រាជធានីភ្នំពេញ ថ្ងៃទី២៦ ខែកញ្ញា ឆ្នាំ២០១២šš
- ឯកឧត្ដម Pan Guangxue ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា
- ឯកឧត្ដម លោកជំទាវ ឯកអគ្គរាជទូត ឯកអគ្គរដ្ឋទូត
- ឯកឧត្ដម លោកជំទាវ សមាជិក សមាជិកា ព្រឹទ្ធសភា រដ្ឋសភា និងរាជរដ្ឋាភិបាល
- ឯកឧត្ដម លោកជំទាវ អស់លោក លោកស្រី ភ្ញៀវកិតិ្តយសទាំងអស់ជាទីមេត្រី
ថ្ងៃនេះ ខ្ញុំមានកិត្តិយស និងសេចក្តីសោមនស្សរីករាយចូលរួមជាមួយ ឯកឧត្តម លោកជំទាវ អស់លោក លោកស្រី ភ្ញៀវកិត្តិយសទាំងអស់ ក្នុងពិធីប្រារព្ធខួបលើកទី៦៣នៃការបង្កើតសាធារណរដ្ឋប្រជាមានិតចិនដ៏មហោឡារិកនាពេលនេះ។ ក្នុងនាមរាជរដ្ឋាភិបាល និងក្នុងនាមប្រជាជនកម្ពុជានៅទូទាំងប្រទេស ខ្ញុំសូមយកឱកាសនេះជូនពរបវរមហាប្រសើរ និងសូមសម្តែងនូវសុច្ឆន្ទៈរបស់រាជរដ្ឋាភិបាល និងប្រជាជនកម្ពុជា ជូនចំពោះរដ្ឋាភិបាល និងប្រជាជនទាំងអស់នៃសាធារណរដ្ឋប្រជាមានិតចិន។
រដ្ឋាភិបាល និងប្រជាជនយើងពិតជាមានមោទនភាពយ៉ាងខ្លាំងដែលចំណងមិត្តភាពរបស់យើងត្រូវបានពង្រឹង និងលើកកម្ពស់ឱ្យដល់កម្រិត “ដៃគូរជាយុទ្ធសាស្រ្តគ្រប់ជ្រុងជ្រោយ“។ ខ្ញុំពិតជាមានជំនឿយ៉ាងមុតមាំថា ចំណងមិត្តភាពដ៏យូរអង្វែងរវាងប្រទេស និងប្រជាជនយើងទាំងពីរ ដែលត្រូវបានពង្រឹង និងពង្រីក តាមរយៈចំណងការទូតអស់រយៈពេល ៥៤ឆ្នាំកន្លងមក trengthened and expanded by our 52 years of នឹងក្លាយជាមរតកដ៏មានតម្លៃសម្រាប់ជនជំនាន់ក្រោយ។
ឯកឧត្ដម លោកជំទាវ អស់លោក លោកស្រី
ដើម្បីជាសក្ខីភាពដ៏ថ្លៃថ្លា ខ្ញុំសូមអញ្ជើញ ឯកឧត្តម លោកជំទាវ អស់លោក លោកស្រី ភ្ញៀវកិត្តិយសទាំងអស់ លើកកែវឡើង ដើម្បីជូនពរ និងថ្វាយព្រះពរ៖
- សុខភាពល្អ និងជោគជ័យជូនដល់ ឯកឧត្តម Hu Jintao ប្រធានាធិបតីនៃសាធារណរដ្ឋប្រជាមានិតចិន
- ព្រះរាជសុខភាពល្អថ្វាយដល់ព្រះករុណា ព្រះបាទ សម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រមទាំងព្រះករុណា ព្រះបាទ សម្ដេច ព្រះនរោត្ដម សីហនុ ព្រះមហាវីរៈក្សត្រ និងសម្ដេចព្រះមហាក្សត្រី នរោត្ដម មុនិនាថ សីហនុ
- ចំណងមិត្តភាពដ៏យូរអង្វែង រវាងសាធារណរដ្ឋប្រជាមានិតចិន និងព្រះរាជាណាចក្រកម្ពុជា
- សុខភាពល្អ ជោគជ័យ និងសុភមង្គលជូនដល់ ឯកឧត្តម លោកជំទាវ អស់លោក លោកស្រី ភ្ញៀវកិត្តិយសទាំងអស់ ដែលមានវត្តមានក្នុងពិធីនេះ។
សូមអរគុណ