ក្នុងពិធីចែកប័ណ្ណកម្មសិទ្ធិដីធ្លី៣ប្រភេទលើកដំបូង ជាប្រវត្តិ សាស្រ្តជូនប្រជាពលរដ្ឋនៅឃុំស្រែចារ និងឃុំ ២ ធ្នូ ក្នុងស្រុកស្នួល ខេត្តក្រចេះ នាព្រឹកថ្ងៃទី ២១ ខែកញ្ញា២០១២សម្តេចអគ្គមហាសេនាបតីតេជោ ហ៊ុន សែនដែលចាត់ទុកពិធីនេះជាសិក្ខាសាលាដ៏ធំមួយនៅមូលដ្ឋានបានរកឃើញអាទិភាព៤យ៉ាងសម្រាប់រាជរដ្ឋាភិបាលសម្តេចអនុវត្តន៍គឺ ការកសាងផ្លូវគមនាគមន៍ អគាសិក្សា មណ្ឌុលសុខភាព និង ទឹកស្អាតជួនប្រជាពលរដ្ឋនៅតំបន់ដាច់ស្រយ៉ាលដែលទទួលបានប័ណ្ណកម្មសិទ្ធិដីធ្លី ក្នុងសកម្មភាពថ្មីនៃនយោបាយចាស់របស់រាជរដ្ឋាភិបាល ។
ដោយមានលោកជំទាវកិត្តិព្រឹទ្ធ បណ្ឌិត ប៊ុន រ៉ានីអមដំណើរ រួមជាមួយថ្នាក់ដឹក នាំជាន់ខ្ពស់នៃរាជរដ្ឋាភិបាលកម្ពុជាផងនោះ សម្តេចតេជោមានប្រសាសន៍ ថា ថ្ងៃនេះយើងមិន គ្រាន់តែជួបគ្នាដើម្បីប្រគល់ជូននូវប្លង់ដីកម្ម សិទ្ធិសម្រាប់ប្រជាពលរដ្ឋតែប៉ុណ្ណោះ ទេ ប៉ុន្តែយើងបាន ធ្វើសិក្ខាសាលាមួយដោយគ្រាន់តែយើងមិនប្រើប្រាស់សិក្ខាសាលា បែបនេះនៅទីក្រុងភ្នំពេញ ក្នុងសណ្ឋាគារ ប៉ុន្តែ យើងមកស្វែងយល់នូវទិដ្ឋភាពពិតនៅតាមមូលដ្ឋានរស់នៅរបស់ប្រជាពលរដ្ឋ។
សម្តេចតេជោនាយករដ្ឋមន្រ្តីមានប្រសាសន៍ថា គណបក្សប្រជាជនកម្ពុជាក៏ដូចជារាជរដ្ឋាភិបាល កម្ពុជាមានគោលនយោបាយដីធ្លីច្បាស់ លាស់ហើយបានអនុវត្តជាយូរយាណាស់មកហើយ ដោយបានធ្វើសកម្មភាពជាក់ស្តែង មិនមែនត្រឹមតែនិយាយតែក្នុងសិក្ខាសាលាក្នុង ម៉ាស៊ីនត្រជាក់ នោះទេ។ សម្តេចតេជោបញ្ជាក់ថា បញ្ហានេះមិនមែនជាបញ្ហារឿងថ្មីរបស់រាជរដ្ឋា ភិបាល និង គណបក្សប្រជាជនកម្ពុជានិង សម្រាប់រូបសម្តេចនោះទេ ដោយហេតុនេះហើយទើបបាន ជាសម្តេច ប្រើពាក្យថា នយោបាយចាស់សកម្មភាពថ្មីលើវិស័យ ដីធ្លីនៅពេល នេះ។ទាក់ទងនិ
ងបញ្ហាបែងចែកដីធ្លីជូនប្រជាពលរដ្ឋនេះសម្តេចតេជោនាយករដ្ឋមន្រ្តីមានប្រសាសន៍ឱ្យដឹងថា លើកនេះគឺជាលើកទី ៤ នៃការដោះស្រាយដីធ្លីជូនប្រជាជន ក្នុងនោះលើកទី ១ បានផ្តល់ដីធ្លីជូន ប្រជាជនក្រោយថ្ងៃរំដោះ ៧ មករាឆ្នាំ ១៩៧៩ ។លើកទី ២ នៅឆ្នាំ ១៩៩០ ដល់ឆ្នាំ ១៩៩៣ ក្នុងការផ្តល់ដីធ្លីជូនប្រជាពលរដ្ឋធ្វើ មាតុភូមិនិ វត្តន៍ពីតំបន់ព្រំដែន។ លើកទី ៣ ការផ្តល់ដីជូន បន្ទាប់ពីការធ្វើសមាហរណកម្មរួចហើយទាំងនៅតំបន់អតីតខ្មែរក្រហមក៏បានទទួលដីធ្លី និងនៅ ពេលនេះគឺជាលើកទី ៤ ដែលបានផ្តល់នៅពេលនេះតែម្តង។
