ដោយ ៖ មរតក
ភ្នំពេញ ៖ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី២៤ ខែកញ្ញា ឆ្នាំ២០១២ បាន យាងទៅកាន់សាធារណរដ្ឋសង្គមនិយមវៀតណាម ដើម្បីបំពេញទស្សនកិច្ចផ្លូវរដ្ឋចាប់ពីថ្ងៃទី២៤ដល់ថ្ងៃទី២៦ខែកញ្ញា ឆ្នាំ២០១២ តាមការអញ្ជើញរបស់ ប្រធានាធិបតីនៃប្រទេសវៀតណាម ។
យាងនិងអញ្ជើញជូនព្រះរាជដំណើរ ព្រះមហាក្សត្រ នៅព្រឹកថ្ងៃទី២៤ ខែកញ្ញា ឆ្នាំ២០១២ នាព្រលានយន្ដហោះអន្ដរ ជាតិ ភ្នំពេញគឺមានវត្ដព្រះរាជវង្សា នុវង្សសម្ដេចអគ្គមហាពញាចក្រី ហេង សំរិន ប្រធានរដ្ឋសភា, សម្ដេចអគ្គមហា សេនាបតីតេជោ ហ៊ុន សែន នាយករដ្ឋ មន្ដ្រី, មន្ដ្រីជាន់ខ្ពស់ព្រឹទ្ធសភា រដ្ឋសភា និងរាជរដ្ឋាភិបាល ព្រមទាំងឯកអគ្គរដ្ឋ ទូតនៃសាធារណរដ្ឋសង្គមនិយមវៀត ណាម ប្រចាំព្រះរាជាណាចក្រកម្ពុជា រួម ទាំងមន្ដ្រីអ្នកមុខ អ្នកការជាច្រើនរូបទៀត ។
ក្នុងឱកាសយាងបំពេញព្រះរាជ ទស្សនកិច្ចផ្លូវរដ្ឋនៅប្រទេសវៀតណាមនេះ ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហា ក្សត្រនៃព្រះរាជាណាចក្រកម្ពុជា បានសម្ដែងនូវសព្វព្រះរាជហឫទ័យចំពោះ ទំនាក់ទំនងដ៏ល្អនិងជិតស្និទ្ធមិត្ដភាព ជាប្រពៃ និងកិច្ចសហប្រតិបត្ដិការប្រកប ដោយផ្លែផ្កាដ៏ល្អបំផុតរវាងប្រទេសទាំង២ កម្ពុជា-វៀតណាម ៕
