ណាតមូហាម៉ាត់ ហ្វូអាត តំណាងសហគន៍មសម្របសម្រួលសង្គមរដ្ឋគុយវែត បានមានប្រសា ស៍ឱ្យដឹងថា ក្រៅពីការសង់អគារសិក្សាឥស្លាម សង់ផ្ទះ សហគមមានគម្រោង២ ទៀតគឺការផ្តល់ មេ គោចញ្ចឹមយកកូនគោ ,ជួយទូកនេសាទថ្មី ម៉ូតូឌុប និងគម្រោងសម្រាបជួយដល់និស្សិត និងសិស្សក្រីក្រ ដែលមានថវិកសរុប ១១៦ ៨០០ដុល្លាអាមេរិក៕