ថ្ងៃទី ២៨ ខែកញ្ញា ឆ្នាំ ២០១២ វេលាម៉ោង ០៨:៣០នាទី នៅវិមានសន្តិភាពនៃទីស្តីការគណៈរដ្ឋមន្រ្តី នឹងមានបើកសម័យប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាក្នុងអាណត្តិទី៤ ដើម្បីពិភាក្សាលើរបៀបវារៈដូចខាងក្រោម៖
១- សេចក្តីព្រាងច្បាប់ ស្តីពីការបង្កើតឧត្តមក្រុមប្រឹក្សាការពារជាតិ ។
២-សេចក្តីព្រាងព្រះរាជក្រឹត្យ ស្តីពីការបង្កើតក្រុមប្រឹក្សាជាតិអភិវឌ្ឍន៍បៃតង និងសេចក្តី ព្រាងអនុក្រឹត្យ ស្តីពីការរៀបចំ និងការប្រព្រឹត្តទៅរបស់អគ្គលេខាធិការដ្ឋាននៃក្រុម ប្រឹក្សាជាតិអភិវឌ្ឍន៍បៃតង ។
៣-សេចក្តីព្រាងអនុក្រឹត្យ ស្តីពីការរៀបចំ និងការប្រព្រឹត្តទៅរបស់អគ្គលេខាធិការដ្ឋាន នៃគណៈកម្មាធិការជាតិគ្រប់គ្រង និងអភិវឌ្ឍន៍តំបន់ឆ្នេរសមុទ្រកម្ពុជា ។
៤-បញ្ហាផ្សេងៗ៖ សំណើសុំការយល់ព្រមពីគណៈរដ្ឋមន្ត្រី ដើម្បីសុំសច្ចាប័នពីស្ថាប័ន នីតិប្បញ្ញត្តលើ ៖
៤.១-កិច្ចព្រមព្រៀង ស្តីពីការបង្កើតវិទ្យាស្ថានអភិវឌ្ឍន៍បៃតងសកល
៤.២-អនុសញ្ញាអន្តរជាតិ ស្តីពីនិយ័តកម្មនៃការនេសាទបាឡែន ។
អាស្រ័យហេតុនេះសូមសាធារណៈមតិជាតិ និងអន្តរជាតិជ្រាបជាព័ត៌មាន។
រាជធានីភ្នំពេញថ្ងៃទី២៧ ខែកញ្ញា ឆ្នាំ២០១២
-របៀបវារៈនេះអាចនឹងមានការកែប្រែ នៅក្នុងករណីជាក់ស្តែង។