សម្តេចតេជោមានប្រសាសន៍ទៅ កាន់ប្រជាជននៅ ក្នុងពិធីនោះ ដោយបញ្ជាក់ថា ពេលនេះគណ បក្សប្រជាជនកម្ពុជាគ្មានពេលវេលាក្នុងការ ចូលរួមសិក្ខាសាលាណាមួយនៅតាមសណ្ឋាគារ ដែលរៀបចំដោយ អង្គការក្រៅរដ្ឋាភិបាលណាមួយឡើយ ពីព្រោះ ពេលនេះគណបក្សប្រជាជនកម្ពុជាកំពុងតែចូលរួមយ៉ាងសស្រោកសស្រាំចុះអនុវត្តន៍ ដោយ ផ្ទាល់ក្នុងការចុះវាស់វែងដីធ្លី ជូនប្រជាពលរដ្ឋយ៉ាងពិតប្រាកដ។នៅក្នុងការប្រាស្រ័យដោយផ្ទាល់់ជាមួយក្រុមនិស្សិតស្មគ្រចិត្ត និងប្រជាពលរដ្ឋអស់រយះពេលជាង៣ម៉ោងដែលត្រូវបានចាត់ទុកថាជា សិក្ខាសាលាដ៏មានសារៈសំខាន់នោះអ្វីដែលត្រូវ បានរំលេចនាពេលនោះ គឺការដោះស្រាយភ្លាមៗ ការលំបាក និងភាពងាយស្រួល សម្រាប់់ក្រុមនិស្សិតក្រុមនិស្សិតស្ម័គ្រចិត្តចុះវាស់វែងដីធ្លី ព្រមទាំងរកឃើញនូវទស្សនវិស័យអំពីលទ្ធភាព ដែលអាចបង្កើតជាទីប្រជុំជននៅតំបន់មួយចំនួនដែលមានប្រជាជនទទួលបានកម្មសិទ្ទិដីធ្លីនៅក្នុងសកម្មភាពថ្មីនៃការអនុវត្តន៍នយោបាយចាស់ របស់សម្តេច។
សម្តេចតេជោនាយករដ្ឋមន្រ្តីមានប្រសាសន៍បញ្ជាក់ថា នេះគឺជាការគោះជួងដំបូងនៃការអនុវត្តគោល នយោបាយចាស់’សកម្មភាពថ្មីលើវិស័យដីធ្លី ដែលបានវាស់វែងរួចរាល់ហើយ ចែកជូនដល់ប្រជា ពលរដ្ឋដែលមិនធ្លាប់់មានពីមុនមក នៅស្រុកស្នូល ខេត្តក្រចេះ និងកន្លែងដទែទៀតនៅពេល ក្រោយៗជាបន្តទៀត។ សម្តេចតេជោថ្លែងថា បន្ទាប់ ពីការវាស់វែងដោះ ស្រាយដីធ្លីជូនប្រជាពលរដ្ឋ យើងនឹងបន្តដោះស្រាយលើបញ្ហាជា អាទិភាពចំនួន ៤ ជូនប្រជាពលរដ្ឋនៅតាមតំនបន់ ដែលមានការ ដោះស្រាយដីជូនប្រជាពលរដ្ឋក្នុងនោះរួមមាន ការកសាង ផ្លូវគមនាគមន៍ អគារសិក្សា មណ្ឌលសុខភាព និងទឹកស្អាត ហើយដែលកិច្ច ការទាំងនោះត្រូវបានគួសវាសនៅក្នុងកម្មវិធី នយោបាយរបស់រាជរដ្ឋាភិបាលសំរាប់ដំណាក់កាលជាបន្តបន្ទាប់ទៀត។
