ដោយ ៖ សុខ ខេមរា
ខេត្ដសៀមរាប ៖ វគ្គបណ្ដុះបណ្ដាលស្ដីពីការតាមដានត្រួតពិនិត្យនិងវាយតម្លៃ និងការកំណត់សូចនាកររបស់ ក្រសួងធនធានទឹក និងឧតុនិយម ដែល បានរៀបចំឡើងរួមគ្នាដោយក្រុមការងារ PFM ក្រសួង សហការជាមួយធនាគារ អភិវឌ្ឍន៍អាស៊ី(ADB Grant No.0222-CAM) ដោយមានការជួយគាំទ្រទាំង ស្មារតីនិងថវិការបស់(ADB)។ វគ្គបណ្ដុះ បណ្ដាលនេះមានមន្ដ្រីរាជការនៅតាម បណ្ដានាយកដ្ឋាន និងមន្ទីរធនធានទឹក និងឧតុនិយមខេត្ដ-រាជធានីសរុប៦៧នាក់ ។
គោលបំណងនៃបណ្ដុះបណ្ដាលនាថ្ងៃ នេះដើម្បីបង្កើនសមត្ថភាពដល់មន្ដ្រី រាជការឱ្យចេះតាមដានត្រួតពិនិត្យ និងវាយតម្លៃ និងការកំណត់សូចនាករ សម្រាប់រៀបចំផែនការយុទ្ធសាស្ដ្រថវិកា និងថវិកាតាមកម្មវិធី ដើម្បីឱ្យផែនការ ថវិកាឆ្លើយតបទៅនឹងតម្រូវការជាក់ ស្ដែងប្រចាំឆ្នាំឱ្យមានប្រសិទ្ធភាពសម្រាប់ អនុវត្ដការងារលើវិស័យធនធានទឹកនិង ឧតុនិយម នៅតាមមន្ទីរ ស្ថាប័នឱ្យទទួល បានជោគជ័យ ។ ឯកសារណែនាំស្ដីពីការ តាមដានត្រួតពិនិត្យនិងវាយតម្លៃរបស់ ក្រសួងធនធានទឹកនិងឧតុនិយម គឺជាត្រី វិស័យដ៍សំខាន់សម្រាប់ក្រសួង និង សម្រាប់ស្ថាប័នក្នុងវិស័យធនធានទឹក ដោយផ្ដោតទៅលើដំណើរការផង នីតិវិធី ដែលច្បាស់លាស់ផង និងឧបករណ៍ទម្រង់ ដែលបានកំណត់យ៉ាងច្បាស់ទាក់ទងទៅ នឹងការរៀបចំផែនការ ការរៀបចំថវិកា ការអនុវត្ដន៍សកម្មភាព ការតាមដាន និងវាយតម្លៃ ។ ទាំងនេះគឺដើម្បីឈាន ដល់តម្លាភាពការចំណាយសាធារណៈ សៀវភៅណែនាំស្ដីពីការតាមដាន និង វាយតម្លៃផ្ដល់ទម្រង់ដែលច្បាស់លាស់ ក្នុងសហប្រតិបត្ដិការរួមជាមួយទម្រង់ ដែលត្រូវបានប្រើប្រាស់ដោយក្រសួង សេដ្ឋកិច្ចនិងហិរញ្ញវត្ដុ ។
ដើម្បីសម្រេចបានជោគជ័យនៃកម្ម វិធីកែទម្រង់ការគ្រប់គ្រងហិរញ្ញវត្ថុ សាធារណៈ អស់លោក លោកស្រី យក ចិត្ដទុកដាក់ស្ដាប់គ្រូឧទ្ទេសនាម និង លើកឡើងនូវចំណុចខ្វះខាតចម្ងល់នានា និងការប្រឈមនានាដែលបានជួបប្រទះ កន្លងមកដាក់ជូនគ្រូឧទ្ទេសនាមវគ្គបណ្ដុះ បណ្ដាលជួយបកស្រាយ កែតម្រូវ និង ផ្ដល់អនុសាស៍ ព្រមទាំង ចែករំលែកចំណេះ ដឹងថ្មីៗយកទៅអនុវត្ដនៅតាមអង្គភាព របស់ខ្លួន ។
ចំណេះដឹងពីវគ្គបណ្ដុះបណ្ដាលនេះនឹង ចូលរួមចំណែកជួយដល់នាយកដ្ឋាន និង មន្ទីរតាមបណ្ដាលខេត្ដ-រាជធានីឱ្យមាន ភាពជឿនលឿន រឹងមាំក្នុងការបង្កើត សូចនាករ ការធ្វើផែនការយុទ្ធសាស្ដ្រ ថវិកា និងថវិកាតាមកម្មវិធីឱ្យមាន សង្គតភាពទៅនឹងច្បាប់ប្រព័ន្ឋហិរញ្ញវត្ថុ ប្រទេសកម្ពុជា ផែនការយុទ្ធសាស្ដ្រ អភិវឌ្ឍន៍ជាតិ និងឯកសារច្បាប់មួយ ចំនួនទៀតពាក់ព័ន្ឋនឹងកិច្ចការទាំងនេះ ៕
.jpg)
.jpg)