សម្តេចតេជោមានប្រសាសន៍បន្តថា ថ្ងៃនេះយើងធ្វើការផ្តល់ដីជូនប្រជាពលរដ្ឋចំនួន ៥៦០ គ្រួសារ លើក្បាលដីទំហំ ៨៩០ ក្បាលដី មិន មានន័យថាយើងបានបញ្ចប់នូវការ ចុះវាស់វែងដី ជូនប្រជាពលរដ្ឋនោះទេ គឺយើងនៅតែបន្តការចុះវាស់វែង ជាបន្តទៀត ប្រសិនបើការវាស់វែង មិនទាន់ត្រូវបានបញ្ចប់សម្តេចក៏មានមានការដកថយនោះដែរ។សម្តេចតេជោបានមានប្រសាសន៍ឱ្យដឹងថាអ្វីដែលមិនមាន ការវាស់វែងបាន គឺលើដីដែលមាន ទំនាស់និងមានវិវាទរវាងប្រជាជន និងប្រជាជន និងករណីដីដែលប្រជាជនទៅ កាប់ទន្រ្ទានថ្មីតែប៉ុណ្ណោះ។
សម្តេចតេជោមានប្រសាសន៍បន្តថា រាជរដ្ឋាភិបាលបានយល់យ៉ាងច្បាស់ ពីភាពចាំបាច់របស់ប្រជាពលរដ្ឋយើង បានត្រៀមទុកដីសម្ប ទានទុកជូនប្រជាពលរដ្ឋដែល ខ្វះដីពិតប្រាកដ យើងនឹងផ្តល់ជូនប្រជាពលរដ្ឋនូវដីសម្បទានសង្គមកិច្ច ដែលរដ្ឋបានត្រៀម បំរ៉ុងទុក។
សម្តេចតេជោក៏បានអំពាវនាវដល់ប្រជាពលរដ្ឋនៅទូទាំងប្រទេសកុំមានការព្រួយបារម្ភ ដោយសម្តេចចាត់ទុកថា វាគឺគ្រាន់តែជាបញ្ហា ពេលវេលាតែប៉ុណ្ណោះ ដែលយើងចាំបាច់ត្រូវតែបន្ត ដំណើរការនោះជាបន្តទៅទៀត។
ឯកឧត្តម ស ចំរ៉ុង អភិ បាលខេត្តក្រចេះឲ្យដឹងថា ក្នុងការអនុវត្ត គោលនយោបាយចាស់ សកម្មភាពថ្មីលើកំណែទំរង់ដីធ្លី ជាពិសេសបទបញ្ជាលេខ ០១ របស់ រាជ រដ្ឋាភិបាល និងអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន និងគោលការណ៍ណែនាំរបស់ក្រសួង រៀបចំដែនដីនគរូបនីយកម្ម និង សំណង់ខេត្តបានយកចិត្ត ទុកដាក់យ៉ាងពេញទំហឹង និងចាត់តាំងអនុវត្តន៍ជំរុញសម្របសម្រួល និង ដោះស្រាយការ លំបាកនានា ធានាឲ្យកិច្ចដំណើរការប្រព្រឹត្តិទៅដោយរលូន និងទទួលបានលទ្ធផលជាវិជ្ជមាន។ឯកឧត្តមអភិបាលខេត្តក្រចេះ បានឱ្យដឹងថា គិតត្រឹមថ្ងៃទី ១៩ កញ្ញាឆ្នាំ២០១២ការវាស់វែងសំរេចបានលទ្ធផលប្រកាសតំបន់វិន្និច្ឆ័យ១២ទីតាំង បំពេញ សាលបត្រ ១៨.៣៨៧គ្រួសារ បញ្ចូលឈ្មោះក្នុងស ម្រង់បញ្ជីឈ្មោះ១៣៦២៨គ្រួសារ ចំនួនគ្រួសារ មានក្បាលដី៩.៤៤៣គ្រួសារ វាស់វែងបាន១ម៉ឺន ៤ពាន់១៨៤ ក្បាលដី គូសក្បាលដីបាន ១ម៉ឺន១ពាន់ ៨៦៤ក្បាលដីស្មើ នឹង២ម៉ឺន៣ពាន់០៥៤ហិកតា និងបំពេញទម្រង់បែបបទទិន្និន័យ ក្បាលដីបាន ៨ពាន់៥២៦ច្បាប់៕